1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
385/2010 EBAZPENA, azaroaren 3koa, Lanbide Heziketaren eta Unibertsitateen zuzendari nagusiak emana, udalen musika eskoletarako diru-laguntzen bigarren ordainketa, 2010eko bigarren seihilekoari dagokiona, egiteko baimena ematen duena.
Lanbide Heziketaren eta Unibertsitateen zuzendari nagusiak uztailaren 22an emandako 236/2010 Ebazpenaren bidez, udalen musika eskoletarako diru-laguntzen deialdia, martxoaren 2ko 57/2010 Ebazpenaren bidez onetsia, ebatzi zen. Horrela, entitate titular bakoitzari 2010. urterako dagokion guztirako diru-kopurua esleitu eta lehenbiziko ordainketa, lehen seihilekoari dagokiona, egiteko baimena eman zen.
Ebazpen horretan, guztira, 2.249.998,72 euroko gastua xedatu zen 2010. urterako, musika eskolen titular diren udal entitateei diru-laguntzak emateko, eta bi alditan ordaintzeko baldintzak ezarri ziren. Laguntza horiek eskola horien funtzionamendurako gastu orokorrak partez ordaintzeko dira. Hortaz, bidezkoa da orain 2010eko bigarren seihilekoari dagokion diru-kopurua ordaintzea.
Arte Ikasketen Ataleko buruak musika eskolentzako diru-laguntzaren bigarren ordainketa, hots, 2010eko bigarren seihilekoari dagokiona, egitearen aldeko txostena aurkeztu du.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Diru-laguntzaren bigarren ordainketa egin dadila agintzea, entitate titular bakoitzari dagokion kopuruaren arabera, ebazpen honen eranskinean adierazten den bezala. Guztira 1.124.999,27 euro dira.
2. Ekonomia eta Ogasun Departamentuari eskatzea diru-laguntzaren bigarren ordainketari dagozkion kopuruen ordainketa aginduak eman ditzala, 2010eko aurrekontuko "Musika eskolentzako diru-laguntzak" izeneko 430001-43010-4609-322502 kontu-sailaren kargura (kontabilitateko espedientea: 40004000).
3. Diru-laguntzaren xede den jarduerak hartzen dituen diru-laguntza, laguntza, diru-sarrera edo baliabide bereki guztiak baturik ateratzen den zenbatekoak jardueraren kostua gainditzen badu, behar den diru kopurua itzuliko da. Egiaztapen hori egiteko, 2010. urteko aurrekontu exekutatua hartuko da aintzat.
4. Ebazpen hau eta eranskina Nafarroako Aldizkari Ofizialean argitara daitezela agintzea.
5. Ebazpen hau eta eranskina igortzea Ekonomia eta Ogasun Departamentuak Hezkuntzakoan duen kontu-hartzaile delegatuari, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Arte Ikasketen Atalari, Kudeaketa Ekonomikoaren Bulegoari eta interesdunei, behar diren ondorioak izan ditzaten.
6. Administrazioko ebazpen honen kontra administrazio publiko interesdunek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egiteko aukera, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.
Iruñean, 2010eko azaroaren 3an.-Lanbide Heziketaren eta Unibertsitateen zuzendari nagusia, Pedro González Felipe.
ERANSKINA
Udalen musika eskolentzako 2010. urteko
diru-laguntzen bigarren ordainketa
IFZ | ENTITATE TITULARRA | 2. ORDAINKETA |
P3100600J | Ablitasko Udala | 13.922,00 |
G31213598 | Altsasuko Udalaren Musika Patronatua | 17.546,55 |
P3101900C | Agoizko Musika Eskolako Patronatua | 9.318,51 |
G31282619 | Artaxoako Udalaren Musika Patronatua | 10.886,05 |
P3104200E | Azagrako Udala | 8.524,34 |
P3138600F | Barañaingo Udala | 110.066,84 |
G31255037 | Berako Udalaren "Isidoro Fagoaga" Musika Patronatua | 16.109,12 |
P3190300H | Berriozarko Udala | 28.482,17 |
P3105702I | Buñuelgo Udalaren Musika Patronatua | 5.055,78 |
G31115744 | Burlatako eta Atarrabiako Udalen Musika Patronatua | 84.554,63 |
G31279342 | Zarrakazteluko Udalaren Musika Patronatua | 4.937,70 |
V31794910 | Castejongo Musika Eskola erakunde autonomoa | 14.950,51 |
P3107100D | Cintruenigoko Udala | 24.790,58 |
G31500358 | Doneztebeko Udalaren Musika Patronatua | 7.218,13 |
P3108500D | Eguesibarko Udala | 34.285,44 |
P3105000H | Baztango Udala | 23.500,73 |
P3109600A | Lizarrako Udala | 34.497,57 |
G31255128 | Etxarri Aranazko Udalaren Musika Patronatua | 15.656,83 |
P3174900E | Zaraitzuko Batzarre Nagusia | 8.773,27 |
P3110500J | Fontellasko Udala | 2.874,86 |
P3111300D | Garinoaingo Udala | 11.561,39 |
G31226624 | Garraldako "Orreaga" Musika Eskolako Patronatua | 22.571,36 |
G31208101 | Uharteko Udalaren Musika Patronatua | 22.682,88 |
P3190400F | Irurtzungo Udala | 6.939,31 |
P3113700C | Lakuntzako Udala | 9.064,48 |
P3155300A | Lekunberriko Udala | 42.911,86 |
P3115200B | Lesakako Udala | 11.313,56 |
P3115600C | Lodosako Udala | 13.047,29 |
G31255177 | Irunberriko Udalaren Musika Patronatua | 10.136,35 |
G31578693 | Martzillako Udalaren Musika Patronatua | 22.453,64 |
P3116900F | Milagroko Udala | 19.832,81 |
P3117600A | Murchanteko Udala | 20.725,01 |
P3108801F | Noaingo Udalaren Musika Patronatua | 34.646,27 |
P3118901B | Olaztiko Udalaren Musika Patronatua | 3.271,39 |
P3119100J | Erriberriko Udala | 20.327,74 |
G31699143 | Oltza Zendeako Udalaren Eskolako Patronatua | 10.260,27 |
P3120100G | Iruñeko Udala | 111.447,73 |
G31279086 | Azkoiengo Udalaren Musika Patronatua | 27.230,24 |
P3120601D | Garesko Udalaren Musika Sustatzeko Patronatua | 17.880,76 |
G31667918 | Ribaforadako Udalaren Musika Patronatua | 11.914,65 |
G31368020 | Erronkariko Udalaren Musika Patronatua | 3.756,32 |
P3121501E | San Adriango Musika Eskola erakunde autonomoa | 18.437,28 |
G31272172 | Zangozako Udalaren Musika Patronatua | 37.452,61 |
V31146384 | Tafallako Udalaren Musika Eskolaren Patronatua | 43.633,47 |
P3123200B | Tuterako Udala | 44.442,59 |
G31462682 | Alesbesko Udalaren Musika Patronatua | 9.000,00 |
G31471873 | Zizur Nagusiko Udalaren Musika Patronatua | 42.106,40 |
2. ordainketa, guztira | 1.124.999,27 |
Iragarkiaren kodea: F1018201