1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
1175/2010 EBAZPENA, urriaren 14koa, Arriskuen Prebentziorako eta Lanaren zuzendari nagusiak emana, "Fagor Ederlan Tafalla, S. Coop." enpresaren hitzarmen kolektiboa aldatzeko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 21/2009).
Departamentu honetan 2010eko irailaren 30ean sartu zen "Fagor Ederlan Tafalla, S. Coop." enpresaren hitzarmen kolektiboa zati batean aldatzen duen akordioa, Negoziazio Batzordeak izenpetua. Lan hitzarmena 2009ko 50. Nafarroako Aldizkari Ofizialean argitaratu zen, apirilaren 27an (espediente zenbakia: 21/2009).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Tafallako "Fagor Ederlan Tafalla, S. Coop." enpresaren lan hitzarmen kolektiboa zati batean aldatzeko akordioa, 2010eko irailaren 24koa, erregistratzea (kodea: 3108052), Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2010eko urriaren 14an.-Arriskuen Prebentziorako eta Lanaren zuzendari nagusia. Imelda Lorea Echavarren.
AKORDIOA
Fagor Ederlan Tafalla, S. Coop. enpresaren hitzarmen
kolektiboaren aldaketa, 2009-2011 aldirako
Tafallan, 2010eko irailaren 24an, honako hauek bildu ziren:
-Zuzendaritzaren aldetik:
Eukeni Egurbide Arrieta, Ignacio Ugalde Barbería eta Luis Urrutxi Montejo.
-Enpresa Batzordearen aldetik:
Julián Martínez Hernández (LAB), Luis Arriaga Sarriguren (LAB), Juan José Martínez Lezano (LAB), José Manuel Blanco Alonso (LAB), Antonio Garayoa Rubio (LAB), Fco. Javier Ongay Vilas (LAB), Miguel Zubiri Luna (LAB), José M.ª Larrasoaña Luna (UGT), José M.ª Vital Domezain (UGT), Felipe Musgo Villagrasa (UGT), Santiago Brun Villagrasa (UGT), Teodoro Puértolas Alierta (UGT), Santiago Maestre Antequera (CCOO), Justo del Río Elizalde (CCOO), Jesús Amadoz Ederra (CCOO), Pedro Herrero Miranda (ELA), Juan M.ª Esquiroz Pascual (ELA), Regino Amoriza Aduriz (ELA), Juan Castilla García (LVT), Jesús Otamendi García (LVT).
Ekitaldiari hasiera eman ondoren, bildu direnek
HONAKO HAU ADIERAZTEN DUTE:
1. 2009ko otsailaren 19an, Fagor Ederlan Tafalla, S. Coop. enpresaren indarreko hitzarmen kolektiboa sinatu zen, 2009tik 2011ra bitarterako, biak barne.
2. Lan arloko agintaritza eskudunak hitzarmen kolektibo hori erregistratu zuen eta 2009ko apirilaren 27ko Nafarroako Aldizkari Ofizialean argitaratu zen.
3. Gaur egun, eta dauden inguruabarrak kontuan hartuta, negoziazio batzordea berriro eratu da. Honako kide hauek osatzen dute: langileen aldetik, Julián Martínez Hernández (LAB), Luis Arriaga Sarriguren (LAB), Juan José Martínez Lezano (LAB), José Manuel Blanco Alonso (LAB), Antonio Garayoa Rubio (LAB), Fco. Javier Ongay Vilas (LAB), Miguel Zubiri Luna (LAB), José M.ª Larrasoaña Luna (UGT), José M.ª Vital Domezain (UGT), Felipe Musgo Villagrasa (UGT), Santiago Brun Villagrasa (UGT), Teodoro Puértolas Alierta (UGT), Santiago Maestre Antequera (CCOO), Justo del Río Elizalde (CCOO), Jesús Amadoz Ederra (CCOO), Pedro Herrero Miranda (ELA), Juan M.ª Esquiroz Pascual (ELA), Regino Amoriza Aduriz (ELA), Juan Castilla García (LVT), Jesús Otamendi García (LVT), eta Zuzendaritzaren aldetik, Eukeni Egurbide Arrieta, Ignacio Ugalde Barbería, Luis Urrutxi Montejo.
4. Fagor Ederlan Tafalla, S. Coop. enpresaren 2009., 2010. eta 2011. urteetarako hitzarmen kolektiboaren negoziazioan, 2009. urterako baizik ez ziren adostu 3. eta 14. artikuluak, eta beste bi urteetarako -2010 eta 2011- negoziatzeko geratu ziren, hitzarmen kolektiboaren 2. artikuluan ezarritakoarekin bat.
5. Bete da, eta bat eginda, Fagor Ederlan Tafalla, S. Coop. enpresaren hitzarmen kolektiboaren lehen xedapen gehigarria, bai eta Langileen Estatutuaren 82.3 artikuluan ezarritakoa ere.
6. 2010eko irailaren 22an, langileen batzarra egin zen; deialdia Enpresa Batzordeak aho batez erabaki zuen. Batzarrean gehiengo osoz erabaki zen (aldeko botoak: 104; kontrako botoak: 15; boto zuriak: 1) 2009-2011 aldirako hitzarmen kolektiboa aldatzea, jarraian jasotzen den akordioarekin bat.
7. Adostutakoaren ondorioz, berriro idatzi behar da Fagor Ederlan Tafalla, S. Coop. enpresaren 2009., 2010. eta 2011. urteetarako indarreko hitzarmen kolektiboa; zenbait artikulu aldatu behar dira, jarraian jasotzen den akordioaren edukiari jarraikiz, eta gainerako edukia bere horretan mantenduko da, 2009ko apirilaren 27ko Nafarroako Aldizkari Ofizialean argitaratutako testuarekin bat.
Zenbait negoziazio saio egin ostean, langileen ordezkaritzak, alde batetik, eta Zuzendaritzakoak, bestetik, negoziazioak amaitutzat jo dituzte, legezko arau aplikagarriekin bat, eta honako akordio hau sinatu dute, adostasuna lortu baitute:
AKORDIOA:
Fagor Ederlan Tafalla, S. Coop. enpresaren 2009-2011 aldirako hitzarmen kolektiboari X. eranskin berria gehitu zaio. Hona hemen, hitzez hitz:
Lehena.-Akordio honen indarraldia 2016ko abenduaren 31ra arte luzatuko da.
Bigarrena.-Hona hemen Fagor Ederlan Tafalla, S. Coop. enpresaren 2009-2011 aldirako hitzarmen kolektiboaren 3. artikuluaren idazketa berria:
3. artikulua: lanaldia.
Jarraian, urtean benetan lan egin beharreko ordu kopurua adierazten da. Kopuru horri 15 minutuko atsedenaldia gehituko zaio, txandakako lanen edo lanaldi jarraituen kasuan; denbora hori lanordutzat joko da eta, hortaz, ordainduko da.
2009. urtea: 1.688 ordu.
2010. urtea: 1.688 ordu.
2011tik aurrera, izoztuta geratuko da, bazkideenarekin berdindu arte. Une horretatik aurrera, murriztuko da, bazkidearena bezala.
Langile batek, komeni zaiolako eta bere onerako, beste batzuekin taldean eskatzen badu, eta eskaera onartua bada, aldi baterako edo betiko, legez lanaldi jarraitutzat jo beharreko lanaldi mota bereziak egitea, ezin izanen du ez atsedenaldia ordaintzeko eskatu ez lan egindako denboratzat zenbatu. Eskaera behin eta berriro onartzea ez da eskuratutako eskubidetzat joko inolako ondoriotarako, salbu eta kontrakoa adosten bada.
Hirugarrena.-Hona hemen Fagor Ederlan Tafalla, S. Coop. enpresaren 2009-2011 aldirako hitzarmen kolektiboaren 5. artikuluko 2. puntuaren idazketa berria:
2. Lanegun ez diren egunetan lanera joaten diren pertsonak beren borondatez joanen dira. Horrek barnean hartzen ditu mantentze lanetako langileak, funtzionatzen dauden instalazioetan lagundu behar baitute.
Lanegun ez diren egunetan boluntariorik eza saihesteko, itogune bateko ohiko plantillako langileen ordezkoak prestatuko dira.
Akordio hau sinatzen denetik aurrera, adierazitakoari utzi gabe eta behar den guztietan, boluntario nahikorik ez bada boluntarioen, besteren konturako langileen eta behin-behineko langileen artean, lanpostuetako titularrek lanera joan beharko dute, ezinbesteko kasuetan edo arazo pertsonalak direnean izan ezik. Itogune kasuetarako, boluntario nahikorik ez bada, langile bakoitzak lanera joan beharko du asteburuetan (gehienez ere 5 egun, urte naturaleko).
Halaber, lanegun ez diren egunetan lanera joan behar izanez gero, 2 egun lehenago jakinaraziko da.
Bestetik, azpikontratek egindako lanen berri emanen da.
Laugarrena.
Hona hemen Fagor Ederlan Tafalla, S. Coop. enpresaren 2009-2011 aldirako hitzarmen kolektiboaren 26. artikuluaren idazketa berria:
26. artikulua: guardiako plusa.
2011ko urtarrilaren 1etik aurrera ordainduko dira, bazkideei bezala, eta boluntarioa izanen da.
Bosgarrena.-Hona hemen Fagor Ederlan Tafalla, S. Coop. enpresaren 2009-2011 aldirako hitzarmen kolektiboaren 14. artikuluaren lehen lerroaldearen idazketa berria:
14. artikulua: ordainsariak.
Hona hemen ordainsariak:
2009. urtea: aldaketarik ez.
2010. urtea: ordainsariak %9,90 murriztuko dira.
2010eko urriaren 1etik aurrera, murrizketa %6,30ekoa izanen da eta, hortik aurrera, lansarien aldaketak bazkideenak bezalakoak izanen dira, kontzeptu guztietan (lansaria, aparteko pagak, EREak, etab.), denboran eta forman.
Seigarrena.-Hona hemen Fagor Ederlan Tafalla, S. Coop. enpresaren 2009-2011 aldirako hitzarmen kolektiboaren 16. artikuluaren idazketa berria:
16. artikulua: asteko atseden konpentsatzailearen ordainsari sistema.
2012ko urtarrilaren 1etik aurrera ordainduko zaie, bazkideei bezala.
Zazpigarrena.-Lansaria ez zaie murriztuko erretiro partzialean dauden langileei edo 2009ko ekainaren 1ean 59 urte dituztenei. Halaber, langile guztiei, behin 59 urte beteta, ez zaizkie aplikatuko data horretatik aurrera aplikatzen diren lansarien murrizketak.
Zortzigarrena.-Soberakinak etendurako erregulazio espediente bidez kudeatuko dira, 58 eta 59 urtekoen kasuan, eta egun 57 urte dituztenak (1952an jaioak) ere gehituko dira, egungo baldintza beretan.
Bederatzigarrena.-Erretiro partzialek egungo baldintzak izanen dituzte, legeak uzten duen bitartean.
Hamargarrena.-Etendurako enplegu erregulazioko espediente bat eskatzea, 54 egunerako akordioarekin, 2010. urterako, egungo baldintza beretan.
Hamaikagarrena.-Baja boluntarioak onartuko zaizkie Berrikuntza, Enpresa eta Enpleguko kontseilariaren 2009ko azaroaren 25eko 522/2009 Foru Aginduak ukitutako 61 langileei, 2010eko irailaren 24a arte, eta 30 eguneko lansariko pizgarria emanen, enpresan duten antzinatasun urte bakoitzeko (15 hilabete gehienez); puntu honetan aipatzen diren lan kontratuen amaierak kaleratze objektibo bidez gauzatuko dira.
Hamabigarrena.-Fagor Ederlan Tafalla, S. Coop. enpresaren hitzarmen kolektiboaren 42. artikulua aplikatzean, lanpostuak, txanda aldaketak, eta asteburuko lanak eta prestakuntza errespetatu beharko dira, bazkideen baldintza beretan.
Akordio honen ondorioz, besteren konturako langileak bazkideak bezala tratatuko dira eta ez dute inolako diskriminaziorik pairatuko.
Sustapenak arau honetatik kanpo daude.
Hamahirugarrena.-Zuzendaritzak hurrengo 5 urteetan langilerik ez kaleratzeko konpromisoa hartzen du, diziplina kasuetan izan ezik eta hamaikagarren puntuko salbuespena salbu, betiere akordio hau betetzen bada eta ekoizpena 40.000 tonatik jaisten ez bada urtean (erreferentziatzat joko da sei hilabeteko gutxieneko epea urtean).
Hamalaugarrena.-Eranskin hau aplikatzean desadostasunak daudenerako, aldeek erabakitzen dute Nafarroako Foru Komunitateko Lan Gatazkak Auzibidetik Kanpo Ebazteko Lanbide arteko Akordioari, V. kapituluari zehazki, men egitea, eta espresuki onartzen dute Arbitraje Prozedurari hasiera emateak berarekin ekarriko duela bi aldeek uko egitea bide judizialak edo administratiboak erabiltzeari haren mendeko auziak ebaztean. Arrazoi hauengatik bakarrik aurkezten ahalko da laudoaren kontrako errekurtsoa auzitegi eskudunetan: prozeduraren gaineko auzi batengatik (zitazioa edo entzunaldia egin ez); ebazpenaren formaren gaineko arrazoi batengatik (inkongruentzia).
Bi aldeek adosten dute José María Ruiz-Ojeda Moreno jauna, Nafarroako Lan Auzitegiko idazkari nagusia, arbitro gisa onartzea.
Hamabosgarrena.-Zuzendaritzak 61 langileren kontratuak deuseztatzeko baimena ez erabiltzeko konpromisoa hartzen du; baimen hori Nafarroako Gobernuko Berrikuntza, Enpresa eta Enpleguko kontseilariaren 2009ko azaroaren 25eko 522/2009 Foru Aginduaren bidez eman zen. Horretarako, akordio hau bete beharko da eta ez dira galaraziko akordio honen hamaikagarren puntua aplikatzearen ondorioz sortzen diren baja boluntarioak. Hemen onetsitako testuaren indarraldia eta ondorioak ez dira aldatuko 2009ko azaroaren 25eko 522/2009 Foru Agindua baliogabetu edo ezezta lezakeen balizko ordena jurisdikzionalaren administrazioarekiko auzi-epai baten ondorioz, betiere hartan emandako baimena erabili ez bada.
Hamaseigarrena.-Akordio honen artikuluren bat ezeztatzen bada, edo baliogabe jotzen, akordio osoa baliogabetuko da.
Hamazazpigarrena.-Adostutakoaren ondorioz, berriro idatzi behar da Fagor Ederlan Tafalla, S. Coop. enpresaren 2009., 2010. eta 2011. urteetarako indarreko hitzarmen kolektiboa; zenbait artikulu aldatu behar dira, jarraian jasotzen den akordioaren edukiari jarraikiz, eta gainerako edukia bere horretan mantenduko da, 2009ko apirilaren 27ko Nafarroako Aldizkari Ofizialean argitaratutako testuarekin bat.
Hemezortzigarrena.-Enpresako Zuzendaritzaren ordezkaritzaren esku uzten da, Langileriaren buru den Ignacio Ugalde Barbería jaunaren esku hain zuzen, akordio hau Nafarroako Gobernuko Lan Zuzendaritza Nagusian aurkezteko egin beharreko kudeaketa, akordioa erregistratu, gorde eta argitara dadin, legez dagokionari jarraikiz.
Akta honen edukia bertaratutakoei irakurrita, adostasuna azaldu eta sinatu dute, behar diren ondorioak izan ditzan, Tafallan, 2010eko irailaren 24an.
-Zuzendaritzaren aldetik:
Eukeni Egurbide Arrieta, Ignacio Ugalde Barbería eta Luis Urrutxi Montejo.
-Enpresa Batzordearen aldetik:
Julián Martínez Hernández, Luis Arriaga Sarriguren, Juan Martínez Lezano, José Manuel Blanco Alonso, Antonio Garayoa Rubio, Fco. Javier Ongay Vilas, Miguel Zubiri Luna, José M.ª Larrasoaña Luna, José M.ª Vital Domezain, Felipe Musgo Villagrasa, Santiago Brun Villagrasa, Teodoro Puértolas Alierta, Santiago Maestre Antequera, Justo del Río Elizalde, Jesús Amadoz Ederra, Pedro Herrero Miranda, Juan M.ª Esquiroz Pascual, Regino Amoriza Aduriz, Juan Castilla García eta Jesús Otamendi García.
-Ordezkari sindikalak:
LAB, UGT, CCOO, ELA, eta LVT.
Iragarkiaren kodea: F1017040
