Iragarkia

141. ALDIZKARIA - 2010eko azaroaren 19a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

MURILLO EL FRUTO

Udal Plan Orokorra. Behin betiko onespena

Lurraldearen Antolamendu eta Etxebizitzako kontseilariak abuztuaren 30ean emandako 152/2010 Foru Aginduaren bidez behin betiko onetsi zen Murillo el Frutoko Plan Orokorra, bertako Udalak sustatua.

Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81. artikuluan xedatutakoari jarraituz, horren hirigintza arauak argitaratzen dira jarraian.

Murillo el Fruton, 2010eko irailaren 6an.-Alkatea, Javier Gárriz Gabari.

I. TITULUA

Hirigintzako araudi orokorra

I. KAPITULUA

Xedapen orokorrak

1. artikulua. Udal Planaren izaera.

Plan hau Udal Plana da, Lurraldearen Antolamenduari eta Hirigintzari buruzko abenduaren 20ko 35/2002 Foru Legean aurreikusitako edukia, norainokoa eta ondorioak dituena. Udal Plan honek, zehazki, lege horren 57. artikuluan 3.000 biztanletik beherako udalerrietarako aurreikusitakoa betetzen du.

Gainera, Planak, dela zuzenean, dela bere garapenerako planeamendu-tresnen bitartez, lurzoruaren jabetza eskubideari lotutako hirigintza ahalmenak definitzen ditu eta ahalmen horien eraginkortasuna eta erabilera bidezkoa baldintzatzen dituzten betebeharrak zehazten ditu.

2. artikulua. Hirigintzako Arauen xedea.

35/2002 Foru Legearen 55. artikuluan ezarritakoarekin bat, plan honen xedea da hiri antolamendua ezartzea Murillo el Frutoko udal mugapean, arau multzo integratu eta orokor baten bitartez. Udal Plan Orokorrak lurraldea okupatzeko estrategia eta eredua zehazten ditu: egiturazko antolamendua ezartzen du udal mugape osorako, eta antolamendu xehakatua hiri lurzorurako eta lurzoru urbanizagarri sektorizaturako.

3. artikulua. Udal Plana aplikatzeko lurralde esparrua.

Murillo el Frutoko udal mugape osoan aplikatuko da Udal Plana.

4. artikulua. Udal Planaren indarraldia.

Udal Plan honek, bere Hirigintzako Araudi osoarekin, indarra hartuko du behin betiko onespena Nafarroako Aldizkari Ofizialean argitaratzen denean. Indarraldi mugagabea izanen du, baina berrikusi edo aldatu ahal izanen da, horretarako aurreikusten diren inguruabarrak gertatuz gero.

5. artikulua. Udal Plana berrikustea.

Planeamenduaren berrikuspentzat hartzen da lurraldearen egitura orokor eta organikoari buruzko irizpideak berritzea, lurraldeari buruz zegoen ereduaren ordez ia erabat desberdina den beste eredu bat hautatzearen ondorioz, edo demografian nahiz ekonomian sortzen direlako antolamenduaren oinarrietan eragina duten inguruabarrak, edo planeamenduaren ahalmena bera agortzeagatik. Berrikuspenaren ondorioz, planeamendu-tresna berria ezarriko da berrikusitakoaren ordez.

6. artikulua. Udal Planeko aldaketak.

Gainerako kasuetan Planeko determinazioen aldaketak Planeko aldaketatzat joko dira, nahiz eta haiek lurzoruaren sailkapena edo kalifikazioa aldarazi edo Udal Plan Orokorraren programazioa berrikustera behartu.

7. artikulua. Udal Planeko aldaketak tramitatzea.

Egiturazko determinazioen aldaketak Foru Legearen 70. eta 71. artikuluetan ezarritako prozeduraren bidez eginen dira.

Determinazio xehakatuen aldaketak 74. artikuluko prozeduraren bidez eginen dira, ekimen publiko nahiz pribatuak eraginda deusetan ukatu gabe plan partzialetan eta plan berezietan antolamendu xehakatuari egin ahal zaizkion aldaketak.

8. artikulua. Ekimen pribatuko aldaketak Udal Planean.

Partikularrek udal plan orokorretako egiturazko determinazioen aldaketa puntualak proposatu ahal izanen dituzte. Aldaketa horien tramitazioa Foru Legearen 79. artikuluaren 2. idatz-zatian xedatutakoari lotuko zaio.

Udal Plan Orokorrean ekimen pribatuko aldaketak tramitatu eta onesteko eskaerak ezetsitzat joko dira baldin eta espediente osoa erregistroan sartzen denetik hiru hilabete igarotzen badira berariazko ebazpenik eman gabe.

9. artikulua. Udal Plana onestearen ondorioak.

Behin betiko onespena Nafarroako Aldizkari Ofizialean argitaratu eta berehala, Udal Plana bete beharrekoa izanen da. Udal Plana publikoa, bete beharrekoa eta nahitaezkoa izanen da indarra hartzen duen egunetik aurrera.

-Publikotasunak esan nahi du edozein herritarrek Planeko agiri guztiak kontsultatzeko eskubidea duela eta agiri horiek herritarren eskura egonen direla Udal Idazkaritzan.

-Udal Plana bete beharrekoa izateak zilegi egiten du bertan aurreikusitako proiektu eta obrei ekitea, obren onura publikoa deklaratzea eta obretarako behar diren lurrak okupatu beharra deklaratzea.

-Nahitaezkotasuna, berriz, Udal Planeko determinazioak zehatz-mehatz betetzeko behar juridikoa da, Udalari, Administrazioko gainerako erakundeei eta partikularrei dagokiena.

Ondorio horrek, gainera, Udal Planeko determinazioen eraginpeko lurrak determinazio horiekin lotzen ditu, baita mendeko planeamenduarekin eta urbanizazio eta eraikuntza proiektuekin ere.

10. artikulua. Udal Plana osatzen duten agiriak.

Udal Plana honako dokumentu hauek osatzen dute:

1. Lurraldea okupatzeko estrategia eta eredua.

2. Udal Plana.

-Dokumentazio idatzia:

• Memoria.
• Hirigintzako Araudi Orokorra.
• Hirigintzako Araudi Partikularra (eraikuntzari eta urbanizazioari buruzko ordenantzak).
• Hirigintzako Babes Araudia (katalogoa).

-Dokumentazio grafikoa:

• Informazio planoak.
• Antolamendu planoak.

Planoetan dauden antolamendu-determinazioak Hirigintzako Arau hauetan jasotako manuek adinako balioa dute.

Erabilitako grafismoen esanahia antolamendu planoetan eta Hirigintzako Arau orokor eta/edo partikular hauetan zehazturik dago.

Oro har, irudi bidezko determinazioak nahitaezkoak dira, eta zehazki,

Espazioa zatitzeko ezarritako mugape guztiak (unitateak, sektoreak, kategoriak etab.) eta hirigintzako aprobetxamenduak nahitaezkoak dira.

11. artikulua. Interpretazioa.

Murillo el Frutoko Udalari dagokio Plana interpretatu eta aplikatzea, egokitzat jotzen dituen txosten tekniko eta juridikoak eskatu ondoren. Nolanahi dela ere, Udalaren erabaki eta ebazpenen aurka legeetan aipatzen diren errekurtsoak aurkezten ahalko dira.

12. artikulua. Dokumentuen arteko kontraesanak eta desadostasunak.

Hirigintzako arau orokorrek nahiz partikularrek eta haien osagarri diren antolamenduko planoek Udal Planeko beste dokumentuen gainetik agintzen dute. Agiri grafikoetako eta idatzietako determinazioen artean edota agiri grafikoen nahiz idatzien barnean kontraesanik agertzen baldin bada, aprobetxamenduei buruzko determinazioak eta antolamenduaren edo urbanizazioaren lagapen, karga eta onurei buruzkoak interpretatzerakoan interes publikoaren alde edo Udal Planaren ondoriozko hirigintza-antolamenduaren alde eginen da, administrazio jardulearen irizpideari jarraituz. Bestelako determinazioen arteko kontraesanak Administrazioak ebatzi ahal izanen ditu hainbat irizpide erabiliz, hala nola balio estetikoa, apaindura edo higiene baldintzak, azpiegituren eta eraikuntzen hobekuntza eta antzekoak; betiere, indarra duen hirigintzako araudiak babesten duen interes sozialari kalterik egin gabe.

Era berean jokatuko da, kontraesanik izan gabe ere, dokumentazio grafikoaren edota idatziaren elementuren batek hainbat interpretazio izan ditzakeenean. Halakoetan Planaren azken xedeari hobekien egokitzen zaion interpretazioa hobetsiko da.

13. artikulua. Araudi osagarria.

Udal Plan honek arautzen ez duen orotan indarra duen araudia aplikatuko da, araudi oinarrizkoa nahiz sektoriala izan.

Oinarri gisa, halaber, toki araubideari buruzko legeria, Estatuko hirigintza arloko legeria, horren erregelamenduak eta hura garatzeko gainerako arauak aplikatuko dira.

2. KAPITULUA

Lurzoruaren hirigintza araubidea

14. artikulua. Hirigintzako araubidearen definizioa.

Udal plan honetan ezaugarri hauetako batzuek edo guztiek definitzen dute lurzoruaren hirigintza araubidea:

-Antolamenduari dagokionez:

• Determinazio formalak, hala nola lurzoruaren okupazioa, eraikigarritasuna, azalera eraikigarria, lurzati eraikigarria, gehieneko garaiera, gehieneko solairu kopurua, lerrokadurak etab.
• Lurzoru urbanizaezinean aplikatu beharreko araudia eta kategorien definizioa.

-Antolamenduaren funtzionamenduari dagokionez:

• Bide sistema orokorren eta horien ezaugarri nagusien determinazioa.
• Erabilerak definituz egindako determinazio funtzionalak.

-Kudeaketari dagokionez:

• Lurzoruaren sailkapena eta lurzoru mota bakoitzaren barneko zatiketak.
• Lurzoru mota bakoitzean eta unitate bakoitzean aritzeko araubidea.

-Bizi kalitateari dagokionez:

• Ondarea kontserbatzeko arau orokorrak.
• Urbanizazioari buruzko ordenantza, eraikuntzari buruzkoa, eta jarduera gogaikarri, kaltegarri eta arriskutsuak arautzen dituena.

15. artikulua. Lurzoruaren sailkapena.

Planaren eremuko lurrak hiri lurzoru, lurzoru urbanizagarri edo lurzoru urbanizaezin gisa sailkatu dira, Plan honetako dokumentazio grafikoan zehazten den moduan.

16. artikulua. Hiri lurzorua.

Foru Legearen 92. artikulua. Hiri lurzorua izanen da honako egoera hauetakoren batean dagoena:

a) Sarturik dagoena halako hiri bilbe batean, zeinak, duen urbanizazio egokia dela medio, bilbea osatzen duten lurzatiei orubearen izaera ematen baitie.

b) Aurreko letrak aipatzen duen hiri bilbean sar daitekeena, dagoeneko baduelako urbanizazio bat, zeina osatzeko lurzatietan bakar-bakarrik egin behar baitira eraikuntzarekiko obra osagarriak, lurzati horiek orube izaera har dezaten.

c) Baldin badu urbanizazio bat, zeinak, gutxienez ere izanik ibilgailuendako udal hiribidean barnako sarbidea, ur hornidura, hondakin uren hustuketa eta argindarraren hornidura, bere finkapenerako lurzatietan beharko baititu eraikuntzarekiko osagarriak diren obrak baino haratago doazen jarduketak edo haien erreforma, berrikuntza edo hobekuntza, exekuzio unitateak zehaztuz.

Bereziki halakotzat hartuko dira urbanizatutako lurrak, zeinetan hirigintza planeamenduak lehenagokotik oso desberdina den antolamendua aurreikusten duen, edo ukitutakoen artean berdinbanaketako operazioak eskatuko dituzten birmoldaketako edo barne erreformako jarduketak aurreikusten dituen.

d) Eraikia baldin badago, gutxienez, aurreko letran aipatzen diren zerbitzuen sareek ematen duten espazioaren bi heren, eta osorik urbanizatzeko behar badu exekuzio unitateak zehatz daitezen.

e) Urbanizatu baldin bada hirigintza-planeamenduaren exekuzioaren ondorioz eta haren determinazioen arabera, eta, beraz, baldin bada egiazki orube izaera ematen duten zerbitzuen jabe.

Hiri lurzoruan, bidezko denean, udal planeamenduak honako kategoria hauek bereiziko ditu:

a) Hiri-lurzoru finkatua, aurreko zenbakiko a), b) eta e) letretan aipatu diren egoeretakoren batean egoteagatik, hiri-lurzoruaren sailean sartzen diren lurrak hartuko dituena.

b) Hiri-lurzoru finkatu gabea, aurreko zenbakiko c) eta d) letretan aipatu diren egoeretakoren batean egoteagatik, hiri-lurzoruaren sailean sartzen diren lurrak hartuko dituena.

17. artikulua. Lurzoru urbanizagarria.

Foru Legearen 95. artikulua. Ez hiri lurzorua ez lurzoru urbanizaezina ez dena, lurzoru urbanizagarria izanen da, eta eraldatzen ahalko da, bera urbanizatuz, foru lege honetan eta aplikatzekoa den planeamenduan ezarritako baldintzei eta moduari jarraikiz.

Lurzoru urbanizagarrian, planeamenduak kategoria hauek bereizten ahalko ditu:

a) Lurzoru urbanizagarri sektorizatua, udal plan orokorrean sektoreka hiri lurzoru bihurtzea aurreikusita dauden lurrak hartzen dituena. Udal plan orokorrak zuzenean ezartzen ahalko du planeamenduaren exekuzioko jarduera legitimatuko duen antolamendu xehakatua, edo, bestela, antolamendu egituratzaile bat ezarri eta plan partzial baten esku uzten ahal du, kasu bakoitzean espresuki finkatzen den epean, antolamendu xehakatua.

b) Lurzoru urbanizagarri sektorizatu gabea, sektorizatu gabe eta, beraz, horretarako sektorizazio plana behar duten lurrak hartzen dituena.

18. artikulua. Lurzoru urbanizaezina.

Foru Legearen 94. artikulua. Lurzoru urbanizaezina izanen da, foru lege honen ondorioetarako, honako kasu hauetakoren batean dagoen lurra:

a) Sektoreko legeriaren arabera, babes araubide bereziren bati loturik dagoena, bere eraldaketarekin bateraezina, paisaia, natura, ingurumen edo nekazaritza aldetik dituen balioengatik edo bere balio historiko, artistiko, zientifiko nahiz kulturalengatik.

b) Lurraldearen antolamenduko tresnek prozesu urbanizatzailetik baztertu dutena, lurralde garapeneko ereduaren ondorioz, paisaia, natura, ingurumen edo nekazaritza aldetik dituen balioengatik edo bere balio historiko, artistiko, zientifiko nahiz kulturalengatik.

c) Bere urbanizazioarekin bateraezinak diren arrisku naturalek edo bestelakoek mehatxaturik dagoena, alegia, uholdea, higadura, hondoratzea, lur-jausia, lur-korrimendua, sutea, kutsadura edo segurtasun nahiz osasun publikoari edo ingurumenari kalte egin diezaiokeen bestelako gertakariren baten aukera aurreikusten den tokian dagoena.

Bertan sartzen ahalko dira, baita ere, lehen noizbait a) eta b) letrek aipatzen dituzten balioak izan zituztenak eta, suteen, hondamendien edo bestelako gorabeheren ondorioz, haiek gabe gelditu direlako orain babestu egin behar direnak, balio horiek berreskuratzeko.

d) Udal planeamenduan, behar bezala arrazoituz, lur horren ezaugarriei eustea bermatzea beharrezkoa dela adierazten bada, lur horren balio historiko, arkeologiko, zientifiko edo kulturalengatik, edo ingurumen nahiz paisaia aldetik edo nekazaritza, abeltzaintza nahiz oihangintza aldetik dituen balioengatik.

e) Udal planeamenduak, behar bezala arrazoituz, lurra hirigintza garapenetik at uzteari beharrezkoa irizten diona, bertako azpiegitura, ekipamendu, zerbitzu eta instalazio publikoen kontserbazio, ahalmen eta funtzionaltasunarengatik, edo interes publikoko arrazoiengatik, edo jarduera bereziak instalatzeko, erregelamendu bidez ezartzen denaren arabera.

Lurzoru urbanizaezinean honako bi kategoria hauek bereiziko dira:

a) Babestu beharreko lurzoru urbanizaezina. Kategoria honetan sartuko dira artikulu honetako 1. idatz-zatiko a), b) eta c) letretan aipatzen diren lurzoru urbanizaezineko lurrak.

b) Gorde beharreko lurzoru urbanizaezina. Kategoria honetan sartuko dira artikulu honetako 1. idatz-zatiko d) eta e) letretan aipatzen diren lurzoru urbanizaezineko lurrak.

Lurzoru urbanizaezinean, babestu nahiz gorde beharrekoan, planeamenduak honako azpikategoria hauek bereizten ahalko ditu, sailkapenaren arrazoiaren arabera:

-Paisaia aldetik balioa duen lurzorua.

-Ingurumen aldetik balioa duen lurzorua.

-Natura aldetik ustiatzeko balioa duen lurzorua.

-Balio kulturala duen lurzorua.

-Garapen eredua zaintzeko lurzorua.

-Arriskuei aurrea hartzeko lurzorua.

-Azpiegituretarako lurzorua.

-Jarduera berezietarako lurzorua.

19. artikulua. Sistema orokorra.

Kategoria honetakoak dira, lurzoruaren sailkapena gorabehera, Planak udalerri osoaren zerbitzurako ekipamendu edo azpiegitura publiko jakin batzuk kokatzeko izentzatzen dituen eremuak. Ekipamendu horiek erabakigarriak dira hiri garapenerako, oro har, eta bereziki lurraldearen egitura orokorra eta organikoa taxutzeko.

20. artikulua. Orubea.

Orubetzat hartuko dira eraikitzeko egokiak diren hiri lurzoruko lurrak, honako baldintza hauek betez gero:

a) Planeamenduan kasu bakoitzerako ezarritako gutxieneko arauen arabera urbanizatuak egotea, eta hartan zehazten ez badira, eduki beharko dituzte, gutxienez, ibilgailuendako sarbidea, ur hornidura, ur hustuketa eta argindarraren hornidura, eta gainera lurzatiaren aurreko galtzadak zoladura emana izan beharko du eta espaloiek zintarria jarrita.

b) Lerrokadurak eta sestrak seinalaturik edukitzea.

c) Beharrezkoa denean, urbanizazioko kargak banaturik egotea.

3. KAPITULUA

Sistematika eta arau osagarriak

21. artikulua. Organo jarduleak.

Udal Plana garatu eta gauzatzea Udalari dagokio, deusetan ukatu gabe partikularrek legean ezarritakoaren arabera parte hartu ahal izatea.

Ekimen pribaturen batean edo Udalarena ez den ekimen publikoren batean aurreikuspen lotesleak hausten badira, Udalak ahalmena izanen du garapen-planeamendu egokia berak zuzenean egiteko, jarduketa esparruen mugak aldatzeko, aplikatu beharreko exekuzio sistemak finkatzeko edo aldatzeko, eta, behar izanez gero, lurrak desjabetzeko.

22. artikulua. Hirigintzako jarduketa tresnak.

Tresna hauek erabiliko dira Udal Plana hirigintzako legerian ezarritakoaren arabera garatzeko:

-Antolamendurako tresnak.

-Kudeaketarako tresnak.

-Exekuziorako tresnak.

-Urbanizazio eta eraikuntzarako tresnak.

23. artikulua. Antolamendua garatzeko tresnak.

Udal planak ezartzen duen antolamendua honako plan eta proiektuen bitartez garatuko da:

-Plan partzialak.

-Plan bereziak edo barne berrikuntzakoak.

-Xehetasun azterlanak.

-Ordenantzak.

-Katalogoak.

24. artikulua. Plan Partzialak.

Foru Legearen 60. artikulua. Plan partzialak hirigintza planeamenduko tresnak dira, eta honako xede hauek dituzte:

a) Hiri lurzoru finkatu gabeko sektore batean, antolamendu xehakatua ezartzea, edo bestela aldatu edo osatu udal plan orokorrak lehendik ezarri duena, halakorik baldin bada.

b) Lurzoru urbanizagarri sektorizatuko sektore batean, antolamendu xehakatua ezartzea, edo bestela aldatu edo osatu udal plan orokorrak edo sektorizazio planak lehendik ezarri duena, halakorik baldin bada.

25. artikulua. Plan bereziak edo barne berrikuntzakoak.

Foru Legearen 61. artikulua. Plan bereziek zuzenean garatzen ahalko dituzte udal plan orokorretan biltzen diren egiturazko antolamenduko determinazioak, bai eta haien antolamendu xehakatua ezarri, aldatu edo osatu ere, honako helburu hauek lortzeko asmoz:

a) Antolamendu xehakatuko determinazioak ezartzea, udal plan orokorrean definitutako sistema orokorrak osatzen dituzten elementuetako edozeinen gainean.

b) Esparru eta multzo arkitektoniko, historiko eta artistikoak antolatu eta babesteko beharrezkoak diren determinazioak ezartzea.

c) Hirigintza-proposamenak garatzea, hiri lurzoruko sektoreak babestu, barne berritu eta zaharberritzeko, eta populazioguneak saneatzeko.

d) Hiri, landa eta natur inguruneko paisaiaren, komunikazio bideen, lurzoruaren eta zorupearen babesa eta hobekuntza bermatzea.

e) Erabilera publikoko eremu libreen, kaleen, eraikinen, lokalen eta garraiobideen irisgarritasuna hobetzeko hirigintza-proposamenak garatzea, oztopo fisiko eta zentzumenezkoei buruzko araudiak ezarritako xedapenei jarraikiz.

f) Gisa bertsuko beste edozein helburu.

Aurreko idatz-zatiko c) letrak aipatzen dituen planei barne erreformako plan bereziak esanen zaie, eta haien xedea izaten ahalko da honako helburu berariazkoetako edozein:

a) Jarduketa lokabeak egitea, lehengo antolamenduaren oinarrizko egiturari eutsiz, honako jomuga hauek izanik: hiri lurzorua arintzea, hirigintza ekipamenduak eta komunitate-ekipamendua sortzea, osasun-baldintza txarreko auzoak saneatzea, zirkulazio edo estetika arazoak konpontzea eta ingurumenaren nahiz zerbitzu publikoen hobekuntza eta antzeko beste helburu batzuk.

b) Aurreko lerroaldean seinalatu direnak helburu izanik, barne erreformako operazio integratuak ere egitea.

26. artikulua. Xehetasun azterlanak.

Foru Legearen 62. artikulua. Xehetasun azterlanak hirigintza planeamenduko tresnak dira, eta beren xede bakarra da antolamendu xehakatuko determinazio hauek ezarri, aldatu edo berregokitzea:

a) Lerrokadura eta sestra lerroak seinalatzea, sistema orokorren barrenean sartzen diren bide elementuetakoak izan ezik.

b) Bolumenen antolamendu eta osaera, udal plan orokorrean finkatutako baldintzen arabera, bai eta eraikinen morfologia eta tipologia.

Udal plan orokor batek, plan partzial batek edo indarrean dagoen plan bereziren batek antolamendu xehakatua lehendik ezarrita daukaten espazioen gainean bakarrik formulatzen ahalko dira xehetasun azterlanak. Beren xedearen ondoriozko determinazioak kenduta, xehetasun azterlanek ezin izanen dute indarra duten planeamendu-tresnen antolamendu xehakatuko determinaziorik aldatu eta, bereziki, ezin izanen dute beren esparruko lurrei dagokien aprobetxamendua handitu. Halaber, ezin izanen diete inola ere ez kalterik egin ez hirigintza-baldintzarik aldatu mugakide dituzten finkei.

Xehetasun azterlanek beren xede diren determinazioak zehatz-mehatz justifikatu eta ezartzeko behar diren dokumentuak izanen dituzte.

27. artikulua. Ordenantzak.

Foru Legearen 64. artikulua. Udalek hirigintzako ordenantzak onesten ahalko dituzte, eraikinen alderdi morfologiko eta apaingarriak eta eraikuntza obren baldintzak, edo higiezin bakoitzean baimena har dezaketen jardueren baldintzak arautzeko, betiere udal plan orokorreko determinazioei kontra egin gabe.

Era berean, urbanizazioko ordenantzak ere onesten ahalko dituzte, planeamenduaren exekuzioa osatzeko behar diren xehetasun orokor guztiak arautzeko.

28. artikulua. Katalogoak.

Foru Legearen 63. artikulua. Eraikin edo elementu historiko edo kulturalak edo ingurunearentzat balioa dutenak babesteko neurriak ezartzearren, udal plan orokorrak edo, hala badagokio, plan bereziak eraikin eta elementu horiek biltzen dituen katalogo bat izanen du, bai eta haiek babesteko neurri berariazko eta banakatuen zerrenda ere, suntsitu ez ditzaten edo funtsezko aldaketarik jasan ez dezaten.

Edozein kasutan ere, planeamenduko determinazioek galaraziko dute, eraikin, espazio eta elementu horien inguruan, beren hondamena eragin edo beren ikusmira eta hiri bilbearen gainerakoarekiko lotura nabarmen aldatzen duten eraikin eta instalazioak egitea.

Planeamendua nola egiten eta gauzatzen den kontrolatzeko, erregistro bat eginen da eta bertan inskribatuko dira udal mugapean nolabaiteko babes araubidea edo erabilera-mugak dituzten hiri edo natur elementu eta multzo guztiak.

29. artikulua. Kudeaketarako tresnak.

Planeamendua gauzatzeko jarduketa sistemak 35/2002 Foru Legean aurreikusitakoak izanen dira.

30. artikulua. Hirigintzako jarduketa sistemak.

Indarra duen legerian jarduketa sistema hauek aurreikusten dira:

-Jarduketa pribatuko sistemak:

• Zuzeneko jarduketa edo asistematikoa: hiri lurzoru finkatuan, orube diren lurretan eraiki ahalko da, horretarako eskatu behar diren lizentziak jasoz gero. Aurretik lur lagapenak eginen dira, hala behar denean.
• Konpentsazio sistema: exekuzio unitateko lurren jabeek kudeatzen eta gauzatzen dute bertako urbanizazioa, onurak eta kargak partekaturik.
• Borondatezko birzatiketa: exekuzio unitate bateko lur jabe guztiak ados jartzen direnean. Prozedura hau aplikatuko da, baita ere, exekuzio unitateko lur guztiak jabe bakar batenak direnean.

-Jarduketa publikoko sistemak:

• Lankidetza sistema: jabeek nahitaez laga beharreko lurra jartzen dute, eta Administrazioak egiten ditu urbanizazio obrak, jabeen kargura.
• Nahitaezko exekuzioa: Udalak behar diren lurrak okupatzen ditu kudeaketa batzorde batentzat, zeinak urbanizazio obrak egiten baititu eta onurak eta kargak banatzen.
• Desjabetze sistema: administrazio jarduleak lur guztiak eskuratzen ditu eta urbanizazio obrak gauzatzen ditu. Eraikuntza obrak ere egin daitezke. Garapen sistema hau aplikatuko zaie bera aurreikusia duten unitate eta sistemei, lurzoru urbanizaezinean azpiegiturak egiteko, eta, oro har, legez eskatzen diren inguruabarrak gertatzen direnean.

31. artikulua. Programazioa edo epeak.

Arau Partikularretan gehieneko epeak ezartzen dira hirigintzako betebeharrak betetzeko. Udal Planaren behin betiko onespena Nafarroako Aldizkari Ofizialean argitaratu eta biharamunetik aurrera kontatuko dira epeak.

-Hiri lurzoru finkatuak ez du eperik.

-Hiri lurzoru finkatu gabean, epe zehatzik finkatu ez zaien exekuzio unitateek subsidiarioki 10 urteko epea izanen dute kasuan kasuko lehen hirigintza-betebeharra betetzeko.

-Lurzoru urbanizagarrian behar den planeamendua onesteko epea 10 urtekoa izanen da.

-Sistema orokorretan 10 urteko epea izanen da lurzorua eskuratzeko eta 4 urtekoa urbanizatzeko.

32. artikulua. Exekuziorako tresnak.

Antolamendua gauzatzerakoan kasuan kasuko baldintzak beteko dira aurretik onetsi beharreko plan edo azterlanei dagokienez, lurzoru motaren arabera eta unitateetako arau partikularretan zehaztutakoari jarraituz.

Udal Planean mugatuta dauden exekuzio unitate eta banaketa eremuen bidez gauzatuko da antolamendua, edo, kasua bada, Udal Planaren garapenean aipatu irizpideei jarraituz mugatzen direnen bidez.

Lurzoru urbanizaezinean, exekuzioa bat etorriko da indarra duen araudiarekin eta udal plan honek lurzoru mota horretarako ezarritako arauekin.

33. artikulua. Urbanizazio eta eraikuntzarako tresnak.

Urbanizatzeko eta eraikitzeko tresnak dira udal plan honetan nahiz antolamenduaren garapenerako tresnetan ezarritakoa materialki garatzeko egiten diren proiektu teknikoak.

Urbanizatzeko eta eraikitzeko tresnak hauek dira:

-Urbanizazio proiektuak.

-Eraikuntza proiektuak.

-Eraikitzeko proiektuak, eraistekoak, eraikinen eraberritzea eta gisakoak.

Horien edukia eta tramitazioa egokituko zaizkie indarrean dagoen legeriari, Eraikuntza, Urbanizazio eta Tramitazio ordenantzei eta udal plan honek jasotzen dituen gainerako determinazioei.

34. artikulua. Urbanizazio proiektuak.

Udal Planean aurreikusitako urbanizazioa gauzatzeko, urbanizazio proiektuak egin beharko dira, hots, planeamendua gauzatzea xede duten obra proiektuak. Horiek ezin izanen dute antolamenduari eta lurzoruaren eta eraikuntzaren araubideari buruzko determinaziorik eduki, eta proiektua egin ez duten teknikariek gauzatu ahal izateko maneran zehaztu eta programatu beharko dituzte obrak.

Urbanizazio proiektuetan planak edo xehetasun azterlanak garatuko dira horien aurreikuspenak aldatu gabe, baina egokitzapenak egin ahalko dira, garapen xehakatuak eta obren exekuzioak horretara behartuz gero.

Urbanizazio proiektuak kasu bakoitzean egin behar diren obrak ongi zehazteko determinazioak bilduko ditu: bide sareko eta oinezkoendako ibilbide edo eremuetako zoladura, lorategiak, zuhaitzak, hiri hornigarriak, ur hornidura eta banaketa, saneamendua eta estolderia, argindar hornidura, kaleko argiak eta beste zerbitzu batzuk.

35. artikulua. Eraikuntza proiektuak.

Eraikuntza proiektuek eraikinak egiteko baldintzak zehazten dituzte dokumentazio erantsiaren beharrik gabe. Proiektu horiek udaletxean aurkeztuko dira lizentzia eskatzen denean, araudian ezarrita dagoen bezala.

36. artikulua. Eraikitzeko proiektuak, eraistekoak, eraikinak eraberritzekoak eta gisakoak.

Kontzeptu honen pean sartuak daude lizentzia ematea behar duten eta aitzineko artikuluetan aipatu ez diren obren proiektuak.

Horien edukia eta tramitazioa indarrean dagoen legeriari, ordenantzei eta udal plan honetan ematen diren gainerako determinazioei lotuko zaizkie.

4. KAPITULUA

Determinazioen araubide juridikoa

37. artikulua. Xedapen orokorrak.

Lurzoruaren jabetzaren eta erabileraren araubidea aldatzeko prozesua gauzatzeko, planeamendua garatuko da, Udal Planean jasotako programaren eta kudeaketa-aurreikuspenen arabera, eta dokumentazio grafikoan eta arau hauetan zehazturiko hirigintza-araubideari lotuta.

Hori guztia legeria indardunak ezarritako esparruan egin behar da, eta deusetan eragotzi gabe planeamendua garatzeko tresnetan jaso daitezkeen xedapenak.

38. artikulua. Lurzoruaren jabeen eskubideak eta betebeharrak.

Lurzoruaren titularrek hirigintzako eskubide batzuk bereganatuko dituzte hirigintzako betebeharrak eta kargak betetzen diren heinean, horretarako ezarritako epeetan, beherago azalduko diren 35/2002 Foru Legearen 97., 98., 99. eta 100. artikuluetan zehaztutako moduan.

39. artikulua. Lizentzia behar duten egintzak.

Eraikitzeko eta lurzorua erabiltzeko ondoko egintza hauek aldez aurreko udal lizentzia beharko dute, deusetan galarazi gabe Foru Legearen arabera beharrezkoak diren beste hirigintza-baimenak eta berariazko legeria aplikagarriaren arabera bidezkoak izan daitezkeen gainerakoak:

-Mota guztietako eraikuntza eta instalazio obrak, oin berrikoak badira.

-Lehendik dauden mota guztietako eraikin edo instalazioak handitzeko obrak.

-Lehendik dauden eraikinen edo instalazioen egitura edo kanpoko itxura ukitzen duten obrak, aldatzekoak edo berritzekoak.

-Eraikinen barneko banaketa aldatzen duten obrak, edozein erabilera emanda ere.

-Behin-behineko obra eta erabilerak.

-Hirigintzako lurzatiketak eta landa finken banaketa eta zatiketak.

-Lur mugimenduak, hala nola zelaitze lanak, lur-erauzketak eta betelanak, salbu eta lan horiek jadanik onetsita dagoen urbanizazio edo eraikuntza proiektu baten barrenean zehaztuta eta programatuta badaude.

-Eraikinak eta instalazioak lehenbiziko aldiz erabili edo okupatzea eta haien erabilera aldatzea.

-Eraikinak botatzea, salbu eta berehalako aurri-egoera deklaratzen denean.

-Lur azpia ukitzen duten instalazioak.

-Arbolak eta zuhaixkak botatzea, zuhaitz-masa, basogune, arboladi edo parke badira, planeamendu onetsia izan ala ez, salbu eta nekazaritzaren arloko legeek baimentzen dituzten lanak badira.

-Eremu publikotik ikusten diren kartelak paratzea, betiere lokal itxietan ez badaude.

-Presa, baltsa eta defentsa-obrak egin eta ubide publikoak zuzentzea, interes orokorreko obra publikoak ez badira.

-Agregakinak ateratzea eta harrobiak ustiatzea, jabari publikoko lurretan egin eta administrazio kontzesioa behar izanda ere.

-Finkak ixtea.

-Erregelamendu bidez adierazten diren egintzak, obra gisa hartzen direlako, edo lurzoruaren nahiz zorupearen erabilera handitzen delako, haien erabilera pribatiboa dakartelako edo erabilera ez-normala edo lurren berezko nekazaritza edo basogintzako erabileraz bestelakoa dakartelako.

Eraikuntza eta lurzoruaren erabilera-egintzak partikularrek jabari publikoko lurretan egiten dituztenean ere, lizentzia eskatu beharko da, jabari publiko horren entitate titularrak eman beharreko baimen edo kontzesioak deusetan galarazi gabe.

40. artikulua. Lizentzia eskatzea.

Lizentzia idatziz eskatuko da, Udalaren inprimaki ofizialean, Alkatetzari zuzenduta eta interesdunak sinatuta. Idazki horretan finkaren datuak, egoera eta inguruabarrak azalduko dira, baita lizentzia behar duen jarduera, obra edo instalazioarenak ere.

Lizentzia motaren arabera beharrezkoak diren agiriak aurkeztuko dira eskabidearekin batera. Obrak bere izaeragatik proiektu teknikoaren beharrik ez badu, lizentzia eskatzerakoan izaera hori justifikatzen duten arrazoiak azaldu behar dira.

Udalak, lizentzia eman baino lehen, proiektuaren gaineko txostena eskatu ahalko die haren egilearen maila bera edo goragokoa duten fakultatibo eskudunei.

41. artikulua. Ebazpena, irizpideak eta tasak.

Lizentziak ematen diren unetik izanen dira eraginkorrak.

-Lizentziak tokiko eta hirigintzako araubideari buruzko legeria indardunean ezarritakoari jarraituz emanen dira.

-Lizentzia ukatzen den aldiro erabakia arrazoitu eta jakinarazi beharko da.

-Lizentziak jabetza eskubidea urratu gabe eta hirugarrenei kalterik egin gabe emanen dira. Jabari publikoaren legez kontrako okupazioa dakarten lizentziak ukatu eginen dira.

-Ondare Eraikia Babesteko Katalogoan dauden eraikinei eraikuntza obretarako lizentziak eman ahal izateko, beharrezkoa izanen da Vianako Printzea Erakundeak aldez aurretik baimena ematea. Espedientea erakunde horren aurrean tramitatuko da.

42. artikulua. Lizentziak eskatzeko epeak.

Planeamenduan espresuki besterik adierazten ez bada, 35/2002 Foru Legearen 190. artikuluak dioenez, jarduketa sistematikoetarako eraikuntza lizentzia eskatzeko epea bi urtekoa izanen da, 35/2002 Foru Legearen 105. artikuluan ezarritakoaren arabera urbanizazioa egiten denetik hasita.

Sistematikoak ez diren jarduketetarako eraikuntza lizentzien kasuan, aipatu epeak bikoiztuko dira.

43. artikulua. Lizentzia iraungitzea.

Lizentzia guztietan azaldu behar dira obrak hasteko eta amaitzeko epeak, eta ohartarazi behar da lizentzia iraungi eginen dela epe horiek igarotzen direnean. Lizentzian iraungitze eperik zehazten ez den kasuetan, eraikitzeko eta lurzorua erabiltzeko egintzak gauzatzeko gutxieneko epeak ondokoak izanen dira, planeamenduan beste epe batzuk aurreikusi ezean:

-Urtebete, obrak hasteko.

-Hiru urte, obrak amaitzeko.

Aurreko lerroaldean aipatutako epeak betetzen ez badira, lizentzia iraungitzeko espedientea hasiko da. Horren barnean interesdunari gutxienez ere hamabost egun balioduneko entzunaldia emanen zaio.

Lizentzia emateko eskumena duen administrazioak deklaratuko du lizentziaren iraungitzea.

Toki entitateek lizentziako epeen luzapena ematen ahalko dute, baina horretarako titularrak eskabidea aurkeztu beharko du, obren hasierarako edo bukaerarako aurreikusia dagoen eguna baino bi hilabete lehenago. Dena dela, balioko du lizentzia eman zen unean indarra zuen antolamenduak. Ezin izanen da lizentziak luzatzeko eskaera egin, ezarritako epearen erdia gutxienez igaro ez bada. Obrak hasteko epearen luzapena hartzearekin, besterik gabe, obrak bukatzeko epearen luzapena ere hartuko da, baina espresuki aipatu beharko da azkeneko hori. Obra bukatzeko epearen luzapena eskatu eta lortu ahal izateko, eraikinak egina eduki behar du uretarako estalkia, betiere proiektu teknikoaren arabera.

Iraungitzea deklaratu eta lizentziaren titularrari jakinaraziz gero, lizentzia berria eskatu eta lortu beharko da obrak hasi edo bukatu ahal izateko, antolamendu indardunari egokitua, lizentziak ematea etenda dagoen kasuetan izan ezik.

Lizentziaren iraungitzea jakinarazten denetik (edo lizentziak ematearen etenaldia amaitzen denetik) sei hilabete igaro baino lehen beste lizentzia bat eskatzen ez bada, edo eskatutako lizentzia ukatzen bada, Udalak zilegi izanen du lurrak eta egindako obrak desjabetzea, jabetzaren funtzio soziala ez betetzeagatik.

5. KAPITULUA

Ondare historikoaren babesa

44. artikulua. Xedapen orokorrak.

35/2002 Foru Legeak, 63. artikuluan, intereseko ondarea eta hiri bilbea babesteko oinarri orokorrak ezartzen ditu udal planeamendurako, eta historiaren, kulturaren edo ingurumenaren aldetik balioa duten eraikinen katalogoa egin behar dela dio.

Murillo el Frutoko udalerriak interes historiko eta artistikoko hainbat higiezin ditu. Horietako batzuek kontserbazio egoera txarrean daude. Babestu beharreko eraikin eta elementu horien katalogoa egin dugu.

Inbentario horretan hiru babes-maila ezarri dira:

-I. maila: babes osoa.

-II. maila: egiturazko babesa.

-III. maila: ingurumen babesa.

HIRIGINTZAKO ARAUDI PARTIKULARRA

I. TITULUA

Araudi partikularra. Hiri lurzorua eta lurzoru urbanizagarria

1. KAPITULUA

Xedapen orokorrak

1. artikulua. Aplikazio eremua.

Araudi hau aplikatuko da Udal Plan Orokorreko dokumentazio grafikoan hiri lurzoru eta lurzoru urbanizagarri gisa definitutako eremuan.

2. artikulua. Xedea.

Hiri lurzoruaren eta lurzoru urbanizagarriaren araudi partikularrak aplikatu beharreko eraikuntza baldintzak eta ordenantzak ezartzen ditu, Udal Planak kokalekuaren arabera aurreikusten dituen eraikuntza-tipologiak kontuan hartuta. Espazio publikoa urbanizatzeko baldintzak ere ezartzen ditu.

3. artikulua. Hiri lurzoruaren jabeen eskubideak eta betebeharrak.

-Eskubideak:

Hiri lurzoruaren jabe direnek, 35/2002 Foru Legeak eta planeamenduak kasu bakoitzean ezartzen dituzten baldintzetan, honako eskubide hauek izanen dituzte:

a) Lurren urbanizazioa osatzeko eskubidea, orube izaera eskura dezaten.

b) Lurzatiak edo orubeak izan dezakeen hirigintza-aprobetxamendurako eskubidea, artikulu honetako 2. eta 3. idatz-zatietan xedatutakoaren arabera.

c) Eraikitzeko eskubidea, dagokion hirigintza-aprobetxamendua gauzatuta, planeamenduaren eta, halakorik bada, kasuan kasuko kudeaketa tresnen arabera, lurra orube bihurtzen den unetik hasita edo, bestela, oraindik egin gabe zeuden urbanizazio obrekin batera.

d) Egindako eraikina hirigintza-antolamenduak baimentzen dituen erabileretarako xedatzeko eskubidea, hartan dagozkion jarduerak garatuz.

Hiri lurzoru finkatuan, jabeek beren aprobetxamendua zuzenean gauzatuko dute beren lurzatien gainean edo aldez aurretik finken normalizazioa eginda; eta hiri lurzoru finkatu gabean, antolamendu berritik ateratzen diren lurzatien gainean, edo konpentsazio ekonomikoaren bidez.

Jabeek gauzatzen ahalko dute hirigintza aprobetxamendua, hirigintza planeamenduak onartzen dienetik dagokiena, honela:

a) Hiri lurzoru finkatuan: lurzatiaren edo orubearen aprobetxamenduko %100, planeamenduak ezartzen duenaren arabera.

b) Hiri lurzoru finkatu gabean: exekuzio unitateari edo, hala behar duenean, banaketa eremuari dagokion aprobetxamenduaren %90.

Artikulu honetan aipatzen diren eskubideak erabiltzeko, beharrezkoa da aldez aurretik onestea lurren antolamendu xehakatua ezartzen duen hirigintza planeamenduko tresna eta, hala behar duenean, hirigintza-kudeaketan eska daitekeen tresna, bai eta kasuan kasuko hirigintza lizentzia lortzea ere.

-Betebeharrak:

Hiri lurzoru finkatuaren jabeek honako betebehar hauek izanen dituzte:

a) Lurrek orube izaera lortzeko behar duten urbanizazioa ordaintzea eta, hala behar duenean, exekutatzea, lehendik ez baldin badute. Horretarako, ordaindu beharko dituzte hiri zerbitzuak osatzeko behar diren urbanizazio gastuak, finkak erregularizatu beharko dituzte beren konfigurazioa planeamenduan ezarritakoari egokitzeko, behar diren obrak exekutatu beharko dituzte, hala behar denean, eta Udalari laga beharko dizkiote planeamenduan seinalaturiko lerrokaduretatik kanpo gelditzen diren lurrak, zeinak ezin izanen baitira izan, inola ere, finkaren guztirako azaleraren %10 baino gehiago.

b) Orubeak eraiki beharko dituzte, planeamenduak eta hirigintza lizentziak seinalatzen dituzten epean eta gainerako baldintzetan.

c) Eraikina erabili beharko dute planeamenduak eta hirigintza lizentziak aurreikusitako erabileretarako.

Hiri lurzoru finkatuan lerrokadura berriak ezartzen direnean, lehengoak zuzenduz edo trazadura berriko kaleak eginez, ukitutako lurren jabeek doako lagapenak eginen dizkiote Udalari lagapen egintza administratiboen bidez edo birzatiketa nahiz konpentsazio bidez gainerako kasuetan.

Hiri lurzoru finkatu gabearen jabeek honako betebehar hauek izanen dituzte:

a) Administrazioari laga beharko diote, nahitaez eta dohainik, beren lurrak sartzen diren garapen esparruaren zerbitzuan, bideetarako, espazio libreetarako, berdeguneetarako eta herriko ekipamendu publikoetarako behar den lurzoru guztia.

b) Nahitaez eta dohainik laga beharko dute sistema orokorren exekuziorako behar den lurzorua, planeamenduak, hala behar duenean, dagokion esparruan sartuko duena, hura kudeatzeko xedearekin.

c) Esku hartzen duen administrazioari laga beharko diote, nahitaez eta dohainik, kasuan kasuko esparruko aprobetxamenduaren 100eko 10ari dagokion lurzoru kopurua, salbu lehendik dagoen eraikuntza ordezkatzen denean aprobetxamendua handitu gabe.

d) Planeamenduaren ondoriozko onura eta kargak banatu beharko dituzte, bakoitzari dagokiona, haren exekuzio materialari ekin baino lehen.

e) Urbanizazioa ordaintzea eta, hala behar duenean, exekutatzea, planeamenduak dagokion esparruan sartzen dituen sistema orokorren urbanizazio obrak izan ezik, hura kudeatzeko xedearekin.

f) Orubeak eraiki beharko dituzte, planeamenduak eta hirigintza lizentziak seinalatzen dituzten epean eta gainerako baldintzetan.

g) Eraikina erabili beharko dute planeamenduak eta hirigintza lizentziak aurreikusitako erabileretarako.

4. artikulua. Lurzoru urbanizagarriaren jabeen eskubideak eta betebeharrak.

-Eskubideak:

Lurzoru urbanizagarriaren jabeek beren jabetzako lurrak erabili, haietaz gozatu eta xedatzeko eskubidea izanen dute, beren landa-izaeraren arabera.

Udal Plan Orokorraren araberako antolamendu xehakatuko lurzoru urbanizagarri sektorizatuaren jabeek honako eskubide hauek izanen dituzte:

a) Lurren urbanizazioaren bidezko eraldaketa sustatzeko eskubidea, foru lege honetan eta planeamenduan ezarritakoaren arabera.

b) Urbanizazioaren exekuzioan parte hartzeko eskubidea, foru lege honetan eta planeamenduan ezarritako forma eta baldintzen arabera.

c) Lurzatiak izan dezakeen hirigintza aprobetxamendurako eskubidea.

d) Eraikitzeko eskubidea, dagokion hirigintza aprobetxamendua gauzatuz, planeamenduaren eta, hala denean, kasuan kasuko kudeaketa tresnen arabera.

e) Egindako eraikina hirigintza-antolamenduak baimentzen dituen erabileretarako xedatzeko eskubidea, hartan dagozkion jarduerak garatuz.

Udal plan orokorraren araberako antolamendu xehakaturik gabeko lurzoru urbanizagarria denean, lurraren jabeek antolamendu xehakatua sustatzeko eskubidea izanen dute, eta horretarako behar den garapen planeamendua eskatu eta formulatzen ahalko dute.

-Betebeharrak:

Lurzoru urbanizagarria hiri lurzoru bihurtzeak honako betebehar hauek ekarriko dizkie bere jabeei:

a) Administrazioari laga beharko diote, nahitaez eta dohainik, beren lurrak sartzen diren garapen esparruaren zerbitzuan, bideetarako, espazio libreetarako, berdeguneetarako eta herriko ekipamendu publikoetarako behar den lurzoru guztia.

b) Nahitaez eta dohainik laga beharko dute planeamendu orokorrak, hala denean, dagokion esparruaren barrenean sartu edo atxikitzen dituen sistema orokorrak exekutatzeko behar den lurzoru guztia, bai eta udalez gaindiko ekipamenduetarako lurrak ere, bertan titulartasun publikoko edo gizarte integrazioko etxebizitzak eraikitzeko.

c) Ordaindu eta, hala behar denean, exekutatu beharko ditu jarduketaz kanpoko sistema orokorrekiko loturako azpiegiturak eta, hala denean, sistema horiek handitu edo indartzeko behar diren obrak, jarduketaren tamaina edo dentsitatea dela medio edo ondorioz ekarriko dituen intentsitateengatik egin beharko direnak, planeamendu orokorrak ezartzen dituen betebehar eta baldintzen arabera.

d) Esku hartzen duen administrazioari laga beharko diote, nahitaez eta dohainik, kasuan kasuko sektore edo esparruko aprobetxamenduaren %10ari dagokion lurzoru kopurua.

e) Planeamenduaren ondoriozko onura eta kargak banatu beharko dituzte, bakoitzari dagokiona, haren exekuzio materialari ekin baino lehen.

f) Dagokion esparruko urbanizazioa ordaintzea edo exekutatzea, planeamenduak dagokion esparruan sartu edo atxikitzen dituen sistema orokorren urbanizazio obrak izan ezik, hura kudeatzeko xedearekin, c) letran ezarritakoa deusetan ukatu gabe.

g) Orubeak eraiki beharko dituzte, planeamenduak eta hirigintza lizentziak seinalatzen dituzten epean eta gainerako baldintzetan.

h) Eraikina erabili beharko dute planeamenduak eta hirigintza lizentziak aurreikusitako erabileretarako.

5. artikulua. Erabilera, kontserbazioa eta zaharberrikuntza.

Era guztietako lur eta eraikuntzen jabeek, lurzoru mota bakoitzari dagozkion betebeharrez gain, ondoko betebeharrak izanen dituzte:

a) Lurrak eta eraikuntzak hirigintzako planeamenduarekin bateraezinak ez diren xedeetarako erabiltzea.

b) Segurtasunari, osasungarritasunari, apaintasun publikoari eta biziegokitasunari dagokienez, lurrak eta eraikinak behar den egoeran mantentzea, kasuan kasuko xedearen arabera, behar diren lanak eginez egoera hori kontserbatu edo konpontzeko eta beharrezkoak edo eskagarriak diren zerbitzuez hornitzeko, betiere ondasunaren erabilera eta ezaugarriak kontuan harturik.

c) Arauak betetzea, ingurumena eta ondare arkitektonikoa nahiz arkeologikoa babesteari buruz, hiri-zaharberritzeari buruz, labore-unitate minimoei buruz, bai eta gainerako araudi sektoriala eta aplikatzekoak diren plan eta programa sektorialetan xedatutakoa ere.

d) Fatxadetan edo eremu publikotik ikusten diren tokietan kontserbazio eta erreforma lanak egitea, Udalak turismoari begira edo arrazoi estetikoengatik eskatzen dienean, nahiz eta lehendik planeamenduan sartuak ez egon.

e) Mugakideak baldin badira jabari publikokoak diren ondasunak, non ezarriak baitaude obra edo zerbitzu publikoak edo zeinen zoru gainean edo zorupean ustiapen arautuari loturiko natur baliabideak dauden, ezartzen diren mugak errespetatzea.

f) Baimena ematea administrazio publiko eskudunak behar diren lanak egin ditzan, ingurumena kontrolatu, kontserbatu edo lehengoratzeko eta higadurari aurrea hartzeko xedearekin.

g) Aginduzko baimenak eta, betiere, udal lizentzia eskatu eta lortzea, lurzorua eraldatu edo erabiltzeko edozein egintzaren aurretik, deusetan ukatu gabe aplikatzekoa den legeria sektorialean ezarritakoa.

Udalek eta, hala badagokie, gainerako erakunde eskudunek aginduko dute, ofizioz edo edozein interesdunek eskaturik, aurreko idatz-zatian aipatzen diren baldintzak kontserbatzeko behar diren obrak egin daitezela, lanak egiteko epea zehazturik.

Artikulu honetan xedatutakoaren ondorioz egin beharreko obren kostua jabeen bizkar geldituko da, non ez duen araudi sektorial aplikagarriak xedatzen Administrazioak edo zerbitzu publikoen kontzesiodunek kitatuko dutela. Foru lege honek aipatzen dituen katalogoetan sartutako ondasunen jabeek, ondasun horiek kontserbatzeko, eskatzen ahalko dute administrazio eskudunen lankidetza, eta administrazio horiek laguntza ematera beharturik egonen dira baldin eta egin beharreko obren kostua handiagoa bada ezen ez kontserbatzeko betebeharra, zeina ulertuko baita ondasuna lehengoratzeko kostuaren erdia dela, lurzoruaren balioa kenduta.

Urbanizazio obren kontserbazioa, kasuan kasuko ekipamendu eta zerbitzu publikoen mantentze-lanak barne direla, administrazio titularraren esku dago. Etxebizitzen urbanizazioetan, urbanizazio industrialetan edo hirugarren sektoreko urbanizazio pribatuetan, 35/2002 Foru Legearen 68.2 artikuluak aipatzen duen hitzarmenean ezarritakoari jarraituko zaio.

Sistema pribatuek egindako urbanizazio obretan, aurreko lerroaldeak aipatzen duen betebeharra hasiko da Administrazioak obrak onartzen dituen unean, hala agintzen baitu 35/2002 Foru Legearen 159. artikuluak.

2. KAPITULUA

Garapena, exekuzioa eta kudeaketa

6. artikulua. Baldintza orokorrak.

Udal plan honetan mugatuta dauden unitateen bidez gauzatu eta garatuko da antolamendua, edo, kasua bada, Udal Planaren garapenean aipatu irizpideei jarraituz mugatzen direnen bidez.

7. artikulua. Zuzeneko jarduketa.

Exekuzio unitateen barruan ez dauden hiri lurzoruko lurzatiak finkatutzat joko dira; haietan zuzeneko jarduketaren bidez eraikiko da, hau da, eraikitzeko lizentzia eskatuta.

Lurzatietarako baliagarriak izan behar diren azpiegituren egoera ez bada nahikoa aurreikusten den erabilerarako, eraiki nahi duen jabeak haiek handitzearen kostua hartu beharko du bere gain, exekuzio unitateetarako ezarritako baldintza orokorrei jarraiki. Aurreko zenbakian aipatutako aurreikuspena aplikatuko zaie bai obra berriei, bai egokitzeko, berregituratzeko, handitzeko edo ordezteko obrei.

Halaber, Udal Planak finkatutako lerrokadura ofizialek gaur egungo partzelazioaren aldean eremu publikoa handitzea dakartenean, obra berrirako lizentzia emateko, Planak finkatutako lerrokadura ofiziala gainditzen duen lurzati pribatuaren puska erabilera publikorako laga beharko da dohainik.

8. artikulua. Exekuzio unitatea.

Exekuzio unitatea hiri lurzoruko edo lurzoru urbanizagarriko esparru bat da zeinean batera bete behar baitira lagatzeko, berdinbanatzeko eta urbanizatzeko betebeharrak, hirigintzako legeria aplikagarriak ezartzen duenari jarraituz. Betebehar horiek batera betetzeko jarduketa sistema bat aplikatu behar zaien unitateak exekuzio unitate gisa definitzen dira Arau Partikularretan.

Unitateen mugaketaren xedea karga eta mozkinen arteko proportzioa ahal den neurrian orekatzea da; bere baitan hartzen du beti, gainera, unitatearen zerbitzuan dauden toki sistemen urbanizazioa; eta horretarako irizpide zabala erabiltzen du, unitatearen exekuzioak lurzoru finkatuari loturik uzten dituen eremu publikoak behar luketen urbanizazioa gabe ez gelditzeko.

SR-1 etxebizitza sektorea eta hiri lurzoru finkatu gabea exekuzio unitatetan zatitu dira. Unitate horien mugak kudeaketa planoan finkatu dira; unitate bakoitzak katastro-lurzati bat edo gehiago hartzen du.

9. artikulua. Banaketa eremuak.

Eredu-aprobetxamendua kalkulatzeko sortzen diren lur esparruak dira. Nahitaezko lagapenaren eta berdinbanaketaren betebeharrak betetzeko, Udal Plan Orokorrak banaketa eremu bat edo gehiago zehazten ahalko ditu finkatu gabeko hiri lurzoru guztirako eta haren barrenean sartzen diren sistema orokorretarako lurretarako, zeinen jabetza ez den lortu hirigintza lagapen edo atxikipenaren ondorioz Udal Plan Orokorraren aurretik. Erabilera orokor bereko banaketa eremu desberdinen eredu-aprobetxamendua ezin izanen da izan haietako handiena baino %15 txikiagoa.

10. artikulua. Sektoreak.

Sektorea da plan partzialaren bidez zuzenean garatzen ahal den lurzoru urbanizagarri puska.

11. artikulua. Eredu-aprobetxamendua.

Zehaztutako banaketa eremu bakoitzeko eredu-aprobetxamendua zatiketa bat eginez aterako da. Zatikizuna izanen da planeamenduak eremu horretarako aurreikusitako hirigintza antolamenduari dagokion irabazizko guztirako aprobetxamendua, barne harturik ekipamenduetarako pribatua, behar bezala homogeneizaturik, metro koadro eraikigarrietan emana, eta zatitzailea, berriz, azalera osoa, lehendik dauden sistema orokorrei edo toki sistemei atxikitako lurrak kenduta.

12. artikulua. Batez besteko aprobetxamendua.

Exekuzio unitate baten batez besteko aprobetxamendua zatiketa bat eginez aterako da. Zatikizuna izanen da irabazizko aprobetxamendua, barne harturik unitateari dagokion ekipamenduetarako aprobetxamendu pribatua, aldez aurretik homogeneizatua aurreko artikuluan aipatzen diren irizpideen arabera zehazten diren haztapen erlatiboko koefizienteen bidez, eta zatitzailea, berriz, exekuzio unitatearen azalera osoa, lehendik dauden sistema orokorrei edo toki sistemei atxikitako lurrak kenduta. Exekuzio unitate desberdinen batez besteko aprobetxamendua ezin izanen da izan haietako handiena baino %15 txikiagoa, eta hura betetzeko unitate etenak zehazten ahalko dira.

13. artikulua. Urbanizazio kargak.

35/2002 Foru Legearen 104. artikuluan ezarritakoaren arabera, exekuzio unitatean sartutako lurzatien jabeei dagokie unitatea urbanizatzeko kostua. Udalak aprobetxamenduaren %10 jasoko du, kargarik gabe.

Unitate baten exekuzioaren ondoriozko lurzoru publikoa unitatean hasieran sartutako lurzoru publikoa baino gutxiago denean, Udalak diferentzia horri dagokion aprobetxamendurako eskubidea izanen du. Udalak zenbat lurzoru publikoren aprobetxamendua jaso, hainbesteko proportzioan egin beharko die aurre urbanizazio zamei.

Urbanizatzeko kostuaren barrenean sartzen dira kasuan kasuko urbanizazio proiektuaren erredakzioa eta exekuzioa, Araudi honetan aipatzen diren edukiekin. Exekuzio unitate bakoitzerako ezarritako baldintza orokor eta partikularren arabera, proiektuak honako hauek barne hartuko ditu:

-Bide sarea.

-Ur horniduraren sarea.

-Saneamendu sarea.

-Argindarraren sarea.

-Kaleko argien sarea.

-Ureztatzeko sarea.

-Telefono sarea eta beste zerbitzu batzuk.

Exekuzio unitatearen eremuan antolamenduz kanpoko eraikinak badaude, haien kalte-ordaina jabeek beren gain hartzen dituzten karga ekonomikoetan sartu behar da.

14. artikulua. Jarduketa sistema.

Jarduketa sistema planeamenduan hautatuko da edo, bestela, exekuzio unitatea zehazterakoan. Hautatutako sistema behar bezala justifikatuta aldatzeko tramitazioa eginen da exekuzio unitate bat zehazteko xedatutakoaren arabera.

Planak jarduketa sistemarik ezartzen ez badu, ulertzen ahalko da hautatu dela konpentsazio sistema edo borondatezko birzatiketarena, deusetan ukatu gabe hura aldatzea.

Jarduketa pribatuko sistemaren bat ez bada garatzen ari planeamenduan edo exekuzio unitatearen zehaztapenean laga, berdinbanatu eta urbanizatzeko betebeharrak betetzeko ezarritako epeen arabera, Administrazioak erabaki beharko du, bere kabuz edo kasuan kasuko sistemaren arabera horretarako eskubidea duten partikularrek eskatuta, jarduketa sistema horren ordez jarduketa pribatuko beste bat, exekuzio unitatearen garapena betetzea bermatuko duena, edo jarduketa sistema publiko bat jartzea.

Exekuzio unitate bakoitza bere fitxa xehakatuan ageri den jarduketa pribatuko edo publikoko sistemaz garatuko da, edo, bestela, Administrazioak aukeratzen duen sistemaz.

-Jarduketa pribatuko sistemak:

• Zuzeneko jarduketa edo asistematikoa.
• Konpentsazioa.
• Borondatezko birzatiketa.

-Jarduketa publikoko sistemak:

• Lankidetza.
• Nahitaezko exekuzioa.
• Desjabetzea.

15. artikulua. Gutxieneko lurzati eraikigarria.

Lehendik dauden lurzatiak eraikuntza unitatetzat hartuko dira ondorio guztietarako, nahiz eta haien parametroek ez bete Araudi Partikular honetan ezarritakoa.

Gutxieneko lurzati eraikigarria fatxada-luzeraren bidez eta metro karratutan adierazitako azaleraren bidez definitzen da, lerrokadura ofiziala erreferentzia hartuta. Hiriguneko toki batetik bestera aldatzen da. Txikiagoa izan ahalko da, dagoeneko finkatu diren lurzati txikien kasuan.

16. artikulua. Lurzatian eraikitzeko baldintzak.

Lurzati eraikigarria kanpo-lerrokaduren barneko eremua da.

Lurzati batean eraiki ahal izateko, ondoko baldintzak bete behar dira:

-Planeamenduko baldintzak: behin betiko onetsia izatea planeamendua edo bertako determinazioak zehazten dituzten geroagoko tresnak.

-Urbanizazioak bete beharreko baldintzak:

• Aurrean hiri bide bat izatea, zoladura emana; eta hornidura, saneamendu eta argindar zerbitzuak eta azpiegiturak izatea.
• Aurreko baldintzetako baten bat bete gabe badago, eraikitzearekin batera bete beharko da.

-Kudeaketa baldintzak: planeamenduak edo hura garatzen duten figurek ezarritako determinazio guztiak betetzea. Horrez gain, lurzatia kargak eta onurak banatzeko jarduketa unitateren batean badago, horri dagozkion determinazioak bete behar dira.

-Formari buruzko baldintzak: planeamenduan neurriei buruz ezarritako baldintza guztiak bete beharko dira, lurzatiaren azalerari eta mugei dagokienez.

17. artikulua. Lurzatiak banantzea eta eranstea.

Udal Planak hiri lurzoru finkatuan sartzen dituen lurzatien forma eta hedadura aldatu ahal izanen dira, haiek bananduz edo ondoko beste lurzati batzuekin edo horien puska batzuekin batuz. Betiere, ateratzen diren lurzatiek Udal Planean kasu bakoitzean ezartzen diren baldintzak bete beharko dituzte.

Baldintza horiek ondoko parametroetako batzuei edo guztiei buruzkoak dira: lurzatiaren gutxieneko azalera; lurzati-aurpegiaren gutxieneko luzera, eta eraikinak lurzatian gehienez okupatu dezakeen eremua.

Ateratzen diren lurzati guztiek bete behar dituzte baldintza horiek, bai jatorrizko lurzatitik banandutako lurzatiek, bai jatorrizko lurzatiak berak, behin bere azalera murriztuta bananketaren ondorioz.

18. artikulua. Antolamenduz kanpoko eraikinak.

Finkatu gabeko hiri lurzoruan eta lurzoru urbanizagarrian kokatuta dauden eta Udal Planaren antolamenduan ezarritako forma edo erabilera baldintzak betetzen ez dituzten eraikinak antolamenduz kanpoko araubidearen mendean egonen dira, 35/2002 Foru Legearen 84. artikuluak ezarri bezala.

Horren ondorioz, eraikin horietan ezin izanen da inolako kontserbazio, egokitzapen, berregituratze edo handitze obrarik egin. Gainera, kontserbazio obren barnean, higiezinaren segurtasun eta higiene soilerako konponketak baizik ezin izanen dira egin.

19. artikulua. Eraikuntzaren aurri egoera.

Eraikuntzaren aurri egoera deklaratzea bidezkoa izanen da eraikuntza osoak edo zatiren batek baldintza hauetakoren bat betetzen duenean:

-Egin beharreko obren kostua ukituriko eraikinaren edo solairuen egungo balioaren %50etik gorakoa denean, lurren balioa alde batera utzita.

-Eraikinaren egiturazko edo oinarrizko elementuak erabat ahulduta daudenean.

-Obra batzuk egin behar eta eraikina antolamendutik kanpo egoteagatik baimenik eman ezin denean.

Jabeak Udalak agindutakoa betetzen ez badu, Udalak berak eginen du, baina behartuaren kontura.

Obrak egitea presakoa bada eta atzeratzeak arriskua badakar, alkateak, bere ardurapean, segurtasuna helburu, bizilagunen eta hirugarrenen segurtasun fisikoa bermatzeko behar diren neurriak ezarriko ditu.

Aurri egoeran deklaratzen diren eraikinak planeamenduaren aurreikuspen eta epeei jarraikiz ordeztu edo zaharberritu beharko dira.

Epe horietan partikularrak kasuan kasuko jarduketarako lizentzia eskatzen ez badu, administrazioak atzerapen horrengatik dagokion zehapena jarriko dio, Foru Legean ezartzen denaren arabera.

Interes historiko-artistikoa izateagatik katalogatuta dauden higiezinen kasuan, ezin izanen da egin behar diren konponketa obren kostua dela-eta aurri egoerarik deklaratu.

20. artikulua. Exekuzio aginduak.

Udalak, ofizioz edo interesdunen batek eskaturik, exekuzio aginduak eman ahalko ditu, ondasun higiezinen jabeek behar diren obrak egin ditzaten 35/2002 Foru Legearen 87. eta 88. artikuluetan aipatzen diren baldintzak betetzeko.

Exekuzio aginduetan zehatz azalduko da zer obra egin behar den eta zein epetan; epe horretan jabeek konponbide teknikoak proposatu ahalko dituzte, modu arrazoituan luzapenak eskatu, eta dagozkien laguntza ekonomikoak eskatu ahalko dituzte.

Exekuzio agindu bat betetzen ez bada, Udalak ahalmena izanen du subsidiarioki egiteko eta zigor-isunak ezartzeko, hamabi jarraian gehienez, hilabetean behin ordaindu beharrekoak, 600 eta 6.000 euro bitartekoak, harik eta kontserbaziorako legezko beharkizunaren mugaraino. Betiere, azken isunaren ondoko borondatezko betetzearen epea amaiturik, administrazio jardulea behartuta egonen da agindutako obrak subsidiarioki egitera, behartuaren kontura.

21. artikulua. Eraikinak ordezteko antolamendua.

Finkatutako eraikin batzuetarako, Udal Planak bi antolamendu desberdin ezartzen ditu, gaur egungo eraikina mantentzen ala ordezten den.

Jabeak eraikina mantentzea erabakitzen badu, hura kontserbatzeko, egokitzeko eta berregituratzeko edozein obra egin ahalko du, kasu bakoitzerako ezarritako baldintza estetikoak eta erabilerari buruzkoak betetzen baditu.

Eraikina ordezteko obrak egiten badira, berriz, zehatz-mehatz bete beharko dira Udal Planean erabilerari, estetikari eta formari buruz ezarritako baldintzak.

22. artikulua. Esku-hartzeak eraikinetan.

-Handitzea. Ez da onartuko eraikinak handitzerik. Salbuespenez, eraikinak agortu gabe badu aurreikusitako eraikigarritasuna, handitzea onartuko da.

-Eranskinak egitea. Lurzatietan eranskinak eraiki ahalko dira, zona bakoitzeko araudi partikularrari eta itxurari kalterik egiten ez diotela irizten bazaio.

-Eraikina ordeztea edo erabilera aldatzea. Aurreikusitako antolamenduaren baldintzak errespetatu beharko dira.

3. KAPITULUA

Erabilerari buruzko baldintza orokorrak

23. artikulua. Lurzoruaren erabilerak.

Udal Planean jarduerak modu orekatuan antolatzen dira eta haien arteko kidetasunak eta bateraezintasunak arautzen dira. Lurzati, exekuzio unitate edo eraikuntza batean edo hiri garapenaren ondoriozko beste esparruren batean egiten diren jarduerek bete behar dituzten baldintza partikularren multzoari erabilera deitzen zaio.

Planeamenduak hiri lurzorua eta lurzoru urbanizagarria kalifikatzen ditu berariaz, erabilera orokorrak eta erabilera xehakatuak esleituz, eta, horrela, haien kokapena eta leku bakoitzean egin daitezkeen jarduerak arautzen ditu.

24. artikulua. Erabileren gaineko arauak.

Erabilera eta jarduera guztiek, arau hauetan xedatutakoaz gain, dagokien legeria sektoriala bete beharko dute. Araudi batean baino gehiagotan jasota dauden gaietan beti beteko dira baldintzarik zorrotzenak.

Beharrezkoa izanen da jarduketarako baimen edo kontzesio administratiboa lortzea, legeria sektorialak hala agintzen duen kasuetan. Betiere hirigintzako lizentzia baldintzapean emanen da, behar den baimen edo kontzesio administratiboa lortuko delakoan.

25. artikulua. Hainbat erabilera desberdin eraikin berean.

Erabilera nagusiari beste batzuk gehitzen zaizkionean, erabilera bakoitzak bere zehaztapenak bete beharko ditu. Eraikinak bete behar dituen eraikuntza-baldintzak zehazterakoan, azalera handiena hartzen duen erabilera hartuko da kontuan.

26. artikulua. Erabileraren intentsitatea.

Lurzati batean edo eremu batean erabilera jakin batek har dezakeen eraikuntza-azalera da, metro karratutan. Onartzen den unitate kopuruaren bidez ere definitzen ahal da.

1. ATALA

Erabileren sailkapena esleipenaren arabera

27. artikulua. Erabilera orokorrak.

Erabilera orokorra esaten zaio lur eremu bakoitzean aurreikusten den jarduera nagusiari, kontuan hartu gabe bide egiturari eta hiri ekipamendu txikiari dagozkien erabilerak.

Ondokoak dira Udal Planean definitutako erabilera orokorrak:

-Bizitegitarako erabilera.

-Industriarako eta hirugarren sektorerako erabilera.

-Zuzkidurarako erabilera.

-Berdeguneak eta espazio libreak.

-Baso-berritzea eta intereseko ibilbideak.

-Egiturazko bideak.

28. artikulua. Erabilera xehakatuak.

Erabilera xehakatua esaten zaio erabilera orokorra garatuz lurzoruan egiten den jarduera zehatzari. Lurzoruaren erabilera xehakatuak dokumentazio grafikoan eta Araudi Partikularrean zehazturik daude. Plan partzialek modu xehakatuan garatzen dute Udal Planean definitutako kalifikazio orokorra.

Ondokoak dira Udal Planean definitutako erabilera xehakatuak:

-Eraikuntza:

• Proposatzen den bizitegitarako erabilera (tipologien arabera sailkatua).
• Lehendik dagoen bizitegitarako erabilera (tipologien arabera sailkatua).
• Nekazaritza eta abeltzaintzako erabilera.
• Industria ekoizpenerako erabilera.
• Ekipamendutarako erabilera (zuzkidura).
• Lurzoruaren Foru Bankurako zuzkidura-erreserbarako erabilera.

-Espazio publikoak:

• Bidetarako erabilera.
• Berdeguneak eta espazio libreak.

2. ATALA

Erabileren sailkapena helburuaren arabera

29. artikulua. Bizitegitarako erabilera.

Pertsonei bizileku iraunkorra edo behin-behinekoa emateko balio duen erabilera bizitegitarako erabilera da. Erabilera hori duten higiezinetan (komunitateen egoitzetan izan ezik) etxebizitzak daude, etxebizitzei lotutako espazioekin batera (eremu libre pribatuak, garajeak etab.). Hoteletarako erabilera baztertuta geratuko da, beti hirugarren sektoreko erabileratzat joko baita.

Bizitegitarako erabilera xehakatzeko, tipologia hauek bereizten dira:

-Etxebizitza bakartua:

Lurzati independente batean dago. Eraikuntzan etxebizitza bakarra dago, zuzeneko sarrera duena bide publikotik edo espazio libre pribatutik. Betiere, eraikuntza lurzatiko mugetatik bereizita dago.

-Etxebizitza atxikia edo binakakoa:

Etxebizitza bakoitza bere lurzatian dago. Binakakoak binaka elkartuta daude, eta atxikiak ilara jarraituan. Zuzeneko sarrera dute bide publikotik edo eremu libre pribatutik.

-Blokeko etxebizitza edo etxebizitza kolektiboa:

Etxebizitzak elkartuta daude bata bestearen ondoan edo gainean, eta sarrera komuna dute. Lurzati bakoitzean hainbat etxebizitza eraikitzen dira elkartuta, sarrera komunarekin, eta Jabetza Horizontalari buruzko Legea aplikatu behar zaie.

-Babes ofizialeko etxebizitza:

Legeak agintzen duenez, etxebizitza berriak egiteko ahalmenaren zati bat gorde behar da babes ofizialeko etxebizitzak eraikitzeko.

-Mehelin arteko etxebizitza:

Badaude lehendik eta herrigune finkatuko kaleak eratzen dituzte etxesail irregularretan elkartuta, edo eraikuntzak bi aldetara begira dituzten Erdi Aroko lurzatietan. Etxebizitza bakoitza lurzati batean dago, alboetako eraikuntza-lerroak, gutxienez, lurzatiko mugen gainean dituela.

Erabilera hauek bizitegitarako erabilerari lotuta eta etxebizitzari erantsita daude:

-Lurzati librea:

Jabetza eta erabilera pribatuko lur eremua. Etxesail itxietako etxebizitzetako batzuek dute, eta etxebizitza bakartu, binakako eta atxiki guztiek.

-Aparkalekua:

Lurzatiaren barnean aparkatzeko toki bat eduki beharko da etxebizitza bakoitzeko, salbu eta lurzatiaren neurriengatik hori ezinezkoa dela frogatzen denean.

-Etxebizitzaren eranskina edo eraikuntza osagarria:

Bizitegitarako lurzatiaren barnean dagoen eta etxebizitzari lotutako erabilera duen eraikuntza edo eraikuntza-zatia (biltegia, lorezaintzako materialak gordetzeko lokala, igerilekuak, aldagelak eta garaje partikularrak).

-Bestelako eranskina:

Etxebizitzan bizi direnek egiten dituzten ekoizpen jardueretarako edo hirugarren sektoreko zerbitzuetarako erabiltzen den eraikuntza osagarria.

Eraikuntza horiek guztiek errespetatu beharko dituzte eraikuntzen formari eta estetikari buruzko determinazioak. Etxebizitzarenak ez diren eranskinak baimendu ahalko dira baldin eta Araudiak erabilera eta esparru bakoitzean horrelakoak onartzeko ezartzen dituen baldintzak betetzen badira.

30. artikulua. Zerbitzutarako erabilera.

Zerbitzutarako erabilerak jendeari, enpresei edo erakundeei zerbitzuak ematea du helburu. Horren barruan lehenik eta behin merkataritzako erabilera aipatu behar da, hau da, jendeari produktuak eta zerbitzuak saltzea xede duten eraikinak edo eraikin zatiak. Hirugarren sektoreko beste edozein erabileratarako den ekipamendua ere hartzen du barnean: bulegoak, lantegiak, lanbide liberaletako bulegoak, ostalaritza eta abar.

31. artikulua. Nekazaritza eta abeltzaintzako erabilera.

Nekazaritza eta abeltzaintzako erabilerak barnean hartzen ditu abere hazkuntzaren bidez edo nekazaritzako produktuen lehenbiziko manipulazioaren bidez aberastasunak lortzeko jarduerak, tartean biltegiratzea, hots, uztak, makineria eta jarduerarako beharrezkoak diren eta haren izaerarekin eta ustiapenarekin zuzeneko lotura duten produktuak biltegiratzeko jarduerak.

32. artikulua. Industria ekoizpenerako erabilera.

Lehengaiak lortu eta produktuak prestatu, eraldatu, konpondu, biltegian jaso eta banatzeko helburua duenari esaten zaio industriako erabilera. Eraikuntza batek edo eraikuntza zati batek ekoizpenerako erabilera duela esaten da saltzeko eta banatzeko objektuak ekoiztea helburu duten jarduerak egiten badira bertan, tartean produktuen edo horien ekoizpenerako makina eta erreminten biltegiratzea.

-Industria:

Erabilera hori duten eraikin, instalazio eta tokietan ondasunak eraldatu egiten dira, prozesu seriatu edo estandarizatuen bitartez, beren azken erabilerarako edo tarteko produktuak lortzeko. Erabilera honek barnean hartzen ditu lehen sektoreko erabilerei lotutako industriak, industria arinak, industria astunak, industria bereziak, erauzteko industria eta abarrekoak, bai industrialde gisa antolatuta, bai lurraldean banaka kokatuta.

-Lantegiak eta konponketak:

Espazio eta lokal nahiko handiak dira, etxeko tresnak, ibilgailu motordunak eta abarrekoak konpondu eta mantentzeko lanetarako erabiltzen direnak (mekanika, elektrizitate eta karrozeria lantegiak, ibilgailu motordunen ordezko piezak eta osagarriak saltzeko lokalak, ibilgailuen ikuskapen teknikoa egiten dutenak, etxetresna elektrikoak konpontzeko lantegiak etab.).

-Biltegiak eta handizkako merkataritza:

Industria ekoizpenean erabiliko diren edo handizkariei emanen zaizkien ondasun eta produktuak gorde, metatu edo biltegiratzeko erabiltzen diren espazioak dira (ezin dira erabili txikizkako salmentarako).

33. artikulua. Ekipamendutarako erabilera (zuzkidura).

Ekipamendutarako erabilera duten espazioetan gure gizarteko zerbitzu oinarrizkoak ematen dira, hala nola irakaskuntza, kultur prestakuntza edo gorputz hezkuntza.

Ekipamendutarako jarduerak beste zerbitzu batzuetatik bereizten dituen ezaugarria da lehenbizikoek gizartean oinarrizkotzat jotzen diren beharrak asetzen dituztela eta herritar guztiek jaso behar dituztela, banaka ordaindu gabe.

Ekipamenduak publikoak dira oro har, baina instalazio pribatuak ere ekipamendutzat jo ahalko dira, sektore publikoak eman ohi dituen zerbitzuak ematen badituzte, erakunde publikoek eskaintzen dituzten zerbitzu mailen osagarri gisa.

-Administrazio Publikoa:

Administrazio Publikoko ekipamendu-erabilera duten espazioetan afera publikoak kudeatzeko eta herritarrei afera horietan arreta emateko jarduerak egiten dira. Estatuaren, Autonomia Erkidegoaren, udalen eta kontzejuen zerbitzu tokiak, Justizia Administrazioarenak, zentro ofizialak, postetxeak eta horrelakoak biltzen dira erabilera honetan.

-Hezkuntzakoa:

Hezkuntzako ekipamendu-erabilera duten higiezinak (hots, eraikuntzak eta lotutako lurzatiak) biztanleriaren hezkuntzarako erabiltzen dira modu iraunkorrean, irakaskuntza arautuaren bidez, indarra duen esparru ofizialean.

-Kulturakoa:

Kultur ekipamendutzat joko dira kultura iraunarazi eta transmititzeko erabilera iraunkorra duten higiezin publikoak, hala nola liburutegi, museo, erakusketa areto, kultur etxe, entzunareto eta gisakoak.

-Osasun eta laguntza arlokoa:

Erabilera hori duten higiezinetan laguntza medikoa ematen da araubide anbulatorioan edo ospitaleratuta (ospitaleak, klinikak, osasun etxeak etab.), edo berez osasun arlokoak ez diren gizarte zerbitzuak ematen dira (zahar etxeak, sehaska etxeak, abegi edo ongintza etxeak, haurtzaindegiak, errehabilitazio zentroak, etab.).

-Kirol arlokoa:

Kirol ekipamendutarako erabilera duten tokiak publikoak dira eta haietan kirolean aritzeko instalazioak ezartzen dira, edo gorputz hezkuntza garatzekoak. Multzo honetakoak dira kirol gune publikoak, instalazio estaliak dituzten kirol ekipamenduak (pilotalekuak, igerilekuak, kiroldegiak etab.) edo kirol ekipamendu estaligabeak (futbol zelaiak, igerilekuak etab.).

-Gizarte eta aisiakoak:

Aisia, gizarte eta josteta jardueretarako ekipamenduak dira: kiroldegi eta kirol klub pribatuak, golf zelaiak, gimnasioak, kirolerako edo ikuskizunetarako erabiltzen diren instalazioak, hala nola azoka lekuak, ikuskizun aretoak, kasinoak eta joko aretoak, diskotekak eta dantzalekuak, antzokiak, zinemak, gastronomia elkarteak eta parekoak, eta abar.

-Erlijio arlokoa:

Gurtzarekin zerikusia duten jarduerak edo jarduera osagarriak.

Ekipamenduak, kokalekuaren arabera, baldintza partikularrak bete beharretik salbuetsi ahalko dira multzoaren itxuraren mesedetan.

34. artikulua. Lurzoruaren Foru Bankurako zuzkidura-erreserbarako erabilera.

Planeamenduak, lurzoru urbanizagarriko sektoreetan, udalez gaindiko zuzkidurarako lur erreserba bat definitzen du; hain zuzen ere 10 metro karratu lurzoru gorde behar dira babes ofizialeko araubideren bat duten etxebizitzetarako eraikitako 100 metro karratuko. Erreserbako lurzoru hori titulartasun publikoko etxebizitza edo bestelako bizitegiak eraikitzeko kalifikatuko da.

35. artikulua. Bidetarako erabilera.

Bide azpiegiturak dira lehorrean pertsona, abere edo salgaiak ibilgailu automobiletan mugitu ahal izan daitezen eraikitzen diren espazioak. Autobideak, autobiak, errepideak eta egiturazko hiri bideak bakarrik aipatuko dira bide azpiegituratzat.

Eremu orokorreko bideak: populazioguneak lotzen dituzte eta ibilgailu motordunentzat dira; hala behar denean, beren babes eremua ere eransten zaie.

Gurpildunendako bidea: ibilgailu gurpildunek bakarrik erabil dezaketen komunikazio bidea da.

Oinezkoendako bidea: ibilgailuek galarazia duten bidea, motordunak izan nahiz ez. Ezinduen ibilgailu motordunak salbuesten dira.

Ibilgailuek eta oinezkoek batera erabil dezaketen bidea: ibilgailuak nahiz oinezkoak ibiltzeko den komunikazio bidea.

Aparkalekuak: ibilgailuak lur azalean aparkatzeko den eremua.

36. artikulua. Instalazio edo azpiegitura publikoak.

Udalerriko zerbitzu-azpiegituren funtzionamendurako behar diren ekipamenduak dira: ur biltegiak, energia elektrikoaren transformadoreak eta abar.

37. artikulua. Berdeguneak eta espazio libreak.

Erabilera honekin kalifikatzen dira titulartasun publikoko espazio libre eta hiri elementu batzuk, bizilagunak elkarrekin egoteko eta atseden hartzeko direnak, esate baterako hiri parkeak, lorategiak, plazak, oinezkoendako eremuak eta abarrekoak.

3. ATALA

Erabileren sailkapena, baimentzeko araubidearen arabera

38. artikulua. Erabilera bereizgarria.

Antolamenduan lehenesten den erabilera da. Murillo el Frutoko Udal Planean bizitegitarako erabilera jotzen da bereizgarritzat, hain zuzen ere bizitegi mota hau: etxebizitza atxikia edo binakakoa.

39. artikulua. Erabilera nagusia.

Erabilera nagusia esaten zaio Udal Planeko antolamenduak lurzati jakin baterako ezarritako erabilerari.

40. artikulua. Erabilera onartua.

Erabilera onartua esaten zaio esparru bakoitzerako onargarritzat jotzen denari, antolamenduan nagusitzat jotzen dena ez bada ere.

Lurzati batean erabilera nagusia edo erabilera onarturen bat ezartzeko, nahikoa da haren berariazko erregulazioa betetzea.

41. artikulua. Erabilera toleratua edo bateragarria.

Erabilera toleratua edo bateragarria da salbuespen gisa erabilera orokorrekin edo onartuekin batera ezar daitekeena, ez batek ez besteek beren izaerarik edo ondoriorik galdu gabe. Erabilera bereizgarriarekin bateragarria izateak ez du esan nahi libreki ezar daitekeenik esparruaren barnean, baizik eta onartu egiten dela harekin batera ezartzeko aukera. Erabilera bateragarria baimendu ahal izateko, Araudi Partikularreko fitxa bakoitzean zehaztutako proportzio-baldintzak bete behar dira.

42. artikulua. Erabilera debekatua.

Erabilera debekatua esaten zaio lurzoru eremu bakoitzerako ezarritako erabilerarekin bateraezina den jarduerari.

43. artikulua. Jarduera sailkatuak.

Udal Planak erabilerak baimentzeari buruz ezarritako araubidea gorabehera, edozein erabilerari baimena ematean errespetatu egin beharko dira legeria indardunak ezarritako baldintzak.

4. KAPITULUA

Eraikuntzen determinazio formalak

44. artikulua. Xedea.

Atal honetako determinazioen xedea da baldintza orokorrak ezartzea eraikuntzen ezaugarriei buruz eta ingurunearekin duten loturari buruz. Baldintza horiek oin berriko obretarako ez ezik, aplikagarriak dira lehendik dauden eraikuntzak eraberritu, zaharberritu, ordeztu edo handitzeko obretarako ere.

1. ATALA

Formari buruzko baldintzak

45. artikulua. Lerrokadurak eta sestrak.

Ofizialtzat jotzen dira gaur egungo kanpo lerrokadurak eta sestrak, antolamendu planoetan definitutako lerrokadura berriak izan ezik. Lerrokadura berri horiek eraikuntzaz zein itxiturez finkatu ahalko dira eta azken kasu horretan eraikuntza atzeraematea zilegi izanen da.

Lerrokadura ofiziala: funtsean, antolamenduaren ondoriozko jabetza araubideari egiten dio erreferentzia. Lerrokadura ofizialtzat eremu pribatua eremu libre publikotik bereizten duen mugako marra hartzen da.

Gehieneko lerrokadura: eraikinak gainditu ezin duen perimetroa ezartzen duen lerroa da. Nahitaezko eta gehieneko lerrokadurak aldatu egin daitezke solairu batetik bestera.

Nahitaezko lerrokadura: eraikin osoaren edo zati baten kokapena finkatzen duen lerroa da, kale edo espazio publikoren baten diseinurako beharrezkoa den kasuetan. Mehelin arteko eraikuntzetan, fatxadak nahitaezko lerrokaduraren luzera osoa hartu behar du.

Araudiak solairuen arteko bereizketarik egiten ez duenean, gehieneko eta nahitaezko lerrokadurak solairu guztietan errespetatu beharko dira.

Sestra: lurraren planoak eta beste plano bertikal batek elkar ebakitzean eratzen duten lerroa da.

46. artikulua. Atzeraemangunea.

Fatxadaren zati bat eraikinaren oinplanoko lerrokaduratik atzerago dagoenean, zati horri atzeraemangunea deitzen zaio.

47. artikulua. Eraikinaren hegalkinak.

Eraikinaren helgalkinak fatxada planotik edo eraikinaren lerrokaduratik haratago ateratzen diren solairu orokorreko azalera edo bolumen eraiki eta erabilgarriak dira. Itxiak, erdi itxiak edo irekiak izan daitezke.

Hegalkinen ezaugarri bolumetrikoen arabera, balkoiak eta atal irtenak bereizten dira.

Balkoia fatxadaren planotik kanpora hegal moduan irteten den gunea da.

Balkoiak onartzen dira eraikuntzaren goiko solairuetan, betiere beheko solairuaren gainetik eta sestratik 3 metrora baino gorago puntu guztietan. Balkoien hegala kalearen zabaleraren 1/10 izan daiteke (fatxaden arteko distantziarik txikiena hartuko da zabaleratzat) eta beti ere 0,60 metrokoa gehienez. Balkoiaren itxitura 1,20 m garai izanen da, gehienez, solairuko zoruaren mailaren gainetik. Balkoitik alboko eraikineko mehelinera 0,60 metroko tartea utziko da gutxienez.

Hegala etxeko lerrokaduraren plano bertikaletik neurtuko da, lehen solairutik hasita. Balkoietan, moldura guztiak onartutako hegalaren barrenean sartuko dira.

Eraikin babestuen jatorrizko osagaiak ez dira antolamenduz kanpo geldituko, nahiz eta artikulu honetako determinazioren bat ez bete.

Balkoi jarraituak hainbat bao hartzen ditu barruan. Gainerako baldintzak balkoiari buruz adierazi diren berak dira.

Terraza deitzen zaio itxi gabeko sargune edo irtenguneari, balkoirako definitutako neurriak gainditzen dituenean.

Begiratokia baoaren aurrean kristalez itxita dagoen atal irtena da. Fatxadatik 0,60 metro irten daiteke gehienez.

Atal irten itxia deitzen zaio eraikinaren oinplanoko lerrokadura orokorretik edo fatxada planotik irteten den eraikuntza zatiari.

48. artikulua. Elementu irtenak.

Erlaitzez eta hegalez gain, horien eraikuntza eta exekuzio baldintzak Baldintza Estetikoetan arautzen baitira, eraikuntzan integratuta ageri diren inpostak, moldurak eta antzeko elementuak ere onartzen dira, betiere, fatxadako planotik 20 zentimetro baino gehiago ateratzen ez badira.

Beheko solairuan lekututako elementu apaingarriak edo merkataritzakoak, eraikinaren edo dagokion lokalaren konposizio eta dekorazio orokorrean integratuta azalduko dira, eta 2,50 metroko altuera arte ez dira 10 zentimetro baino gehiago aterako fatxadako planotik, ez eta 40 zentimetro baino gehiago altuera horretatik aurrera.

49. artikulua. Eraikuntzaren garaiera.

Garaiera eraikin batek duen dimentsio bertikala da, espaloiko sestratik erlaitzeko lerrora behetik gora dagoen distantzia gisa, edo baita eraikinak sestratik gorantz dituen solairu guztien kopurutan adierazita. Eraikinen garaiera kalera ematen duten fatxadetan zehaztuko da. Fatxada lerroaren erdiko puntutik gora neurtuko da.

Hauek izanen dira erlaitzerainoko garaierak, metrotan:

Estalkipea eraikitzeko aukera badago, gehieneko garaierari metro bat gehituko zaio. Garaierak hirigintza araudiko fitxa partikularretan eta formaren planoetan zehaztuta daude.

Gaur egungo eraikuntzen garaiera finkatu eginen da gaur egun erlaitzeraino duten solairu kopuruari dagokionez, betiere dokumentazio grafikoan edo araudi partikularrean besterik zehaztu ezean. Kontserbazio kasuetan garaiera hori gehienekoa izanen da.

Erlaitzaren lerrotik edo estalkiaren planotik kanpora dauden bizitzeko bolumenak edo elementu inpropioak hirigintzako egokitasunik gabeko egoeran geldituko dira.

Izkinako lurzatiak, bi aurpegietan gehieneko garaiera bera ez dutenak, edo haien arteko koska handia dutenak. Bi egoera arautzen dira:

-Bi aurpegien garaieraren arteko aldea 1,50 metrotik beherakoa bada, eraikin osorako onartu ahal izanen da jabeari gehien komeni zaion aplikazio puntua.

-Garaieren arteko aldea 1,50 metrotik gorakoa bada, fatxada-aurpegi bakoitzak berari dagokion garaiera izan beharko du. Bi garaieren arteko trantsizioa egiteko, onartuko da garaiera handiena luzatzea 10 metroko tartean gehienez ere.

Hiru kaletara ematen duten eraikinak: gehieneko garaieratzat tartekoa hartuko da.

Eraikuntza erantsiak: patio pribatuan kokatuak, ezin izanen dute 4 metrotik gorako garaierarik izan eta inoiz ez dute eraikuntza nagusia gaindituko.

Erlaitzerainoko garaiera: espaloiko sestratik fatxadak eta estalkiko planoak bat egiten duten lerroraino dagoen distantzia da, metrotan adierazita.

Solairu kopuru gisa adierazitako garaiera: beheko solairua eta goiko solairuak kontatuko dira, estalkipekoa kanpora utzita.

50. artikulua. Estalkia, eta erlaitzeko gehieneko garaieratik gora dauden eraikuntzak.

Estalkiko plano makurtuek 30 graduko malda izanen dute gehienez.

Eraikin berriak egiteko edo egungoak ordeztu nahiz handitzeko obretan ez da elementu bakar bat ere aterako estalkiko planotik gora, tximiniak, aireztatzeko hodiak eta antzeko elementuak izan ezik; horiek fatxadatik atzeraemanda egonen dira kaletik ikus ez daitezen.

Estalkipea zaharberritzen denean eraikinak lehendik zuen inguratzaileari eutsiko zaio.

Erabilera osagarriak ere onartuko dira, hala hola trastelekuak eta instalazioak.

Espazio hori, betiere, eraikuntza berrietarako ezarritako bolumen eta erabilera baldintzei egokituko zaie ahal den heinean, batez ere eraikina barnetik berregituratzen bada eta/edo igogailua jartzen bada.

51. artikulua. Sotoak eta erdisotoak.

Sotoa deritzon solairua da sabaiko puntu guztiak espaloiko sestraren edo eraikuntza inguratzen duen lurreko sestraren azpitik dituena.

Erdisotoa deritzon solairuan, sabaia, edozein puntutan, espaloiko sestraren edo eraikuntzaren inguruko lurreko sestraren gainetik metro batera baino gutxiagora dago, edo sestrapean dago.

52. artikulua. Beheko solairua.

Eraikin bateko beheko solairua kaleko sestraren pare dago edo zorua kanpoko sestratik metro bat gorago du gehienez, fatxadaren erdiko puntuan neurtuta, eta inon ere ez dago sestra horren azpitik, eraikin berezietan edo lehendik dauden eraikinetan izan ezik.

Lehendik dauden eraikinetan, beheko solairuetako lokalak araudi indarduna betetzeko egokitzen direnean, onartu ahal izanen da beheko solairua kanpoko sestraren azpitik egotea.

Salbuespenez gehieneko garaiera gainditzea onartu ahalko da, alboetan eraikin garaiak badaude -bereziki, eraikin katalogatuak- edo erakundeen eraikinak edo ekipamendu publikoak badaude.

53. artikulua. Goiko solairuak.

Goiko solairuak dira beheko solairuaren eta estalkipekoaren edo estalkiaren artean dauden guztiak. Eraikin berrietan, goiko solairuen garaiera librea 5/2006 Foru Dekretuko Biziegokitasun Baldintzetan ezarritakoa izanen da, gutxienez ere.

54. artikulua. Estalkipeko solairua.

Estalkipeko solairua da azken forjatu horizontalaren eta estalkiaren behealdeko planoaren artean kokatuta dagoena. Ez da goiko solairutzat jotzen eta nahitaezkoa da.

Haren barnean gutxienez 1,5 metroko garaiera duen aldea atondu ahal izanen da.

Azken solairuko forjatuaren gainaldetik fatxada-planoaren luzapenak eta estalkiaren gainaldeak bat egiten duten lerroraino 1 metrotik gorako altuera badago, estalkiaren azpikoa ez da estalkipeko solairu izanen, goiko solairu baizik.

55. artikulua. Atikoa:

Atikoa da azken forjatu horizontalaren goi aldearen eta estalkiaren behealdeko planoaren artean gelditzen den solairua. Fatxada du, eraikinaren aurrealdeko edo atzealdeko lerrokadura nagusiarekiko atzeratua, eta argiztapenerako baoak, eta, halakorik balitz, terrazara sartu-ateratzeko baoak zabaltzen dira bertan.

Atikoa beste edozein solairuren gisa hartuko da eta, beraz, onartutako gehieneko garaiaren gainetik ez da baimenduko atikorik eraikitzea.

56. artikulua. Lurzatiko patioa.

Lurzatiko patio edo argi-patioa deritzo, etxebizitzei edota elementu komunei argitasuna eta aireztapena ziurtatzeko eraikinaren barnean egiten den barneko patioari.

Haren gutxieneko azalera, konfigurazioa eta neurriak indarra duten Biziegokitasun Arauetan eskatutakoak izanen dira.

Lehendik dauden eraikuntzetan, debekaturik dago barne patioen azalera murriztea. Gainera, gorputz edo elementu erantsiak kenduko dira, hala behar denean.

2. ATALA

Eraikuntzak lurzatian kokatzeko baldintzak eta aprobetxamenduari buruzkoak

57. artikulua. Eraikuntzaren erreferentziak.

Fatxada planoa: lur gainean espazio eraikia eta eraiki gabeko espazioa bereizten dituen plano bertikala edo plano bertikalen multzoa.

Eraikuntza lerroa: eraikineko beheko solairuko fatxada eta lurra elkartzen diren lerroa.

Mehelina edo mehelin fatxada: erakuntza batek alboko eraikuntzarekin batera duen planoa.

58. artikulua. Okupazioa.

Okupazioak adierazten du eraikuntzak beheko solairuan gehienez zenbat lur har dezakeen lurzatiaren barnean. Normalean eraikinaren inguratzaile orokorraren proiekzioa egiten da lurreko planoan; horrela ataripeak ere kontatu behar dira lurzatian okupatutako azalera gisa.

Okupazio koefizientea: eraikuntzaren oinplanoak lurzatian har dezakeen azaleraren eta lurzati osoaren arteko gehieneko erlazioa da, ehunekotan adierazia.

59. artikulua. Gehieneko sakonera eraikigarria.

Eraikuntzak har dezakeen gehieneko sakonera da, lerrokadurarekiko elkarzut neurtuta lerrokaduraren puntu bakoitzean.

Arau orokor gisa, beheko solairuaren gainetik, eraikuntzaren hondoa fatxadatik 12-13 metrora egon daiteke gehienez, dokumentazio grafikoan zehazten den moduan, eta 3 m diametroko zirkulu bat sartzen utzi behar du lurzatiaren hondorainoko tartean.

Lehendik dauden eraikinetan gehieneko sakonera gaur egungoa izanen da, salbu eta Planak besterik zehazten badu edo atzeko fatxadan elementu desegokiren bat badago. Salbuespenak ezar daitezke. Salbuespen horiek banakako araudian jasorik daude, eta mugakideen lerrokadurek, barneko patioak bateratzeko irizpideek eta beste arrazoi batzuek eragindakoak dira.

Era berean, zenbait lurzati osorik okupatzea onartzen da, txikiak direlako edo izkinan daudelako, eta nabaria delako biziegokitasun baldintzak lor daitezkeela barneko patioaren beharrik gabe.

60. artikulua. Gehieneko azalera eraikigarria.

Lurzati bakoitzean gehieneko azalera eraikigarria kalkulatzeko batuketa hau egin behar da: beheko solairuan okupatu daitekeen azalera gehi sakonera eraikigarria goiko solairuei aplikatzearen emaitza.

61. artikulua. Eraikigarritasuna.

Erlazio hau da: lurzati batean egin daitekeen eraikuntzaren gehieneko edo guztizko sabai-azalera zati lurzatiaren azalera (m²s/m²l).

Barne patioak, sotoak eta erdisotoak ez dira sartuko azalera horretan.

Herrigune finkatuan (AH-1 eta AH-2), lerrokaduren arteko espazio guztia okupatzeko aukerak eta dokumentazio grafikoan ezarritako gehieneko garaierak zehaztuko dute gehieneko eraikigarritasuna. Zonakatzearen planoan AH-3 gisa definitu diren zonetan eta exekuzio unitateetan, Araudi Partikularreko fitxek zehaztuko dituzte baimendutako etxebizitza kopurua eta gehieneko eraikigarritasuna.

62. artikulua. Dentsitatea.

Lur gordinaren hektarea bakoitzeko eraiki daitekeen gehieneko etxebizitza kopurua da.

3. ATALA

Eraikuntzaren baldintzak eta baldintza estetikoak

63. artikulua. Hiriaren estetika zaintzea.

Hiriaren estetikari buruz hemen azaltzen diren baldintzak udal lizentzia behar duten jarduketa guztiei aplikatu behar zaizkie. Baldintza estetikoak araudi honetan eta eremu homogeneoen fitxetan arautu dira. Arau guztien helburua hiriaren itxura hobetzea da.

-Itxuraren balioa eta hobekuntza sustatzea, eraikinak multzoka edo banaka harturik.

-Udalak hiriaren irudiaren kalterako izan daitezkeen jarduketei baimena ukatu edo baldintzatu ahalko die. Hain zuzen ere, multzoaren ideiatik desbideratzen den edozein elementuren erabilera, neurriak, estalkia, materialak, konposizioa edo kalitatea egokitzeko baldintzak ezarri ahalko ditu.

-Hiri inguruneari eragiten dioten jarduketa guztiek men egin beharko diete kasuan kasuko obra motaren eta zonaren arabera zehazten diren baldintza estetikoei.

-Eraikin berriak egin edo lehengoak aldatzen direnean, diseinua eta konposizioa bat etorriko dira inguruan nagusi diren ezaugarriekin.

64. artikulua. Eraikuntza aurrefabrikatuak.

Eraikuntza aurrefabrikatuak baimenduko dira, Plan honetan, legeria orokorrean eta legeria sektorialean dauden determinazio guzti-guztiak betetzen badituzte.

65. artikulua. Estalkiak.

-Eraikuntza nagusia.

Gehienez 30 graduko malda duen estalkiaren tipologiari eutsiko zaio. Etxe guztiek estalkiaren malda berdina duten kaleetan malda hori nahitaezkoa izanen da.

Estalkietan terrazak onartuko dira, baina terraza osoa isurkian sartuta egonen da, alboetatik metro batera eta gailurretik 3 metrora, gutxienez. Estalkiko isurkiaren planoari jarraituz Velux motako leihoak irekitzea ere onartuko da.

Estalkitik gora berokuntzako edo aireztapeneko tximiniak baimenduko dira, baina fatxada nagusitik atzerago kokatuta, eremu publikotik ahalik gutxien ikusteko distantzia egokira.

Urak teilatuaren hegalaren ertzean jarriko diren eta plastikozkoak izan ezin diren ageriko teilatu-hodietan bilduko dira, eta material bereko zorrotenetan barna bideratuko estolda-sarera. Hodiak ez dira inoiz plastikozkoak izanen. Erremateetarako, ateratzen diren elementuen topaguneetarako eta estalkiaren ertzetarako lehentasunez zinka erabiliko da; berariaz debeku da ageriko lamina asfaltiko edo sintetikoak edo metal leunduzko elementuak erabiltzea.

Ez da gorputzik onartuko estalkitik gora, salbu eta nahitaez estalkiaren gainean kokatu behar diren instalazioen erremateak, eta horiek eraikinaren konposizioan bildurik edo eremu publikotik ez ikusteko moduan kokaturik egonen dira.

Estalkiko materiala lehentasunez zeramikazko teila arabiarra edo laua izanen da, buztinezkoa edo hormigoizkoa, usadiozko tonuetakoa, lur kolore naturalekoa edo okrea. Berariaz debekatzen dira teila iluna, beltza eta distiraduna.

-Eraikuntza osagarriak.

Estalki lauak onartuko dira etxebizitzaren osagarriak diren eraikuntzetan, lehenago definitu diren horietan. Patioa ezin izanen da erabat estali, bizitzeko egokia den gelaren bateko argi edo aire baoren bat baldin badago estalkiaren azpian.

Estalkia egiteko metalezko xafla edo zuntz-zementua erabil daiteke, eremu publikotik ikusita eraikuntza osoaren irudia hondatzen ez badu.

66. artikulua. Fatxadak.

Eraikuntza berrietako obretan eta kanpoko elementuak ukitzen dituzten zaharberritzeetan, eraikinak inguruari egokitzeko irizpideei jarraituko zaie. Banakako babesa duten eraikuntzen alboetan egiten diren fatxada berrien konposizioa lehendik daudenei egokituko zaie, konposizioaren erreferentzia-ildo finkoari eutsiz (erlaitza, teilatu-hegalak, inpostak, hegalkinak, zokaloak...).

Proiektu guztietan fatxada bere osoan hartuko da eta beheko solairuaren tratamenduan ere jarraitutasun eta koherentzia irizpide berak erabiliko dira. Fatxadak ehundura eta kalitate berbereko trataera izanen du bere azalera guztian, halako moduan non eraikinak zaindu itxura izanen baitu teilatutik hasi eta kalearekin bat egin arte, baldin eta ez bada beheko solairuen ezaugarri den zokalo izaera azpimarratu nahi; kasu horretan zokaloari emanen zaion trataerak goiko solairuetakoekin bat egin beharra alde batera utzita, eraikinaren gainontzekoan erabilitako akabera ezberdinetara jo ahal izanen baita fatxaden kasuan.

Alboetako eta atzeko fatxadak fatxada nagusiaren gisara tratatuko dira konposizioaren eta materialen aldetik.

-Eraikuntza nagusia.

Paramentu edo itxituretan onartzen diren materialak ongi egokitu behar dira inguruarekin.

• Zarpeatu eta emokadura leunak edo zimurrak, pintatuta.
• Harlangaitza, harlanduxkoa edo harlandua, ahal dela hareharrizkoa edo kareharrizkoa.
• Harri plakak edo kanpoalderako material artifizialez egindakoak, leundu gabe.
• Bistako adreilu okrea edo buztin kolorekoa, herrigune historikoan izan ezik.
• Hormigoi bloke zuria edo erre kolorekoa.
• Hormigoia.
• Zura, fatxadaren %30 baino gutxiagoan.

Berariaz debeku dira ondoko ataletan azaltzen direnak.

• Hormigoi bloke grisa, ehundura leunekoa, edo bistako adreilu hutsa erabiltzea, gero ez baldin badira estaltzen.
• Zeramika beiraztatua erabiltzea adreilu gainean edo plakazko estalduretan (gresa edo alikatatuak).
• Ez da onartuko beheko solairuetako egitura sostengatzailea agerian uztea.

-Eraikuntza osagarriak.

Horrelakoak eraikitzeko kontserbazio errazeko materialak erabiliko dira, baina eraikinaren irudiaren kalitatea eta koherentzia bermatzen dituztenak.

67. artikulua. Baoen konposizioa fatxadan.

Fatxadako baoen konposizioa aukerakoa izanen da. Erreferentzia gisa hartuko dira inguruko eraikuntzetako erritmoak, proportzioak eta tipologia.

Lehentasunez, baoak konposizio ardatz bertikaletan paratuko dira solairu nagusietan; ahal dela, horiek beheko solairura hedatuko dira. Ahal dela, goiko solairuetan aplikaturiko konposizioan sartuko dira bai atariko sarrera bai beheitiko beste lokalei dagozkien baoak. Ez zaie nahitaez eutsi beharko ardatz bertikalei hirugarren solairuan, bertako baoak azpiko solairuetakoak baino txikiagoak badira.

Eraikin bereziek edo herriguneko ingurumen balioetara egokitzen ez direnek ez dituzte eraikin arruntek bezain zorrotz bete beharko artikulu honetan azaltzen diren eskakizunak.

68. artikulua. Mehelinak.

Mehelin agerikoek konposizio orokorrarekin bat eginen dute, eta fatxadako materialen antzekoak erabiliko dira horiek egiteko. Debeku da mehelinak lamina iragazgaitzez, ageriko isolamenduz edo zuntz-zementuzko plakaz estaltzea.

69. artikulua. Kanpoko arotz-lanak.

Eraikin bateko arotziak diseinu, kolore eta material berekoak izanen dira, goiko solairu guztietan, bederen.

Lehentasunez zur bernizatua edo pintatua erabiliko da. Usadiozko koloreak eta ehundurak hautatuko dira. Aluminio lakatuzko arotz-lan pintatuak onartuko dira, baina ez da onartuko metalezko arotz-lanik kolore naturalean, pintatu gabe.

Beheko solairuko leihoetan burdin sareak jarri ahalko dira, itxura soilekoak, hozkaduren barnealdean kokatuta.

70. artikulua. Lurzati libreetako itxiturak.

Eraikitako lurzatietako itxiturak berdinak izanen dira espazio publikoko unitate bakoitzean (plaza edo kale-tarte bakoitzean), eta ez dute zeharkako ikuspegia eragotziko. Zurezko edo metalezko sareak edo landare-hesi meheak erabiliko dira. Elementu horiek gehienez 2 metro garai izanen dira, eta metro bateko altueraraino hormatxo trinko batean bermatu ahalko dira.

Behin-behinekoz onartuko da eraiki gabeko orubeak ixteko fabrika-horma egitea, bistakoa edo, agerian uzteko akaberarik ez badu, entokatu eta pintatua. Gehieneko garaiera 2 m izanen da.

Debekaturik daude materialen kalitate txarragatik edo nahasketagatik itxura zarpaila ematen duten itxiturak.

71. artikulua. Errotuluak.

Lizentzia eskuratu behar da errotuluak jartzeko eta, beraz, aldez aurretik onartu beharko dira.

Beheko solairua: bertan lekutzen diren lokalen argiztapen baoetan jartzen saiatuko da, ahal dela. Hala ere, errotuluak fatxadako hormetan jartzea baimendu ahal izanen da, Udaleko organo eskudunaren ustez eraikinaren konposizio orokorrari kalte egiten ez badiote.

Goiko solairuak: Argi baoen barnean jarri ahalko dira.

Bandera gisa jarritako errotuluak debekaturik daude, oro har. Oso kasu jakinetan baizik ez dira onartuko, motibo tradizionalak iraunarazi edo berreskuratzeko besterik ez. Gehieneko hegala balkoietarako baimendutakoa izanen da, kalearen zabaleraren araberakoa. Azpiko garaiera librea 2,50 metrokoa izanen da, gutxienez. Goiko kotak ez du eraikineko beheko solairuarena gaindituko.

72. artikulua. Zerbitzuen instalazioa.

Arau orokor gisa, debeku da eraikinaren instalazioak fatxadetan jartzea, euri uren zorrotenak izan ezik.

Udalak, finka pribatuetan, bere zerbitzuko seinaleak, euskarriak edo beste edozein elementu paratu, kendu edo aldatzen ahalko du bere kontura, eta jabeek onartu egin beharko dituzte.

5. KAPITULUA

Eremu publikorako determinazio formalak

1. ATALA

Hiri ingurumenaren kontserbazioa

73. artikulua. Bistan dauden elementuen kontserbazioa eta eraberritzea.

35/2002 Foru Legearen 223. artikulua aplikatuta, Udalak, interes turistiko edo estetikoko arrazoiengatik, kontserbazio eta eraberritze obrak egiteko agindu ahal izanen du kasu hauetan:

a) Bide eta eremu publikoetatik ikusten diren fatxadak edo mehelinak.

b) Eremu publikotik ikusten diren patio edo espazio libre pribatuak.

Ingurumena hobetzeko jarduketa integralak gauzatzeko, horietan fatxadak egokitu eta koloreei tratamendu berezia ematen bazaie, jarduketa horien xede izan daitezkeen atzealde multzoek, etxesailetako patioek, artekormek edo fatxada multzoek osatzen dituzten esparruak bereizi ahal izanen ditu Udalak.

74. artikulua. Erabilera publikoko lurzoruaren kontserbazioa.

Espazio publikoa bere titularrak kontserbatuko du.

75. artikulua. Hiri espazioko elementu berezien babesa.

Eraikuntza batzuk eta apaindura publikoko pieza batzuk elementu bereziak dira, eraikinak izan gabe, kontserbatu nahi den hiri ingurunearen osagai direlako.

76. artikulua. Zuhaitzen babesa.

Eremu publikoan gaur egun dauden arbolak, nahiz eta berdegune gisa kalifikatutako tokian ez egon, kontserbatu, zaindu eta erasan naturaletatik nahiz haien hondaketa osoa edo partziala eragin dezaketen ekintzetatik babestu beharko dira, eta bota ahal izateko, Udalari baimena eskatu beharko zaio aldez aurretik.

Zuhaitzen inguruetan obrak egiten direnean, edo eraikuntza enpresak erabiltzen dituen ibilgailuak eta makinak zuhaitzen ondotik igaro edo bertan kokatu behar direnean, lanak hasi aurretik zuhaitz enborrak babestu egin behar dira gutxienez hiru metroko zatian, lurretik neurtuta, edo Udaleko zerbitzu tekniko eskudunak adierazten duen beste edozein babes jarriko zaie.

Bide edo eremu publikoetako zuhaitzen bat hondatzen denean, eragileak berehala ordeztu beharko du.

Patioetan eta espazio libre publiko edo pribatuetan lehendik landatuta dauden aleak zaindu eta egoera onean eduki behar dira.

Debeku da zuhaitz-txorkoetan obrako materialak uztea.

Debeku da zuhaitz-txorkoetan edo inguruetan azidoak, xaboiak edo zuhaitzei kalte egiten dieten bestelako produktuak isurtzea.

Aurreko puntuetan xedatutakoaren kontrako arau-hausteek zehapena ekarriko diote obretako enpresaburuari, deusetan galarazi gabe eragindako kaltea ordaindu beharra. Jabea edo obren sustatzailea erantzule subsidiarioa izanen da.

77. artikulua. Publizitatearen mugak.

Kartel, errotulu, iragarki eta panel bidezko kanpoaldeko publizitatea, pertsona fisiko edo juridikoen, elkarteen edo taldeen izen soziala, salerosketa edo merkataritza jarduerak nahiz jarduera profesionalak, eta informazio orokorrekoak, turismokoak, edo kultur eta aisiako jarduerak aditzera emateko baliatzen direnetara mugatuko da Planaren esparru osoan, betiere Plan honetan aurreikusitako baldintzak betez, eta aurrez baimen administratiboa eskuratuta.

Berariaz debekatzen da kartel, iragarki edo informazioak eraikin, horma edo hesien gainean jartzea, horretarako egokituta ez dauden lekuetan; eta kanpoaldeko euskarriak eta armazoi exentu edo argidunak finkatzea hesi, kale, plaza, eraikin, erlaitz edo teilatuetan, lorategietan edo eremu publikoetan.

2. ATALA

Erabilera publikoko espazioaren urbanizazioa

78. artikulua. Xedea.

Atal honen helburua da urbanizazioarekin zerikusia duten alderdi guztiak arautzea, hala zoladura emateari, lorezaintzari eta hiri hornigarriei buruzko obrak, nola hirigintza zerbitzuen instalazioari lotutakoak.

Bai Udalaren obretan eta bai partikularren ekimenez egiten direnetan aplikatuko dira, baldin eta espazio publikoan eraginik badute. Beste aldetik, urbanizazio berriko obrak nahiz lehendik dagoen urbanizazioa berritzeko edo aldatzeko obrak hartuko dituzte mendean.

Araudi grafikoan ez da urbanizazioaren diseinurik definitzen, urbanizazio proiektu eta obretan zehaztu beharko baita.

Planean ezarritako hirigintza baldintzak errespetatuko dira eta espresuki justifikatu beharko da hiri antolamendua hobetzeko xedez egiten den edozein aldaketa.

79. artikulua. Irisgarritasuna.

Urbanizazioaren proiektuan nahiz exekuzioan kontuan hartuko da elbarriei irisgarritasuna bermatu behar zaiela, trabak eta oztopoak baztertuz, arlo horretan indarra duen legeria sektoriala betetzeko.

Udal Planean jokabide horri eutsi behar zaio. Horrela, oin berriko obretan edo eraikinak handitu, hobetu eta eraberritzeko obretan 4/1988 Foru Legea eta hura garatzen duen Erregelamendua (154/1989 Foru Dekretua) bete beharko dira, baita oraintsuko CTE-SUA araudia ere.

80. artikulua. Lur-berdintzea eta zolatzea.

Proiektu teknikoetan zabalgunearen ezaugarriak deskribatuko dira, araudi grafikoan aurreikusitako erabilerari eta trafikoari eutsi behar diela kontuan hartuta, eta kasu bakoitzean egitura-sekzio egokiena hautatuko da.

81. artikulua. Zoladurak.

Zolatze obretako akaberetan erabiltzen diren materialen ezaugarri estetikoak eta teknikoak egokiak izanen dira espazio publiko edo zirkulazio bide bakoitzeko ingurune orokorrerako eta aurreikusten den trafiko motarako eta bolumenerako.

Gainazaleko akaberako material hauek onartuko dira: aglomeratu asfaltikoak, hormigoiak, galtzadarriak, harlauzak, kanpoalderako baldosak, eta lorategietako elementuak. Betiere, bermatu egin behar da materiala irristagaitza dela eta izozteak jasanen dituela.

Parkeetako zoladura nagusia lurrezkoa izanen da eta horrekin tartekatuko dira harrizko guneak, harri-zola, hormigoi aurrefabrikatua edo garbitua eta baldosa hidrauliko irristagaitzak.

Plazetan gomentzatzen da oinez ibiltzeko zola gogorra nagusi izatea: harria, harri-zola, hormigoi aurrefabrikatua edo garbitua eta baldosa hidrauliko irristagaitzak. Ibilgailuendako aldea eta oinezkoendako aldea zintarriz bereizten ez badira, ibilgailuen kargari eusten dion zoladura erabiliko da eta zirkulazioak hiri hornigarrien bidez bereiziko dira.

82. artikulua. Bide sarea.

-Oinezkoak:

Kontuan hartuko da kalearen bi alboetan espaloi zabalak aurreikusi behar direla ahal den guztietan. Espaloiek kalearen %10 edo gehiago hartu behar dute, eta gutxienez 1,50 metroko zabalera gomentzatzen da.

Kaleek zeharretara %2ko malda izanen dute. Luzetara, berriz, malda ez da %8 baino handiagoa izanen.

Oinezkoendako pasaguneetan eta ibilgailuendako sarreretan espaloiaren eta galtzadaren arteko koska berdintzeko, espaloi ertza beheratuko da eta igo beharreko koskak 5 cm-ko altuera izanen du gehienez. Espaloiek eta ibilgailuendako bideek kota desberdina izatea planteatzen da. Aldea 15 cm-tik beherakoa izanen da.

-Ibilgailuen trafikoa:

Ibilgailuendako bideen zabalera planoetan adierazitakoa izanen da, eta betiere 5 m gutxienez. Aparkatzeko tokiak badaude, gutxienez 2,5 x 4,5 m-koak izanen dira.

Kaleek zeharretara %2tik beherako malda izanen dute, eta luzetara %1-10 bitartekoa. Malda handiko tokietan muga horiek gainditu ahal izanen dira, beharrezkoa dela frogatuz gero.

-Ibilgailuen eta oinezkoen bizikidetza.

Ez da koskarik izanen oinezkoendako zoladuraren eta oinezkoak nahiz ibilgailuak ibil daitezkeen eremuko zoladuraren artean. Zoladura mota aldatzea nahikotzat jotzen ez bada, bi aldeak bereizteko pibotak jarriko dira, bata bestetik 3 metrora gehienez.

Oinezkoak nahiz ibilgailuak ibiltzeko diren eremuetan, ibilgailuendako sarreretako zintarri beheratuek gutxienez %2ko malda izanen dute eta gehienez %8koa.

83. artikulua. Sareen trazadura.

Arau orokor gisa, eroanbide guztiak lur azpitik joanen dira, bide sarearen eta erabilera publikoko espazio libreen trazadurari jarraituz.

Udalak aireko lineak eta fatxadetan iltzatuta daudenak kentzeko planak egin ahalko ditu. Enpresa hornitzaileek edo zerbitzuen esleipen-hartzaileek nahitaez bete beharko dituzte plan horiek.

84. artikulua. Hornidura sarea.

Edateko urak indarra duen legerian ezarritako baldintzak bete beharko ditu eta aldian behin haren ezaugarriak ikuskatuko dira.

Hornidura sistemak behar diren tratamendu instalazioak edukiko ditu uraren kalitatea eta edangarritasuna bermatzeko banaketa sare osoan.

Uraren egokitzapenak eta hornidurak baldintza hauek beteko dituzte:

-Garatzen diren alde guztiak banaketa sare orokorretik hornitu behar dira.

-Ur hodi guztiak estolderia baino gorago egonen dira.

-Ur horniduraren sarea bide sareari jarraituz eginen da edo, bestela, eremu publiko eraikiezinetan barna, trazadura erregular baten ariora, sakonera beti berdinean eta, konpondu behar izanez gero, sarbidea izanen dutenetan. Ahal dela, hodiak espaloien azpian jarriko dira eta ez galtzadaren azpian.

-Presioa ez da izanen 6 kg/cm2 baino handiagoa sarearen inongo puntutan.

-Ur harguneak jarriko dira 100 m-tik behin, eta 15 m-tik beherako zabalera duten kaleetan hiruzuloka jarriko dira.

-Parke eta lorategietan ureztatzeko harguneak jarriko dira, 20 m³/ha-ko eguneko kontsumo gutxienekoa bermatuko dutenak.

-Galtzada azpiko zangen sakonera 1 m izanen da gutxienez, eta espaloietan 0,60 m-ra murriztu ahalko da.

-Banaketa sareko kalkulua halako moldez eginen da non litro erdiko doikuntza lortuko baita segundo eta tarte bakoitzeko.

Kanalizazioen neurriak kalkulatzeko eta sarea egiteko, antzinako NTE-IFAko eta Eraikuntzaren Kode Teknikoko irizpideak erabiliko dira.

85. artikulua. Hustuketa eta saneamendu sarea.

Estolda sareak ondoko baldintzak beteko ditu:

-Garatzen diren alde guztietako hustuketa eta saneamendua banaketa sare orokorraren bidez egin behar dira.

-Hustuketa eta saneamendu sarea bide sareari jarraituz eginen da edo, bestela, eremu publiko eraikiezinetan barna.

-Galtzada azpiko zangen sakonera 2,50 m izanen da gutxienez, eta espaloietan 1,20 m-ra murriztu ahalko da.

-Estolda sare orokorrean, gutxieneko diametroa 0,3 m izanen da.

-Gutxieneko malda %1 izanen da eta trazadura ahalik ongien egokituko da lurraren edo kalearen topografiara.

-Ur beltzen hodian uraren abiadura 0,5 eta 4,5 m/s bitartekoa izanen da, eta isurketa-urak gehienez 3 m/s-ko abiadura hartuko du.

Kanalizazioen neurriak kalkulatzeko eta sarea egiteko, antzinako NTE-ISAko eta Eraikuntzaren Kode Teknikoko irizpideak erabiliko dira. Araztegiak, beharrezkoak direnean, NTE-ISDn ezarritakoari egokituko zaizkio.

86. artikulua. Argindarraren sarea.

-Lineek, horiei eusten dieten egiturek eta tentsioa aldatzeko egiturek osatzen dute argindarraren sarea.

-Behe tentsioko hornidura 380/220 V-ean eginen da, eta kableak lur azpian egonen dira, gutxienez 0,60 m-ko sakoneran. Salbuespenez aireko lineak baimendu ahal izanen dira, Udalak lurperatu behar direla irizten dion arte, eta egin beharreko obrak inoiz ez dira haren kargura izanen.

-Transformazio zentroak behar bezala isolatu behar dira. Horiek paratzeko lurzoru erreserbak publikoak izanen dira eta jabego partikularren gaineko zortasunak saihestuko dira.

Sarearen kalkulua eta exekuzioa bat etorriko dira Behe Tentsioko Erregelamendu Elektroteknikoan eta jarraibide osagarrietan ezarritakoarekin.

87. artikulua. Kaleko argien sarea.

Lur azpiko sarea izanen da; luminariak fatxadari atxikita jartzen direnean bakarrik izan daiteke airekoa.

-Lehenbiziko kasuan hodiak 0,40 metroko sakoneran egonen dira eta gutxienez 6 mm²-ko sekzioa izanen dute; bigarren kasuan gutxieneko sekzioa 2,5 mm² izanen da eta arreta jarriko zaio sareak eraikuntzetan duen eraginari.

-Aurreikusten den potentzia instalatua 30 kVA baino handiagoa bada, transformazio zentro bat beharko da, Goi Tentsioko Erregelamendu Elektroteknikoa beteko duena.

Neurriak kalkulatzeko eta sarea egiteko, antzinako NTE-IEE arauan, Eraikuntzaren Kode Teknikoan, Behe eta Goi Tentsioko Erregelamendu Elektroteknikoan eta jarraibide osagarrietan dauden irizpideak erabiliko dira.

88. artikulua. Telefonia sarea.

Sarea beti izanen da lur azpikoa, baita mota guztietako kutxetak ere. Behin-behinekoz aireko lineak baimendu ahal izanen dira, Udalak lurperatu behar direla irizten dion arte, eta egin beharreko obrak inoiz ez dira haren kargura izanen. Fatxadari atxikitako luminarien kasuetan bakarrik izan daiteke airekoa.

89. artikulua. Bestelako hiri zerbitzuak.

Bestelako hiri zerbitzuren bat (gas naturala, Internet sarea...) ezartzen bada, sarea lurpean jarri beharko da nahitaez.

Neurriak kalkulatzerakoan legeria sektoriala bete beharko da, eta lehendik dauden sareekiko bateragarritasuna lortu beharko da.

90. artikulua. Zuhaitzen baldintzak.

Helburutzat ezartzen da landare lurrezko geruza kontserbatzea, halakorik bada. Lehendik dauden landare eta zuhaitzak ahal den neurrian errespetatuko dira eta hirian sartuko dira. Apaintasuna, paisaia eta ekologia kontuan hartuz aukeratuko dira landare espezieak. Lehentasunez espezie autoktonoak landatuko dira, eta gero beharko dituzten mantentze lanak ere kontuan hartuko dira.

-Zuhaitzen arteko distantzia, landaketetan:

Landareen arteko tartea, oro har, 3,5 m-koa izanen da lerroan, piramide formako espezieen kasuan, eta 8 m-koa tamaina handiko zuhaitzak direnean.

-Zuhaitzaren eta fatxadaren arteko distantzia:

Gutxienez 2 m.

-Zuhaitz-txorkoaren neurriak:

Arbolaren lepotik zoladurara bete gabeko tartea ez da 30 zentimetro baino gutxiago izanen. Zuhaitz-txorkoko landare lurrezko geruza inguruko gainazalaren arrasean egonen da.

III. TITULUA

Araudi partikularra. Lurzoru urbanizaezina

1. KAPITULUA

Xedapen orokorrak

91. artikulua. Aplikazio eremua.

Lurzoruaren Araubideari eta Balorazioei buruzko apirilaren 13ko 6/1998 Legearen 9. artikuluan eta Foru Legearen 94. artikuluan ezarritakoari jarraituz, kasu hauetakoren batean dagoen lurra urbanizaezintzat sailkatzen da:

a) Sektoreko legeriaren arabera, babes araubide bereziren bati loturik dagoena, bere eraldaketarekin bateraezina, paisaia, natura, ingurumen edo nekazaritza aldetik dituen balioengatik edo bere balio historiko, artistiko, zientifiko nahiz kulturalengatik.

b) Lurraldearen antolamenduko tresnek prozesu urbanizatzailetik baztertu dutena, lurralde garapeneko ereduaren ondorioz, paisaia, natura, ingurumen edo nekazaritza aldetik dituen balioengatik edo bere balio historiko, artistiko, zientifiko nahiz kulturalengatik.

c) Bere urbanizazioarekin bateraezinak diren arrisku naturalek edo bestelakoek mehatxaturik dagoena, alegia, uholdea, higadura, hondoratzea, lur-jausia, lur-korrimendua, sutea, kutsadura edo segurtasun nahiz osasun publikoari edo ingurumenari kalte egin diezaiokeen bestelako gertakariren baten aukera aurreikusten den tokian dagoena.

Bertan sartzen ahalko dira, baita ere, lehen noizbait a) eta b) letrek aipatzen dituzten balioak izan zituztenak eta, suteen, hondamendien edo bestelako gorabeheren ondorioz, haiek gabe gelditu direlako orain babestu egin behar direnak, balio horiek berreskuratzeko.

d) Udal planeamenduan, behar bezala arrazoituz, lur horren ezaugarriei eustea bermatzea beharrezkoa dela adierazten bada, lur horren balio historiko, arkeologiko, zientifiko edo kulturalengatik, edo ingurumen nahiz paisaia aldetik edo nekazaritza, abeltzaintza nahiz oihangintza aldetik dituen balioengatik.

e) Udal planeamenduak, behar bezala arrazoituz, lurra hirigintza garapenetik at uzteari beharrezkoa irizten diona, bertako azpiegitura, ekipamendu, zerbitzu eta instalazio publikoen kontserbazio, ahalmen eta funtzionaltasunarengatik, edo interes publikoko arrazoiengatik, edo jarduera bereziak instalatzeko, erregelamendu bidez ezartzen denaren arabera.

92. artikulua. Lurzoru urbanizaezinaren kategoriak.

Lurzoru urbanizaezinean bi kategoria bereizten dira:

a) Babestu beharreko lurzoru urbanizaezina. Kategoria honetan sartzen dira aurreko artikuluaren 1. idatz-zatiko a), b) eta c) letretan aipatzen diren lurzoru urbanizaezineko lurrak.

b) Gorde beharreko lurzoru urbanizaezina. Kategoria honetan sartzen dira aurreko artikuluaren 1. idatz-zatiko d) eta e) letretan aipatzen diren lurzoru urbanizaezineko lurrak.

Lurzoru urbanizaezinean, babestu nahiz gorde beharrekoan, planeamenduak honako azpikategoria hauek bereizten ditu, sailkapenaren arrazoiaren arabera:

-Paisaia aldetik balioa duen lurzorua.

-Ingurumen aldetik balioa duen lurzorua.

-Natura aldetik ustiatzeko balioa duen lurzorua.

-Balio kulturala duen lurzorua.

-Garapen eredua zaintzeko lurzorua.

-Arriskuei aurrea hartzeko lurzorua.

-Azpiegituretarako lurzorua.

-Jarduera berezietarako lurzorua.

93. artikulua. Jabeen eskubide eta betebeharrak.

Lurzoru urbanizaezinaren jabeek, 35/2002 Foru Legearen arabera (109. artikulua), beren jabetzako lurrak erabili, haietaz gozatu eta xedatzeko eskubidea izanen dute, beren izaeraren eta xedearen arabera.

Lurzoru urbanizaezinaren jabeek honako hau egin beharko dute:

a) Nekazaritza, oihangintza, abeltzaintza eta ehizarako edo natur baliabideen zentzuzko erabileraren barreneko beste xede batzuetarako erabiltzea, betiere, legeek edo planeamenduak ezartzen dituzten mugen barrenean.

b) Aurreikusitako erabilera eta jarduerak egiteko baimena eskatzea, deusetan ukatu gabe aplikatu beharreko legeria sektorialak xedatutakoa.

94. artikulua. Jarduera onartuak, baimengarriak eta debekatuak.

35/2002 Foru Legeak (111. artikulua) lurzoru urbanizaezineko jarduerak eta erabilerak arautzen ditu. Onartuak, baimengarriak eta debekatuak bereizten ditu.

-Jarduera onartuak:

Jarduera eta erabilera onartuak dira lurzoru urbanizaezina babestu eta gordetzeko helburuekin berez bateragarriak direnak, eta bermatzen dutenak lurzoru hori babestu edo gorde behar izateko balioak edo arrazoiak ez dituztela aldatuko.

Erabilera eta jarduera baimenduek ez dute Lurraldearen Antolamendu eta Ingurumen Departamentuaren baimenik beharko, baina beste organo edo administrazio batzuek lizentzia edo baimena eman ahalko dute haietarako.

-Jarduera baimengarriak:

Jarduera baimengarriak dira lurzoru urbanizaezina babestu eta gordetzeko helburuekin berez, kasu jakin batzuetan, bateragarriak direnak, eta bermatzen dutenak lurzoru hori babestu edo gorde behar izateko balioak edo arrazoiak ez dituztela aldatuko.

Jarduera eta erabilera baimenduek Lurraldearen Antolamendu eta Ingurumen Departamentuko kontseilariaren baimena beharko dute, deusetan galarazi gabe beste organo edo administrazio batzuen lizentzia edo baimena ere behar izatea.

-Jarduera debekatuak:

Jarduera debekatuak izanen dira, hurrengo artikuluan aipatzen direnez gain, lurzoru urbanizaezineko kategoria bakoitza babestu eta gordetzeko helburuekin berez bateraezinak direnak.

95. artikulua. Jarduera debekatuak eta bateraezinak.

35/2002 Foru Legearen arabera (112. artikulua), lurzoru urbanizaezinean debekatuta daude ondorio hauek dakartzaten egintzak edo ez-egiteak:

a) Higadura handitu eta lurzoruen kalitatea galtzea.

b) Landaredia suntsitzea, oihan ondarea babesteari buruz indarra duen legerian ezarritakoa deusetan ukatu gabe.

c) Hezeguneak edo haien ingurune hurbila suntsitu edo kutsatzea, urari buruzko legerian bildutakoa deusetan ukatu gabe.

d) Gauzak, hondakinak edo bestelako zaborrak baimenduta dauden lekuetatik kanpo botatzea edo uztea, edo baimenik gabe erretzea.

e) Natura edo akuiferoak hondatu edo kutsa ditzaketen likido edo solidoak botatzea.

f) Hirigintza-lurzatiketak egitea, inola ere ezin izanen delarik egin inolako banaketa, bananketa edo zatiketarik nekazaritzako, oihangintzako edo antzeko bestelako legerian xedatutakoaren aurka.

Beren araudi berariazkoan zortasun gune zehazturik ez duten bide publiko eta Ibilbide Interesgarrientzat, hala nola abelbideentzat, edo Done Jakue bidearentzat, hiru metroko zortasun gunea ezartzen da, bide horien kanpoko ertzetik neurtzen hasita.

Zortasun gune horretan, lurra mugitu beharra dakarten eraikuntzaz kanpoko jardueretarako, baimena beharko da, eta eraikuntzazko jarduera guztiak debekaturik egonen dira, salbu azpiegiturak badira, eta horietarako ere baimena beharko da.

96. artikulua. Jarduera eta erabilera baimengarriak, babestu beharreko lurzoru urbanizaezinean.

35/2002 Foru Legearen 113. artikuluak dioenez, babestu beharreko lurzoru urbanizaezinean, bakar-bakarrik baimentzen ahalko dira, salbuespen gisa, lurzoru hori hobeki kontserbatzeko eta jendea horretaz goza dadin beharrezkoak diren eraikuntza, instalazio edo erabilerak, baldin eta justifikatzen bada bateragarriak direla lurzorua bereziki babestu behar izateko balio eta arrazoiekin.

Babestu beharreko lurzoru urbanizaezineko gainerako jarduerak ezin izanen dira baimendu, eta bereziki debekatzen dira lurzoruaren xedea edo izaera eraldatu, babestu nahi den balio berariazkoa kaltetu edo lurraldearen antolamenduko tresnek edo sektoreko legeriak ezartzen duten araubide mugatzailea hausten duten eraikuntza, jarduera edo erabilerak.

97. artikulua. Jarduera eta erabilera baimengarriak, gorde beharreko lurzoru urbanizaezinean.

35/2002 Foru Legearen 114. artikuluaren arabera, gorde beharreko lurzoru urbanizaezinean baimenduak daude eraikuntzaz kanpoko jarduera guztiak, salbu lurra mugitu beharra dakarten jarduerak, zeinetarako erregelamendu bidez ezarria baitago baimena behar dela.

Gorde beharreko lurzoru urbanizaezinean bakar-bakarrik baimentzen ahalko dira eraikuntzazko jarduera batzuk, nekazaritza, oihangintza edo abeltzaintzari lotuak daudenak, edo azpiegitura eta ekipamenduak, erregelamendu bidez hala ezartzen direnak, lurzoru urbanizaezinean garatu beharrekoak direlako.

Halaber, baimentzen ahalko dira lurzoru urbanizaezinean kokatu edo garatu behar diren industriako edo hirugarren sektoreko jarduerak, zeinak egonen baitira loturik urbanizazio eta aprobetxamendu-lagapenaren betebeharrei, sektorizatutako lurzoru urbanizagarriari ezarritako berberak.

98. artikulua. Aipatu gabeko jarduera eta erabileren parekatzea.

Aurreko artikuluetan berariaz aipatu ez diren jarduera eta erabileren babes araubidea zehazteko, artikulu horietan aipatutako beste erabilera edo jarduera batzuekin parekatuko dira.

Parekatze horretan, betiere, kontuan hartuko da erabilera edo jarduera horiek bateragarriak ote diren beren kokalekuaren babes araubideak dituen helburuekin.

99. artikulua. Berariazko eremuak mugatzea.

Gorde beharreko lurzoru urbanizaezinean eremu batzuk bereizten ahalko dira, obra edo azpiegiturak egiteko edo zerbitzu publikoak ezartzeko, baldin eta, lurraldearen antolamenduko edo Estatuko nahiz Nafarroako plangintzako tresnen exekuzioan, lurzoru urbanizaezinean kokatu behar badira. Eremu horietan mugatu eginen dira eraikuntzazko erabilera edo aprobetxamendu lokabe guztiak.

100. artikulua. Udal lizentzia.

Lurzoru urbanizaezinean, jarduera eta erabilera baimendu edo onartuek Udalaren lizentzia beharko dute aldez aurretik. Indarra duen legeriak hala eskatzen duenean, proiektu teknikoa eta obren zuzendaritza aurkeztu beharko dira.

Lurzoruaren kategoria bakoitzean jarduera eta erabilera baimenduek edo onartuek -eraikuntzakoak zein eraikuntzaz kanpokoak- lizentzia jasotzeko bete behar dituzten baldintza formal eta tekniko orokorrak ezarriko dira hurrengo kapituluan.

101. artikulua. Foru Gobernuaren baimena.

Erabilera eta jarduera baimenduek ez dute Lurraldearen Antolamendu eta Ingurumen Departamentuaren baimenik beharko, baina beste organo edo administrazio batzuek lizentzia edo baimena eman ahalko dute haietarako.

Erabilera eta jarduera baimengarriek Lurraldearen Antolamendu eta Ingurumen Departamentuko kontseilariaren baimena beharko dute, deusetan galarazi gabe beste organo edo administrazio batzuen lizentzia edo baimena ere behar izatea.

102. artikulua. Prozedura berezia.

Jarduera eta erabilerak udalez gaindiko plan edo proiektu sektorial baten edo plan berezi baten mendekoak diren kasuetan, haiek baimentzeko ez da aplikatuko aurreko artikuluan arautzen den prozedura, antolamendu tresna horiek onesteko ezarrita dagoena baizik.

Ingurumen baimen integratua behar duten jarduera eta erabilerei ere ez zaie aplikatuko aurreko artikuluan ezarritako prozedura, baimen hori arautzen duen foru legean ezarritakoa baizik.

103. artikulua. Dokumentazio teknikoa.

Lurzoru urbanizaezinean jarduera eta erabilerak baimentzeko eskaerekin batera, behar bezalako dokumentazio teknikoa aurkeztu beharko da, garatu beharreko jarduera eta erabilerak zein ezaugarri dituen, haren ezaugarriak, kokalekua eta egin beharreko obrak ezagutarazteko argibidea emanen duena. Dokumentazio horretan honako determinazio hauetako batzuk edo denak zehaztu beharko dira:

a) Garatu beharreko jarduera eta erabilera, eta hura ezarri gogo den lurzoruaren kategoria.

b) Lurzatiaren azalera eta mugak, eta jabe titularra nor duen.

c) Ibilgailuendako sarbidea, lehendik dagoena eta aurreikusitakoa.

d) Ur hornidurako zerbitzua, saneamendu eta araztekoa, hiri-hondakinen tratamendukoa eta energia elektrikoari dagokiona, lehendik daudenak eta aurreikusitakoak.

e) Argiteriako eta suteen aurkako sistemak, lehendik daudenak eta aurreikusitakoak.

f) Barreneko aparkalekuak, lorategiak eta zuhaiztiak, eta lurzatiaren itxitura.

g) Eraikinaren formazko ezaugarriak, kanpoaldeko biltegiak eta publizitatea.

h) Ingurumena Babesteko Esku Hartzeari buruzko Foru Legean eskatzen den ingurumen eraginaren azterlana edo dokumentazioa, behar denean. Bertan, jarduerak ingurumenari nola eragiten dion azalduko da eta zuzentzeko neurriak proposatuko dira.

2. KAPITULUA

Jarduera eta erabileren definizioa eta arauketa

104. artikulua. Eraikuntzaz kanpoko jarduera eta erabilerak.

Lurzoru urbanizaezinean, eraikuntzaz kanpoko jarduerek baldintza hauek bete beharko dituzte:

-Eraikuntzaz kanpoko jarduerak eta erabilerak, lurzoru urbanizaezinean, baimenduak, baimengarriak edo debekatuak izan daitezke. Haien arauak eta tramitazioa 35/2002 Foru Legearen III. tituluko IV. kapituluan jasorik daude.

-Udalaren lizentzia beharko da beti, aldez aurretik; Udalari proiektu teknikoa eta obren zuzendaritza aurkeztu beharko zaizkio indarra duen legeriak hala eskatzen duen kasuetan. Horrez gain, bidezko denean, Nafarroako Gobernuko departamentuen aldeko txostenak eta baimenak beharko dira.

-Eraikuntzaz kanpoko edozein jarduera egiteak sorrarazten dituen ezponda eta lubetak, paisaian txertatzeko ahalik eta modurik egokienean tratatuko dira, arbolak eta belarkiak landatuz. Tratamendu hori jardueraren dokumentazio teknikoaren atal batean jasoko da.

-Lurrak areka eta hustubideak traba ez ditzan, debekatuta dago lur mugimenduak, goldaketa eta horrelako lanak egitea areketatik 50 cm-ra baino hurbilago.

-Irizpide orokor gisa, debekaturik daude 35/2002 Foru Legearen 112. artikuluan aipatzen diren jarduerak. Jarduera horiek Araudi Partikular honen 95. artikuluan zerrentzatu dira.

105. artikulua. Eraikuntzako jarduerak eta erabilerak.

Lurzoru urbanizaezinean, eraikuntzako jarduerek baldintza hauek bete beharko dituzte:

-Eraikuntzako jarduerak eta erabilerak, lurzoru urbanizaezinean, baimenduak, baimengarriak edo debekatuak izan daitezke. Haien arauak eta tramitazioa 35/2002 Foru Legearen III. tituluko IV. kapituluan jasorik daude.

-Udalaren lizentzia beharko da beti, aldez aurretik; Udalari proiektu teknikoa eta obren zuzendaritza aurkeztu beharko zaizkio indarra duen legeriak hala eskatzen duen kasuetan. Horrez gain, bidezko denean, Nafarroako Gobernuko departamentuen aldeko txostenak eta baimenak beharko dira.

-Lurzoru urbanizaezinean, errepideen eragin eremuetan, lehendik kokatuta dauden eraikuntzetan, edozein eraikuntza-ekintzak Nafarroako Gobernuko Bide Zerbitzuaren berariazko baimena beharko du.

-Eraikuntza berriak errepidetik bereiziko dira Nafarroako Errepideei buruzko 5/2007 Foru Legean ezarritako eraikuntza-lerroraino, gutxienez ere. Nafarroako Gobernuko Bide Zerbitzuaren txostena beharko dute aurretiaz.

-Lurzoru urbanizaezinean, eraikuntzako jarduketa mota bakoitzaren mugak hurrengo artikuluetan ezarritakoak izanen dira. Muga horietan aldaketak egin ahalko dira, plan bereziak tramitatu eta gero.

106. artikulua. Nekazaritzako jarduerak.

Nekazaritzako jardueratzat jotzen dira abere hazkuntzaren bidez edo nekazaritzako produktuen lehenbiziko manipulazioaren bidez aberastasunak lortzearekin zerikusia dutenak, tartean biltegiratzea, hots, uztak, makineria eta jarduerarako beharrezkoak diren eta haren izaerarekin eta ustiapenarekin zuzeneko lotura duten produktuak biltegiratzeko jarduerak.

Zenbait motatako jarduerak bereizten ahal dira:

-Laborantzako jarduera:

Jendea eta abereak elikatzeko edo gizakiaren beste kontsumo batzuetarako (industria, osasun arloa...) landareak haztea zuzeneko xedea duen erabilera.

-Baratzezaintzari sostengu emateko jarduera:

Lanabesak eta baratzezaintzako lanetarako beste elementu batzuk biltegiratzeko erabilera.

-Mintegiak eta berotegiak:

Zainketa bereziekin landareak hazteko erabiltzen diren instalazio edo eraikuntzak dira.

-Abeltzaintzako jarduera:

Abereak haztea haien produktuak eta azpiproduktuak lortzeko, abereek lurraren baliabideak zuzenean aprobetxatuta (abeltzaintza estentsiboa), edo abereek landare-baliabiderik zuzenean aprobetxatu gabe, elikadura intentsiboaren bidez hazten baitira (abeltzaintza intentsiboa).

-Etxeko ukuiluak:

Espezie bakoitzeko ondoko abelburu kopurua, gehienez ere, hazten diren instalazioak:

• 5 zerrama.
• 50 oilo edo uso.
• 20 ahate, antzara edo bestelako hegazti.
• 10 untxi eme.

Txakurrak hazi eta zaintzeko instalazioak ere etxeko ukuilutzat joko dira, lau txakur baino gehiago ez daudenean.

-Baso-jarduera:

Gizakiak zuhaitz eta zuhaixka espezieak garatu eta/edo aprobetxatzea, ekoizpenik gabeko helburuetarako.

Nekazaritza eta abeltzaintzako jardueren arauketa Nekazaritza Ministerioak eta Nafarroako Nekazaritza Zuzendaritzak agintzen dutenaren mende dago. Halaber, Foru Komunitateko edo Estatuko arau eta lege sektorial indardunei eta araudi honetako baldintza partikularrei lotuta dago. Abeltzaintza intentsiboak, berriz, 1848/2003 Foru Dekretuan abeltegiak baimentzeko finkatutako baldintza teknikoak, higiene eta osasunekoak eta ingurumen arlokoak bete beharko ditu.

Baso-erabileraren arauketa Nafarroako Gobernuko Mendi eta Ingurumen Zuzendaritzarekin hertsiki koordinatuta eginen da, eta haren aholkularitzapean.

107. artikulua. Industria jarduera:

Lehengaiak lortu eta produktuak egin, eraldatu, konpondu, biltegian jaso eta banatzeko helburua duten jarduera eta instalazioei esaten zaie industriako jarduera.

Hiru jarduera mota bereizten ahal dira:

-Erauzteko industriako jarduera:

Lurretik edo lur azpitik harea, buztina, legarra eta bestelako baliabideak atera beharrak baldintzatzen du haien kokapena.

-Landa inguruneari lotutako industria jarduera:

Landa inguruneko zenbait baliabideren aprobetxamendua eta/edo lehenbiziko eraldaketa edo bestela haiek biltegiratzea helburu duen jarduera.

-Industria jarduera orokorra:

Osasungaitza, kaltegarria edo arriskugarria izateagatik, ezin da garatu arau hauetako hiri lurzoruan edo lurzoru urbanizagarrian. Hiri lurzoruaren edo lurzoru urbanizagarriaren mugetatik 5.000 metrora kokatu behar da, gutxienez.

Industria jardueren arauketa Foru Komunitateko edo Estatuko arau eta lege sektorial indardunei eta araudi honetako baldintza partikularrei lotuta dago. Industria jarduerak ezarri ahal izateko, obra-lizentziaren aurretik, Nafarroako Gobernuko Hirigintza eta Ingurumen Batzordean tramitazioa egin behar da.

108. artikulua. Arrain hazkuntzako jarduera.

Ibai ibilgu naturaletatik kanpo arrainak hazi eta ustiatzeko jarduera da.

109. artikulua. Erlezaintzako jarduera.

Erlekumeak hazi eta erlauntzak zaintzea, polena eta eztia ekoizteko.

110. artikulua. Josteta edo aisiako jarduerak.

Lurraldeko toki egokiak dira aire zabaleko aisiarako egonlekuak haietan atontzeko, Hirigintzako Udal Plan honetan aurreikusitako beste ekintza batzuekin batera (aisiako baratzeak, kirola, ibai parkeak, josteta eta turismorako kanpin, zalditegi eta abarrekoak).

Betiere haien tratamendu formalak inguruko paisaiarekin bat egin eta hura hobetu behar du.

Osagai hauek edo hauetako batzuk bilduko dituzte: aire zabaleko egonlekuak, belardiak, haurren jostalekuak, askaldegiak, arboladiak, itzalguneak, eta are eraikuntzaren bat, kontzeptu orokor horrekin bateragarriak diren komun edo zerbitzuetarako.

-Aisiako baratzezaintza:

Hala izentzatzen dira aisiako baratzezaintzarako egokiak diren eremuak antolatu eta egokitzeko ekintzak. Ezarpenerako baldintzak baratze-lorategi kontzeptuan oinarrituko dira. Emankortasun ertaineko lurzoruetan kokatuko dira, funtsean. Itxitura egokiak jarriko zaizkie (landare hesiak), instalazioa inguratzeko eta paisaiaren gaineko eragina murrizteko.

Lurzatiek gutxienez 1.000 m² izanen dituzte. Baratzea edo lorategia nagusi izatea bermatuko da. Ezin izanen da inola ere lurzatiaren %10 baino gehiago hartu zoladura emateko, eraikitzeko edo lurzorua nolabait eraldatzeko. Etxola txikia eginen da, bertan egon ahal izateko eta lanabesak gordetzeko modukoa. Barne-elkartzeetarako aukera izanen da. Ur hargune publikoak jarriko dira. Ureztatzeko hornidura ere publikoa izanen da. Ubide publiko eta abarretatik ura hartu ahal izanen da, behar bezala araututa. Lurzati bakoitzak bere ur hargunea izanen du. Gune komunak bakarrik elektrifikatuko dira.

Jarduera horiek arautzeko, obra-lizentziaren aurretik, Nafarroako Gobernuko Hirigintza eta Ingurumen Batzordean tramitazioa egin behar da, jarduera horiek lurzoru urbanizaezinean kokatu beharra frogatuko duena.

Kanpin edo turismoko kanpamentuek araudi indardunean ezarritakoa beteko dute.

111. artikulua. Ekipamendu eta zerbitzuetako jarduera.

Jarduera kolektibo batzuen multzoa da; jarduera horiek herritarren beharrak asetzen dituzte aisiaren, laguntzaren, irakaskuntzaren edo osasunaren arloan, eta landa ingurunean kokatu beharrekoak dira. Udalerrikoak zein udalez gaindikoak izan daitezke.

Sail honetakoak dira, halaber, arriskugarritasun edo segurtasun arrazoiengatik kolektibitateari zerbitzu egiten dioten eta etxebizitza-guneetatik urrun kokatu behar diren jarduerak.

Jarduera horiek arautzeko, obra-lizentziaren aurretik, Nafarroako Gobernuko Hirigintza eta Ingurumen Batzordean tramitazioa egin behar da, jarduera horiek lurzoru urbanizaezinean kokatu beharra frogatuko duena.

3. KAPITULUA

Instalazioen eta eraikuntzen baldintzak

112. artikulua. Lehendik dauden eraikuntzak.

Udal Plan honek indarra hartu baino lehenagotik lurzoru urbanizaezinean dauden eraikuntza eta instalazioak finkatu eginen dira, gaur egungo bolumen eta erabilera berberekin, berdin dio zein motatako lurzoruan dauden.

Eraikuntza finkatuetan erabilera eta segurtasun baldintzak hobetzea dakarren edozein obra onartzen da; hala ere, edozein erabilera aldaketa edo handitze obrak bakarrik onartuko dira, ondoriozko eraikuntzak atal honetan ezarritako baldintza orokorrak eta bereziki bere lurzoruaren kategoriari aplikatzekoa den araudian ezarritakoak betetzen baditu.

Salbuespen gisa, ez dira aplikatuko hiri lurzorurainoko tarteak, kapitulu honetan bertan araututakoak, eta gaur egun herrigunearen hego-mendebaldean dauden industriako edo nekazaritzako eraikuntzak handitzeko obrak berariaz lotu beharko zaizkio 148/2003 Foru Dekretuari, baldin eta eraikuntzen erabilera ez badator bat inguru horretako lurzoru urbanizaezinaren babes araubidean xedatutakoarekin.

Bideen alboetan 3 metroko zortasun eremua dago arekaren kanpoko ertzetik neurtuta, 35/2002 Foru Legearen 112.2 artikuluaren arabera. Zortasun eremu hori errespetatzen ez duten egungo eraikuntzak antolamenduz kanpo egonen dira haien lerrokadurak zuzentzen ez diren artean.

113. artikulua. Behin-behineko elementuak.

Behin-behineko elementuek -hala nola, egurtegiak, estalguneak eta, oro har, igeltserotza obrarik ez duten eta, beraz, desmunta daitezkeen guztiak- apaintasun, higiene eta ingurunera egokitu beharraren baldintzak behar bezala bete beharko dituzte. Udalak eskumena izanen du, kasu bakoitzean egokitzat jotzen diren neurri zuzendaileak eskatzeko.

Debeku da behin-behineko elementu gehiago jartzea, eta jarduketa berri guztietan bete beharko dira eraikuntza motaren eta erabileraren arabera ezarritako baldintzak.

114. artikulua. Lurra mugitu edo topografia aldatzea dakarten jarduketak.

Egin nahi den eraikuntzako edo eraikuntzaz kanpoko jarduerarako lurra mugitu behar bada, lizentziarako eskabidean ezpondei edo lubetei gero emanen zaien tratamendua aipatu beharko da, paisaian egokitu behar baitira, zuhaitz eta belar espezieekin landareztatuz. Baldintza hori bete ezean ez da lizentziarik emanen.

Eraikuntzarik gabeko eremuetan debekatuta dago topografia aldatzea, metro batetik gorako ezpondak edo eustormak sor ditzaketen lur mugimenduak eginez.

115. artikulua. Eraikuntza berrietarako baldintza orokorrak.

Lurzoru urbanizaezinean baimentzen diren eraikin edo instalazioek, edozein motatakoak direla ere, ondoko baldintzak bete beharko dituzte, salbu eta araudi partikularrean bestelako baldintzak ezartzen direnean edo, eraikuntza mota dela eta, haietakoren bat aplikagarri ez denean:

Helburu nagusiak:

-Eraikuntza edo instalazioak hurbileko natur ingurunearen eta eraikuntzen baldintzetara egokituko dira. Toki irekietan baztertu eginen da ikus eremuari muga edo hesiak ezartzea, paisaia bere osoan ikusten eragozten dutenak edo hura desitxuratzen dutenak.

-Ez da eraikuntzarik baimenduko %25 baino malda handiagoa duten lurren gainean.

-Ez da lur berdinketarik baimenduko sortzen diren ezpondak 3 metro baino garaiagoak badira.

Lerrokadurak:

-Lurzatietako itxitura hormak bide publiko eta erretenen mugetatik 3 metrora kokatu behar dira, gutxienez. Zimendurik gabeko zutoinez edo landarez egindako itxiturak, berriz, metro batera. Lurzatietako itxiturak autobideetako zabalgune-ertzetik 25 metrora eta gainerako errepideetako zabalgune-ertzetik 8 metrora kokatu behar dira.

-Eraikuntzak inguruko finketako mugetatik gutxienez 3 metro atzerago kokatuko dira; bide ardatzetatik, gutxienez 6 metro atzerago, edo eraikuntzak gailurrean izan dezakeen gehieneko garaiera eta erdi; eta bideen kanpo-ertzetatik 3 metro atzerago.

Bolumetria:

-Eraikuntzek bolumen soila izanen dute, oinplano karratua edo angeluzuzena.

-Eraikinaren gailurrerainoko gehieneko altuera baimengarria 10 m-koa izanen da. Abeltzaintzako ustiategiei lotutako siloak baino ezin izanen dira altuagoak izan.

-Estalkiak makurrak izanen dira, isurki batekoak, bikoak edo laukoak, gehienez %35eko maldarekin. Estalkiko materiala teila arabiarra izanen da, okre, gorri edo harea kolorekoa. Industria edo abeltzaintzako eraikuntzetan, Arauek hala zehazten dutenean, zuntz-zementuzko xafla uhinduak eta xafla lakatua erabili ahalko dira, betiere ingurunean ongi egokitzen diren koloreetakoak.

-Ez da aprobetxamendurik baimenduko estalkipean, ez eta soto edo erdisotoetan ere.

-Eraikinen tratamendua igeltserotzako obrarekin eskualdeko eraikuntzaren eta arkitekturaren ezaugarriekin bat etorriko da, konposizioaren eta bolumenaren elementuei, materialei, koloreei eta akaberei dagokienez. Jarduera edo xede jakin baterako diseinu zehatza behar duten eraikuntzak bakarrik salbuetsiko dira.

-Ibilgailu guztientzat barneko aparkalekuak aurreikusiko dira, jardueran zenbat langile ariko diren kontuan izanik, eta debekatu eginen da lurzatitik kanpo aparkatzea.

-Kanpoan materialak metatzen badira, jarduerak hala behar duelako, ingurumena zainduko da eta material pilak ez dira bistan egonen. Lizentzian berariaz adierazi beharko da zein biltegiratze mota proposatzen den.

Materialak:

-Eraikin berrietan, bai fatxaden konposizioa bai eraikuntza materialak aukerakoak izanen dira, baina gutxieneko baldintza batzuk bete beharko dira eraikuntzari eta landa ingurunearekiko integrazioari dagokienez.

-Berariaz debekatzen dira inguruan ongi egokitzen ez diren koloreak edota eraikuntza-kalitate ona lortzen ez duten soluzioak.

-Eraikuntzako materialak: adobea, bistako adreilua, harria, zura, hormigoi bloke harea kolorekoa edo erre kolorekoa, zarpiatuta eta inguruarekin ongi ematen duten koloreetan pintatuta.

-Lurzatian edo eraikinean egin beharreko jardueraren publizitatea proiektuan jasoko da, haren edukia eta kokapena zehaztuz. Udalak publizitaterako baimena ukatu edo egokitzat jotzen dituen baldintzak ezarri ahalko ditu.

-Eraikin guztiak arbolak landaturik kamuflatuko dira gutxienez ere eraikuntzaren luze-zabal handienak dituzten alboetako batean, eta fatxadako horma-ataletatik 5 m baino gutxiagora.

-Lurzatietako itxiturak gehienez 2 m garai izanen dira. Gardenak izanen dira, ikustea galarazten ez duten materialez eginak (sarea, burdinsarea edo antzekoa), baina 50 cm-ko altueraraino opakoak izatea onartuko da. Errepidera begira dauden itxiturek indarra duen legeria sektorialean xedatutakoa beteko dute.

-Debekaturik dago eraikuntzaren garaiera onartua gainditzen duen pilotaleku horma, eustorma edo bestelako hormarik eraikitzea.

Zerbitzuak eta instalazioak:

-Komunikazio bideetatik ibilgailuendako sarbidea izanen dute.

-Ur hornidura, saneamendua eta hondakin likidoak arazteko instalazioa izanen dituzte. Debeku da araztu gabeko urak ur ibilgu publikoetara isurtzea. NTE-ISD araua betetzen duten hobi septikoen bidezko saneamendua onartuko da.

-Baimentzen dira energia sorgailuak, edo hondakin urak arazteko baliabide autonomoak, baita maila freatikotik ura hartzea ere, edateko arazketa egokia bermatzen bada. Eztanda-motorrak erabiltzen badira, isolamendu akustikoa beharko da. Instalazio horiek jarri aurretik erakunde eskudunaren onespena lortu beharko da beti. Debekatuta dago saneamendu sare orokorrerako lotunea abeltzaintzako instalazioetan.

-Udalak adierazitako tokietan utziko dira hondakin solidoak, eta horiek garraiatzeko, kudeatzeko eta lotunea egiteko kostuak haren kontura izanen dira.

116. artikulua. Baldintza partikularrak.

Lurzoru urbanizaezineko kategoria batzuetan onarturik edo baimendurik dago eraikitzea edo eraikuntzako bestelako jarduerak egitea. Eraikuntza horiek ondoko determinazio hauek bete behar dituzte, eraikuntzan egin beharreko jardueraren arabera:

Zerrenda honetan ez dauden jardueretarako, zuzenean joko da 35/2002 Foru Legeko irizpide orokorretara eta berariaz aplikatu beharreko legeriara.

117. artikulua. Lanabesen etxola - Baratzezaintzari sostengu ematekoa.

Lanabesen etxola deitzen zaio nekazaritzako tresnak eta produktuak gordetzeko erabiltzen den eraikuntzari.

-Gutxieneko lurzatia: Hirigintzako Udal Planak indarra hartzen duen unean katastroan ageri dena. Ezin izanen da inola ere lurzatiko lurzoruaren %10 baino gehiago eraldatu.

-Lurzatiaren lotura: lurzati osoa dago lotuta. Lurzati berean debekaturik dago beste edozein eraikuntza.

-Eraikitako azaleraren eta zolatutako azaleraren batura (urmaela barne, halakorik bada) 100 m² baino gutxiago izanen da.

-Gehieneko garaiera gailurreraino: 3 m.

-Debekatuta dago baimendutako erabilerarako desegokitzat jo daitekeen edo baimendu gabeko erabilerekin pareka daitekeen edozein eraikuntza-elementu, adibidez, tximiniak, baoen neurri desegokiak eta abar.

-Eraikuntzaren zerbitzurako azpiegiturak: debeku dira kirol instalazioak, igerilekuak eta horrelakoak.

118. artikulua. Nekazaritzako biltegiak.

Nekazaritzako biltegia da nekazaritza, basogintza edo abeltzaintzako jardueretako materialak, produktuak eta tresnak gordetzeko bakar-bakarrik erabiltzen den eraikuntza.

-Gutxieneko lurzatia: Nekazaritzako Azpiegiturei buruzko 1/2002 Foru Legean zehazten da zer den gutxieneko laborantza unitatea, alegia, 10 hektarea lehorreko lurretan, hektarea bat ureztaketa tradizionaleko lurretan eta 5 hektarea presiozko ureztaketako lurretan.

-Lurzatiaren lotura: lurzati osoa dago lotuta. Debeku da jarduerarekin zerikusirik ez duen beste edozein eraikuntza egitea lurzati berean.

-Gehieneko azalera eraikia: %2,5 lur ureztatuetan eta %20 lehorreko lurretan.

-Gehieneko garaiera, erlaitzeraino: 5 m.

-Debekatuta dago baimendutako erabilerarako desegokitzat jo daitekeen edo baimendu gabeko erabilerekin pareka daitekeen edozein eraikuntza-elementu, adibidez, tximiniak, baoen neurri desegokiak eta abar.

-Eraikuntzaren zerbitzurako azpiegiturak: debeku da aireko eroanbideak behar dituen edozein azpiegitura (aireko argindar lineak izan ezik, lur azpikoen kostu handia dela eta).

-Gutxieneko distantziak ustiategietatik:

• Ondoko lurzatira edo bideetara: 6 m.

119. artikulua. Etxeko ukuiluak.

Espezie bakoitzeko abere kopuru jakin bat, gehienez ere, hazteko erabiltzen diren instalazioak. Gehieneko abere kopurua araudi honetan zehaztuta dago, aurreko kapituluan.

-Gutxieneko lurzatia: 1.500 m².

-Lurzatiaren lotura: lurzati osoa dago lotuta. Lurzati berean debekaturik dago beste edozein eraikuntza.

-Gehieneko azalera eraikia: lurzatiaren %15.

-Gehieneko garaiera, erlaitzeraino: 4 m; eta gailurreraino, 6 m.

-Zuhaitzak (nahitaezko baldintzak): eraikuntza ahalik gehien ezkutatzeko adina zuhaitz, eraikuntzatik 8 m-ra baino hurbilago.

-Eraikuntzaren zerbitzurako azpiegiturak: debeku da aireko eroanbideak behar dituen edozein azpiegitura (aireko argindar lineak izan ezik, lur azpikoen kostu handia dela eta).

-Instalazio osagarriak:

• Minda eta simaur biltegia.

120. artikulua. Mintegiak.

Hazi, ongarri eta lanabesak gordetzeko eta landareen hasierako hazkuntzarako erabiltzen diren instalazio eta eraikuntzak dira.

-Gutxieneko lurzatia: 1.000 m².

-Lurzatiaren lotura: lurzati osoa dago lotuta. Lurzati berean debekaturik dago beste edozein eraikuntza.

-Gehieneko azalera eraikia: 25 m².

-Gehieneko garaiera gailurreraino: 3 m.

-Zuhaitzak (nahitaezko baldintzak): eraikuntza ahalik gehien ezkutatzeko adina zuhaitz, eraikuntzatik 8 m-ra baino hurbilago.

-Berdegunea: lurzatiaren azalera osoaren %70-75.

-Eraikuntzaren zerbitzurako azpiegiturak: landareak ureztatzekoak, betiere euskarri elektrikorik gabe.

121. artikulua. Berotegiak.

Zainketa bereziekin landareak hazteko erabiltzen diren instalazio edo eraikuntzak dira.

-Gutxieneko lurzatia: ez dago.

-Lurzatiaren lotura: ez dago.

-Gehieneko azalera eraikia: lurzatiaren azaleraren %80.

-Eraikuntzako materialak: obrako horma onartzen da 1 m-raino, eta hortik gora beira, plastiko gardena edo antzeko materiala erabiliko da, egitura arinarekin.

-Estalkia: ez dago.

-Eraikuntzaren zerbitzurako azpiegiturak: landareak ureztatzeko edo berotegiaren barnealdea girotzeko behar direnak, betiere euskarri elektrikorik gabekoak badira.

122. artikulua. Abeltzaintza intentsiboa eta abeltegiak.

Abeltzaintza intentsiboa esaten zaio ustiategiko lurreko baliabideen mende ez dagoenari, abereendako janariak kanpotik ekartzen direlako eta abereak funtsean ukuiluan hazten direlako (txerri haztegiak, esnetarako edo haragitarako behi aziendaren ukuiluak, hazkuntzarako eta haragitarako zaldi aziendaren ukuiluak...).

-Gutxieneko lurzatia: 5.000 m².

-Lurzatiaren lotura: lurzati osoa dago lotuta.

-Okupatzeko gehieneko azalera: lurzatiaren %20.

-Estalpeko gehieneko azalera: 148/2003 Foru Dekretua.

-Gehieneko garaiera, erlaitzeraino: 6 m, eta gailurreraino 8 m.

-Zuhaitzak (nahitaezko baldintzak): zuhaitz bat / eraikitako 25 m²

-Eraikuntzaren zerbitzurako azpiegiturak: debeku da aireko eroanbideak behar dituen edozein azpiegitura (aireko argindar lineak izan ezik, lur azpikoen kostu handia dela eta). Baimentzen da sorgailu autonomoak jartzea.

-Gutxieneko distantziak ustiategietatik:

• Ondoko lurzatira: 6 m.
• Hiri lurzorura edo lurzoru urbanizagarrira: 1.000 m.
• Landaguneetara edo etxebizitza bakartuetara: 50 m.
• Udal hiltegira: 1.000 m.
• Ibaietara: 50 m.
• Edateko uraren biltegietara, hiri hornidurako sarera: 200 m.
• Beste txerritegi batzuetara: 1.000 m.
• Beste azienda batzuen haztegi intentsiboetara: 500.
• Udalerria zeharkatzen duten bide edo altxonbideetara: 25 m.
• Udalerria zeharkatzen duten errepideetara: 50 m.

Hori guztia eginen da, indarra duen legeriak agindutako baldintzak bete beharra deusetan ukatu gabe. Abeltzaintzako instalazioen baldintza teknikoei eta ingurumen baldintzei buruzko 148/2003 Foru Dekretua beteko da.

123. artikulua. Abeltzaintza estentsiboa.

Abeltzaintza estentsiborako eraikuntzatzat joko dira ukuiluratu gabeko ganaduarendako aterpeak.

Abeltzaintzako ustiategiek, arau orokor gisa, lehendik badiren instalazioak erabiliko dituzte. Onartuko da haiek eraikitzea edo konpontzea hondatuz gero. Hala ere eraikuntza berriak baimendu ahalko dira, beharrezkoak direla eta haien inguruan baliabideak badirela frogatzen baldin bada (ardi azienda, ahuntz azienda, behi azienda...).

-Gutxieneko lurzatia: 300 m² ardi eta ahuntz aziendako buru bakoitzeko eta 1.000 m² behi aziendaren kasuan.

-Estalpeko gehieneko azalera: 148/2003 Foru Dekretua.

-Gehieneko garaiera, erlaitzeraino: 4 m.

-Zuhaitzak (nahitaezko baldintzak): eraikuntza ahalik gehien ezkutatzeko adina zuhaitz, eraikuntzatik 8 m-ra baino hurbilago.

-Eraikuntzaren zerbitzurako azpiegiturak: debeku da aireko eroanbideak behar dituen edozein azpiegitura (aireko argindar lineak izan ezik, lur azpikoen kostu handia dela eta). Baimentzen da sorgailu autonomoak jartzea.

-Gutxieneko distantziak ustiategietatik:

• Hiri lurzorura edo lurzoru urbanizagarrira: 500 m.
• Landaguneetara edo etxebizitza bakartuetara: 50 m.
• Udal hiltegira: 1.000 m.
• Ibaietara: 50 m.
• Espezie bereko aziendaren eskortetara: 100 m.
• Udalerria zeharkatzen duten bide edo altxonbideetara: 25 m.
• Udalerria zeharkatzen duten errepideetara: 50 m.

Hori guztia eginen da, indarra duen legeriak agindutako baldintzak bete beharra deusetan ukatu gabe. Abeltzaintzako instalazioen baldintza teknikoei eta ingurumen baldintzei buruzko 148/2003 Foru Dekretua beteko da.

124. artikulua. Arrain haztegiak.

Ibai ibilgu naturaletatik kanpo arrainak hazi eta ustiatzeko instalazioak dira.

Eskaera-espedientean, behar diren proiektuez gain, ingurumen eraginari buruzko agiria sartu behar da.

125. artikulua. Erlauntzak.

Erleen bizitokiak dira.

-Gutxieneko lurzatia: ez dago.

-Lurzatiaren lotura: ez da finkatu, baina eztitarako aprobetxatu nahi den landaretzaren araberako erlauntz kopurua jarriko da.

-Azpiegiturak: debeku dira.

-Instalazio osagarriak:

• Itxiturak.
• Informazio kartelak jarri behar dira.

-Gutxieneko distantziak ustiategietatik:

• Hiri lurzorura edo lurzoru urbanizagarrira: 500 m.
• Landaguneetara edo etxebizitza bakartuetara: 1.000 m.
• Etxekoak ez diren erlauntzetara (4 unitate) 750 m.
• Etxeko erlauntzetara (4 unitateraino) 200 m.
• Abeltzaintzako beste instalazio batzuetara: 200 m.
• Beste azienda batzuen haztegi intentsiboetara: 500 m.
• Udalerria zeharkatzen duten bide publikoetara: 25 m.
• Errepide eta abelbideetara: 100 m.

126. artikulua. Industria.

Berariaz debekaturik dago industriarik ezartzea lurzoru urbanizaezinean, apirilaren 5eko 84/1990 Foru Dekretuaren babesean ezartzen ahal direnak izan ezik; dekretu horrek Nafarroako lurraldean industrialdeen eta industria jardueren ezarpena arautzen du.

Zenbait motatako industria jarduerak, arrisku handikoak edota eremu handia hartzen dutenak, ezartzeari dagokionez, legeria indardunean xedatutakoa beteko da. Bigarren kasuan, hau da, kanpoko biltegiratze eremuaren aldean eraikuntzak azalera txikia duen industrietan (zerrategiak, eraikuntzako materialen industriak etab.), baldintza hauek beteko dira:

-Gutxieneko lurzatia: 5.000 m².

-Gehieneko azalera eraikia: lurzatiaren %10, eta estalpeek %30 okupatzen ahal dute.

Harea edo harria ateratzeko aire zabaleko ustiategiek azterlan geologikoa beharko dute, ateratzeko behar adina material badagoela bermatuko duena, eta ingurumen eraginaren azterlana, baita ingurunea lehengoratzeko proiektua ere.

Hori guztia eginen da, indarra duen legeriak agindutako baldintzak bete beharra deusetan ukatu gabe. Babes araubidea 35/2002 Foru Legearen 112.-114. bitarteko artikuluetan ezarritakoa izanen da.

127. artikulua. Ekipamenduak - Aisia eta zerbitzu bereziak.

Arau hauen ondorioetarako, aisiari lotutako eraikuntza eta instalazioak eta obra publikoetako zerbitzu osagarriak dira. Berariazko espedientea garatu behar da halakoak egiteko, instalazioa ingurunera eta dagozkion arau sektorialetara egokitzen ahal dela justifikatuko duena.

Arau hauen ondorioetarako, zerbitzu berezitzat joko dira hiltegiak, kanposantuak eta ezinbestez lurzoru urbanizaezinean kokatu behar diren zerbitzu publikoak.

128. artikulua. Onura publikoko, gizarte intereseko edo obra publikoei eta azpiegiturei lotutako eraikuntzak eta instalazioak.

Onura publikoko, gizarte intereseko edo obra publiko eta azpiegiturei lotutako eraikuntza eta instalazioek hurrengo baldintzak beteko dituzte:

-Eraikinen tratamendua eskualdeko eraikuntzaren eta arkitekturaren ezaugarriekin bat etorriko da ahal den heinean, konposizioaren eta bolumenaren elementuei, materialei, koloreei eta akaberei dagokienez.

-Eraikineko fatxada bakoitzetik gutxienez ere 6 metroko tartea izanen da lurzatiaren mugaraino.

-Eraikuntzak gehienez ere 6 m garai izanen dira. Salbuespenez garaiera hori gainditu ahal izanen da, haien funtzionamendurako ezinbestekoa izanez gero.

-Behar bezala antolatu beharko dira sarbidea, ur hornidura, saneamendua, argindar hornidura eta abar. Horiek lurzatian bertan antolatuko dira, eta urbanizazio egokia bermatuko da beti, zoladurak eta lorategiak barne.

-Lurzati bakoitza berdegune batez hornituko da bere perimetroan. Soropila eta zuhaitzak izanen dira. Horien ezaugarriak Udalak zehaztuko ditu kasuz kasu.

129. artikulua. Erabileren bateragarritasuna.

Finka berean hainbat eraikuntza kokatzeko, honako baldintza hauek bete beharko dira:

-Lurzatiaren azaleraren arabera onartutako azalerak aplikatzeko, finka zenbait frakziotan zatitu, eta frakzio bakoitzari aplikatuko zaizkio lurzatiaren azalerari eta eraikuntzari buruzko baldintzak, kasuan kasuko eraikuntza motaren arabera.

130. artikulua. Bestelako eraikuntzak.

Lurzoru urbanizaezinaren kategorientzat aplikatzekoa den araudiak aurreko artikuluetan aipatutakoez bestelako eraikuntzak baimendu edo onartzen dituen kasuetan, eraikuntza horiei LAHFLko irizpide orokorrak eta berariazko legeria indarduna aplikatuko zaizkie.

131. artikulua. Lurzatitzeak edo banantzeak.

Nekazaritzako jarduerari lotutako lurzoruetarako, gutxieneko lurzatiak ezarri dira, Nekazaritzako Azpiegiturei buruzko martxoaren 7ko 1/2002 Foru Legeari jarraituz.

4. KAPITULUA

Lurzoru urbanizaezinaren kategoria bakoitzerako baldintzak

1. ATALA

Babestu beharreko lurzoru urbanizaezina

132. artikulua. Ingurumen aldetik balioa duen lurzorua.

Kategoria honetan sartzen dira erakunde ofizial eskudunek naturgune izentzatutako eremuak eta Urari buruzko Legeak araututakoak.

-Onura publikoko mendia:

Murillo el Frutoko pinudi bat Nafarroako Onura Publikoko Mendien Katalogoan dago, 666 zenbakiarekin. Pinus halepensis-aren pinudia da eta 126 hektarea inguru ditu.

Planoetan ageri diren mugak ICONAk zehaztutakoak dira.

-Naturgune babestuak eta intereseko natur elementuak:

ES2200035 BILa (Batasunaren intereseko lekua), "Aragoi eta Arga ibaien beheko tarteak". Batzordeak 2006ko uztailaren 19an hartutako Erabakiak izentzatu zuen BIL. Erabaki horretan, Kontseiluaren 92/43/EEE Zuzentarauari jarraituz, eskualde biogeografiko mediterraneoko Batasunaren intereseko lekuen zerrenda onetsi zen. BILaren barnean badira 15 naturgune babestu, Aragoi ibaiaren bazterretako landare formazioen aberastasunaren erakusle. Murillo el Frutoko udalerrian natur lekune bat dago, El Escueral ibarbasoa (EN16).

BILak 2.061,62 hektareako azalera du guztira, eta 257-423 metro bitarteko altitudea itsas mailaren gainetik. Murilloko udalerrian BILeko 62,938 hektareako zatia dago, udalerriko hegoaldean, Aragoi ibaiari jarraitzen dion mugaren inguruan.

Dokumentazio grafikoan jasotako naturguneak honakoak dira:

• EN-6, López-Val ibarbasoak.
• EN-14, Campo Llanoko ibarbasoa.
• EN-15, La Biona ibarbasoa.
• EN-16, Escueral ibarbasoa.

-Sakanak:

Sakana ugariak inguru honetako irudi nagusietakoak dira. Ibaiaren eta mendien arteko elementu biologiko guztiak elkarrekin lotzeko funtsezko elementuak dira, espezie mehatxatuen babesleku izateaz gain.

Nabarmentzekoa da San Migueleko sakana, planteatutako hirialdea zeharkatzen duelako. Garrantzi txikiko errekatzat jotzen bada ere, beharrezkoa litzateke uholde arriskuari buruzko azterlan egokiak egitea, proposatutako kokalekuan erreka horrek inolako arriskurik sortuko ez duela bermatzeko.

• Eremu endorreiko bat El Cascajo bazkalekuan, Santakarako beste batekin lotuta.
• Legartza bat, ureztaketako lurretan.

-Ur babestuak:

Kategoria honetan sartuko ditugu udal mugapea zeharkatzen duten ibai-erreken ibilguak eta ertzak, babes zerrenda batzuk baitituzte, 5 metroko zortasun zerrendak erabilera publikorako eta 100 metroko txukuntasun eremuak. Arloko legeriak (Urari buruzko Legea) baldintzak ezartzen dizkie eremu horietako erabilera eta jarduerei.

• Aragoi ibaia eta gainerako ibai-errekak eta urak hartzen ahal dituen ibai bazterrak.

133. artikulua. Ingurumen aldetik balioa duen lurzoruaren babes araubidea.

Onura publikoko mendia, naturgune babestuak eta intereseko natur elementuak:

Debekatuak daude:

-Legar eta hondarrak ateratzea.

-Harrobiak.

-Pista berriak egitea.

-Ibai-ibilguak zuzentzea.

-Luberritzea.

-Kanpoko espezieak sartzea.

-Landaretza erretzea.

Honakoak baimentzen ahalko dira:

-Gainerako jarduerak, zein den haien bateragarritasuna babes araubidearekin eta legeria aplikagarri berariazkoarekin.

-Ingurumen arloko hezkuntzari lotutako eraikuntza, instalazio eta azpiegiturak.

-Salbuespen gisa, eta ingurumenaren gaineko eragina neurtuz gero, Nafarroako Gobernuak edo Estatuko Administrazioak beren eskumenak erabiliz edo indarrean dagoen legeriaren babesean interes orokorrekoak deklaratutako azpiegiturak ere baimentzen ahalko dira, horiek ezartzeak natur lekunearen osotasuna hondatzen ez badu.

Sakanak eta ur babestuak:

Aragoi ibaiaren ibilgurako 50 metroko babes zerrenda ezarri da. Ur-laster txikiek, gehienbat nekazaritza lurretatik igarotzen direnek, 5 metroko babesgunea dute.

Honakoak onartzen dira:

-Zur aprobetxamendua, landatutako zuhaitzekin, babes eremuko lehenbiziko 5 metroetatik kanpo.

-Eraikuntzaz kanpoko jarduerak, baimentzeko edo debekatzeko araubidean sarturik ez daudenak.

-Mintegiak eta berotegiak.

Honakoak baimentzen ahalko dira:

-Jarduketak ibai ibilguan, uraren bidea oztopatzeko arriskua dagoenean.

-Legar eta hareak ateratzea, babes eremuko lehenbiziko 5 metroetatik kanpo.

-Lur mugimenduak eragiten dituzten ekintzak.

-Luberritzea.

-Babes eremua bertako espezie egokiekin landareztatzea.

-Arrain haztegiak.

-Ibaiari lotutako kirol eta aisiako jardueretarako eraikin eta instalazioak.

-Obra publikoak eta azpiegiturak egiteko eta haien zerbitzurako behar diren eraikin eta instalazioak.

Debekatuak daude:

-Zuhaitzak matarrasan moztea eta egurretan aritzea babes eremuko lehen 5 metroetan.

-Landaretza erretzea.

-Onartuak edo baimengarriak ez diren edota ingurunearen balio ekologikoari kalte egiten dioten gainerako eraikuntza-jarduerak.

134. artikulua. Natura aldetik ustiatzeko balioa duen lurzorua.

Kategoria honetan sartzen dira Nafarroako Ubideko UPSan bildutako eremu ureztagarrietako ureztaketa lurrak edo nekazaritzarako kalitate handikoak. Grafikoetan ageri diren eremuak urrira arte X sektoreko proiektuan sartutakoak dira, 643 hektarea inguru. Eremu horiek aldatu eginen dira behin betiko onetsitako UPSaren arabera.

135. artikulua. Natura aldetik ustiatzeko balioa duen lurzoruaren babes araubidea.

Eremu horiek mantentzeko eta haien kalitateari eusteko helburuarekin arautu dira erabilerak eta jarduerak.

Honakoak onartzen dira:

-Mintegiak eta berotegiak.

-Eraikuntzaz kanpoko jarduerak, ondoko ataletan ageri direnak izan ezik.

Honakoak baimentzen ahalko dira:

-Nekazaritzako ustiategietarako eraikuntzak eta instalazioak, betiere ustiategiei lotuak eta finkaren izaerarekin, tamainarekin eta erabilerarekin bat datozenak.

-Pista eta bide berriak egitea.

-Landaretza erretzea.

-Meategiak.

-Legar eta hondarrak ateratzea.

-Harrobiak.

-Azpiegiturak.

Debekatuak daude:

-Eraikuntzaz kanpoko jarduerak, aurreko ataletan ageri direnak izan ezik.

136. artikulua. Balio kulturala duen lurzorua.

Kategoria honetan babestu beharreko lurzorutzat jotzen dira altxonbideak, Nafarroako Abelbideei buruzko 19/1997 Foru Legean arautuak. Nafarroako inbentario arkeologikoan jasota dauden interes arkeologiko eta kulturaleko eremuei loturiko lurrak edo horien ingurukoak ere kategoria honetan sailkatu dira.

Abelbide edo altxonbideak:

Murillo el Frutoko mugapean bi abelbide daude:

-Bata, lehen mailakoa, udalerri honetan hasten dena, Murillo el Frutotik Zaraitzurako Errege Altxonbidea da. Zaraitzu eta Bardea lotzen dituen 95 kilometroko bidea da. Azpimarratu behar da gaur egungo trazadura betikoa dela eta zabalera ez dagoela mugatuta. Oraindik hasi gabe dago sailkapen eta mugaketarako prozedura.

-Bestea, hirugarren mailakoa, Sotoko altxonbidea deritzona, herrigunetik Aragoi ibairaino doa. Aurkezten den trazadura lurzati berrantolamenduko planoetakoa da.

Murillo el Frutotik Zaraitzura doan Errege Altxonbidea Zaraitzuko artzainak Bardeara inguratzeko abelbide nagusia izan zen. Erronkariarren Errege Altxonbidearen pare dator iparretik hegora, Pirinioetako Zaraitzu ibarreko larreak (Ori eta Abodi mendietakoak) Nafarroako Erriberarekin lotzeko. Aragoi ibaiko zubian zehar badu lotura Bardeako altxonbide guztiekin. Horrela, altxonbide horiek Pirinioetako ibarrekin lotzen ditu. Jatorrizko trazadura utzita dago duela urte batzuetatik. Trazadura horren hasierako tartea, Zaraitzu, Urraulgoiti eta Urraulbeiti zeharkatzen dituena, sasiz josita dago eta haren ordez T.16 (Milagro-Aezkoa) eta T.13 altxonbideak erabiltzen dira. Aberastasun handia du ekologiaren eta paisaiaren aldetik.

Aztarnategi arkeologikoak:

Nafarroako Gobernuko Ondare Historikoaren Zerbitzuko Ondasun Higigarrien eta Arkeologiaren Atalak Murillo el Frutoko 19 aztarnategi ditu katalogatuak Nafarroako Inbentario Arkeologikoan.

Interes kulturaleko ondasunak (IKO, 1. maila):

-Altobarrio. Erdi Arokoa.

Ondasun inbentariatuak (2. maila):

-San Migueleko gaina. Burdin Aroa, erromatar garaia eta Erdi Aroa.

-Mendiko Bazkalekua IV. Burdin Aroa eta erromatar garaia.

-Hornaz I. Eneolitoa eta Brontze Aroa.

-Cascajo I. Burdin Aroa eta erromatar garaia.

-Cascajo II. Erromatar garaia eta Erdi Aroa.

-Cascajo IV. Burdin Aroa.

-Cascajo V. Burdin Aroa, erromatar garaia eta Erdi Aroa.

-Parrokiako lorategian dauden hiru hilarri biribilak, eta elizako horman sartuta dauden beste hirurak.

Tokiko garrantzia duten ondasunak (3. maila):

-Las Coseras I. Eneolitoa eta Brontze Aroa.

-Las Coseras II. Neolitoa eta Eneolitoa.

-Mendiko Bazkalekua II. Eneolitoa eta Brontze Aroa.

-Mendiko Bazkalekua III. Eneolitoa eta Brontze Aroa.

-Hornaz II. Eneolitoa eta Brontze Aroa.

-Harrobia I. Zehaztu gabea.

-Harrobia III. Brontze Aroa.

-Cascajo III. Zehaztu gabea.

-Juan Cruz. Eneolitoa eta Brontze Aroa.

-Larrega. Zehaztu gabea.

-Isabelita. Zehaztu gabea.

137. artikulua. Balio kulturala duen lurzoruaren babes araubidea.

Abelbide edo altxonbideak:

Altxonbidearen kanpoko ertzetik neurtuta 3 metroko zortasun eremua dago eta bertan babes araubide hau aplikatuko da:

Honakoak onartzen dira:

-Altxonbideak egokitzea, mantentzea eta hobetzea eta altxonbideei dagozkien erabilerak.

Honakoak baimentzen ahalko dira:

-Erabilerarekin bateragarriak diren baso-berritzeak.

-Igarotzen diren abeltzainen zerbitzurako instalazio eta eraikuntzak.

Debekatuak daude:

-Gainerako guztiak.

Aztarnategi arkeologikoak:

Aipatu departamentuak emandako txostenarekin bat, aztarnategi arkeologikoen babes eremuak ezarri dira, haien sailkapenari erreparatuta.

-Interes kulturaleko ondasunak: aztarnategi deklaratutako eremuetarako eta horien inguruetarako, Udalak babes plan berezia tramitatuko du, edo hirigintza arloko legerian aurreikusitako beste plangintza-tresnaren bat. Hura behin betiko onetsi arte, esparru horietan lizentziak eman ahal izateko beharrezkoa izanen da Kultura Zuzendaritza Orokorrak aldeko ebazpena ematea, Nafarroako Kultur Ondareari buruzko 14/2005 Foru Legearen 35. artikuluan ezarritakoarekin bat. Kategoria honetako ondasunak beren ingurunetik banaezinak dira. Beraz, ez da baimenik emanen haiek desmuntatu edo lekuz aldatzeko, ezinbesteko edo interes sozialeko arrazoiengatik ez bada.

-Ondasun inbentariatuak (2. maila): aztarnategia bera ez ezik, ingurune hurbila ere sartu behar da babes eremuan. Beraz, aztarnategiaren kanpoko mugatik neurtuta 50 metroko babes eremua behar da gutxienez.

-Tokiko garrantzia duten ondasunak (3. maila): Edozein baimen eman aurretik hautabideen azterlana egin beharko da, eta Nafarroako kultur organo eskudunak (Vianako Printzea Erakundea-Kultura eta Turismo Departamentuko Kultura Zuzendaritza Nagusiko Ondasun Higigarrien eta Arkeologiaren Atala) azterlan horri buruzko txostena emanen du.

Indarra duen araudiarekin bat (16/1986 Legea, Espainiako Ondare Historikoari buruzkoa, eta Nafarroako Foru Komunitatean arkeologiako indusketak eta prospekzioak egiteko lizentziak nola eman arautzen duen foru dekretua), indusketa edota prospekzioak egiteko baimena Nafarroako Gobernuari eskatu behar zaio, tramitatu dadin.

Honakoak onartzen dira:

-Lurraren usadiozko ustiapenarekin zerikusia duten erabilerak, salbu eta lur-lantze sakonak edo hondealanak berekin dakartzatenak.

Honakoak baimentzen ahalko dira:

-Lur mugimenduak eragiten dituzten ekintzak.

-Luberritzea.

-Landaretza erretzea.

-Zur edo egur aprobetxamendua.

-Finketako itxiturak.

-Elementua kontserbatu eta baliagarri bihurtzeko behar diren instalazioak.

-Elementuari lotutako aisia eta hezkuntza guneak.

-Ikerketa lanak.

Indusketa arkeologikoetarako baimena emateari buruz indarra duten xedapenetan ezarritako baldintzak bete behar dira jarduera horiek onartu ahal izateko; besteak beste, Vianako Printzea Erakundea-Kultura Zuzendaritza Nagusiko Museoen, Ondasun Higigarrien eta Arkeologiaren Atalaren ikuskapena eta jarraipena.

Debekatuak daude:

-Matarrasa.

-Hondakindegiak eta obretako zabortegiak.

-Harrobiak.

-Zelaitzeak eta zapaldatzeak.

-Bideak.

-Kanalizazioak eta eroanbideak.

-Baso-berritzea.

-Luberritzea.

-Lurra irauli eta lurpean dauden aztarna arkeologikoak honda ditzakeen edozein jarduketa.

Salbuespenez soilik, eta proiektuaren interesa kontuan hartuz, erabilera debekatuetarako baimena ematen ahalko da. Ezinbestekoa izanen da:

-Proiektuaren berri ematea Vianako Printzea Erakundea-Kultura Zuzendaritza Nagusiko Museoen, Ondasun Higigarrien eta Arkeologiaren Atalari.

-Proiektuaren fasean azterlan arkeologikoa egitea.

138. artikulua. Arriskuei aurrea hartzeko lurzorua.

Kategoria honetan, ibaiertzetako arriskuari aurrea hartzeko babestu beharreko lurzorutzat jotzen dira Aragoi ibaiaren bazterretan uholde arriskua duten eremuak, ibai ibilguari lotutako lurrak eta ibaiertzeko landaredia barne. Lurzoru urbanizaezinaren kategorien planoan marraztutako eremuak dira; betiere, gutxienez 15 metroko babes zerrendak Aragoi ibaiaren ertzetan eta 5 metrokoak gainerako ibai-erreken ertzetan.

Namainsak argitaratutako "Uraren kalitate sareen 2006ko memoria. Nafarroako Gobernuko Ingurumen, Lurraldearen Antolamendu eta Etxebizitza Departamentua. Ur Baliabideen atala" izenburukoan Aragoi ibaiaren datu hauek azaltzen dira:

Aragoi ibaia Ebroren arroko ibai nagusietakoa da. 8.524 km²-ko azalera du, eta 195 km-ko luzera Ebrorekin bat egiten duen tokiraino. Batez beste 1.300 hm³-ko emaria du urtean. Esako urtegia baino beheragotik sartzen da Nafarroan, eta Milagro parean isurtzen da Ebrora.

139. artikulua. Arriskuei aurrea hartzeko lurzoruaren babes araubidea.

Babes araubidea 35/2002 Foru Legearen 112. eta 113. artikuluetan ezarritakoa izanen da.

140. artikulua. Azpiegituretarako lurzorua.

Kategoria honetan sartzen dira, indarrean diren legeen arabera, honako eraikin nahiz eroanbideek ukitzen dituzten lurrak: komunikazioetarako, ur politika gauzatzeko, ur hornidura edo saneamendurako, kutsadura galarazteko edo energia politika gauzatzeko erabiltzen direnak.

-Egun dauden azpiegiturak:

• Caparrosotik Zarrakaztelura doan NA-124 errepidea, Caparroso-Zarrakaztelu saihesbide berria barne.
• Uxueko errepidea.
• Aragoi ibaiko presak.
• Argindar, ur-hornidura eta saneamendu sareak, ureztatzeko sarea.

141. artikulua. Azpiegituretarako lurzoruaren babes araubidea.

Gaur egun azpiegiturek okupatzen edo ukitzen dituzten lurretarako babes araubidea indarreko legeria sektorialean ezarritakoari lotuko zaio. Errepide eta autobiek Errepideei buruzko Foru Legean ezarritako babes araubidea izanen dute.

Honakoak onartzen dira:

-Azpiegiturarekin bateragarriak diren jarduera eta erabilerak, eraikuntzazkoak nahiz eraikuntzaz kanpokoak, azpiegituraren kontserbazio, mantentze eta zerbitzurako.

Honakoak baimentzen ahalko dira:

-Azpiegiturekin bateragarriak diren jarduera eta erabilera eraikuntzazko nahiz eraikuntzaz kanpokoak, non eta azpiegitura horien kontserbazio, mantentze eta zerbitzu soilerako ez diren.

142. artikulua. Jarduera berezietarako lurzorua.

Hondakinak baloratu eta kudeatzeko zentroaren UPSak hartzen dituen lurrak sartu dira kategoria honetan.

143. artikulua. Jarduera berezietarako lurzoruaren babes araubidea.

Esparru horretarako babes araubidea 35/2002 Foru Legearen 112. eta 113. artikuluetan eta indarra duen legeria sektorialean ezarritakoari lotuko zaio.

2. ATALA

Gorde beharreko lurzoru urbanizaezina

144. artikulua. Ingurumen aldetik balioa duen lurzorua.

Oihan lurzorua:

Kategoria honetan sartzen dira arboladiei euskarri emateagatik babestu behar diren lurrak, beren tamainak eta kalitateak iraunen dutela bermatzeko, gaur egun betetzen dituzten eginkizunak betetzen segi dezaten: ekologikoa, babesekoa, ekoizpenekoa, jostetakoa eta paisaia sortzekoa.

Nafarroako Oihan Ondarea Babestu eta Garatzeari buruzko 13/1990 Foru Legean xedatutakoaren arabera, mendiak edo oihan lurrak dira:

-Laboreetakoak ez diren landare espezie edo komunitateak bizi diren landalurrak.

-Mendietan tartekatuta dauden nekazaritzako lurrak, edozein dela horien azalera, duela bost urte baino gehiago utzitako lur pribatuak edo herrilurrak badira, bai eta, lantzen ari diren lur pribatuak izanik, gutxieneko laborantza-unitatea baino azalera txikiagoa dutenak ere.

-Edozein motatako landalurrak, Nafarroako Foru Komunitateko Administrazioak oihan lur deklaratzen baldin baditu, higadura zuzentzeko proiektuek, baso-berritzeek edo basogintzako bestelako proiektuek eragiten dietelako.

-Larre naturalak, hezeguneak, zohikaztegiak, eta basogintzako azpiegiturak dauden lurrak.

-Oihan lurtzat joko dira, halaber, aldi batez zur edo egur ekoizpenerako erabiltzen direnak, arbola sailak dirauen bitartean (kasuan kasuko espeziearen mozketa-txandak adina iraun behar du gutxienez).

-Garrantzitsua da azpimarratzea informazio planoan (Ingurumen Ebaluazio Estrategikoaren agiria) jasotako habitatak kontserbatu beharra dagoela.

Aintzirak eta ur ingurunea:

Kategoria honetan sartzen dira Murillo el Frutoko udal mugapean dauden aintzira eta urtegien ohe edo hondoak.

145. artikulua. Ingurumen aldetik balioa duen lurzoruaren gordetze araubidea.

Oihan lurzorua:

Debekatuak daude:

-Landaretza erretzea.

-Bazkatze tradizionala baso-berritutako lurretan.

-Gainerako eraikuntza jarduerak, onartuen edo baimengarrien artean sailkatu ez direnak.

Honakoak baimentzen ahalko dira:

-Pista eta bide berriak egitea.

-Luberritzea.

-Zapaldatzeak.

-Meategiak.

-Legar eta hareak ateratzea.

-Harrobiak.

-Matarrasako mozketa, usadioz hala egiten den tokietan.

-Herri lanak gauzatzeko, haiek mantentzeko edo haien zerbitzurako behar diren eraikuntza eta instalazioak.

-Lurzoru urbanizaezinean kokatu behar diren kirol eta aisiako jarduerei lotutako eraikin eta instalazioak.

-Salbuespen gisa, eta ingurumenaren gaineko eragina neurtuz gero, Nafarroako Gobernuak edo Estatuko Administrazioak beren eskumenak erabiliz edo indarrean dagoen legeriaren babesean interes orokorrekoak deklaratutako azpiegiturak ere baimentzen ahalko dira, horiek ezartzeak natur lekunearen osotasuna hondatzen ez badu.

Baimentzen dira:

-Gainerako jarduerak.

-Basogintzako eta erlezaintzako eraikuntza eta instalazioak.

Gizarte intereseko arrazoiengatik eremu hauetarako planteatzen den jarduketa orok Mendien Zuzendaritzaren eta Ingurumen Zuzendaritzaren onespena beharko du. Haiek zehaztuko dituzte jarduketa egiteko baldintzak eta proiektuko eraikuntza fasean hartu beharreko aurreneurriak.

Aintzirak eta ur ingurunea:

Txukuntasun eremua gainjartzen zaien kategorietarako ezarritako babes araubidea aplikatuko da. Bakar-bakarrik aipatu behar da aldez aurretik Ebroko Ur Konfederazioaren txostena tramitatu beharko dela legeria sektorialean aurreikusitako jardueretarako.

Aintzira, urtegi, eremu uhaseak eta lur hezeak direlarik kontua, babes eremuak 50 metro izanen ditu ohearen ertzetik neurtzen hasita.

146. artikulua. Natura aldetik ustiatzeko balioa duen lurzorua.

Udal mugapeko lur gehienak kategoria honetakoak dira. Laborantza lurrak dira, gehienak nekazaritzako edo abeltzaintzako emankortasun ertainekoak. Gaur egungo ureztaketako lurrak edo emankortasun handikoak ere sail honetakoak dira.

-Nekazaritza edo abeltzaintzako lehorreko lurrak.

-Ureztaketako eremuak.

-Garrantzitsua da azpimarratzea informazio planoan (Ingurumen Ebaluazio Estrategikoaren agiria) jasotako habitatak kontserbatu beharra dagoela. Larregako Bazkalekuko lehorreko lurretan, alorrekin tartekatutako esparru eta lurzatietan, badira abariztiak, sastrakadi mediterraneoak eta ipurudiak. Paisaiaren eta ekologiaren aldetik duten balioagatik, luberritzeetatik babestu behar dira.

147. artikulua. Natura aldetik ustiatzeko balioa duen lurzoruaren gordetze araubidea.

Honakoak onartzen dira:

-Mintegiak eta berotegiak.

-Baratzezaintzarako eta aisiako baratzeetarako erabiltzen diren eraikin eta instalazioak, bizitzeko inoiz erabil ez daitezkeelarik.

-Abeltzaintza estentsiborako eraikinak*.

-Etxeko ukuiluak.

-Eraikuntzaz kanpoko jarduerak, ondoko ataletan ageri direnak izan ezik.

Honakoak baimentzen ahalko dira:

-Pista eta bide berriak egitea.

-Landaretza erretzea.

-Meategiak.

-Legar eta hondarrak ateratzea.

-Harrobiak.

-Azpiegiturak.

-Abeltzaintza intentsiborako eraikin eta instalazio bakartuak*.

-Nekazaritzako biltegiak, abeltegiak.

-Ekipamenduetarako, hornidurarako, aisiarako edo zerbitzuetarako behar diren eraikin eta instalazioak, lurzoru urbanizaezinean kokatu beharrekoak badira.

-Kirol eta aisiako jardueretarako eraikin eta instalazioak.

-Lurzoru urbanizaezinean kokatu beharreko industria jarduerak.

-Publizitate estatikorako instalazioak*.

Debekatuak daude:

-Eraikuntzaz kanpoko jarduerak, aurreko ataletan ageri direnak izan ezik.

Oharra*: lurzoru urbanizaezinaren kategorien planoan, natura aldetik ustiatzeko balioa izateagatik gorde beharreko lurzoru gisa sailkatuta, ureztaketako eremu batzuk ageri dira; horiek murriztaileagoak dira kategoria bereko lehorreko edo abeltzaintzako eremuak baino.

Beraz, ureztaketako eremuen babes araubideak ondoko jarduera hauek definitzen ditu, aurreko paragrafoan azaldutakoez gainera.

Honakoak baimentzen ahalko dira:

-Abeltzaintza estentsiborako eraikinak.

Debekatuak daude:

-Abeltzaintza intentsiborako eraikin eta instalazio bakartuak.

Azpimarratu behar da 146. artikuluan aipatutako habitatak ingurumen aldetik balioa duen lurzoruaren kategoriako ohian lurzoru gisa tratatuko direla.

148. artikulua. Balio kulturala duen lurzorua.

Kategoria honetan gorde beharreko lurzorutzat jotzen dira intereseko ibilbideak, balizaturik eta Nafarroako ibilbideen gidan jasorik daudenak. Duten kokapenagatik, bereziki babestu behar dira aisiaren ikuspuntutik, Aragoi ibaiaren inguruetan baitaude, natur lekuneetatik hurbil.

149. artikulua. Balio kulturala duen lurzoruaren gordetze araubidea.

Errepideei buruzko Foru Legearen babes araubideari lotu behar ez zaizkion bide publikoentzat 3 metroko zortasun eremua ezartzen da, balizatutako zidorraren kanpoko ertzetik neurtuta. Hiru metro horietan, honako babes araubide hau aplikatuko da:

Honakoak onartzen dira:

-Ibilbidea egokitzea, mantentzea eta hobetzea, eta ibilbideari dagozkion erabilerak.

Honakoak baimentzen ahalko dira:

-Erabilerarekin bateragarriak diren baso-berritzeak.

-Ibilbidearen zerbitzurako instalazio eta eraikuntzak.

Debekatuak daude:

-Gainerako guztiak.

150. artikulua. Garapen eredua zaintzeko lurzorua.

Kategoria honetan sartu dira hiri lurzorutik edo lurzoru urbanizagarritik hurbil dauden eremu batzuk. Lur horiek gorde nahi dira, herrigunearen etorkizuneko hazkundea, egitura edo irudia baldintzatu lezaketen jarduketen gaineko kontrola ezarri ahal izateko.

151. artikulua. Garapen eredua zaintzeko lurzoruaren gordetze araubidea.

Honakoak onartzen dira:

-Beheragoko ataletan aipatzen ez diren jarduera guztiak.

Honakoak baimentzen ahalko dira:

-Finkako laborantzarekin zerikusirik ez duten lur mugimenduak eragiten dituzten jarduerak.

-Lurraldearen Antolamenduko eta Ingurumeneko kontseilariak baimentzen ahalko ditu interes publikoko azpiegiturak eta behin-behineko obrak. Azken horiek planeamendua gauzatu aurretik beharko dira eraitsi edo aldatu, interesdunaren kontura eta kalte-ordaina hartzeko eskubiderik gabe.

Debekatuak daude:

-Erauzketa jarduerak.

-Gainerako guztiak, salbu eta gaur egungo eraikuntza eta erabilerak handitu, hobetu edo berritzekoak, hiri lurzoruaren edo lurzoru urbanizagarriaren araudi partikularrari lotuta.

152. artikulua. Azpiegituretarako lurzorua.

Lur hauek gorde nahi dira haien gaineko jarduketa ezegokiak eragozteko, alegia, indarra duen legeria sektorialean ezarritako ukipen araubideekin bateraezinak diren jarduketak edo zerbitzuen ezarpena baldintzatu lezaketen jarduketak eragozteko.

Aurreikusitako azpiegiturak:

-UPSko saihesbidea.

-Altxonbideak herrigunetik ateratzeko erreserba.

-66 kV-eko linea elektrikoaren trazadura.

153. artikulua. Azpiegituretarako lurzoruaren gordetze araubidea.

Gaur egun azpiegiturek okupatzen edo ukitzen dituzten lurretarako babes araubidea indarreko legeria sektorialean ezarritakoari lotuko zaio. Errepide eta autobiek Errepideei buruzko Foru Legean ezarritako babes araubidea izanen dute.

Debeku da sustapen pribatuko eraikinak egitea etorkizuneko azpiegitura horietarako gordetako lur zerrendan.

154. artikulua. Jarduera berezietarako lurzorua.

Gaur egungo instalazio fotovoltaikoaren lurrak eta energia berriztagarriko instalazio horiek etorkizunean handitu ahal izateko lurrak sartu dira kategoria honetan.

155. artikulua. Jarduera berezietarako lurzoruaren gordetze araubidea.

Esparru horretarako babes araubidea 35/2002 Foru Legearen 112. eta 114. artikuluetan eta indarra duen legeria sektorialean ezarritakoari lotuko zaio.

ARAUDI PARTIKULARRA

UE 1

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 4.422 m².

Aprobetxamendurako eskubidea duen azalera: 4.422 m².

Ondoriozko lurzati pribatuen azalera: 2.583,05 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 642 m².

Ekipamendutarako lagapena: 336 m².

Bide eta aparkalekuetarako lagapena: 860,95 m².

Etxebizitzen kopurua, orientabide gisa: 12 etxebizitza.

Gehieneko azalera eraikigarriak:

Bizitegia: 1.800 m².

Biltegia-garajea: 864 m².

Azalera eraikigarria, guztira, exekuzio unitatean: 2.664 m².

Ondoriozko eraikigarritasuna: 0,60 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,55 AU/m².

Hirigintzako aprobetxamendua, guztira: 2.432,40 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 2

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 3.032,55 m².

Aprobetxamendurako eskubidea duen azalera: 3.032,55 m².

Ondoriozko lurzati pribatuen azalera: 1.757 m².

Lagapenak, ekipamenduak eta zerbitzuak:

Berdegune eta espazio libreetarako lagapena: +500 m².

Bide eta aparkalekuetarako lagapena: 775,55 m².

Etxebizitzen kopurua, orientabide gisa: 8 etxebizitza.

Gehieneko azalera eraikigarriak:

Bizitegia: 1.200 m².

Biltegia-garajea: 510 m².

Azalera eraikigarria, guztira, exekuzio unitatean: 1.710 m².

Ondoriozko eraikigarritasuna: 0,56 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,53 AU/m².

Hirigintzako aprobetxamendua, guztira: 1.601,20 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 3

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 4.604,40 m².

Aprobetxamendurako eskubidea duen azalera: 4.506,40 m².

Ondoriozko lurzati pribatuen azalera: 2.785,30 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 669 m².

Bide eta aparkalekuetarako lagapena: 1.150,10 m².

Etxebizitzen kopurua, orientabide gisa: 12 etxebizitza.

Gehieneko azalera eraikigarriak:

Bizitegia: 1.800 m².

Biltegia-garajea: 820 m².

Azalera eraikigarria, guztira, exekuzio unitatean: 2.620 m².

Ondoriozko eraikigarritasuna: 0,58 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,54 AU/m².

Hirigintzako aprobetxamendua, guztira: 2.444,77 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 4

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 1.907,25 m².

Aprobetxamendurako eskubidea duen azalera: 1.770,25 m².

Ondoriozko lurzati pribatuen azalera: 1.128,75 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 282 m².

Bide eta aparkalekuetarako lagapena: 496,50 m².

Etxebizitzen kopurua, orientabide gisa: 5 etxebizitza.

Gehieneko azalera eraikigarriak:

Bizitegia: 750 m².

Biltegia-garajea: 260 m².

Azalera eraikigarria, guztira, exekuzio unitatean: 1.010 m².

Ondoriozko eraikigarritasuna: 0,57 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,55 AU/m².

Hirigintzako aprobetxamendua, guztira: 979 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 5.1

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa.

Erabilera xehakatua: etxebizitza atxikia-binakakoa.

Azalerak:

Exekuzio unitatearen azalera osoa: 2.599,05 m².

Aprobetxamendurako eskubidea duen azalera: 2.599,05 m².

Ondoriozko lurzati pribatuen azalera: 1.097,40 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 450,95 m².

Ekipamendutarako lagapena: 530,40 m².

Bide eta aparkalekuetarako lagapena: 520,30 m².

Etxebizitzen kopurua, orientabide gisa: 5 etxebizitza.

Gehieneko azalera eraikigarriak:

Bizitegia: 1.063 m².

Biltegia-garajea: 412 m².

Azalera eraikigarria, guztira, exekuzio unitatean: 1.475 m².

Ondoriozko eraikigarritasuna: 0,56 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,53 AU/m².

Hirigintzako aprobetxamendua, guztira: 1.377 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 5.2

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa.

Erabilera xehakatua: etxebizitza bakartua.

Azalerak:

Exekuzio unitatearen azalera osoa: 1.923,70 m².

Aprobetxamendurako eskubidea duen azalera: 1.693,75 m².

Ondoriozko lurzati pribatuen azalera: 1.304,00 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 620 m².

Etxebizitzen kopurua, orientabide gisa: 3 etxebizitza.

Gehieneko azalera eraikigarriak:

Bizitegia: 688 m².

Biltegia-garajea: 162 m².

Azalera eraikigarria, guztira, exekuzio unitatean: 850 m².

Ondoriozko eraikigarritasuna: 0,50 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,527 AU/m².

Hirigintzako aprobetxamendua, guztira: 894 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 6.1

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa.

Erabilera xehakatua: blokeko etxebizitza (BOE)+merkataritza beheko solairuan.

Azalerak:

Exekuzio unitatearen azalera osoa: 1.441,65 m².

Aprobetxamendurako eskubidea duen azalera: 1.398,65 m².

Ondoriozko lurzati pribatuen azalera: 376 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 337,75 m².

Ekipamendutarako lagapena: 803,95 m².

Bide eta aparkalekuetarako lagapena: 23,95 m².

Etxebizitzen kopurua, orientabide gisa: 6 etxebizitza.

Gehieneko azalera eraikigarriak:

Bizitegia: 650 m².

Hirugarren sektorea-Merkataritza: 230 m².

Azalera eraikigarria, guztira, exekuzio unitatean: 880 m².

Ondoriozko eraikigarritasuna: 0,62 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,53 AU/m².

Hirigintzako aprobetxamendua, guztira: 741,60 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 6.2

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa.

Erabilera xehakatua: blokeko etxebizitza (BOE)+merkataritza beheko solairuan.

Azalerak:

Exekuzio unitatearen azalera osoa: 1.878,85 m².

Aprobetxamendurako eskubidea duen azalera: 1.743,85 m².

Ondoriozko lurzati pribatuen azalera: 425 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 1.110,50 m².

Ekipamendutarako lagapena: 157,55 m².

Bide eta aparkalekuetarako lagapena: 285,85 m².

Etxebizitzen kopurua, orientabide gisa: 8 etxebizitza.

Gehieneko azalera eraikigarriak:

Bizitegia: 850 m².

Hirugarren sektorea-Merkataritza: 275 m².

Azalera eraikigarria, guztira, exekuzio unitatean: 1.125 m².

Ondoriozko eraikigarritasuna: 0,64 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,57 AU/m².

Hirigintzako aprobetxamendua, guztira: 997,50 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 7.1

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa.

Erabilera xehakatua: blokeko etxebizitza (BOE)+merkataritza beheko solairuan.

Azalerak:

Exekuzio unitatearen azalera osoa: 1.923,50 m².

Aprobetxamendurako eskubidea duen azalera: 1.789,50 m².

Ondoriozko lurzati pribatuen azalera: 425 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 1.310,10 m².

Bide eta aparkalekuetarako lagapena: 288,40 m².

Etxebizitzen kopurua, orientabide gisa: 8 etxebizitza.

Gehieneko azalera eraikigarriak:

Bizitegia: 850 m².

Hirugarren sektorea-Merkataritza: 275 m².

Azalera eraikigarria, guztira, exekuzio unitatean: 1.125 m².

Ondoriozko eraikigarritasuna: 0,62 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,526 AU/m².

Hirigintzako aprobetxamendua, guztira: 942,50 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 7.2

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa.

Erabilera xehakatua: blokeko etxebizitza (BOE)+merkataritza beheko solairuan.

Azalerak:

Exekuzio unitatearen azalera osoa: 1.700,50 m².

Aprobetxamendurako eskubidea duen azalera: 1.603,50 m².

Ondoriozko lurzati pribatuen azalera: 425 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 1.277,65 m².

Bide eta aparkalekuetarako lagapena: 97,85 m².

Etxebizitzen kopurua, orientabide gisa: 8 etxebizitza.

Gehieneko azalera eraikigarriak:

Bizitegia: 850 m².

Hirugarren sektorea-Merkataritza: 250 m².

Azalera eraikigarria, guztira, exekuzio unitatean: 1.100 m².

Ondoriozko eraikigarritasuna: 0,68 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,57 AU/m².

Hirigintzako aprobetxamendua, guztira: 922,50 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 8

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 5.352 m².

Aprobetxamendurako eskubidea duen azalera: 5.210,40 m².

Ondoriozko lurzati pribatuen azalera: 3.289,25 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 842 m².

Bide eta aparkalekuetarako lagapena: 1.220,75 m².

Etxebizitzen kopurua, orientabide gisa: 7 etxebizitza.

Gehieneko azalera eraikigarriak:

Bizitegia: 2.012 m².

Biltegia-garajea: 520 m².

Azalera eraikigarria, guztira, exekuzio unitatean: 2.532 m².

Ondoriozko eraikigarritasuna: 0,486 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,545 AU/m².

Hirigintzako aprobetxamendua, guztira: 2.840 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 9

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 5.147,25 m².

Aprobetxamendurako eskubidea duen azalera: 4.286,55 m².

Ondoriozko lurzati pribatuen azalera: 2.967,60 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 387 m².

Bide eta aparkalekuetarako lagapena: 1.792,65 m².

Etxebizitzen kopurua, orientabide gisa: 6 etxebizitza.

Gehieneko azalera eraikigarriak:

Bizitegia: 1.725 m².

Biltegia-garajea: 390 m².

Azalera eraikigarria, guztira, exekuzio unitatean: 2.115 m².

Ondoriozko eraikigarritasuna: 0,49 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,56 AU/m².

Hirigintzako aprobetxamendua, guztira: 2.390,25 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 10

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 4.865 m².

Aprobetxamendurako eskubidea duen azalera: 4.325 m².

Ondoriozko lurzati pribatuen azalera: 2.685,00 m².

Lagapenak, ekipamenduak eta zerbitzuak:

Ekipamendutarako lagapena: 930 m².

Bide eta aparkalekuetarako lagapena: 1.250,00 m².

Etxebizitzen kopurua, orientabide gisa: 6 etxebizitza.

Gehieneko azalera eraikigarriak:

Bizitegia: 1.725 m².

Biltegia-garajea: 260 m².

Azalera eraikigarria, guztira, exekuzio unitatean: 1.985 m².

Ondoriozko eraikigarritasuna: 0,46 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,54 AU/m².

Hirigintzako aprobetxamendua, guztira: 2.333,53 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 11

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa-Blokeko etxebizitza (BOE)+merkataritza beheko solairuan.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 5.795,30 m².

Aprobetxamendurako eskubidea duen azalera: 5.614,30 m².

Ondoriozko lurzati pribatuen azalera: 2.320,30 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 1.465 m².

Ekipamendutarako lagapena: 1.025 m².

Bide eta aparkalekuetarako lagapena: 985 m².

Etxebizitzen kopurua, orientabide gisa: 17 etxebizitza.

Gehieneko azalera eraikigarriak:

Bizitegia: 2.425 m².

Biltegia-garajea: 520 m².

Hirugarren sektorea-Merkataritza: 540 m².

Azalera eraikigarria, guztira, exekuzio unitatean: 3.485 m².

Ondoriozko eraikigarritasuna: 0,62 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,55 AU/m².

Hirigintzako aprobetxamendua, guztira: 3.071,50 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 12

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 2.911,05 m².

Aprobetxamendurako eskubidea duen azalera: 2.850,45 m².

Ondoriozko lurzati pribatuen azalera: 1.182,15 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 268 m².

Bide eta aparkalekuetarako lagapena: 1.461,10 m².

Etxebizitzen kopurua, orientabide gisa: 6 etxebizitza.

Gehieneko azalera eraikigarriak:

Bizitegia: 1.1250 m².

Biltegia-garajea: 450 m².

Azalera eraikigarria, guztira, exekuzio unitatean: 1.600 m².

Ondoriozko eraikigarritasuna: 0,56 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,53 AU/m².

Hirigintzako aprobetxamendua, guztira: 1.511 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 13

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa-Blokeko etxebizitza (BOE)+merkataritza beheko solairuan.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 8.183,60 m².

Aprobetxamendurako eskubidea duen azalera: 8.083,05 m².

Ondoriozko lurzati pribatuen azalera: 4.213,20 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 714,75 m².

Ekipamendutarako lagapena: 460,90 m².

Bide eta aparkalekuetarako lagapena: 2.795,40 m².

Etxebizitzen kopurua, orientabide gisa: 28 etxebizitza.

Gehieneko azalera eraikigarriak:

Bizitegia: 3.610 m².

Biltegia-garajea: 390 m².

Hirugarren sektorea-Merkataritza: 985 m².

Azalera eraikigarria, guztira, exekuzio unitatean: 4.985 m².

Ondoriozko eraikigarritasuna: 0,616 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,55 AU/m².

Hirigintzako aprobetxamendua, guztira: 4.484,30 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 14

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 2.617,35 m².

Aprobetxamendurako eskubidea duen azalera: 2.617,35 m².

Ondoriozko lurzati pribatuen azalera: 1.182,65 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 251 m².

Ekipamendutarako lagapena: 282,75 m².

Bide eta aparkalekuetarako lagapena: 954,95 m².

Etxebizitzen kopurua, orientabide gisa: 3 etxebizitza.

Gehieneko azalera eraikigarriak:

Bizitegia: 1.012 m².

Biltegia-garajea: 195 m².

Azalera eraikigarria, guztira, exekuzio unitatean: 1.207 m².

Ondoriozko eraikigarritasuna: 0,46 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,52 AU/m².

Hirigintzako aprobetxamendua, guztira: 1.373 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 15

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 3.245 m².

Aprobetxamendurako eskubidea duen azalera: 3.073,15 m².

Ondoriozko lurzati pribatuen azalera: 1.859 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 689 m².

Bide eta aparkalekuetarako lagapena: 525 m².

Etxebizitzen kopurua, orientabide gisa: 4 etxebizitza.

Gehieneko azalera eraikigarriak:

Bizitegia: 1.150 m².

Biltegia-garajea: 337 m².

Azalera eraikigarria, guztira, exekuzio unitatean: 1.487 m².

Ondoriozko eraikigarritasuna: 0,48 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,55 AU/m².

Hirigintzako aprobetxamendua, guztira: 1.686 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 16

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 5.389,80 m².

Aprobetxamendurako eskubidea duen azalera: 5.312,80 m².

Ondoriozko lurzati pribatuen azalera: 3.819,30 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 589 m².

Bide eta aparkalekuetarako lagapena: 979,50 m².

Etxebizitzen kopurua, orientabide gisa: 7 etxebizitza.

Gehieneko azalera eraikigarriak:

Bizitegia: 2.012 m².

Biltegia-garajea: 455 m².

Azalera eraikigarria, guztira, exekuzio unitatean: 2.467 m².

Ondoriozko eraikigarritasuna: 0,46 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,54 AU/m².

Hirigintzako aprobetxamendua, guztira: 2.857,12 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 17

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 2.004 m².

Aprobetxamendurako eskubidea duen azalera: 2.004 m².

Ondoriozko lurzati pribatuen azalera: 1.301,55 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 135 m².

Bide eta aparkalekuetarako lagapena: 567,45 m².

Etxebizitzen kopurua, orientabide gisa: 6 etxebizitza.

Gehieneko azalera eraikigarriak:

Bizitegia: 900 m².

Biltegia-garajea: 315 m².

Azalera eraikigarria, guztira, exekuzio unitatean: 1.215 m².

Ondoriozko eraikigarritasuna: 0,596 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,57 AU/m².

Hirigintzako aprobetxamendua, guztira: 1.136,50 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 18

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa-Blokeko etxebizitza librea+merkataritza beheko solairuan.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 3.545,65 m².

Aprobetxamendurako eskubidea duen azalera: 3.545,65 m².

Ondoriozko lurzati pribatuen azalera: 1.409,60.

Lagapenak, ekipamenduak eta zerbitzuak:

Berdegune eta espazio libreetarako lagapena: 696 m².

Ekipamendutarako lagapena: 648 m².

Bide eta aparkalekuetarako lagapena: 792,05 m².

Etxebizitzen kopurua, orientabide gisa: 12 etxebizitza.

Gehieneko azalera eraikigarriak:

Bizitegia: 1.500 m².

Biltegia-garajea: 225 m².

Hirugarren sektorea-Merkataritza: 345 m².

Azalera eraikigarria, guztira, exekuzio unitatean: 2.070 m².

Ondoriozko eraikigarritasuna: 0,58 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,54 AU/m².

Hirigintzako aprobetxamendua, guztira: 1.918,50 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 19

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 1.910,55 m².

Aprobetxamendurako eskubidea duen azalera: 1.910,55 m².

Ondoriozko lurzati pribatuen azalera: 775 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 486 m².

Ekipamendutarako lagapena: 342 m².

Bide eta aparkalekuetarako lagapena: 307,55 m².

Etxebizitzen kopurua, orientabide gisa: 3 etxebizitza.

Gehieneko azalera eraikigarriak:

Bizitegia: 750 m².

Biltegia-garajea: 190 m².

Azalera eraikigarria, guztira, exekuzio unitatean: 940 m².

Ondoriozko eraikigarritasuna: 0,49 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,53 AU/m².

Hirigintzako aprobetxamendua, guztira: 1.010 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 20

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 4.246,00 m².

Aprobetxamendurako eskubidea duen azalera: 4.246,00 m².

Ondoriozko lurzati pribatuen azalera: 2.310,55 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 770 m².

Bide eta aparkalekuetarako lagapena: 940,45 m².

Etxebizitzen kopurua, orientabide gisa: 10 etxebizitza.

Gehieneko azalera eraikigarriak:

Bizitegia: 1.500 m².

Biltegia-garajea: 665 m².

Azalera eraikigarria, guztira, exekuzio unitatean: 2.165 m².

Ondoriozko eraikigarritasuna: 0,51 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,55 AU/m².

Hirigintzako aprobetxamendua, guztira: 2.325 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 21

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza atxikia-binakakoa.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 2.446,90 m².

Aprobetxamendurako eskubidea duen azalera: 2.446,90 m².

Ondoriozko lurzati pribatuen azalera: 1.236,00. m².

Lagapenak, ekipamenduak eta zerbitzuak:

Berdegune eta espazio libreetarako lagapena: 487 m².

Ekipamendutarako lagapena: 325 m².

Bide eta aparkalekuetarako lagapena: 398,90 m².

Etxebizitzen kopurua, orientabide gisa: 6 etxebizitza.

Gehieneko azalera eraikigarriak:

Bizitegia: 900 m².

Biltegia-garajea: 425 m².

Azalera eraikigarria, guztira, exekuzio unitatean: 1.325 m².

Ondoriozko eraikigarritasuna: 0,54 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,57 AU/m².

Hirigintzako aprobetxamendua, guztira: 1.397,10 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

UE 22

Determinazio orokorrak.

Sailkapena: hiri lurzorua.

Kategoria: finkatu gabea.

Kalifikazioa: bizitegitarakoa-etxebizitza bakartua.

Erabilera bereizgarria: etxebizitza atxikia-binakakoa.

Azalerak:

Exekuzio unitatearen azalera osoa: 5.967,50 m².

Aprobetxamendurako eskubidea duen azalera: 5.201,55 m².

Ondoriozko lurzati pribatuen azalera: 3.928,00 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 995 m².

Bide eta aparkalekuetarako lagapena: 1.044,50 m².

Etxebizitzen kopurua, orientabide gisa: 4 etxebizitza.

Gehieneko azalera eraikigarriak:

Bizitegia: 1.750 m².

Biltegia-garajea: 635 m².

Azalera eraikigarria, guztira, exekuzio unitatean: 2.385 m².

Ondoriozko eraikigarritasuna: 0,46 m²/m².

Aprobetxamendua:

Erabilerak homogeneizatzeko koefizienteak:

Batez besteko aprobetxamendua exekuzio unitatean: 0,53 AU/m².

Hirigintzako aprobetxamendua, guztira: 2.752,80 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago).

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

S.R-1

Determinazio orokorrak.

Sailkapena: lurzoru urbanizagarria, dagoeneko Udal Planak modu xehakatuan garatu duena.

-SG-V2 sistema orokorra SR-1 sektorearen garapenari atxikita dago.

Kategoria: sektorizatua-antolatua.

Kalifikazioa: bizitegitarakoa.

Azalerak:

Sektorearen azalera osoa: 60.684 m².

Aprobetxamendurako eskubidea duen azalera: 60.602 m².

Ondoriozko lurzati pribatuen azalera: 29.139 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 8.345 m².

Ekipamendutarako lagapena: 3.570 m².

Foru Bankuaren erreserbarako lagapena: 730 m².

Gehieneko etxebizitza kopurua: 152 etxebizitza = 25 etxebizitza/ha.

-Etxebizitzen %40, gutxienez, babestuak izanen dira.

Aprobetxamendua:

Erabilerak homogeneizatzeko koefizienteak:

Sektoreko eredu-aprobetxamendua: 0,51 AU/m².

Hirigintzako aprobetxamendua, guztira: 31.248 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

AR-1.UE-1

Determinazio orokorrak.

Kalifikazioa: bizitegitarakoa.

Erabilera xehakatua: etxebizitza atxikia-binakakoa, bakartua eta Blokeko babes ofizialeko etxebizitza+Merkataritza beheko solairuan.

Azalerak:

Exekuzio unitatearen azalera osoa: 15.638 m².

Aprobetxamendurako eskubidea duen azalera: 15.638 m².

Ondoriozko lurzati pribatuen azalera: 9.355 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 650 m².

Ekipamendutarako lagapena: 1.160 m².

Etxebizitzen kopurua, orientabide gisa: 31 etxebizitza.

Aprobetxamendua:

Batez besteko aprobetxamendua exekuzio unitatean: 0,515 AU/m².

Hirigintzako aprobetxamendua, guztira: 8.068 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago)*.

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

AR-1.UE-2

Determinazio orokorrak.

Kalifikazioa: bizitegitarakoa.

Erabilera xehakatua: etxebizitza atxikia-binakakoa, eta Blokeko babes ofizialeko etxebizitza+Merkataritza beheko solairuan.

Azalerak:

Exekuzio unitatearen azalera osoa: 12.966 m².

Aprobetxamendurako eskubidea duen azalera: 12.884 m².

Ondoriozko lurzati pribatuen azalera: 5.309 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 1.235 m².

Ekipamendutarako lagapena: 2.410 m².

Etxebizitzen kopurua, orientabide gisa: 41 etxebizitza.

Aprobetxamendua:

Batez besteko aprobetxamendua exekuzio unitatean: 0,53 AU/m².

Hirigintzako aprobetxamendua, guztira: 6.819 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago)*.

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

AR-1.UE-3

Determinazio orokorrak.

Kalifikazioa: bizitegitarakoa.

Erabilera xehakatua: etxebizitza atxikia-binakakoa, bakartua eta Blokeko babes ofizialeko etxebizitza+Merkataritza beheko solairuan.

Azalerak:

Exekuzio unitatearen azalera osoa: 6.751 m².

Aprobetxamendurako eskubidea duen azalera: 6.751 m².

Ondoriozko lurzati pribatuen azalera: 2.656 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 259 m².

Foru Bankuaren erreserbarako lagapena: 730 m².

Etxebizitzen kopurua, orientabide gisa: 17 etxebizitza.

Aprobetxamendua:

Batez besteko aprobetxamendua exekuzio unitatean: 0,507 AU/m².

Hirigintzako aprobetxamendua, guztira: 3.425 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago)*.

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

AR-1.UE-4

Determinazio orokorrak.

Kalifikazioa: bizitegitarakoa.

Erabilera xehakatua: etxebizitza atxikia-binakakoa, bakartua eta Blokeko babes ofizialeko etxebizitza+Merkataritza beheko solairuan.

Azalerak:

Exekuzio unitatearen azalera osoa: 12.316 m².

Aprobetxamendurako eskubidea duen azalera: 12.316 m².

Ondoriozko lurzati pribatuen azalera: 5.254 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 3.706 m².

Etxebizitzen kopurua, orientabide gisa: 32 etxebizitza.

Aprobetxamendua:

Batez besteko aprobetxamendua exekuzio unitatean: 0,508 AU/m².

Hirigintzako aprobetxamendua, guztira: 6.261 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago)*.

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

AR-1.UE-5

Determinazio orokorrak.

Kalifikazioa: bizitegitarakoa.

Erabilera xehakatua: etxebizitza atxikia-binakakoa eta bakartua.

Azalerak:

Exekuzio unitatearen azalera osoa: 13.011 m².

Aprobetxamendurako eskubidea duen azalera: 13.011 m².

Ondoriozko lurzati pribatuen azalera: 6.565.

Lagapenak, ekipamenduak eta zerbitzuak:

Berdegune eta espazio libreetarako lagapena: 2.495 m².

Etxebizitzen kopurua, orientabide gisa: 26 etxebizitza.

Aprobetxamendua:

Batez besteko aprobetxamendua exekuzio unitatean: 0,51 AU/m².

Hirigintzako aprobetxamendua, guztira: 6.674 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago)*.

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

S.R-2

Determinazio orokorrak.

Sailkapena: plan partzialean garatu beharreko lurzoru urbanizagarria; ondoren azaltzen diren antolamendu-irizpideak eta egiturazko determinazioak plan horretan jaso behar dira.

-Garapenari ekin aurretik San Migueleko sakaneko uholde arriskuari buruzko azterlana eginen da.

-Bideek bat egin behar dute Plan Orokor honetan zehaztutako hiri bilbearekin. Sarbide bat planteatu behar da egungo Travesía kaletik.

-Berdeguneetarako eta oinezkoendako guneetarako lagapenak SG-ZV2aren ondoan eta sektoreko ekialdean metatuko dira, babesgune naturala uzteko UPSko saihesbide berriaren aurrean.

-SG-ZV-2 sistema orokorra SR-2 sektorearen garapenari atxikiko zaio, baina haren azalera ez zaio gehituko sektorearen azalerari.

-Berdegune bat eta aisiarako eremuak izanen dira sektoreko mugan, sektorea saihesbide berritik bereiziko duen landare-hesi gisa.

-Sektorea herrigunearekin lotuko duen bidearen ondoan ekipamendutarako eremu bat izanen da.

Kategoria: sektorizatua-antolatu gabea.

Kalifikazioa: bizitegitarakoa.

Azalerak:

Sektorearen azalera osoa: 82.258 m².

Aprobetxamendurako eskubidea duen azalera: 78.213 m².

Ondoriozko lurzati pribatuen azalera: 33.058 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 13.724 m² (SG-ZV2aren azalera sartu gabe).

Ekipamendutarako lagapena: 4.878 m².

Foru Bankuaren erreserbarako lagapena: 976 m².

Gehieneko etxebizitza kopurua: 208 etxebizitza = 25 etxebizitza/ha.

-Etxebizitzen %40, gutxienez, babestuak izanen dira.

Aprobetxamendua:

Erabilerak homogeneizatzeko koefizienteak:

Sektoreko eredu-aprobetxamendua: 0,5 AU/m².

Hirigintzako aprobetxamendua, guztira: 39.380 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Garapena eta exekuzioa.

-Plan partziala.

-Birzatiketa proiektua.

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

S.I-3

Determinazio orokorrak.

Sailkapena: lurzoru urbanizagarria; ondoren azaltzen diren antolamendu-irizpideak eta egiturazko determinazioak aplikatuko zaizkio.

-Berdeguneetarako lagapenak sektoreko mugan kokatuko dira, sektorea errepidetik bereiziko duen landare-hesia eratzeko, eta hegoaldeko ertzean, babes eremu arkeologikoaren ondoan.

-Ekipamendutarako eremua lotura-bidetik eta sarbidetik hurbil.

Kategoria: sektorizatua-antolatua.

Kalifikazioa: industriala-Hirugarren sektorekoa.

Erabilera xehakatua: industria-Hirugarren sektorea.

Azalerak:

Sektorearen azalera osoa: 107.613 m².

Aprobetxamendurako eskubidea duen azalera: 80.648 m².

Lurzati pribatuen azalera (gaur egun eraikita dauden lurzatiak) 14.000 m².

Ondoriozko lurzatien azalera (eraiki gabe dauden lurzatiak) 41.553 m².

Lagapenak, ekipamenduak eta zerbitzuak:

Berdegune eta espazio libreetarako lagapena: 30.600 m².

Ekipamendutarako lagapena: 4.900 m².

Gutxieneko aparkalekuak. 85/1995 Foru Dekretuaren 26. artikulua.

Aprobetxamendua:

Sektoreko eredu-aprobetxamendua: 0,41 AU/m².

Hirigintzako aprobetxamendua, guztira: 33.242 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Eraikuntzaren gehieneko okupazioa:

Lurzati pribatuaren azaleraren 50% baino gutxiago.

Industriarako eraikigarritasuna:

Beheko solairuko eraikuntza 41.553 x %60 = 24.932 m².

Goiko solairuko eraikuntza (solairuartea) 24.932 x %25 = 6.232 m².

Eraikuntza osoa = 31.165 m².

Kudeaketari buruzko determinazioak.

Hirigintzako jarduketa:

Konpentsazioa (edo, horren ordez, borondatezko birzatiketa, jabe guztiak ados jartzen badira edo jabe bakarra badago). Lehendik dauden nabeen kasuan, izaera ekonomiko hutseko lurzatiketa egin ahalko da. Nabe horiek sektoreko urbanizazio zametan parte hartuko dute.

Exekuzioa:

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

S.I-4

Determinazio orokorrak.

Sailkapena: plan partzialean garatu beharreko lurzoru urbanizagarria; ondoren azaltzen diren antolamendu-irizpideak eta egiturazko determinazioak plan horretan jaso behar dira.

-Antolamendu xehakatuaren garapenean kontuan hartu beharko da UPSaren hego-mendebaldeko mugan lehendik dagoen landa bidea.

-Berdegune, espazio libre eta ekipamenduetarako lagapenak, ahal dela, balorazio zentroko mugaren ondoan metatuko dira.

-Lurzoru pribatua sektorearen azalera osoaren %65 baino gutxiago izanen da.

-Sektorearen inguruan zuhaitzak landatu beharko dira.

Sektorea UPSko sarbideekin lotzen duen bidea sektorearen mugen barnean sartu da, aprobetxamendurik sortu gabe, eta helburu bakarra lortzeko: I-4 sektorean egiten ari den bide hori erabilera publikokoa izan dadila eta sektorerako sarbide gisa erabil dadila errepidetik, UPSko sarbidea dagoen toki berean.

Kategoria: sektorizatua-antolatu gabea.

Kalifikazioa: industriala-Hirugarren sektorekoa.

Erabilera xehakatua: industria-Hirugarren sektorea.

Azalerak:

Sektorearen azalera osoa: 72.195 m².

Aprobetxamendurako eskubidea duen azalera: 61.840 m².

Lagapenak, ekipamenduak eta zerbitzuak:

Berdegune eta espazio libreetarako lagapena: gutxienekoa, 35/2002 Foru Legearen 53. artikuluaren arabera.

Ekipamendutarako erreserba: gutxienekoa, 35/2002 Foru Legearen 53. artikuluaren arabera.

Gutxieneko aparkalekuak. 85/1995 Foru Dekretuaren 26. artikulua.

Aprobetxamendua:

Erabilerak homogeneizatzeko koefizienteak:

Sektoreko eredu-aprobetxamendua: 0,45 AU/m².

Hirigintzako aprobetxamendua, guztira: 28.136 aprobetxamendu-unitate.

Ondaretzen ahal den aprobetxamendua: Planak baimentzen duen aprobetxamenduaren %90.

Garapena eta exekuzioa.

-Plan partziala.

-Birzatiketa proiektua.

-Urbanizazio proiektua.

-Eraikuntza proiektua.

Eraikuntzen formari eta erabilerari buruzko determinazioak.

Antolamendu fitxa - Tipologiaren arabera.

SG-V1

Determinazio orokorrak.

Sailkapena: hiri lurzorua (sistema orokorra).

Kalifikazioa: ibilgailuen trafikorako bidea.

Zein sektoreri atxikiko zaion: ezeini ere ez.

Garapena eta exekuzioa.

-Urbanizazio proiektua.

-Desjabetzea.

SG-V2

Determinazio orokorrak.

Sailkapena: lurzoru urbanizagarria (sistema orokorra).

Kalifikazioa: ibilgailuen trafikorako bidea.

Zein sektoreri atxikiko zaion: SR-1ari (haren kokapena sektorearen behin betiko antolamenduaren mende egonen da, eta ez du baldintzatuko kirol ekipamenduaren etorkizuneko garapena).

Zein banaketa eremutan sartu den: AR-1ean.

Garapena eta exekuzioa.

-Administrazioak zuzenean okupatuko du, jabeei esleituz dagokien hirigintzako aprobetxamendua edo atxikipena.

-Urbanizazio proiektua.

SG-ZV1

Determinazio orokorrak.

Sailkapena: hiri lurzorua (sistema orokorra).

Kalifikazioa: espazio libre publikoa, berdegunea.

Zein sektoreri atxikiko zaion: ezeini ere ez.

Garapena eta exekuzioa.

-Urbanizazio proiektua.

-Desjabetzea.

SG-ZV2

Determinazio orokorrak.

Sailkapena: hiri lurzorua (sistema orokorra).

Kalifikazioa: espazio libre publikoa, berdegunea eta oinezkoendako eremua.

Zein sektoreri atxikiko zaion: SR-2ari.

Zein banaketa eremutan sartu den: AR-2an.

Garapena eta exekuzioa.

-Administrazioak zuzenean okupatuko du, jabeei esleituz dagokien hirigintzako aprobetxamendua edo atxikipena.

-Urbanizazio proiektua.

SG-HEGO MAZELA

Determinazio orokorrak.

Sailkapena: lurzoru urbanizaezina (sistema orokorra).

Kalifikazioa: baso-berritzeko eta oinezkoen intereseko ibilbideetarako eremua.

Zein sektoreri atxikiko zaion: ezeini ere ez.

Garapena eta exekuzioa.

-Urbanizazio proiektua.

-Desjabetzea.

SG-EQ1

Determinazio orokorrak.

Sailkapena: hiri lurzorua (sistema orokorra).

Kalifikazioa: kirol ekipamendua.

Zein sektoreri atxikiko zaion: ezeini ere ez.

Garapena eta exekuzioa.

-Urbanizazio proiektua.

-Desjabetzea.

SG-EQ2

Determinazio orokorrak.

Sailkapena: hiri lurzorua (sistema orokorra).

Kalifikazioa: hilerria handitzeko ekipamendua.

Zein sektoreri atxikiko zaion: ezeini ere ez.

Garapena eta exekuzioa.

-Urbanizazio proiektua.

-Desjabetzea.

ONDAREA BABESTEKO ARAUDIA

I. TITULUA

Ondarea babesteko araudia

1. KAPITULUA

Xedapen orokorrak

1. artikula. Eremua.

Araudi hau nahitaez bete behar da babes katalogoan jaso diren hiriko gune eta eraikin guztietan.

2. artikulua. Xedea. Babestu beharreko eraikin eta elementuak.

Babes osoa, egiturazko babesa edo ingurumen babesa duten eraikin edo elementu bakartuak araudi grafikoan ageri dira.

Jada babestuta dagoen eraikin baten elementu bereziak, are gehiago babestu behar direnak, berariaz azaltzen dira katalogoan, eraikin bakoitzari dagokion fitxan.

Araudi honetan ezarritako determinazio orokorren interpretazioa beti izan behar da bateragarria katalogoan eraikin bakoitzaren fitxan zehaztutakoarekin; horrela jokatzerik ez dagoela ematen badu, beti lehenetsiko dira fitxan dauden determinazioak, Araudiko determinazio orokorren aldean.

3. artikulua. Babes mailen definizioa.

Intereseko eraikin edo elementuek babes maila hauek izanen dituzte:

-I. maila: babes osoa.

Katalogazio maila erabat murriztailea da. Nahitaezkoa da hirigune historikoetako elementu berezietarako. Lurrak eta eraikinak izoztu egiten ditu, haien ezaugarri guztiei eutsiz. Hiriko eraikin enblematikoenak sartu dira kategoria honetan. Oro harturik babesten dira, haien arkitektura eta eraikuntza ezaugarri, bolumen, forma eta apaindurazko elementuei eusteko. Gradu honetan sarturik dauden eraikinak, guztiz edo alde batez, hiriaren historiaren osagarri nabarmenentzat hartzen ahal dira, eta gogoangarritzat jotzen dira, hiriko bilbean.

Eraikin katalogatuaren babesa, arau orokor gisa, haren lurzati osora hedatuko da eta ezin izanen da lurzati berririk banandu.

-II. maila: egiturazko babesa.

Balio arkitektoniko, urbano edo historiko aipagarri eta bermatu beharrekoak dituzten eraikinak jaso dira kategoria honetan. Balio horiek, lehen mailakoak izan gabe, multzotik argi nabarmentzen dira, eta horregatik irautea merezi dute.

Eraikinaren itxura baino zerbait gehiago babestu ohi da. Izan ere, kanpoaldeko elementuak (fatxada nagusia eta bigarren mailakoa, ataria, arkupea, galeriak eta estalkiak, hitz batean, kanpoko espazioak ukitzen dituen elementu guztiak) kontserbatzera behartzeaz gainera, egitura sostengatzailea eta zirkulazio bertikalekoa ere babesten dira, eta eraikinaren funtzioaren eta konposizioaren tipologia ere bai, segurtasun edo funtzionamendu arrazoi justifikatuengatik berritu behar diren elementuak salbu.

Ondasun katalogatu horiek kontserbatzeko betebeharrari determinazio bereziak ere gehitu ohi zaizkio, babes osoko mailan bezain zorrotzak ez badira ere.

-III. maila: ingurumen babesa.

Gainerako eraikin katalogatuak kategoria honetakoak dira. Hiriaren historian orain arte iraun duten piezak dira eta horixe da haien balio nagusia.

Babes maila honek hiria babesten du bere osoan, ingurunearekin lotuta. Normalean, fatxada nagusiak kontserbatu eta lehengoratzeko agindu zehatzetara mugatzen da.

Multzo honetan sartzen diren eraikinek elementu bereziak dituzte eta elementu horien ezaugarri nagusiak kontserbatu behar dira, duten balioagatik.

Elementu bereziak dituzten eraikinak babes osoko eraikuntzei erantsita badaude ez dira kategoria honetan sartzen, babes maila handiagoko kategoriaren bidez arautzen baitira.

-IV. maila: hirialdeen babesa.

Hiriko espazio batzuk babesten ditu, hirigune historiko osoarentzat interesekoak direnak, balio historikoa dutelako edota hirigune historikoaren barnean bereizgarritzat jotzen direlako.

Araudiak, modu orokorrean, maila horietako bakoitzean onartzen edo eskatzen diren jarduketak ezartzen ditu, eta ondasunei babes maila bat edo bestea emateko irizpideak.

4. artikulua. Interes kulturaleko ondasunak - IKO.

Udal mugapean interes kulturala duten ondasun higiezinak (deklaratuak edo espedientea hasita dutenak) Udal Planean jaso dira, haien gaineko arauak ezartzeko.

-Interes kulturaleko ondasun deklaratuak:

Fatxadetako armarriek berariazko lege-babesa dute, martxoaren 14ko 571/1963 Dekretuan ezarritakoaren arabera. Dekretu hori interes historiko-artistikoko armarri, ikur, heraldikako harri, justizia-harri, muga-gurutze eta antzekoen babesari buruzkoa da.

Interes kulturaleko ondasun izentzatu diren edo horretarako espedientea hasita duten higiezinetan eta inguruko babes eremuetan eraikuntzako edozein jarduketa egin aurretik Vianako Printzea Erakundearen baimena eskuratu behar da.

5. artikulua. Partikularrei laguntzeko neurriak.

-Martxoaren 3ko 224/1989 Errege Dekretua, etxebizitzen arloko jarduketa babesgarriak finantzatzeko neurriei buruzkoa.

-14/1992 Foru Legea eta hura garatzen duten foru dekretuak, batez ere 155/1993 Foru Dekretua, etxebizitzen arloko finantzaketa eta laguntza neurriei buruzkoa.

-Abenduaren 4ko 232/1985 Foru Dekretua, Nafarroako Ondare Historikoko ondasun higiezinak kontserbatu eta zaharberritzeko laguntzak arautzen dituena.

-Vianako Printzea Erakundeak katalogo historiko artistikoan dauden eraikuntzei banaka ezartzen dizkien neurri guztiak.

2. KAPITULUA

Babes araubidea

6. artikulua. Obra motak, ondarearen babesari dagokionez.

Araudi honek zein obra mota onartzen edo eskatzen dituen zehazteko, obra motak eta horien eragina adierazten dituzten termino hauek erabiltzen dira:

-Kontserbazioa:

1. Jabeek eraikinak kontserbatzeko betebeharra dute eta horretarako egiten dituzte honelako obrak, eraikinaren edo elementuren baten higiene eta apaindura baldintzei eusteko, edo katalogatutako elementuren bat lehengoratu eta haren jatorrizko balioa agerian uzteko.

Obra hauetan ez da ukitu behar eraikinari eusten dion egitura, ezta barne egitura ere, eta ez dira aldatu behar gainerako ezaugarri formalak eta osagai materialak (baoen antolaera, materialak, koloreak, ehundurak eta abar).

Kontserbazio obren barnean, eranskinak kentzeko obrak ere egiten ahal dira, eranskinok eraikinaren balio arkitektonikoa murrizten badute edo eraikuntza egituratzen eta hobetzen laguntzen ez badute.

2. Mota honetako obrak dira, besteak beste, erlaitz, hegalkin eta sendotasunik gabeko beste elementu batzuk zaindu eta finkatzeko egin behar diren esku-hartzeak, teilatu-hodi eta zorrotenen garbiketa edo konponketa, fatxadak zarpiatzea, pintatzea, estalkiak konpontzea eta hodiak saneatzea.

3. Zaharberrikuntza-teknika deituak ere mota honetako obrak dira.

4. Osagai materialak berritu edo ezabatzen direnean, ezinbestekoak diren aldaketak baizik ez dira egin behar.

5. Eraikina finkatzeko edo, hala behar denean, eraikinari eusten dion egitura hondatua indartu edo berritzeko esku-hartzeak; elementu berezien mantentzea; elementu katalogatua nabarmenki degradatzen duten atalak kentzea, betiere kanpoaldeko itxura errespetatuz; horiek guztiak ere kontserbazio obrak dira.

6. Kontserbazio obran jatorrizko kolore edo ehundurak aldaraziko dituen teknika edo materialen bat erabili beharra badago, lizentziarako eskabideari dokumentazio osagarria erantsiko zaio. Bertan azalduko da zer nolako aldaketak egin behar diren eta zergatik, nola eraginen dieten elementuari eta inguruneari, eta jatorrizko egoerarekin konparazioa egitea ahalbidetuko da.

-Finkapena:

1. Mota honetako obren helburua da segurtasun, osasungarritasun eta apaindura baldintzak mantentzea. Eraikinari eusten dion egitura ere ukitzen ahal dute, baina ezaugarri formalak aldatu gabe, ezta, behar-beharrezkoa izan ezean, osagai materialak ere.

2. Eraikinari eusten dion egituraren elementu hondatuak (forjatuak, habeak, euskarriak, eustormak, estalkiko egituraren elementuak, etab.) finkatu, indartu edo berritzeko esku-hartzeak sailkatzen dira multzo honetan.

-Egokitzea:

1. Obra mota honetan sailkatzen dira elementu katalogatua erabili ahal izateko eta biziegokitasun baldintzak hobetzeko egin behar diren obrak.

Mota honetako obretan beti mantenduko dira eraikinaren jatorrizko baldintzak: kanpoaldeko bolumena, tipologia, eraikinari eusten dion egitura, eta eraikinaren bereizgarri edo ezaugarri diren gainerako osagai material garrantzitsuak, garai edo tipologia jakinekoa dela erakusten dutenak.

2. Mota honetan sailkatzen dira barneko egituran eta banaketa-elementuetan egiten diren esku-hartzeak; adierazgarriak edo egiturazkoak ez diren ataletako esku-hartzeak; eraikinaren egitura indartzea edo berritzea, gehiago kargatu ahal izateko; eta instalazio berriak eranstea edo lehengoak berritzea.

-Berregituratzea:

1. Berregituratzeko obrek egitura sendoa eta barneko egitura ukitzen dituzte, horien morfologia aldatuz, elementu katalogatua edo haren atalen bat erabilera jakinetarako egokitzeko.

Obra hauetan ezin dira inola ere aldatu espazio publiko hurbiletatik edo urrunetatik ikusten diren bolumen-ezaugarri jatorrizkoak.

2. Mota honetako obrak dira barne egituran eta banaketa-elementuetan egiten diren esku-hartzeak, forjatuen kota aldatzea, solairuarteak eraikitzea (kontserbatu beharreko konposizioa ukitu gabe) eta estalkiaren egitura aldatzea bertako bolumenak baliatzeko.

-Handitzea:

1. Obra hauen xedea da lehendik dauden eraikinen bolumen eraikia handitzea, dela oinplanoko azalera eraikia handituz, dela solairu berriak gehituz edo lehendik dauden solairuen garaiera handituz, edo estalkipeko espazioak baliatuz.

-Ordeztea:

1. Lehendik dagoenaren ordez eraikin berria eraikitzeko obrak dira.

2. Babes araudi honek eraikuntzak handitzeko edo ordezteko obrak onartzen dituen kasuetan, obretarako baimena, azalera eraikiari, garaierari eta abarreko ezaugarriei dagokienez, Udal Planeko hirigintza araudi orokorrean eta partikularrean ezarritako baldintzen mende egonen da.

7. artikulua. Babes maila guztiei aplikatu beharreko baldintzak.

1. Bolumenari eutsi beharrak esan nahi du ezin izanen dela nabarmenki aldatu eraikinaren alegiazko inguratzailea (eraikuntzaren sakonera, erlaitzerainoko garaiera, estalkiaren antolaera orokorra...).

2. Tipologiari, barneko egiturari eta banaketa-elementuei eutsi beharrak esan nahi du ezin izanen dela aldatu espazio publikoen eta espazio pribatu eta kolektiboen arteko lotura zehazten duen oinarrizko logika.

3. Kanpoaldeko itxurari eutsi beharrak esan nahi du ezin direla aldatu eraikinak eraikuntzaren eta apainduraren aldetik dituen ezaugarri nagusiak.

4. Debekaturik dago partikularrek edo zerbitzuen kontzesioa duten enpresek elementu katalogatuaren izaerari arrotzak zaizkion elementuak finkatzea, hala nola energia, argiztapen edo komunikazio zerbitzuetako aireko sareak, zirkulazioko seinaleak, antenak eta horrelakoak.

1. atala

I. maila: babes osoa

8. artikulua. Babes osoko araubidea aplikatzeko irizpideak.

Babes osoko araubidea aplikatuko zaie:

1. Aparteko balio arkitektonikoa eta esanahi kultural, historiko, erlijioso edo soziala duten eraikin, eraikuntza eta elementuei.

2. Espazio publikoei, aparteko balio historiko edo kulturaleko hiri esparruak eratzen badituzte, edo esanguratsuak badira beren egituragatik, eraikuntza multzoaren kalitateagatik eta tradizioagatik.

3. Hiriko elementu adierazgarri eta baliotsuei.

9. artikulua. Babes osoko araubidean baimentzen diren obrak.

1. Honelako jarduketak bakarrik onartuko dira: katalogatutako eraikin, elementu edo multzoa kontserbatzea eta haren balioa agerian uztea, eta, salbuespenez, haren iraupena ongien bermatuko duten erabilerak ematea, baldin eta erabilera horiek haren ezaugarriekin eta baldintza orokorrekin bateragarriak badira.

2. Onartuko dira, oro har, kontserbatzeko eta finkatzeko obrak.

3. Gainerako obra guztiak debekatuak daude.

4. Egokitze obra txikiak onartuko dira salbuespen gisa, baldin eta, eraikinaren iraupena bermatzeko xedearekin, beharrezkotzat jotzen bada erabilera aldatzea, eta erabilera berriak horrelako obrak eskatzen baditu.

Esku-hartzeak salbuespenezkotzat joko dira jatorrizkoez bestelako material edo teknikak erabili beharra badago eta, ondorioz, formak, koloreak edo ehundurak aldatzen badira.

Salbuespenezko esku-hartze horiek egin ahal izateko, Vianako Printzea Erakundeak beharrezkoak direla onartu behar du txosten baten bidez.

5. Betiere, zaharberrikuntza-tekniken bitartez kontserbazio obrak egiten badira, jatorrizko obratik bereizi beharko dira, eta dokumentatu, ikerketarako.

10. artikulua. Erabileren araubidea.

1. Erabilera baimenduak jatorrizkoak izanen dira.

2. Salbuespen gisa jatorrizkoaren antzeko erabilerak onartu ahal izanen dira, babes maila honetan onartzen ez den obrarik eskatzen ez badute.

11. artikulua. Eraikuntza osagarriak edo atxikiak.

1. Ez da onartuko fatxada batean ere eraikuntza berririk egitea atxikita.

2. atala

II. maila: egiturazko babesa

12. artikulua. Egiturazko babesaren araubidea aplikatzeko irizpideak.

Egiturazko babesaren araubidea aplikatuko zaie:

1. Herrigunean edo udalerrian beren balio historiko edo artistikoagatik edota beren arkitekturaren, eraikuntzaren nahiz tipologiaren kalitateagatik nabarmentzen diren eraikin, eraikuntza, elementu eta multzoei.

2. Beren konposizio orokorrean, fatxadaren konposizioan edo bolumetrian eskualdeko tipologiaren ezaugarri garbiak dituzten eraikin, eraikuntza edo elementuei.

13. artikulua. Baimenduko diren obrak.

1. Babes maila honetako eraikin edo elementuetan kontserbazio obrak egin ahalko dira, bizitzeko edo erabiltzeko baldintzak hobetze aldera. Bolumenari, tipologiari, egitura nagusiari eta gainerako osagai material nabarmenei eutsi beharko zaie.

2. Oro har, baimenduko dira, I. babes mailan baimendutakoez gainera, egokitzeko obrak.

3. Gainerako obra guztiak debekatuak daude.

4. Salbuespen gisa, onartuko dira, katalogoko fitxak hala adierazten badu, onartutako obren artean, jatorrizkoez bestelako material edo teknikak erabiliz egin behar direnak, forma, kolorea edo ehundura aldatuz eta kanpoaldeko itxura, bolumena eta elementu bereziak ukituz.

14. artikulua. Erabileren araubidea.

1. Erabilera onartuak jatorrizkoen berdinak edo antzekoak izanen dira beren ondorio espazial, tipologiko eta egiturazkoei dagokienez.

15. artikulua. Eraikuntza osagarriak edo atxikiak.

1. Ez da onartuko eraikineko fatxada nagusiei atxikita eraikuntza berririk egitea.

3. atala

III. maila: ingurumen babesa

16. artikulua. Ingurumen babesaren araubidea aplikatzeko irizpideak.

Ingurumen babesaren araubidea aplikatuko zaie:

1. Bakarka edo elkarrekin kalitateko hiri eremu edo tarteak, balio kultural edo tradizionalekoak eratzen dituzten eta ongi edo nahiko ongi kontserbaturik dauden eraikin, eraikuntza eta elementuei, nahiz eta banaka balio arkitektoniko nabarmenik ez izan.

2. Kalitate ertain edo urriko eremuetan kokatutako eraikin, eraikuntza edo elementuei, intereseko konstante tipologikoak baldin badituzte.

17. artikulua. Baimenduko diren obrak.

1. Babes maila hau duten eraikin edo elementuak gaur egungo erabilera eta ohituretara egokitzeko obrak egin ahalko dira, tipologia eta kanpoaldeko itxura aldatu gabe.

2. Berregituratzeko obrak baimenduko dira, I. eta II. babes mailetan adierazitako obrez gainera.

Jarduteko proposamenak salbuespenezkotzat joko dira baldin eta, eraikina proposatutako erabilera berrietarako berregituratu edo egokitu beharra dagoelako edo jatorrizkoez bestelako teknikak eta materialak erabili behar direlako, aldaketak egin behar badira hurbileko edo urruneko espazio publikoetatik ikusten den bolumenean, konposizioa, koloreak eta ehundurak aldatuz, baina lehendik dauden ingurumen balioak eta tipologia galdu gabe.

3. Gainerako obra guztiak debekatuak daude.

4. Salbuespen gisa, eraikina ordeztea baimendu ahalko da, baldin eta proiektatutako eraikin berriak lehengoaren balio tipologiko eta formalak islatzen baditu.

18. artikulua. Erabileren araubidea.

Jatorrizko erabilerak eta jatorrizkoen parekoak baimenduko dira, baita bestelakoak ere, baldin eta elementu bereziak kontserbatzen badira.

4. atala

IV. maila: hiri espazioen babesa

19. artikulua. Hiri espazioen babesaren araubidea aplikatzeko irizpideak.

Hiri espazioen babesaren araubidea aplikatuko zaie:

1. Kalitate handia eta balio kulturalak edo babestu beharreko balioak dituzten hiri eremuei.

20. artikulua. Baimenduko diren obrak.

1. Babes maila hau duten eraikin edo elementuak gaur egungo erabilera eta ohituretara egokitzeko obrak egin ahalko dira, tipologia eta kanpoaldeko itxura aldatu gabe. Hiri eremu babestua eratzen duten fatxadak ahal den heinean bateratuko dira.

2. Berregituratzeko obrak baimenduko dira, I. eta II. babes mailetan adierazitako obrez gainera.

Jarduteko proposamenak salbuespenezkotzat joko dira baldin eta, eraikina proposatutako erabilera berrietarako berregituratu edo egokitu beharra dagoelako edo jatorrizkoez bestelako teknikak eta materialak erabili behar direlako, aldaketak egin behar badira hurbileko edo urruneko espazio publikoetatik ikusten den bolumenean, konposizioa, koloreak eta ehundurak aldatuz, baina lehendik dauden ingurumen balioak eta tipologia galdu gabe.

3. Eraikuntza osagarri publikoak eraikitzea onartuko da, betiere aldi baterako.

4. Gainerako obra guztiak debekatuak daude.

5. Salbuespen gisa, eremu horiek eratzen dituzten elementuak ordezteko baimena eman ahalko da. Betiere, elementu berriek jatorrizkoen balio tipologiko eta formalak islatu beharko dituzte.

21. artikulua. Erabileren araubidea.

Jatorrizko erabilerak eta jatorrizkoen parekoak baimenduko dira, baita bestelakoak ere, baldin eta elementu bereziak kontserbatzen badira eta eremu babestua aldatzen ez bada.

HIRIGINTZAKO ARAUDI PARTIKULARRA

IV. TITULUA

Determinazio egiturazkoak eta xehakatuak

222. artikulua. Determinazio egiturazkoak eta xehakatuak.

Lurraldearen Antolamenduari eta Hirigintzari buruzko 35/2002 Foru Legearen 49. artikuluak dioenez, hirigintzako udal antolamendua osatzen duten determinazioak egiturazkoak edo xehakatuak izan daitezke.

a) Egiturazko determinazioek zehaztu egiten dituzte udalerri bakoitzaren lur eremu osoa okupatu, erabili eta zaintzeko eredua, hiriaren nahiz lurraldearen funtsezko elementuak, eta beraien etorkizuneko garapena.

b) Antolamendu xehakatuko determinazioak dira aurreko determinazioek behar izaten dituztenak, halako neurrian non exekuzio materialeko ekintza zehatzak egin ahal izateko beharrezkoak diren.

Hirigintza antolamenduko determinazio egiturazkotzat hartuko dira honako hauek:

a) Foru lege honetan zehazten diren lurzoru mota eta kategoriak lursail bakoitzean seinalatzea.

b) Hiri lurzoru finkatu gabeko eta urbanizagarriko sektoreak mugatzea, bakoitzaren gainean seinalatuz antolamendurako bere oinarrizko baldintza eta irizpideak. Hirigintzako araudi partikularreko fitxetan ondoko atal hauetan ageri diren determinazioak:

-Sailkapena.

-Erabilera orokorra (kalifikazioaren atalean).

-Etxebizitza babestuen proportzioa.

-Homogeneizazio koefizienteak.

-Eredu-aprobetxamendua (AU/m²).

-Gehieneko aprobetxamendua (aprobetxamendu-unitateak, guztira).

c) Sistema orokorren definizioa: bide publikoak, hiri zerbitzuak, espazio libre publikoak, eta ekipamendu publiko nahiz pribatuak, edo populazio osoarendako ekipamendu publikoen multzoak.

d) Babes arauak ezartzea lurzoru urbanizaezinean.

Hiri antolamenduko determinazio xehakatutzat joko dira planeamenduko gainerako determinazioak, eta, zehazki, 35/2002 Foru Legearen 49. artikuluaren 3. puntuan adierazitakoak.

Iragarkiaren kodea: L1015777