Iragarkia

60. ALDIZKARIA - 2010eko maiatzaren 17a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

URZAINKI

3. aldaketa (xehakatua) Hirigintzako Udal Planean.
Behin betiko onespena

2010eko martxoaren 25eko osoko bilkuran onetsi zen behin betiko 3. aldaketa Urzainkiko Hirigintzako Udal Planean, hirigintzako antolamendu xehakatuko determinazioei dagokienez, 3. poligonoko 68 eta 69. lurzatietan (U0-3) eragina duena, Ana Rosario Landa Pasquelek sustaturik; ondotik ematen da aditzera haren xedapen zatia, Toki Araubideko Oinarriak arautzen dituen apirilaren 2ko 7/1985 Legearen 70. artikuluak eta Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.ak xedatzen dutenari jarraikiz.

Orain aldatuko den Udal Planaren testu osoa 2003ko 138. Nafarroako Aldizkari Ofizialean argitaratu zen, urriaren 29an.

Urzainkin, 2010eko apirilaren 15ean.-Alkate udalburua, José María Baines Conget.

3. aldaketa (xehakatua)
Urzainkiko Hirigintzako Udal Planean

Urzainkiko Hirigintzako Udal Planeko araudi partikularreko I. tituluko (Hiri lurzoruaren araubidea) III. kapituluko (Jarduketak, zabalpeneko hiri lurzoruan) 7. artikulua aldatuko da. Hona hemen idazketa berria:

7a. artikulua. 3A unitate antolatua (U.O.-3A).

Lurzoruaren lagapena, unitatearen hegoaldean doan oinezkoendako bidea handitzeko.

Hornidura, saneamendu, argindar eta argiteria sareak zabaltzea.

Unitatearen ipar-mendebaldean gaur egun bidetako den zorua bere horretan uztea, egungo azalera eta toki beretan; gisa hartara, etxebizitzek lurzatian duten tokiagatik hirigintzako koherentzia dela-eta eraikuntzak azalera horren parte bat okupatzen badu, ondo-ondoan laga beharko da okupatzen den bezainbateko azalera, erabilera eta jabari publikoko bidetako.

Lurraren sestra naturalak aldatuz gero, eusteko sistemek bat eginen dute Urbanizazioko Araudi Orokorrean ezarriarekin, eta landaretza berrituko da hemengo espezieak erabilita, aipatu araudiaren baldintzen arabera. Nolanahi ere, lurrerauzketak edo betelanak egiten badira, landaretza berrituko da hemengo espezieak erabilita edo egungo landare geruza berriz ere jarrita.

Nahitaezko lerrokadura Irabarne karrikaren ertzetik metro batera egonen da.

Gehieneko sakonera eraikigarria, 10 metro, Irabarne karrikako frontearen nahitaezko lerrokaduratik kontatuta, lurzatian eraikuntza lurperatzea ahal dela galarazteko; gisa horretara, bizigarritasun baldintza egokiak erdietsiko dira eta, aldiz, galaraziko da eusteko elementuak agertzea, Udal Planeko ordenantzetan ezarri baino garaiera handiagoa dutenak.

7b artikulua. 3B unitate antolatua (U.O.-3B).

Lurzoruaren lagapena, unitatearen hegoaldean eta ekialdean oinezkoendako dauden bideak handitzeko eta urbanizatzeko.

7c artikulua. Kudeaketa. Lagapenak eta urbanizazioa 3B (U.O.-3B) eta 3A (U.O.-3A) unitate antolatuetan.

Hirigintzaren kudeaketaz den bezainbatean, bi exekuzio unitateetako lurzoruaren sailkapena hirilur finkatu gabea da, eta Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 137. artikuluarekin bat, jarduketa sistematikoen bidez garatu beharko da. Beraz, proposatzen den sistema borondatezko birzatiketa da (jabe bakarra baita unitate bakoitzean).

Birzatiketa proiektuek hirigintzako aprobetxamenduan Administrazioari dagokion %10aren lagapena jasoko dute, baita hura zenbatuko ere; hura ordaina dirutan emanez gauzatzen ahalko da.

Unitate bakoitzak Hirigintzako Araudi Partikularraren arabera dagokion urbanizazioaren erantzukizuna izanen du. Urbanizazio horretarako baldintzak behar den proiektuan zehaztuko dira; horren ordez, U.O.-3A unitatearen kasuan, kapitulu berariazko bat aurkezten ahalko da, obra proiektuaren barnean, ondoriozko lurzatian eraikitzeko lehen eskaerarako.

Urbanizazio lanak Udalak ezartzen dituen baldintza partikularrei jarraikiz eginen dira eta, nolanahi ere, lurzatian eraiki aitzin edo eraikuntza lanekin batean egin beharko dira; orobat, buruturik egon beharko dute, eta Administrazioak horien harrera egiteko maneran, lehen aldiz erabiltzeko lizentziak edo jarduera lizentziak ematen hasi baino lehen.

Iragarkiaren kodea: L1006972