4. PROZEDURA JUDIZIALAK
IRUÑEKO LAN ARLOKO 1. EPAITEGIA
Jakinarazpen ediktua. 542/2009 demanda
Jon González Llerenek eskaturik, lan istripuetarako gizarte segurantza dela-eta, Montajes Tabiven, S.L. enpresaren, Gizarte Segurantzako Institutu Nazionalaren, Gizarte Segurantzaren Diruzaintza Orokorraren, Mutua Navarraren eta konkurtso-administrazioaren aurka lan arloko epaitegi honetan bideratu den 542/2009 demanda-prozeduran, epaitzan hauxe dioen ebazpena eman da gaurko egunean:
Baiesten dut Jon González Llerena jaunak, laneko istripuarengatiko aldi baterako ezintasuna dela-eta, Montajes Tabiven, S.L. enpresaren, konkurtsoko administratzaile Miguel Gabilondo Lapeyra jaunaren, Gizarte Segurantzako Institutu Nazionalaren, Gizarte Segurantzaren Diruzaintza Orokorraren eta Mutua Navarraren aurka jarritako demanda eta, horrenbestez, deklaratzen dut demandatzaileak aldi baterako ezintasuneko sorospena jasotzeko eskubidea duela 2009ko martxoaren 4tik 2009ko apirilaren 1era bitarteko baja-aldiarengatik eta, horrez gain, Mutua Navarra kondenatzen dut demandatzaileari 1.137,08 euro gordin ordaintzera. Gainerako demandatuak deklarazio horri men egitera kondenatzen ditut.
Jakinaraz bekie epaia alderdiei, eta ohartarazi haren aurka ezin dela inolako errekurtsorik jarri forma urratzearen ondoriozko erregutze-errekurtsoa izan ezik, Lan Prozedurari buruzko Legearen 189.1 artikuluko d) letraren arabera.
Beraz, epai honen bidez, hori erabaki, agindu eta sinatzen dut.
Eta demandatutako enpresari legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2010eko apirilaren 14an.-Idazkari judiziala, Rosa M. Valencia Ederra.
Iragarkiaren kodea: J1006685
