1. NAFARROAKO FORU KOMUNITATEA
1.7. BESTELAKOAK
1673/2010 EBAZPENA, azaroaren 8koa, Lurraldearen Antolamenduko eta Etxebizitzako zuzendari nagusiak emana, Autopistas de Navarra, S.A.k Lurraldearen Antolamenduko eta Etxebizitzako zuzendari nagusiaren ebazpenaren aurka aurkeztutako 884/2010 errekurtsoaren espedientea Administrazioarekiko Auzien Salara bidaltzeko agindua eman eta ukitutako alderdiak epatzen dituena. Ebazpen haren bidez "Abiadura Handiko Trenaren Iruñeko geltoki berriaren eremua eta antzinako tren geltokiaren eremua garatzeko udalez gaindiko plan sektoriala" argitaratzea xedatu zen.
Nafarroako Justizia Auzitegi Nagusiko buruak, 2010eko azaroaren 2ko idazkian, aditzera ematen du Autopistas de Navarra, S.A.k administrazioarekiko 884/2010 auzi-errekurtsoa aurkeztu duela Lurraldearen Antolamenduko eta Etxebizitzako zuzendari nagusiaren ebazpen baten aurka, "Abiadura Handiko Trenaren Iruñeko geltoki berriaren eremua eta antzinako tren geltokiaren eremua garatzeko udalez gaindiko plan sektoriala" argitaratzea xedatzeagatik. Administrazioarekiko Auzien Jurisdikzioari buruzko uztailaren 13ko 29/1998 Legearen 48.1., 3. eta 4. artikuluan xedatuakoari jarraikiz, presidenteak Administrazioarekiko Auzien Salari eskatu dio espediente hori igor diezaiola eta ukitutako alderdiak epaitegi horretan epatu ditu, ebazpen hau jakinarazten denetik bederatzi eguneko epean autoetan ager daitezen.
Horrenbestez, Administrazioarekiko Auzien Jurisdikzioari buruzko 29/1998 Legearen 48. eta 49. artikuluetan xedatutakoari jarraikiz, eta Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/07 Foru Dekretuaren bidez eskuordeturik ditudan ahalmenak erabiliz.
EBATZI DUT:
1. Nafarroako Justizia Auzitegi Nagusiko Administrazioarekiko Auzien Salara igortzea Autopistas de Navarra, S.A.k Lurraldearen Antolamenduko eta Etxebizitzako zuzendari nagusiaren ebazpen baten aurka ezarritako administrazioarekiko 884/2010 auzi-errekurtsoari buruzko espedientea, ebazpen hartan "Abiadura Handiko Trenaren Iruñekok geltoki berriaren eremua eta antzinako tren geltokiaren eremua garatzeko udalez gaindiko plan sektoriala" argitaratzea xedatzeagatik.
2. Sustapen Ministerioko Trenbide Zuzendaritza Nagusiari, ADIFi, Sustapen Ministerioko Abiazio Zibilaren Zuzendaritza Nagusiari, AENAri, Ebroko Ur Konfederazioari, Iruñerriko Mankomunitateari, Barañaingo, Zizur Zendeako, Iruñeko eta Zizur Nagusiko udalei, Iruñeko Udaleko Hirigintza Gerentziari, AHTren Partzuergoari eta interesdunei bederatzi eguneko epea ematea, ebazpen hau argitaratzen denetik, autoetan ager daitezen.
3. Ebazpen hau jakinaraztea Sustapen Ministerioko Trenbide Zuzendaritza Nagusiari, ADIFi, Sustapen Ministerioko Abiazio Zibilaren Zuzendaritza Nagusiari, AENAri, Ebroko Ur Konfederazioari, Iruñerriko Mankomunitateari, Barañaingo, Zizur Zendeako, Iruñeko eta Zizur Nagusiko udalei, Iruñeko Udaleko Hirigintza Gerentziari, AHTren Partzuergoari, Lehendakaritza, Justizia eta Barne Departamentuko Aholkularitza Juridikoari eta Nafarroako Justizia Auzitegi Nagusiari, behar diren ondorioak izan ditzan.
4. Ebazpen hau Nafarroako Aldizkari Ofizialean argitaratzea.
Iruñean, 2010eko azaroaren 8an.-Lurraldearen Antolamenduko eta Etxebizitzako zuzendari nagusia, Jesús Javier Ascunce Elizaga.
Iragarkiaren kodea: F1018321
