3. ESTATUKO ADMINISTRAZIOA
KANTAURI ALDEKO UR KONFEDERAZIOA
Jendaurreko informazioa
Gaia: obrak baimentzeko eskaera.
Eskatzailea: Baztango Udala.
IFZ: P 3105000H.
Helbidea: Foruen plaza, zk.g., Elizondo, 31700 Baztan (Nafarroa).
Ibaiaren izena eta kodea: Bidasoa 1.0100.
Udalerria eta probintzia: Baztan (Nafarroa).
Obren azalpen laburra eta helburua:
Baztango Udalak baimena eskatu du Bidasoa ibaia garbitu eta dragatzeko Malkoako zubian, Bergarako zubian (Azpilkueta), Elbeteko zubian (Elbete), Elizondoko meandroko zubian eta Elizondoko Opokako zubian, Baztango udal mugapean (Nafarroa).
Baliabide mekanikoak erabiliz Bidasoa ibaia garbitu eta dragatu nahi da Malkoako zubian, Bergarako zubian, Elbeteko zubian, Elizondoko meandroko zubian eta Elizondoko Opokako zubian. Guztietan ere errekarriak ateratzea izanen da baimendu beharreko lana. Hona hemen toki bakoitzean garbitu beharreko tartea eta aterako den bolumena:
-Malkoako zubian, eskuineko eta ezkerreko begietan; 50 eta 20 m (560 m³).
-Bergarako zubian, eskuineko eta ezkerreko begietan; 30-20 m (480 m³).
-Elbeteko zubian, erdiko eta ezkerreko begietan; 95 m (1.710 m³).
-Elizondoko meandroko zubian; 330 m (7.920 m³).
-Elizondoko Opokako zubian; 40 m (600 m³).
Aditzera ematen da orok jakin dezan eta eskaera honek kalte egiten diela uste dutenek beren erreklamazioak aurkezteko aukera izan dezaten hogei eguneko epean, iragarki hau Nafarroako Aldizkari Ofizialean argitaratu eta biharamunetik hasita, Baztango udaletxean edo Kantauri aldeko Ur Konfederazioan (Ur Komisaria, Errotaburuko pasealekua 1, 8. solairua, 20071 Donostia). Bertan egonen da ikusgai espedientea.
Donostian, 2010eko urriaren 21ean.-Idazkari nagusia. Eskuordez, Zerbitzuko burua (2004ko abenduaren 13ko Ebazpena, 2005eko urtarrilaren 11ko Estatuko Aldizkari Ofizialean argitaratua, indardun deklaratua 2008ko uztailaren 25eko Ebazpenaren bidez), Noemí López Fernández.
Iragarkiaren kodea: E1017316
