4. PROZEDURA JUDIZIALAK
IRUÑEKO LAN ARLOKO 2. EPAITEGIA
Jakinarazpen ediktua. 881/2008 demanda
Aránzazu Ballesteros Pérez de Albéniz andreak, Iruñeko Lan arloko 2. Epaitegiko idazkariak,
Aditzera ematen dut: Javiera Ansorena Arzozek eskaturik, Gizarte Segurantzako Institutu Nazionalaren, Gizarte Segurantzaren Diruzaintza Nagusiaren, Mutua Fraternidaden (Muprespa), Ruiz de Alda Sociedad Anónimaren eta Axa Sociedad Anónima de Seguros y Reasegurosren aurka, lan istripuetarako gizarte segurantza dela-eta, lan arloko epaitegi honetan bideratu den 0000881/2008 prozeduran, xedapen zatian hauxe dioen ebazpena eman da gaurko egunean:
Epaitza:
Axa Seguros Generales S.A. de Seguros y Reasegurosek egindako preskripzioaren salbuespena ezetsi ondoren, baiesten dut jarduketa hauek eragin dituen demanda, hots, Javiera Ansorena Arzoz andreak Gizarte Segurantzako Institutu Nazionalaren, Gizarte Segurantzaren Diruzaintza Nagusiaren, Ruíz de Alda S.A. enpresaren eta Axa Seguros Generales S.A. de Seguros y Reasegurosen aurka laneko istriputik ondorioztatutako protesiei dagokienez jarritakoa, eta kondenatzen ditut demandatuak deklarazio horri men egitera eta Axa Seguros Generales S.A. de Seguros y Reaseguros, demandatzaileari 3.200 euroko zenbatekoa ordaintzera, aseguru-etxe hori kaudimengabezian egotekotan Gizarte Segurantzako Institutu Nazionalak edo Gizarte Segurantzaren Diruzaintza Nagusiak duen erantzukizunari kalterik egin gabe.
Auzi-jartzaileak atzera egin du La Fraternidad mutualitatearen aurkako erreklamazioan.
Beraz, epai honen bidez, behin betiko epaituz, hori erabaki, agindu eta sinatzen dut.
Eginbidea.-Jakinaraz bekie epaia alderdi guztiei, adieraziz haren aurka erregutze-errekurtsoa jar daitekeela Nafarroako Justizia Auzitegi Nagusiko Lan arloko Salari zuzendua, jakinarazi eta ondoko bost egun balioduneko epean. Horretarako aski izanen da epaia jakinaraztean alderdiak, haren abokatuak edo ordezkariak asmo horren berri ematea. Zilegi izanen da, orobat, adierazitako epean pertsona horiek bertan agertzea edo idazkia aurkeztea. Errekurtsoaren berri ematean, alderdi errekurtsogileak errekurtsoa zuzenduko duen legelari bat izendatu beharko du.
Enpresari ohartarazten zaio, errekurtsoa jarriz gero, horren iragarkiarekin batera, Lan arloko epaitegi honek Banesto taldean (Banco Español de Crédito, S.A., Banco de Vitoria, S.A.) irekita duen Gordailu eta Kontsignazioen kontuan 150,25 euro sartu izanaren egiaztagiria aurkeztu beharko duela. Kontua Iruñeko Nafarroako Gorteak kaleko 5ean dagoen sukurtsalekoa da (3159 kontua, 3159 0000 65 088108 prozedura).
Halaber, banku eta kontu berean baina aparteko eragiketa batean kondenaren diru kopurua sartu izanaren egiaztagiria aurkeztu beharko du, 3159 0000 67 088108 prozedura zenbakia adieraziz. Diru kopuru horren ordez banku-abala aurkez daiteke, abal-emailearen erantzukizun solidarioa jaso beharko duena. Jakinarazi izanaren frogagarri, sinatu dute eta horren fede ematen dut.
Ruiz De Alda Sociedad Anónimari legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2010eko apirilaren 15ean.-Idazkari judiziala, Aránzazu Ballesteros Pérez de Albéniz.
Iragarkiaren kodea: J1006924
