Iragarkia

56. ALDIZKARIA - 2010eko maiatzaren 7a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

284/2010 FORU AGINDUA, apirilaren 26koa, Lehendakaritza, Justizia eta Barneko kontseilariak emana, otsailaren 16ko 68/2009 Foru Agindua aldatzen duena. Foru agindu horren bidez Nafarroako Foruzaingoko Barne Segurtasunaren eta Polizia Administratiboaren Arloa garatu zen, brigadetan eta taldeetan.

Otsailaren 16ko 68/2009 Foru Aginduaren bidez Nafarroako Foruzaingoko Barne Segurtasunaren eta Polizia Administratiboaren Arloa garatu zen, brigadetan eta taldeetan.

Nafarroako Gobernuak 2009ko irailaren 21ean hartutako Erabakiaren bidez, Nafarroako Foru Komunitateko Administrazioan eta haren erakunde autonomoetan dauden administrazio unitateak murrizteko agindu zen eta adierazi Foru Komunitateko Administrazioaren departamentuetako bakoitzak Nafarroako Gobernuari proposatu behar zizkiola bere egitura organikoan egin beharreko aldaketak. Zehazki, Lehendakaritza, Justizia eta Barne Departamentuari 25 unitate organiko kentzea dagokio.

Erabaki hura ikusirik, foru agindu honen xedea da Nafarroako Foruzaingoko Barne Segurtasunaren eta Polizia Administratiboaren Arloaren egitura organiko berria ezartzea, brigadetan eta taldeetan.

Horrenbestez, Barneko zuzendari nagusiak proposaturik, Nafarroako Foruzaingoaren Antolamenduari eta Funtzionamenduari buruzko Erregelamendua onetsi zuen uztailaren 26ko 265/2004 Foru Dekretuaren 12.2 artikuluaren bidez esleiturik ditudan ahalmenak erabiliz,

AGINDU DUT:

Artikulu bakarra.-Lehendakaritza, Justizia eta Barneko kontseilariak otsailaren 16an emandako 68/2009 Foru Agindua aldatzea. Foru agindu horren bidez Nafarroako Foruzaingoko Barne Segurtasunaren eta Polizia Administratiboaren Arloa garatu zen, brigadetan eta taldeetan.

Lehendakaritza, Justizia eta Barneko kontseilariaren otsailaren 16ko 68/2009 Foru Aginduaren 3. eta 8. artikuluak eta eranskina aldatzen dira. Honela idatzita geldituko dira:

3. artikulua. Taldeak.

Bere eginkizunak hobeki gauzatzeko, Instalazioak eta Atxilotuak Babesteko Brigadak talde hauek izanen ditu bere baitan:

a) Justiziako Taldea.

b) Parlamentuko Taldea.

c) Jauregiko Taldea.

d) Atxilotuak Zaindu eta Lekualdatzeko Taldea.

8. artikulua. Taldeak.

Bere eginkizunak hobeki gauzatzeko, Ingurumena Babesteko Brigadak talde hauek izanen ditu bere baitan:

a) Ingurumeneko 1. Taldea.

b) Ingurumeneko 2. Taldea".

ERANSKINA

Xedapen indargabetzaile bakarra.-Arauak indargabetzea.

Indarrik gabe uzten dira foru agindu honetan ezarritakoari kontra egiten dioten maila bereko edo baxuagoko xedapenak.

Azken xedepen bakarra.-Indar hartzea.

Foru agindu honek Nafarroako Aldizkari Ofizialean argitara eman eta biharamunean hartuko du indarra.

Iruñean, 2010eko apirilaren 26an.-Lehendakaritza, Justizia eta Barneko kontseilaria, Justicia e Interior, Javier Caballero Martínez.

Iragarkiaren kodea: F1007453