1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2172/2010 EBAZPENA, azaroaren 16koa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzuan Ospitaleko Farmaziako barrutiko fakultatibo espezialista izateko lanpostu huts batzuk merezimendu-lehiaketa bidezko lekualdatzearen bitartez esleitzen dituena.
Osasunbidea-Nafarroako Osasun Zerbitzuko zuzendari kudeatzaileak apirilaren 1ean emandako 687/2009 Ebazpenaren bidez, Osasunbidea-Nafarroako Osasun Zerbitzua erakunde autonomoan barrutiko fakultatibo espezialista izateko 189 lanpostu huts, OOLTko pediatra izateko 22 lanpostu huts eta psikiatra izateko 4 lanpostu huts merezimendu-lehiaketa bidezko lekualdatzeaz betetzeko deialdia onetsi zen. Deialdia 2009ko 45. Nafarroako Aldizkari Ofizialean argitaratu zen, apirilaren 15ean.
Epaimahaiak lehiatzaileek erdietsitako puntuazioaren araberako zerrenda igorri du, eta, lanpostu hutsak hautatu ondotik, bidezkoa da horiek esleitzea interesdunen eskaeraren arabera.
Osasunbidea-Nafarroako Osasun Zerbitzuaren estatutuak onesten dituen uztailaren 3ko 45/2006 Foru Dekretuak eman dizkidan eginkizunak betez,
EBATZI DUT:
1. Lekualdatze lehiaketa eginda, Osasunbidea-Nafarroako Osasun Zerbitzua erakunde autonomoan Ospitaleko Farmaziako barrutiko fakultatibo espezialista izateko lanpostu huts hauek esleitzea izangai hauei:
-M.ª Mercedes Noceda Urarteri lanpostu bat Nafarroako Ospitalegunean (69735 lanpostu zenbakia).
-Natalia Larrea Goñiri lanpostu bat Nafarroako Ospitalegunean (69573 lanpostu zenbakia).
2. Izendatzen diren lehiatzaileek 2010eko abenduaren 17an hartuko dute lanpostuaren jabetza. Epe horretan eta, aski frogaturiko ezinbesteko arrazoirik izan ezean, lanpostuaren jabe egiten ez badira, esleitu zaien lanpostuan aritzeko eskubide oro galduko dute.
3. Ebazpen hau Nafarroako Aldizkari Ofizialean argitara dadila agintzea.
4. Ebazpen honen aurka gora jotzeko errekurtsoa jar daiteke, Lehendakaritza, Justizia eta Barneko kontseilariari zuzendua, hilabeteko epean, errekurtsoaren xedeko egintza argitaratu edo jakinarazi eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluko 1. idatz-zatian eta 2. idatz-zatiko c) letran xedatutakoarekin bat.
5. Ebazpen hau igortzea interesdunari, Nafarroako Ospitaleguneko Langileria Zuzendaritzari, Osasunbidea-Nafarroako Osasun Zerbitzuko Langileriaren Kudeaketa, Sarrera eta Barne Igoerarako Zerbitzuari, Deialdiak Tramitatzeko Atalari eta Osasun Departamentuko Idazkaritza Tekniko Nagusiari, behar diren ondorioak izan ditzan.
Iruñean, 2010eko azaroaren 16an.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F1018871