2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CORTES
Espedientea Administrazioarekiko
Auzien Epaitegira igortzea
Cortesko alkate udalburuaren urtarrilaren 28ko 14/2010 ebazpena. Haren bidez, Administrazioarekiko Auzien Jurisdikzioari buruzko Legearen 48.1, 48.3 eta 48.4 artikuluetan xedatua bete beharrez eta Telefónica Móviles España, S.A.U.k Herriko jabari publikoan interes orokorreko hornidura zerbitzuak ustiatzen dituzten enpresen aprobetxamendu bereziaren tasa arautzen duen ordenantza fiskalaren kontra prozedura arruntaren bidez paratutako 15/2010 administrazioarekiko auzi-errekurtsoa ikusirik, Nafarroako Justizia Auzitegi Nagusira igorriko da errekurtso horren espediente osoa; orobat ebatzi da interesduntzat har daitezkeen guztiei horren berri ematea, eta horiek ediktu bidez epatzea, auzitaratu gisa ager daitezen eta azal daitezen bederatzi eguneko epean.
Javier Blasco Mendívil, Cortesko Udaleko alkate udalburua naizen honek,
2010eko urtarrilaren 26an jasorik (121/2010 sarrera erregistroa) 015/2010 zenbakiko prozedura arruntaren bidez administrazioarekiko auzi-errekurtsoa paratu dela aditzera emateko Nafarroako Justizia Auzitegi Nagusiaren errekerimendua, eta haren berri izanik, eta errekerimenduaren edukia bete beharrez,
Kontuan harturik 2009ko abenduaren 21ean (2265/2009 sarrera erregistroa) eta 2010eko urtarrilaren 15ean (57/2010 sarrera erregistroa) errekerimendu bana jaso direla eta bertan jakinarazi dela administrazioarekiko auzi-errekurtsoak 0551/2009 eta 014/2010 zenbakiko prozedura arruntaren bidez paratu direla ordenantza fiskal beraren kontra, prozedura arrunteko 015/2010 zenbakiko honek bezala,
EBATZI DUT:
Lehenbizikoa.-Nafarroako Justizia Auzitegi Nagusira igortzea errekurtso horren gaineko espediente osoaren kopia eginbidetua, orriak zenbakituta dituela.
Bigarrena.-Nafarroako Justizia Auzitegi Nagusiari eskatzea bil ditzala auzi bakar batean 0551/2009 zenbakiko prozedura arrunta, 014/2010 zenbakiko prozedura arrunta eta 15/2010 zenbakiko prozedura arrunta; izan ere ordenantza fiskala bera errekurritzen ari dira, Administrazioarekiko Auzien Jurisdikzioa arautzen duen uztailaren 13ko 29/1998 Legearen 33. artikuluan oinarriturik.
Hirugarrena.-Ebazpen hau Nafarroako Aldizkari Ofizialean eta Cortesko Herriko Etxeko ediktuen oholean argitaratzea, interesa izan dezaketenak azal daitezen eta auzitaratu gisa ager daitezen errekurtsoan, argitaratu eta bederatzi eguneko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59.5 artikuluaren gainean Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarritakoari jarraikiz.
Laugarrena.-Ana Muñiz Aguirreurreta auzi honetarako prokuradore izendatzea, eta Juan Tomás Rodríguez Arano, berriz, abokatu, behar den ahalmenaz hornitua.
Bosgarrena.-Ebazpen hau Nafarroako Justizia Auzitegi Nagusira igortzea, eta haren berri ematea Udalbatzari, egiten duen lehen osoko bilkura arruntean.
Cortesen, 2010eko urtarrilaren 28an.-Alkate udalburua, Javier Blasco Mendívil.
Iragarkiaren kodea: L1001532
