1. NAFARROAKO FORU KOMUNITATEA
1.7. BESTELAKOAK
1553/2010 EBAZPENA, urriaren 6koa, Ingurumenaren eta Uraren zuzendari nagusiak emana, ingurumen baimen integratu berria ematen diona zukuak, nektarrak eta edari freskagarriak prestatzeko instalazio bati, Tafallako udal mugapean, instalazioa funtsean aldatzeko proiektu baten ondorioz. Titularra Compañía de Bebidas Pepsico, S. L. da.
Espediente mota: Ingurumen baimen integratua (funtsezko aldaketa).
Espedientearen kodea: 999/2007.
Aplikatu beharreko araua: Ingurumena Babesteko Esku-hartzeari buruzko 4/2005 Foru Legea.
Eranskina eta epigrafea: 2A eranskina, 2. epigrafea.
Jarduera: zukuak, nektarrak eta edari freskagarriak prestatzea.
Sustatzailea: Compañía de bebidas PEPSICO, S. L.
Zentroaren zenbakia: 3122701905.
Kokalekua: 33. poligonoa, 9. lurzatia.
UTM koordenatuak (Huso 30N, Datum ED50) X = 608398; Y = 4709522.
Udalerria: Tafalla.
Proiektua: funtsezko aldaketa PET-ezko ontziratze linea instalatuta.
Eskaeraren data: 2007ko abenduaren 26a.
2007ko urriaren 11n, Compañía de Bebidas Pepsico, S.L.k Landa Garapen eta Ingurumen Departamentuari jakinarazi zion Tafallan duen industria instalazioa handitzeko plana eginda zegoela; hori guztia, lehendik duen Ingurumen baimen integratua, Landa Garapeneko eta Ingurumeneko kontseilariaren azaroaren 5eko 480/2007 Foru Aginduaren bidez emana, aldatzearren. 2007ko abenduaren 26an, instalazioa handitzeko eskabidea aurkeztu zen.
Eginda dagoen instalazio hori Kutsaduraren aurkako aurreneurri eta kontrol integratuei buruzko uztailaren 1eko 16/2002 Foru Legearen I. eranskineko 9.1.b.2) epigrafean dago jasota, "Landareetatik ateratako lehengaiak tratatuz eta/edo eraldatuz elikagaiak fabrikatzen dituzten instalazioak, produktu bukatuak ekoizteko ahalmena egunean 300 tonatik gorakoa badute (hiru hilabeteko batez besteko balioa)" izenekoan. Horren ondorioz, Ingurumen baimen integratuaren araubidearen menpe dago.
Era berean, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduaren 2A eranskineko 2. epigrafean dago jasota, hots, "Animalia eta landare produktuak ontziratzeko industria instalazioak. Animalietatik ateratako lehengaiak, esnea izan ezik, erabiltzen dituzten instalazioak, produktu bukatuak ekoizteko ahalmena egunean 75 tonatik gorakoa badute; edo landareetatik ateratako lehengaiak erabiltzen dituztenak, produktu bukatuak ekoizteko ahalmena egunean 300 tonatik gorakoa badute (hiru hilabeteko batez besteko balioak)" izenekoan. Horren ondorioz, Ingurumen baimen integratuaren araubidearen menpe dago. Aipatutako erregelamendua abenduaren 28ko 93/2006 Foru Dekretuaren bidez onetsi zen.
Handitzeko aurkeztu den proiektuak funtsezko aldaketa egiten duenez, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduaren (abenduaren 28ko 93/2006 Foru Dekretuaren bidez onetsia) 25. artikuluan ezarritako irizpideen arabera, instalazioa handitu ahal izateko, ingurumen baimen integratua eskuratu behar da, erregelamendu horren 24 d) artikuluari jarraituz.
Bestetik, instalazioa aipatu 93/2006 Foru Dekretuaren 2A eranskinean dago sartua eta, horrenbestez, ingurumenaren gaineko eragina ebaluatzeko araubidearen menpe, muga eta irizpideen aplikazioaren arabera. Alde horretatik, Ingurumen Kalitatearen Zerbitzuko zuzendariak erabaki du proiektuak ez duela Ingurumenaren gaineko eragina ebaluatzeko prozedura iragan behar, foru dekretu horren beraren 3.C eranskinean jasota diren ingurumen irizpideen aplikazioaren arabera.
Industria establezimendua ez dago ekainaren 16ko 1254/1999 Errege Dekretuaren aplikazio eremuan. Dekretu horrek istripu larriek sortzen dituzten arriskuak kontrolatzeko neurriak onetsi zituen, gai arriskutsuak tarteko diren kasuetarako.
Egin den tramitazio administratiboaren laburpena ebazpen honen IV. eranskinean dago. Ez da proiektuari buruzko alegaziorik aurkeztu jendaurrean egon den artean. Compañía de Bebidas Pepsico, S. L.k alegazioak egin zituen entzunaldiaren fasean, eta haiei erantzuna eman zaie V. eranskinean.
Ingurumenaren arloko eskumenak Ingurumenaren eta Uraren zuzendariaren, Ingurumen Kalitatearen Zerbitzuko zuzendariaren eta Biodibertsitatea Zaintzeko Zerbitzuko zuzendariaren esku uzten dituen urriaren 10eko 426/2007 Foru Aginduaren bidez eskuratu ditudan ahalmenak erabiliz,
EBATZI DUT:
Lehendabizikoa.-Ingurumen baimen integratua ematea Tafallako udal mugapean zukuak, nektarrak eta edari freskagarriak prestatzeko instalaziorako. Titularra Compañía de Bebidas Pepsico, S.L. da.
Bigarrena.-Jarduera Ingurumen baimen integratua eskatzeko oinarrizko proiektuan eta 999/04 espediente administratiboko agiri osagarrietan aipatzen diren baldintzei jarraituz garatzea eta betiere ebazpen honen II. eta III. eranskinetan aipatzen diren neurriak betez.
Hirugarrena.-Ingurumen baimen integratu honek zortzi urteko indarraldia du. Iraungi baino gutxienez ere hamar hilabete lehenago, titularrak baimena berritzeko eskatu beharko du, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 30. artikuluko administrazio prozedurarekin bat. Erregelamendu hori abenduaren 28ko 93/2006 Foru Dekretuaren bidez onetsi zen.
Laugarrena.-Jarduera edonola ere aldatzeko, titularrak aldez aurretik Landa Garapeneko eta Ingurumeneko Departamentuari jakinarazi beharko dio. Arrazoiak emanda adierazi beharko du aldaketa funtsezkoa, nabarmena edo garrantzirik gabea den, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduan xedatutakoarekin bat. Erregelamendu hori abenduaren 28ko 93/2006 Foru Dekretuak onetsi zuen.
Bosgarrena.-Instalazioak Nafarroako Hondakin Arriskutsuen Sortzaile Txikien Erregistroan 15PO2227019052004 zenbakiarekin duen inskripzioa mantentzea, urriaren 13ko 312/1993 Foru Dekretuan ezarritakoarekin bat. Sortzen ahal dituen hondakin arriskutsuak Ingurumen baimen integratuaren III. eranskinean jaso dira. Hondakin arriskutsuen sorreran egiten diren aldaketak jakinarazi egin beharko dira, erregistratzeko eta, bidezkoa bada, aipatu III. eranskinean sartzeko.
Seigarrena.-Hondakin arriskutsuak ahalik eta gehien gutxitzeko plana onetsi da (planeko neurriak titularrak aurkeztutako dokumentazioan sartu dira), ekainaren 20ko 952/1997 Errege Dekretuaren bigarren xedapen gehigarrian xedatutakoarekin bat.
Zazpigarrena.-Titularrak irekitzeko baimena eskatu beharko du, martxoaren 22ko 4/2005 Foru Legea garatzeko Erregelamenduaren 40. artikuluan eta ebazpen honen II. eranskinean ezartzen diren baldintzetan xedatutakoarekin bat. Aipatutako erregelamendua abenduaren 28ko 93/2006 Foru Dekretuaren bidez onetsi zen.
Zortzigarrena.-Ebazpen hau Nafarroako Aldizkari Ofizialean argitaratzea.
Bederatzigarrena.-Ebazpen honek ez du administrazio bidea amaitzen eta espedientean interesa dutenek, administrazio publikoek izan ezik, haren kontra gora jotzeko errekurtsoa jartzen ahal dute, Nafarroako Gobernuari zuzendua, hilabeteko epean. Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epe horiek ebazpen honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen.
Hamargarrena.-Ebazpen hau jakinaraztea Compañía de Bebidas Pepsico, S.L.ri, Tafallako Udalari, NILSAri, Nafarroako Larrialdietako Agentziako Babes Zibilerako Zuzendaritzari, Nekazaritza Zerbitzuari eta Ingurumen Kalitatearen Zerbitzuari, behar diren ondorioak izan ditzan.
Iruñean, 2010eko urriaren 6an.-Ingurumenaren eta Uraren zuzendari nagusia, Andrés Eciolaza Carballo.
Oharra: ebazpen honetan aipatzen diren eranskinak interesdunen eskura daude Ingurumenaren eta Uraren Zuzendaritza Nagusiaren bulegoetan (González Tablas, 7-behea; Iruña), Ingurumen Kalitatearen Zerbitzuan, eta Nafarroako Gobernuaren web atarian, hain zuzen ere Landa Garapeneko eta Ingurumeneko Departamentuaren sailean, "Ingurumen baimenak" kontsulten atalean.
Iragarkiaren kodea: F1017049
