Iragarkia

140. ALDIZKARIA - 2010eko azaroaren 17a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

432/2010 EBAZPENA, azaroaren 4koa, Antolamenduaren, Kalitatearen eta Berrikuntzaren zuzendari nagusiak emana, Nafarroako Foru Komunitateko ikastetxe itunduetan hezkuntza premia bereziak dituzten ikasleei 2010-2011 ikasturtean laguntzeko baliabide materialak eta giza baliabideak emateko deialdia behin betiko ebazten duena. Deialdia Antolamenduaren, Kalitatearen eta Berrikuntzaren zuzendari nagusiaren apirilaren 13ko 158/2010 Ebazpenaren bidez onetsi zen.

Aniztasunaren, Orientazioaren eta Kultura-aniztasunaren Zerbitzuko zuzendariak txostena aurkeztu du, eta bertan proposatu apirilaren 13ko 158/2010 Ebazpenean ezarritako giza baliabideak eta baliabide materialak behin betiko eman eta erreserbatzea. Ebazpen horrek oinarri arautzaileak onetsi zituen Nafarroako Foru Komunitateko ikastetxe itunduetan hezkuntza premia bereziak dituzten ikasleei 2010-2011 ikasturtean laguntzeko beharrezko baliabideak emateko deialdi publikorako.

Erreserban dauden baliabideen emakida berri horrek aldatu egiten du, aldi berean, abuztuaren 26ko 358/2010 Ebazpena, Nafarroako Foru Komunitateko ikastetxe itunduetan 2010-2011 ikasturterako aipatutako baliabideak behin-behinekoz eman zituena.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Apirilaren 13ko 158/2010 Ebazpenaren 5.4 atalaren arabera erreserban dauden giza baliabideak eta baliabide materialak esleitzea ebazpen honen I. eranskinean ageri diren ikastetxe itunduei.

2. Abuztuaren 26ko 358/2010 Ebazpenaren 1. puntua aldatzea, aurreko puntuan adierazitakoarekin bat, eta ebazpen honen II. eranskinean aipatzen diren giza baliabideak Nafarroako Foru Komunitateko ikastetxe itunduei ematea 2010-2011 ikasturterako.

3. Laguntza ekonomikoen ordainketak 2010-2011 ikasturtea hasten denetik izanen ditu ondorioak eta, giza baliabideena, horiek jakinarazten direnetik aurrera edo, geroago kontratatzen badira, kontratatzen direnetik aurrera.

4. Ebazpen hau eta eranskinak Nafarroako Aldizkari Ofizialean argitara daitezela agintzea.

5. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.

6. Ebazpen hau eta eranskinak igortzea Ekonomia eta Ogasun Departamentuak Hezkuntzakoan duen kontu-hartzaile delegatuari, Aniztasunaren, Orientazioaren eta Kultura-aniztasunaren Zerbitzuari, Antolamendu eta Berrikuntza Zerbitzuari, Hezkuntzako Ikuskapen Zerbitzuari, Giza Baliabideen Zerbitzuari, Ikastetxeen, Ikasketetarako Laguntzen eta Azterlan Ekonomikoen Zerbitzuari, Eskolatze Batzordeko buruari, Ikastetxeen eta haien Finantzaketaren Atalari, Hezkuntza Premia Berezien Atalari, Itunpeko eta Diruz Lagundutako Ikastetxeen Nomina Bulegoari eta Hezkuntza Itunen Bulegoari, behar diren ondorioak izan ditzaten.

Iruñean, 2010eko azaroaren 4an.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.

Iragarkiaren kodea: F1018189