Iragarkia

56. ALDIZKARIA - 2010eko maiatzaren 7a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

286/2010 FORU AGINDUA, apirilaren 26koa, Lehendakaritza, Justizia eta Barneko kontseilariak emana, otsailaren 16ko 70/2009 Foru Agindua aldatzen duena. Foru agindu horren bidez Nafarroako Foruzaingoko Trafiko eta Bide Segurtasunaren Arloa garatu zen, brigadetan eta taldeetan.

Lehendakaritza, Justizia eta Barneko kontseilariak otsailaren 16an emandako 70/009 Foru Aginduaren bidez, Nafarroako Foruzaingoko Trafiko eta Bide Segurtasunaren Arloaren egitura garatu zen, brigadetan eta taldeetan.

Nafarroako Gobernuak 2009ko irailaren 21ean hartutako Erabakiaren bidez, Nafarroako Foru Komunitateko Administrazioan eta haren erakunde autonomoetan dauden administrazio unitateak murrizteko agindu zen eta adierazi Foru Komunitateko Administrazioaren departamentuetako bakoitzak Nafarroako Gobernuari proposatu behar zizkiola bere egitura organikoan egin beharreko aldaketak. Zehazki, Lehendakaritza, Justizia eta Barne Departamentuari 25 unitate organiko kentzea dagokio.

Erabaki hura ikusirik, foru agindu honen xedea da Nafarroako Foruzaingoko Trafiko eta Bide Segurtasunaren Arloaren egitura organiko berria ezartzea, brigaden eta taldeen maila arte.

Horrenbestez, Barneko zuzendari nagusiak proposaturik, Nafarroako Foruzaingoaren Antolamenduari eta Funtzionamenduari buruzko Erregelamendua onetsi zuen uztailaren 26ko 265/2004 Foru Dekretuaren 12.2 artikuluaren bidez esleiturik ditudan ahalmenak erabiliz,

AGINDU DUT:

Artikulu bakarra.-Lehendakaritza, Justizia eta Barneko kontseilariak otsailaren 16an emandako 70/009 Foru Aginduaren aldaketa. Foru agindu horren bidez, Nafarroako Foruzaingoko Trafiko eta Bide Segurtasunaren Arloa garatu zen, brigaden eta taldeen maila arte.

Lehendakaritza, Justizia eta Barneko kontseilariaren otsailaren 16ko 70/2009 Foru Aginduaren 1. eta 5. artikuluak eta eranskina aldatzen dira. Honela idatzita geldituko dira:

"1. artikulua. Arloari atxikitako taldeak.

Trafiko eta Segurtasunaren Arloaren menpe zuzenean, Bide Segurtasuneko eta Trafikoko Ekintzak Planifikatzeko Taldea.

5. artikulua. Atestatuen eta Ikerketaren Dibisioaren izaera.

Atestatuen eta Ikerketaren Dibisioa unitate zentrala izanen da".

ERANSKINA

Xedapen indargabetzaile bakarra.-Arauak indargabetzea.

Lehendakaritza, Justizia eta Barneko kontseilariak otsailaren 16an emandako 70/2009 Foru Aginduaren 3. artikulua indarrik gabe utzi da eta, orobat, foru agindu honetan xedatutakoari aurka egiten dioten maila bereko edo baxuagoko xedapenak. Foru agindu horren bidez Trafiko eta Bide Segurtasunaren Arloa garatu zen, brigadetan eta taldeetan.

Azken xedepen bakarra.-Indar hartzea.

Foru agindu honek Nafarroako Aldizkari Ofizialean argitara eman eta biharamunean hartuko du indarra.

Iruñean, 2010eko apirilaren 26an.-Lehendakaritza, Justizia eta Barneko kontseilaria, Javier Caballero Martínez.

Iragarkiaren kodea: F1007455