4. PROZEDURA JUDIZIALAK
IRUÑEKO LEHEN AUZIALDIKO 7. EPAITEGIA
Ediktua. 845/2010 betearazpena
Aránzazu Chocarro Ucar andreak, Iruñeko Lehen Auzialdiko 7. Epaitegiko idazkariak.
Aditzera ematen dut: Nafarroako Rural Kutxak eskaturik, hipoteka-betearazpena dela-eta, Interseral, S.L.ren, Grupo Asenjo Tellería de España, S.L.ren eta Markelin Asenjo Telleríaren aurka epaitegi honetan bideratzen ari den 845/2010 betearazpen-prozesuan, erabaki da ondotik, tasazio-prezioa finkatuta, adierazten diren ondasunen enkante publikoa egitea hogei egunez:
-Enkantean jartzen diren ondasunak eta bakoitzaren balorazioa:
Hiri finka; aparkalekuko 26. tokia, Aitzoaingo zalduko kaleko 2-199an. 10,93 metro karratuko azalera du. Inskripzioa: Iruñeko 1. Jabetza Erregistroa, 1268. liburukia, 739. liburua, 90. orria, 34.693. finka, 6. inskripzioa.
Tasazioko balioa: hamahiru mila euro.
Hiri finka; aparkalekuko 27. tokia, Aitzoaingo zalduko kaleko 2-199an. 10,93 metro karratuko azalera du. Inskripzioa: Iruñeko 1. Jabetza Erregistroa, 1268. liburukia, 739. liburua, 93. orria, 34.695. finka, 6. inskripzioa.
Tasazioko balioa: hamahiru mila euro.
Hiri finka; aparkalekuko 28. tokia, Aitzoaingo zalduko kaleko 2-199an. 10,93 metro karratuko azalera du. Inskripzioa: Iruñeko 1. Jabetza Erregistroa, 1268. liburukia, 739. liburua, 96. orria, 34.697. finka, 6. inskripzioa.
Tasazioko balioa: hamahiru mila euro.
Hiri finka; bulegotarako 19. lokala, Aitzoaingo zalduko kaleko 2-199an, lehen solairuan. 189,23 metro karratuko azalera du. Inskripzioa: Iruñeko 1. Jabetza Erregistroa, 1529. liburukia, 1000. liburua, 11. orria, 34.867. finka, 7. inskripzioa.
Tasazioko balioa: berrehun eta laurogeita hamabost mila euro.
Hiri finka; aparkalekuko 41. tokia, Aitzoaingo zalduko kaleko 2-199an. 10,93 metro karratuko azalera du. Inskripzioa: Iruñeko 1. Jabetza Erregistroa, 1268. liburukia, 739. liburua, 135. orria, 34.723. finka, 6. inskripzioa.
Tasazioko balioa: hamahiru mila euro.
Hiri finka; aparkalekuko 40. tokia, Aitzoaingo zalduko kaleko 2-199an. 10,93 metro karratuko azalera du. Titulartasuna: jabari osoaren %100.
Inskripzioa: Iruñeko 1. Jabetza Erregistroa, 1268. liburukia, 739. liburua, 132. orria, 34.721. finka, 6. inskripzioa.
Tasazioko balioa: hamahiru mila euro.
Enkantea abenduaren 14an eginen da, 10:30ean.
-Enkantearen baldintzak:
1.-Lizitatzaileek betekizun hauek bete beharko dituzte:
1. Beren nortasuna behar bezala frogatzea.
2. Enkantearen baldintza orokorrak eta partikularrak ezagutzen dituztela aitortzea.
3. Epaitegi honetako Gordailu eta Kontsignazioen Kontuan, hots, Banestoren 2757 0000 05 084510 kontuan, ondasunen tasazio-balioaren %30 sartu izanaren gordekina aurkeztea edo, bestela, kopuru hori adinako banku-abala jarri izanarena. Lizitatzaileak gordailu hori osorik edo partez hirugarren batengandik jasotako diruarekin egiten badu, halaxe adierazi beharko da gordekinean, Prozedura Zibilari buruzko 1/2000 Legearen 6652. artikuluaren 2. idatz-zatian xedatutakoaren ondorioetarako.
2.-Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
3.-Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, adierazitako baldintza berberetan.
4.-Posturarik onena enkantean jarri den ondasunaren balorazioaren %70ekoa edo handiagoa bada, errematea posturagile onenaren alde onetsiko da. Ehuneko horretatik beherakoa bada, PZLaren 670. artikuluan adierazitakoari jarraikiko zaio.
5.-Erregistroko ziurtagiria epaitegi honetako Idazkaritzan dago ikusgai.
6.-Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta horrenbestez, enkantean parte hartze hutsarekin lizitatzaileak hori onartzen du, bai eta haien ondoriozko erantzukizunean subrogatzea ere, errematea bere alde esleituz gero.
Ezinbesteko arrazoiengatik, epaitegiari egotzi ezin zaizkion arrazoiengatik edo, oker bat dela-kausa, enkantearen deialdia igande baterako edo jaiegun baterako egiteagatik, enkantea adierazitako egunean eta orduan egiterik ez badago, ulertuko da hurrengo egun baliodunean eginen dela, ordu berean, larunbatak kenduta.
Betearazpenpeko alderdiaren helbidea jakiterik ez badago, ediktu honek legezko jakinarazpena egiteko balioko du.
Iruñean, 2010eko urriaren 15ean.-Idazkaria, Aránzazu Chocarro Úcar.
Iragarkiaren kodea: J1017946
