1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
196/2010 EBAZPENA, otsailaren 15ekoa, Arriskuen Prebentziorako eta Lanaren zuzendari nagusiak emana, Nafarroako "Harzurigintza" sektorearen hitzarmeneko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 13/2010).
Departamentu honetan 2010eko otsailaren 10ean sartu da Nafarroako "Harzurigintza" sektorearen lan hitzarmen kolektiboko soldaten berrikuspenari buruzko akordioa, 2010. urteari dagokiona, negoziazio batzordeak hitzarmen hartan xedatutakoa betez izenpetu eta onetsia (hasierako espedientearen zenbakia: 51/2008).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan daude ezarrita. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,
EBATZI DUT:
1. Nafarroako "Harzurigintza" sektorearen lan hitzarmen kolektiboko soldaten berrikuspenari buruzko akordioa erregistratzea (hitzarmenaren kodea: 3100305), Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestatuta dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Ebazpen hau Negoziazio Batzordeari jakinaraztea, eta adieraztea ebazpenak ez duela administrazio bidea amaitzen eta honen aurka gora jotzeko errekurtsoa jartzen ahal dela, Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2010eko otsailaren 15ean.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO "HARZURIGINTZA" SEKTOREAREN LAN HITZARMEN KOLEKTIBOKO 2010. URTEKO SOLDATEN BERRIKUSPENA
AKTA.
Behean sinatzen dutenak, Agrupación de Alabastro de Navarra elkartearen, UGT sindikatuko Metalgintza, Eraikuntza eta Antzekoen Federazioaren (MCA-UGT), CCOO sindikatuko Eraikuntza, Zurgintza eta Antzekoen Federazioaren (FECOMA-CCOO) eta langileen ordezkariak, bildu dira eta,
Erabaki dute:
1. Harzurigintzaren sektoreko 2010. urterako soldaten taulak sinatzea, Harzurigintzaren hitzarmeneko 29. artikuluan xedatutakoari jarraikiz, zeinetan zehazten baita igoera KPI erreala gehi 1,20 puntu izanen dela (0,80 + 1,20 = 2,00).
2. 2010. urtean 1.778 orduko lanaldia izanen da.
3. Honako hau da laneko istripuen eta eritasunen banakako asegurua:
Baliaezintasun iraunkor osoa: 40.950,61 euro.
Erabateko baliaezintasun iraunkorra: 15.042,63 euro.
Heriotza: 15.042,63 euro.
Beste gairik ez dagoenez, bilerari bukaera eman zaio 2010eko otsailaren 4ko 17:00etan.
Harzurigintzaren elkartea:
Enrique García Sesma.
Jesús Sesma Montes.
Oscar Marín Lozano.
FECOMA-CCOO:
Alberto Pérez.
MCA-UGT:
Israel Ochoa Santos.
Antonio Celegüeta Lozano.
HARZURIGINTZA - 2010EKO SOLDATEN TAULAK
LANBIDE
KATEGORIA | OINARRIZKO SOLDATA | HITZARMENEKO PLUSA | GUZTIRA
HILEAN | APARTEKO ORDAINSARIA |
1. mailako administrari-ofiziala | 880,63 | 288,79 | 1.169,42 | 1.169,42 |
Administrari laguntzailea | 754,28 | 256,97 | 1.011,25 | 1.011,25 |
Izangaia | 646,48 | 137,39 | 783,87 | 783,87 |
Tailerreko langile arduraduna | 882,71 | 314,36 | 1.197,07 | 1.197,07 |
Peoien arduraduna | 882,71 | 314,36 | 1.197,07 | 1.197,07 |
1. mailako ofiziala | 854,80 | 275,12 | 1.129,92 | 1.129,92 |
2. mailako ofiziala | 825,53 | 218,80 | 1.044,33 | 1.044,33 |
Laguntzailea | 798,65 | 192,68 | 991,33 | 991,33 |
Peoi espezialista | 773,79 | 191,00 | 964,79 | 964,79 |
Peoi arrunta | 748,44 | 183,80 | 932,24 | 932,24 |
Pintxea 16-18 urtekoa | 531,88 | 140,45 | 672,33 | 672,33 |
Pintxea 14-16 urtekoa | 476,81 | 128,59 | 605,40 | 605,40 |
Soldataren igoera = KPI iragana (0,80) + 1,20 = 2,00.
2010eko lanaldia: 1.778 ordu.
Baliaezintasun iraunkor osoa: 40.950,61 euro.
Erabateko baliaezintasun iraunkorra: 15.042,63 euro.
Heriotza: 15.042,63 euro.
Iragarkiaren kodea: F1003327
