4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
1. EPAITEGIA
Enkante publikoa. 282/2010 hipoteka-betearazpena
Nuria Creus Portas andreak, Tuterako Lehen Auzialdiko eta Instrukzioko 1. Epaitegiko idazkariak,
Aditzera ematen dut: Banco Santander S.A.k eskaturik, hipoteka bat dela-eta, Fernando Montejano Pitillasen aurka epaitegi honetan bideratzen ari den 0000282/2010 betearazpen-prozesuan, erabaki da ondotik, tasazio-prezioa finkatuta, adierazten diren ondasunen enkante publikoa egitea hogei egunez:
Enkantean jartzen diren ondasunak eta bakoitzaren balorazioa:
Tuterako higiezin hauek: 35722 zenbakia duen finka, (6. inskripzioa) Tuterako 1. Jabetza Erregistroan inskribatua, 3097. liburukian, 796. liburuan, 55. orrian. Sei zenbakia duen hiri finka, A letrako etxebizitza, Tuterako Los Albares kaleko 8an.
35717/1 zenbakia duen finka (4. inskripzioa), Tuterako 1. Jabetza Erregistroan inskribatua, 3099. liburukian, 798. liburuan, 31. orrian. Bat zenbakia duen aparkalekua Tuterako Los Albares kaleko 8an.
Enkantea 2011ko urtarrilaren 25ean eginen da, goizeko 11:00etan.
Enkantean jarriko diren finken balorazioa: berrehun eta hogei mila seiehun eta berrogeita hamasei euro eta hamasei zentimo (220.656,16 euro); horietatik berrehun eta bi mila seiehun eta berrogeita hamasei euro eta hamasei zentimo (202.656,16 euro) etxebizitzari dagozkio, eta hemezortzi mila euro (18.000 euro) garajeari.
Enkantearen baldintzak:
1.-Lizitatzaileek betekizun hauek bete beharko dituzte:
A.-Beren nortasuna behar bezala frogatzea.
B.-Enkantearen baldintza orokorrak eta partikularrak ezagutzen dituztela aitortzea.
C.-Epaitegi honetako Gordailu eta Kontsignazioen Kontuan, hots, Banestoren 0030 1846 42 000500 1274 kontuan (3180 0000 06 282 10 kontzeptua), ondasunen tasazio-balioaren %30 sartu izanaren gordekina aurkeztea edo, bestela, kopuru hori adinako banku-abala jarri izanaren gordekina.
Lizitatzaileak gordailu hori osorik edo partez hirugarren batengandik jasotako diruarekin egiten badu, halaxe adierazi beharko da gordekinean, Prozedura Zibilari buruzko 1/2000 Legearen 652. artikuluaren 2. idatz-zatian xedatutakoaren ondorioetarako.
2.-Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
3.-Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, adierazitako baldintza berberetan.
4.-Posturarik onena enkantean jarri den ondasunaren balorazioaren %70ekoa edo handiagoa bada, errematea posturagile onenaren alde onetsiko da. Ehuneko horretatik beherakoa bada, PZLaren 670. artikuluan adierazitakoari jarraikiko zaio.
5.-Erregistroko ziurtagiria epaitegi honetako Idazkaritzan dago ikusgai.
6.-Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta horrenbestez, enkantean parte hartze hutsarekin lizitatzaileak hori onartzen du, bai eta haien ondoriozko erantzukizunean subrogatzea ere, errematea bere alde esleituz gero.
7.-Ulertuko da lizitatzaileek nahikotzat onartzen dutela jarduketetan dagoen titulazioa.
8.-Betearazpenpekoei hori guztia beren helbidean jakinarazteko ahaleginak huts egiten badu, honako honek jakinarazpen gisa balioko du.
Ezinbesteko arrazoiengatik, epaitegiari egotzi ezin zaizkion arrazoiengatik edo, oker bat dela-kausa, enkantearen deialdia igande baterako edo jaiegun baterako egiteagatik, enkantea adierazitako egunean eta orduan egiterik ez badago, ulertuko da hurrengo egun baliodunean eginen dela, ordu berean, larunbatak kenduta.
Tuteran, 2010eko urriaren 27an.-Idazkari judiziala, Nuria Creus Portas.
Iragarkiaren kodea: J1017858
