1. NAFARROAKO FORU KOMUNITATEA
1.7. BESTELAKOAK
415/2010 EBAZPENA, otsailaren 25ekoa, Ingurumenaren eta Uraren zuzendari nagusiak emana, Ingurumen baimen integratua ematen duena Erriberriko udal mugapean hondakin arriskugarriak eta ez-arriskugarriak bildu eta transferitzeko zentro baterako. Titularra Asistencia Medioambiental, S.L. da.
Espedientea:
Espediente mota: ingurumen baimen integratua.
Espedientearen kodea: 1149/06 (ACCLA).
Aplikazio araua: Ingurumena Babesteko Esku-hartzeari buruzko 4/2005 Foru Legea.
Eranskina eta epigrafea: 2A - 14. 2.B eranskinean ageri ez diren hondakin arriskugarriak kudeatzeko eragiketak.
Jarduera: hondakin arriskugarriak eta ez-arriskugarriak bildu eta transferitzeko zentroa.
Sustatzailea: Asistencia Medioambiental, S.L.
Tokia: industrialdea, Beireko etorbidea, zk.g., 9. poligonoa, 724. eta 725. lurzatiak.
Zentroaren zenbakia: 3119101645.
UTM koordenatuak (Huso 30N, Datum ED50) X = 611405; Y = 4703358.
Udalerria: Erriberri.
Proiektua: Ingurumen baimen integratuaren eskaera.
Eskaeraren data:06-12-28.
2006ko abenduaren 28an, Asistencia Medioambiental, S.L.k Ingurumen baimen integratua eskatu zuen Ingurumen, Lurraldearen Antolamendu eta Etxebizitza Departamentuan, Erriberrin duen industria instalaziorako.
Lehendik dagoen instalazio hori Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduaren 2A eranskineko 14. epigrafean jasota dago, hots, "2.B eranskinean ageri ez diren hondakin arriskugarrien kudeaketa" izenekoan, eta horren ondorioz, Ingurumen baimen integratuaren araubidearen menpe dago. Erregelamendu hori abenduaren 28ko 93/2006 Foru Dekretuaren bidez onetsi zen.
Industria establezimendua ez dago ekainaren 16ko 1254/1999 Errege Dekretuaren aplikazio eremuan. Dekretu horrek istripu larriek sortzen dituzten arriskuak kontrolatzeko neurriak onetsi zituen, gai arriskugarriak tarteko diren kasuetarako.
Egin den tramitazio administratiboaren laburpena ebazpen honen V. eranskinean dago. Jendaurreko epean ez da alegaziorik aurkeztu.
Ingurumen arloko eskumenak Ingurumenaren eta Uraren zuzendari nagusiari, Biodibertsitatea Zaintzeko Zerbitzuko zuzendariari eta Ingurumen Kalitatearen Zerbitzuko zuzendariari eskuordetzen dizkien urriaren 10eko 426/2007 Foru Dekretuaren bidez eskuratu ditudan ahalmenak erabiliz,
EBATZI DUT:
1. Ingurumen baimen integratua ematea Erriberriko udal mugapean hondakin arriskugarriak eta ez-arriskugarriak bildu eta transferitzeko zentro baterako. Titularra Asistencia Medioambiental, S.L. da.
2. Jarduera hori Ingurumen baimen integratuaren eskaeraren oinarrizko proiektuan eta 271/05 espediente administratiboko gainerako agirietan aipatzen diren baldintzei jarraikiz gauzatu beharko da, betiere ebazpen honen II., III. eta IV. eranskinetako neurriak betez.
3. Ingurumen baimen integratu honek zortzi urteko indarraldia du. Iraungi baino gutxienez ere hamar hilabete lehenago, titularrak baimena berritzeko eskatu beharko du, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 30. artikuluan xedaturikoarekin bat. Erregelamendu hori abenduaren 28ko 93/2006 Foru Dekretuak onetsi zuen.
4. Jarduera edonola ere aldatzeko, titularrak aldez aurretik Landa Garapeneko eta Ingurumeneko Departamentuari jakinarazi beharko dio. Arrazoiak emanda, adierazi beharko du aldaketa funtsezkoa, nabarmena edo garrantzirik gabea den, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduan xedatutakoarekin bat. Erregelamendu hori abenduaren 28ko 93/2006 Foru Dekretuak onetsi zuen.
5. Instalazioa hondakin arriskugarrien kudeatzaileen erregistroan inskribatzea 15G02191016452001 zenbakiarekin, hondakin arriskugarriak kudeatzen dituen zentro gisa. Kudeatzen ahalko dituen hondakin arriskugarriak Ingurumen baimen integratuaren IV. eranskinean ageri dira. Hondakin arriskugarrien kudeaketan egiten diren aldaketak jakinarazi egin beharko dira, erregistratzeko eta, bidezkoa bada, aipatu IV. eranskin horretan sartzeko.
6. Instalazioa hondakin ez-arriskugarrien kudeatzaileen erregistroan inskribatzea 15G05191016452007 zenbakiarekin, hondakin ez-arriskugarriak kudeatzen dituen zentro gisa. Ingurumen baimen integratuaren IV. eranskinean ageri dira kudeatzen ahalko dituen hondakin ez-arriskugarriak. Hondakinen kudeaketan egiten diren aldaketa guztiak jakinarazi behar dira, erregistratzeko eta, bidezkoa bada, lehen aipatutako IV. eranskinean sartzeko.
7. Instalazioa hondakin arriskugarrien hirugarrenen konturako garraiolari gisa inskribatzea 15T01191016452009 zenbakiarekin, eta hondakin ez-arriskugarrien garraiolari gisa, 15T02191016452009 zenbakiarekin. Egiten diren aldaketa guztiak jakinarazi egin beharko dira, erregistratzeko eta, bidezkoa bada, aipatu den inskripzioan sartzeko.
8. Hondakin arriskugarriak ahalik eta gehien gutxitzeko plana onetsi da (planeko neurriak titularrak aurkeztutako dokumentazioan sartu dira), ekainaren 20ko 952/1997 Errege Dekretuaren bigarren xedapen gehigarrian xedaturikoarekin bat.
9. 2010eko urriaren 1a baino lehenago, titularrak irekitzeko baimena eskatu beharko du, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduaren 40. artikuluan eta ebazpen honen II. eranskinean ezartzen diren baldintzetan xedatutakoarekin bat. Aipatutako erregelamendua abenduaren 28ko 93/2006 Foru Dekretuaren bidez onetsi zen.
10. Departamentu honek araudi sektorial aplikagarriaren ondorioz baimenaren xede den jarduera edo instalaziorako emandako baimenak eta gainerako administrazio egintzak indarrik gabe uztea, betiere ebazpen honetan haiei buruz espresuki egindako adierazpenik badago.
11. Ebazpen hau Nafarroako Aldizkari Ofizialean argitaratzea.
12. Ebazpen honek ez du administrazio bidea amaitzen eta espedientean interesa dutenek, administrazio publikoek izan ezik, horren kontra gora jotzeko errekurtsoa jartzen ahal dute, Nafarroako Gobernuari zuzendua, hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epe horiek ebazpen honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen.
13. Ebazpen hau jakinaraztea Asistencia Medioambiental, S.L.ri, Erriberriko Udalari, Ingurumen Kalitatearen Zerbitzuari eta Nafarroako Larrialdietako Agentziako Babes Zibilerako Zuzendaritzari, behar diren ondorioak izan ditzan.
Iruñean, 2010eko otsailaren 25ean.-Ingurumenaren eta Uraren zuzendari nagusia, Andrés Eciolaza Carballo.
Oharra: ebazpen honetan aipatzen diren eranskinak interesdunen eskura daude Ingurumenaren eta Uraren Zuzendaritza Nagusiaren bulegoetan (Iruñeko Armada etorbidea, 2, behea, 7. solairua, Ingurumen Kalitatearen Zerbitzua) eta Nafarroako Gobernuaren web atarian, hain zuzen ere Landa Garapeneko eta Ingurumeneko Departamentuaren sailean, "Ingurumen baimenak" kontsulten atalean.
Iragarkiaren kodea: F1003917
