1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
582/2010 EBAZPENA, apirilaren 21ekoa, Nafarroako Unibertsitate Publikoko errektoreak emana, Luis Fernando Muga Caperos "Finantza Ekonomia eta Kontabilitatea" jakintza-arloko unibertsitateko irakasle titular izendatzen duena.
Ikusirik otsailaren 3ko 136/2010 Ebazpena (otsailaren 20ko E.A.O.), unibertsitate irakaskidegoetako zazpi lanpostu betetzeko lehiaketarako deia egin zuena.
Ikusirik lehiaketa epaitu duen Batzordeak 2010eko apirilaren 14an egindako proposamena, "Finantza Ekonomia eta Kontabilitatea" jakintza-arloan Nafarroako Unibertsitate Publikoko unibertsitateko irakasle titular izateko lanpostua, 4015 kodeduna eta Enpresen Kudeaketa Sailari atxikia, betetzeari buruz, eta interesdunak aurkeztu duenez deialdiaren hamargarren oinarriak aipatzen duen dokumentazioa.
Aurrekoagatik guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan, eta Estatutuen 40. artikuluan esleituta dauzkadan eskumenak betez.
EBATZI DUT:
Lehena.-Luis Fernando Muga Caperos Nafarroako Unibertsitate Publikoko unibertsitateko irakasle titular izendatzea. Lanpostua "Finantza Ekonomia eta Kontabilitatea" jakintza-arlokoa da, 4015 kodea du, eta Enpresen Kudeaketa Sailari atxikitzen zaio.
Bigarrena.-Gehienez ere 20 egun balioduneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Hirugarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektoreari zuzenduta, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2010eko apirilaren 21ean.-Errektorea, Julio Lafuente López.
Iragarkiaren kodea: F1007554
