4. PROZEDURA JUDIZIALAK
IRUÑEKO LAN ARLOKO 4. EPAITEGIA
Jakinarazpen ediktua. 347/2009 demanda
Miguel Ángel Goñi Ixurkok eskaturik, Gizarte Segurantzako prestazioak direla-eta, Gizarte Segurantzako Institutu Nazionalaren, Gizarte Segurantzaren Diruzaintza Orokorraren, Fealamun S.L.ren, Schokbeton Española S.A.ren, Asepeyo mutuaren eta Defentsa Ministerioaren aurka epaitegi honetan bideratu den 347/2009 demanda-prozeduran, xedapen zatian hauxe dioen ebazpena eman da gaurko egunean:
Partez baiesten dut Miguel Ángel Goñi Ixurkok Gizarte Segurantzako Institutu Nazionalaren, Gizarte Segurantzaren Diruzaintza Orokorraren, Fealamun S.L.ren, Schokbeton Española S.A.ren, Asepeyo mutuaren eta Defentsa Ministerioaren aurka jarritako demanda. Horrenbestez, deklaratzen dut Gizarte Segurantzako Institutu Nazionalak 2008ko martxoaren 27ko irteera-data duen ebazpenaren bidez (ondorioak 2008ko otsailaren 22tik aurrera sortu zituen) auzi-jartzaileari aitortu zion erretiro pentsioa arautzeko oinarria 1.764 euro dela eta aplikazio portzentajea %98 dela. Gizarte Segurantzako Institutu Nazionala deklarazio horri men egitera kondenatzen dut, eta gainerako demandatuak absolbitu egiten ditut demandan azaltzen diren eskakizunetatik.
Epai honen aurka bidezko da erregutze-errekurtsoa aurkeztea Nafarroako Justizia Auzitegi Nagusiko Lan arloko Salari zuzendua, jakinarazpena egin eta ondoko bost egunetan. Horretarako, aski izanen da jakinarazpena egiten denean alderdiak, haren abokatuak edo ordezkariak asmo horren berri ematea, baina zilegi da, orobat, adierazitako epean pertsona horiek agertzea edo idazkia aurkeztea.
Errekurtsoa aurkezteko asmoaren berri ematean, errekurtsoaz arduratuko den legelaria edo lan harremanetako gradudun elkargokidea izendatuko da, dela idazki baten bidez, dela bertan agertuz, bestela ofizioz izendatuko baita, doako justizia izateko eskubidea duen langilea edo enpresaburua bada.
Eta Schokbeton Española S.A.ri legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2010eko urriaren 20an.-Idazkari judiziala, Alfonso Pérez Ruiz.
Iragarkiaren kodea: J1017347
