1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2686/2010 EBAZPENA, urriaren 27koa, Nafarroako Enplegu Zerbitzuko zuzendari kudeatzaileak emana, Amaya Mena Zabala andrea Nafarroako Enplegu Zerbitzuko Energia Berriztagarrien eta Energia Eragimenaren Erreferentziako Zentro Nazionaleko buru izendatzen duena, bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 27.3 artikuluan ezartzen denez, atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko dira.
Lehendakaritza, Justizia eta Barne Departamentuak oniritzia eman dio izendapenari.
Horrenbestez, Nafarroako Foru Komunitateko Administrazioaren eta haren erakunde autonomoen organoek langileen arloan dituzten eskudantziak zehazten dituen otsailaren 21eko 30/2005 Foru Dekretuaren 8. artikuluan eta Nafarroako Enplegu Zerbitzuaren estatutuak onesten dituen irailaren 13ko 59/2010 Foru Dekretuaren 13. artikuluan xedatutakoari jarraikiz,
EBATZI DUT:
1. Amaya Mena Zabala andrea, Foru Komunitateko Administrazioko funtzionarioa, Nafarroako Enplegu Zerbitzuko Energia Berriztagarrien eta Energia Eragimenaren Erreferentziako Zentro Nazionaleko buru izendatzea, bitarte baterako.
2. Ebazpen hau igortzea Funtzio Publikoaren Zuzendaritza Nagusira, Nominen eta Gizarte Segurantzaren Atalera eta Nafarroako Enplegu Zerbitzuko Prestakuntza Zerbitzura.
3. Ebazpen hau interesdunari jakinaraztea, eta adieraztea hamar egun naturaleko epean jabetu beharko duela lanpostuaz, jakinarazi eta biharamunetik hasita, Nafarroako Enplegu Zerbitzuko Laguntza Tekniko eta Administratiboaren Zerbitzuan.
4. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2010eko urriaren 27an.-Nafarroako Enplegu Zerbitzuko zuzendari kudeatzailea, José Luis Ruiz Ciruelos.
Iragarkiaren kodea: F1017646
