130. ALDIZKARIA - 2010eko urriaren 27a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1358/2010 EBAZPENA, urriaren 4koa, Nafarroako Unibertsitate Publikoko errektoreak emana, 1. motako lan kontratupeko irakasle doktorearen zazpi lanpostu kontratatzeko lehiaketa publikorako deialdia egiten duena.

Ikusirik Nafarroako Unibertsitate Publikoko sailek onetsitako Irakaskuntza Antolatzeko Planak.

Ikusirik sailek tramitatutako eskaerak, eta Plantillen Dokumentuan jasotako irakasleak mailaz igotzeko politika kontuan harturik.

Ikusirik Gobernu Kontseiluak 2010eko uztailaren 28an onetsitako erabakia, 1. motako kontratupeko irakasle doktore izateko zazpi lanpostu berri sortu zituena.

Ikusirik Unibertsitateei buruzko abenduaren 21eko 6/2001 Lege Organikoaren 48. artikulua eta hurrengoak, unibertsitatetak irakasleen eta ikertzaileen lan-kontratazioa egiteko gaitzen dituztenak.

Ikusirik apirilaren 20ko 36/2009 Foru Dekretua, Nafarroako Unibertsitate Publikoari irakasleak eta ikertzaileak kontratatzeko baimena ematen diona.

407/2009 Ebazpena, martxoaren 3koa, Nafarroako Unibertsitate Publikoko errektoreak emana, 2009ko otsailaren 25eko Gobernu Kontseiluaren erabakiak (NAO, 44 zk., 2009ko apirilaren 13koa) onetsitako Nafarroako Unibertsitate Publikoko Irakasleak eta Ikertzaileak Kontratatzeko Arautegia onesteko erabakia argitaratzea agintzen duena.

Ikusirik Giza Baliabideen Zerbitzuko zuzendariak emandako txostena.

Txostena ikusirik eta Irakasleen Gaietarako errektoreordeak proposatuta.

Kontu-hartzailearen txostena izanda,

Nafarroako Unibertsitate Publikoko Estatutuen 40. artikuluan legez esleituta dauzkadan eskumenak betez,

EBATZI DUT:

Lehenengoa.-Lehiaketarako deialdia egitea, ebazpen honetako I. eranskinean dauden eta ebazpenaren zati diren oinarriekin bat etorriz.

Bigarrena.-Irakasleen kontratazioak sortutako gastua ez zaie egotziko 2010eko Gastuen Aurrekontuei. Nolanahi ere, kontuan hartu beharko da 2011ko Gastuen Aurrekontuan egitean, eta aurrekontu horretan kontzeptu horri buruzko kontusailetan adierazi.

Hirugarrena.-Ebazpen hau Nafarroako Aldizkari Ofizialean argitara dadila agintzea.

Laugarrena.-Ebazpen hau bidaltzea Nafarroako Gobernuko Lanbide Heziketarako eta Unibertsitateetarako Zuzendaritza Nagusira, Irakasleen Gaietarako eta Hezkuntza Berrikuntzarako Zuzendariordetza Nagusira, ukitutako Saileko zuzendariei, Irakasleen Gaietarako Errektoreordetzara, Aurrekontuen eta Ekonomia Plangintzaren Atalera, Kontabilitate Atalera eta kontu-hartzaileari.

Bosgarrena.-Ebazpen honen aurka, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.

Iruñean, 2010eko urriaren 4an.-Errektorea, Julio Lafuente López.

I. ERANSKINA

Oinarriak

Lehenengoa.-Deialdia.

Nafarroako Unibertsitate Publikoko Errektoretzak, Unibertsitateei buruzko Lege Organikoan, Estatutuetan eta Irakasleak eta Ikertzaileak Kontratatzeko Arautegian ezarritakoarekin bat etorriz, II. eranskinean aipatzen diren lan kontratupeko irakasle doktore lanpostuen lehiaketarako deialdia egiten du.

Bigarrena.-Lehiaketa arautzea.

Lehiaketa hau arautuko dute ondoko hauek: Unibertsitateei buruzko abenduaren 21eko 6/2001 Lege Organikoaren IX. Tituluaren I. Kapituluak, Unibertsitate honen Estatutuek, apirilaren 20ko 36/2009 Foru Dekretuak, Nafarroako Unibertsitate Publikoari irakasleak eta ikertzaileak kontratatzeko baimena ematen dionak, Unibertsitate honetako Irakasleak eta Ikertzaileak Kontratatzeko Arautegiak, Gobernu Kontseiluak 2009ko otsailaren 25ean hartutako erabakiaren bidez onetsitakoak eta Nafarroako Unibertsitate Publikoko errektoreak martxoaren 3an onetsitako Ebazpenaren bidez argitaratutakoak (2009ko 44. Nafarroako Aldizkari Ofiziala, apirilaren 13koa), eta deialdi honetako oinarriek.

Hirugarrena.-Izangaien betekizunak.

3.1.-Lehiaketan parte hartzeko 3.2 eta 3.3 oinarrian adierazitako betekizunak bete egin beharko dira lehiaketan parte hartzea eskatzeko ezarritako epea amaitzen den egunean, eta kontratua gauzatzen den arte bete behar dira.

3.2.-Lehiaketa honetan onartua izateko, betekizun orokor hauek eduki behar dira:

a) 16 urte beteak izatea, eta erretiro-adina bete gabe izatea.

b) Honelako lanpostu baterako eskatutako titulu akademikoa izatea edo eskuratzeko baldintzak betetzea. Espainiako Estatutik kanpo ikasi dutenentzat, beharrezkoa izango da atzerriko tituluak homologatzeko eskumena duen Ministerioak baliokidetzea titulazio akademikoa. Europako Batasuneko tituluak dituzten izangaien kasuan, homologazioa aurkeztuko da, edo bestela unibertsitateko irakaslea izateko gaitasuna aitortzen duen egiaztagiria.

c) Deialdiko xede diren lanpostuak betetzea galarazten duen gaixotasunik edo muga fisikorik edo psikikorik ez edukitzea.

d) Ez egotea bereizirik edozein administrazio publikotako zerbitzutik diziplinako espedientea dela kausa, ez egotea funtzio publikoak betetzeko ezgaitua epai irmoaren bidez, edo irakaskuntzarekin bateraezinak diren karguak edo funtzioak betetzea. Abenduaren 26ko 53/84 legeak eta bateraezintasun gaietan lege hori garatzen duten arauek aginduko dute deialdiko lanpostuak betetzeko gaietan. Espainiako nazionalitatea ez duten izangaien kasuan, baldintza hau betetzeko beharrezkoa izango da norberaren Estatuan funtzio publikora sartzea galarazten duten diziplina-zehapen edo kondena penalik ez edukitzea.

e) Espainiako nazionalitatea ez duten izangaiek gaztelaniaren ezagutza egokia eduki behar dute beren eginkizunak garatzeko.

f) Izangaiak Europar Batasunekoak ez badira, Espainian lan egiteko eta bizilekua izateko baimena edukitzea.

g) Hizkuntza gaitasuna euskaraz duten lanpostuak eskatzen dituzten izangaiek Gobernu Kontseiluak 2004ko maiatzaren 25ean onetsitako erabakian, Gobernu Kontseiluak 2009ko maiatzaren 7an onetsitako erabakiak partzialki aldatutakoan, ezarritakoa bete behar dute. Erabaki horrek arautzen du irakasleen hizkuntza gaitasuna balioetsi eta egiaztatzeko prozedura Nafarroako Unibertsitate Publikoan irakaskuntza euskaraz eskainiko den lanpostuetan.

Euskarazko hizkuntza gaitasuna agirien bidez frogatu ezin duten izangaiek beren ezagutza maila proba baten bidez egiaztatzeko eskatu beharko dute. Euskararen Hizkuntza Gaitasuna Balioesten duen Batzordeak prestatuko du egin beharreko proba. Izangaiek, proba egiteko eskabidea eredu ofizialean beteko dute, oinarri hauekin batera VI. eranskin gisa doan horretan, eskaerari erantsita.

3.3.-Betekizun berariazkoak kontratupeko irakasle doktorea izateko.

a) 1. motako kontratupeko irakasle doktorearen lanpostuetarako: doktore tituluaren jabe izatea.

b) Kalitatea Egiaztatu eta Ebaluatzeko Agentzia Nazionalak emandako ebaluazio positiboa edukitzea bakoitzak bere jarduerarako.

Laugarrena.-Eskaerak.

4.1.-Lehiaketetan parte hartu nahi dutenek dagokion eskaera aurkeztuko dute eskatutako lanpostu bakoitzeko, Nafarroako Unibertsitate Publikoaren Erregistro Orokorrean edo Herri Administrazioen Araubide Juridikoaren eta Administrazio Prozedura Erkidearen Legearen 38.4 artikuluan ezarritako edozein prozeduraren bidez, 10 egun balioduneko epean, deialdi hau Nafarroako Aldizkari Ofizialean argitaratzen den egunaren biharamunetik kontatzen hasita.

Eskabidea posta bulego batean aurkeztuz gero, gutun-azal irekian egingo da, posta zerbitzuko funtzionarioak, ziurtatu aurretik, data eta zigilua jar ditzan.

Profila, kategoria eta jakintza arlo berbera duten lanpostuetan, nahikoa izango da dokumentazioa behin aurkeztea.

Eskaerek deialdi honetako III. eranskinean emandako ereduari jarraituko diote, eta ondoko dokumentazioarekin batera aurkeztuko dira:

a) NANaren fotokopia edo, atzerritarra izanez gero, nortasuna eta jaioteguna egiaztatzen dituen agiriaren fotokopia.

b) Doktore tituluaren jatorrizkoa edo fotokopia erkatua.

c) Lehiaketan parte hartzeko 25 euroko tasa ordaindu izana egiaztatzen duen ordezkagiria, Nafarroako Foru Administrazioaren tasei eta salneurri publikoei buruzko martxoaren 27ko 7/2001 Foru Legeak ezarritakoarekin bat etorriz. Diru-kopuru hori Nafarroako Rural Kutxako 3008.0001.18.0700190523 zenbakidun kontu-korrontean sartuko da honako hau adierazirik: "Lan kontratupeko irakasle doktoreen lehiaketa".

Tasak ordaintzetik salbuetsita egongo dira:

1) Ehuneko 33ko edo gehiagoko ezgaitasuna dutenak, hori egiaztatzen badute.

2) Hautaproben deialdia iragarri aurretik hilabetez edo gehiagoz lan-eskatzaile moduan inskribaturik egon direnak. Salbuetsita egoteko baldintza izango da kasuko epean eskainitako inolako lan egokiri uko egin ez izana, eta lanbide sustapen, prestakuntza edo eraberritze jardueretan parte hartzeko uko egin ez izana, justifikaturiko arrazoirik ez badago. Hori egiaztatzeko dagokion Enplegu Bulegoaren ziurtagiria aurkeztu behar da.

Salbuespenaren arrazoia egiaztatzen ez bada, tasa ez ordaintzeak izangaia baztertzea dakar.

Parte hartzeko eskubideak ordaintzeak ez du inolaz ere ordeztuko eskabidea epearen barnean eta behar bezalako forman aurkezteko tramitea.

d) Kalitatea Egiaztatu eta Ebaluatzeko Agentzia Nazionalak emandako izangai bakoitzaren jardueraren ebaluazio positiboa egiaztatzen duen agiriaren jatorrizkoa edo fotokopia erkatua.

e) Ikasketa-espedientearen jatorrizkoa edo fotokopia erkatua.

f) Izangaiaren curriculum vitae xehakatua, baremoaren atalen arabera ordenatuta. Curriculumean zerrendatzen diren eta agiriz justifikatzen diren egindako merezimenduak eskaerak aurkezteko epea bukatzen den egunera arte hartuko dira aintzat.

g) Eskatutako hizkuntza-ezagutzaren maila egiaztatzen duen ziurtagiri ofiziala.

4.2.-Nafarroako Foru Erkidegoan ofizialak diren hizkuntzetan aurkeztu ez diren betekizunen egiaztagiriak zinpeko itzultzailearen itzulpenarekin batera aurkeztuko dira.

Bosgarrena.-Onartuen eta baztertuen zerrenda.

5.1.-Eskabideak aurkezteko epea bukatuta, gehienez ere 10 eguneko epean, Irakasleen Gaietarako errektoreordeak Unibertsitateko iragarki-oholean jarriko du deialdiko lanpostu bakoitzeko lehiaketan onartu eta baztertu diren izangaien behin-behineko zerrenda, eta azken kasu honetan baztertzearen arrazoiak azalduko dira.

Baztertutako edo aipatu gabeko izangaiek hamar egun balioduneko epea edukiko dute, behin-behineko zerrenda jendaurrean jartzen den egunaren biharamunetik kontatzen hasita, eskabidearekin batera aurkeztu behar ziren betebeharrak edo baldintzak aurkezteko, aurkeztu ez direnak interesdunari egozten ahal ez zaizkion arrazoiengatik, eta baztertzea edo ez aipatzea ekarri dutenak ere aurkezteko.

Honako hauek izango dira baztertzeko arrazoiak: eskabidea ezarritako epetik kanpo aurkeztea, lehiaketako lanpostuan eskatzen diren baldintzak ez betetzea edo laugarren oinarrian eskatutako agiriak ez aurkeztea.

5.2.-Euskarazko hizkuntza gaitasuna agirien bidez frogatu ezin duten izangaiei dei egingo zaie euskararen ezagutza egiaztatzeko proba bat egiteko. Proba hori gainditzea onartua izateko baldintza izango da, eta Euskararen Hizkuntza Gaitasuna Balioesten duen Batzordeak prestatuko du, onartuen eta baztertuen behin betiko zerrenda argitaratu baino lehen.

5.3.-Eskaerak osatzeko eta zuzentzeko epea bukatuta eta euskararen ezagutza maila balioesteko proba eginda proba egitea eskatu duten izangaiak baldin badaude, onartuen eta baztertuen behin betiko zerrenda argitaratuko da Unibertsitatearen iragarki oholean.

5.4.-30/1992 Legearen 59.5.b) artikuluan ezarritakoarekin bat etorriz, argitaratze hauek ordezkatuko dute interesdunei igortzen zaien norbanako jakinarazpena, eta horren ondorio berberak izango dituzte.

5,5.-Tasak itzuliko dira beren zergapeko egitatea burutzen ez denean subjektu pasiboari ezin egotzi zaizkion arrazoiengatik. Beraz, ez da tasaren diru-kopurua itzuliko izangaia probetatik baztertua denean interesdunari egozten ahal zaizkion arrazoiengatik. Beraz, deialdian eskatutako betekizunak ez betetzeagatik edo dokumentuak ez emateagatik norbait baztertzen bada, tasak ez dira itzuliko.

Seigarrena.-Kontratazio batzordeak.

6.1.-Dagokion Kontratazio Batzordeak erabakiko du lehiaketa, eta, Nafarroako Unibertsitate Publikoko Irakasleak eta Ikertzaileak Kontratatzeko Arautegiaren 22. artikuluan ezarritakoarekin bat etorriz, bost kidek osatuko dute Batzordea.

6.2.-Kontratazio Batzorde bakoitzaren osaera Ebazpen honen V. eranskinean aipatzen dena da.

6.3.-Batzordeko kideek ez parte hartzearen eta errekusatzearen gaietarako, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/92 Legearen 28. eta 29. artikuluek ezarritakoari jarraituko zaio.

6.4.-Kontratazio Batzordea formalki eratuko da bere jardunean hasi baino lehen, bere kide guztiak bertan direla, gehienez ere hiru hilabeteko epean onartuen eta baztertuen behin betiko zerrenda argitaratzen denetik kontatzen hasita.

Batzordeburuak, gainerako batzordekideekin kontsulta egin ondoren, interesdunei jakinaraziko die, gutxienez 10 eguneko epearekin, non, noiz eta zer ordutan egingo den batzordearen eraketa egintza eta izangaiek lehiaketan parte hartzeko aurkezpen ekitaldia.

Eratzeko ekitaldian, batzordeak lehiakideak balioesteko erabiliko dituen irizpideak ezarriko ditu, baita horien zenbakizko baliospena ere.

Izangaien aurkezpen ekitaldian, izangaiek aurkeztuko diote Kontratazio Batzordeari, hirukoizturik, lehiaketako xedea den lanpostuaren jakintza-arloko irakasgai baten programa zehaztua, bere baitan honako hauek edukiko dituena: gai-zerrenda, bibliografia, curriculum vitaea, irakaskuntzaren helburuak eta metodologia, eta egindako ikerketa-lanak eta izangaiak egin nahi duen ikerketa-jardunaren Proiektua. Horretaz gain, izangaiak lehen aldiko ahozko proba egiteko deituko ditu. Deialdiak zehaztuko du probak zer tokitan, egunetan eta ordutan egingo diren. Lehiatzaile bat baino gehiago badira, proba egiteko hurrenkera zozketatu egingo da. Azkenik probetarako deialdia eta probak egiteko hurrenkera argitaratuko dira.

6.5.-Kontratazio batzordeetako kideek jasoko dituzte Nafarroako Unibertsitate Publikoaren arautegian bileretan parte hartzeagatik ezartzen diren sariak.

Zazpigarrena.-Hautaketa prozedura.

Irakasle kontratatu doktorearen lanpostuetarako, izangaiak aukeratzeko prozedurak bi proba edukiko ditu:

7.1.-Lehen proban, gehienez ere ordubetekoa izango den ahozko azalpena egingo da Batzordearen aurrean, eta gehienez ere ordubetekoa izango den eztabaida izango da batzordekideekin honako gai hauei buruz: izangaiaren curriculum vitaea, irakaskuntza programa eta aurkeztutako ikerketa-proiektua.

Lehenengo proba honek gehienez 40 puntu balioko du, eta gutxienez 20 puntu lortzen ez dituzten lehiatzaileak bazterrera utziko dira.

Lehen proba bukatuta, Batzordeko kide bakoitzak Batzordeko buruari emango dio txosten arrazoitu bat, izangai bakoitzak azaldu dituen curriculum vitaea, eta irakaskuntza eta ikerketa-proiektuak balioesteko, eta zenbakizko puntuak emanez. Batzordeak emandako puntuazioen batez bestekoa egin eta hurrenez hurreneko lehiakideen zerrenda bat prestatuko du, baremoak ezartzen zuen gutxienezko puntuazioa gainditu eta bigarren probara pasatzen direnena.

7.2.-Bigarren proban, gehienez ere ordubetekoa izango den ahozko azalpena egingo da Batzordearen aurrean, eta gehienez ere ordubetekoa izango den eztabaida izango da batzordekideekin, izangaiak bere irakaskuntza programan aurkeztutako eta berak hautatutako gai bati buruz. Batzordeak izangai bakoitzaren balioespena egingo du, arrazoituta eta zenbakizko puntuak esleituz.

Ahozko proba honek gehienez 20 puntu balioko du, eta gutxienez 10 puntu lortzen ez dituzten lehiatzaileak bazterrera utziko dira.

Bi probetako zenbakizko puntuazioak batu eta gero, Batzordeak lehiakideen zerrenda egingo da, hurrenkeraren arabera, eta kontratazio-proposamena egingo du. Berdinketarik badago, Batzordeko kideek bozketa bat egingo dute kontratazio-proposamenaren hurrenkera erabakitzeko; bozketa honetan berdinketarik badago, batzordeburuaren kalitatezko botoak erabakiko du.

Kontrataziorako proposamena egin ahal izateko, azken puntuazioa 30 puntukoa edo gehiagokoa izango da.

Zortzigarrena.-Kontratazio proposamena.

8.1.-Bi probak amaitutakoan eta 3 laneguneko epean, Batzordeak irakasleen gaietan eskudun den Errektoreordetzari aurkeztuko dio balioespen handiena lortu duen izangaiak lanpostua bete dezan proposamena. Ordezkoak ere izendatzen ahalko dira, merezimenduen puntuazioaren hurrenkeran.

Kontratupeko irakasle doktoreen lanpostuetarako, Kontratazio Batzordeak ezin izango du proposatu lehiaketaren xede den lanpostu-kopurua baino izangai gehiago, baina bai ordea txikiagoa den kopurua. Txosten horretan jaso beharko da izangai bakoitzak, baremoa aplikatzean, lortu dituen kalifikazioen zerrenda ordenatua.

8.2.-Kontratazio Batzordeak proposatzen ahalko du lanpostua hutsik geratzea, lanpostuaren baremo espezifikoa aplikatu eta izangaietako inork ez duenean lortzen eskatzen den gutxieneko puntuazioa.

8.3.-Aukeraketa prozesua bukaturik, Kontratazio Batzordeak kontratazio proposamena argitaratuko du, horretarako prestatzen den Unibertsitateko iragarki oholean. Argitaratze horrek, ondorio guztietarako, interesdunei egiten zaien jakinarazpenaren balioa edukiko du.

Proposamenarekin batera, Kontratazio Batzordeak argitaratuko du, hala badagokio, lanpostu bakoitzean eskatzen den gutxieneko puntuazioa berdindu edo gainditu duten izangaien zerrenda hurrenkeraren arabera ordenatua. Unibertsitateak erabiltzen ahalko du aipatu zerrenda, hurrenez hurren gainditu duten izangaiak kontratatzeko, baldin eta proposatzen den izangaiak uko egiten badu.

Bederatzigarrena.-Erreklamazioak.

9.1.-Interesdunek erreklamazioa egiten ahalko dute Kontratazio Batzordeak egiten dituen proposamenen aurka, Nafarroako Unibertsitate Publikoaren Estatutuetako 84.3 artikuluak aipatzen duen Erreklamazio Batzordearen aurrean, bost egun balioduneko epean argitaratzen den egunaren biharamunetik kontatzen hasita. Batzorde honek aurkezten diren erreklamazioak ebatziko ditu.

9.2.-Ebazpen honen aurka gorako errekurtsoa jartzen ahalko da, errektoreari zuzendua.

Gorako errekurtsoaren ebazpenak administrazio-bidea agortzen du, eta bi hilabeteko epean administrazioarekiko auzi-errekurtsoa aurkeztu ahalko da beraren aurka Nafarroako Administrazioarekiko Auzien Epaitegietan, ebazpen hau jakinarazten den egunaren biharamunetik kontatzen hasita.

9.3.-Horretarako ezarritako epean erreklamaziorik aurkezten ez bada, kontratazio proposamena daukan ebazpena emango du errektoreak. Administrazio-bidea agortzen duen ebazpen horren aurka, berraztertzeko errekurtsoa aurkez daiteke, aukeran, errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzien Epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.

Hamargarrena.-Kontratuak formalizatzea eta izenpetzea.

10.1.-Bost egun balioduneko epean, kontratazio proposamena argitaratzen den egunaren biharamunetik kontatzen hasita, lanpostua eskuratu dutenek ondoren zehazten diren agiriak aurkeztu beharko dituzte Langileen Kudeaketarako Atalean, dagokion kontratua formalizatu ahal izateko:

a) Gizarte Segurantzako Erregimen Orokorreko afiliazio-txartelaren fotokopia, hala dagokionean.

b) Bankuko datuak nomina sartzeko.

c) Txartel tamainako argazkia, berriki egindakoa.

d) Bateraezintasunik ez izatearen aitorpena.

10.2.-Kontratatuak izateko eskubidea galduko dute ezarritako epearen barruan, eta ezinbesteko arrazoirik egon ezean, agiriak aurkezten ez dituztenek, edo eta agiriak azterturik, lanpostua betetzeko eskatzen den betebeharreko baldintzaren bat falta dutenek.

Arautegi honen eta dagozkion deialdien ondorio diren lan-kontratuak Unibertsitateei buruzko Lege Organikoa aldatzeko Lege Organikoaren 48. artikuluak eta ondorengoek ezartzen dutenaren mende egongo dira.

10.3.-Kontratua orokorki egingo da eta mugagabea izango da. Irakasle kontratatu doktoreen arduraldia osoa izango da.

Kontratua izenpetzea pertsonala eta besterenganaezina da eta Nafarroako Unibertsitate Publikoko Giza Baliabideen Zerbitzuan egingo da.

Kontratua lanean hasi baino lehen izenpetuko da, 10 egun naturaleko gehieneko epean, lanpostuaren ebazpena argitaratzen den egunaren biharamunetik kontatzen hasita.

Kontratatua dagokion saileko zuzendariaren aurrean aurkeztu beharko da, kontratuak ezartzen duen egunean lanari ekiteko. Kontratuak ezartzen duen egunean lanean hasten ez bada eta Nafarroako Unibertsitate Publikoak uste badu horretarako bidezko arrazoirik ez dagoela, kontratua baliogabetuta geratuko da, eta jardun guztiak deuseztaturik.

Kontratua izenpetzen ez bada edo lan-kontratuduna lanean hasten ez bada, goiko lerroaldeetan aipatzen diren epeetan, interesdunak lanpostuari uko egiten diola ulertuko da. Bi kasuetan, Kontratazio Batzordeak lanpostu horretarako proposatzen duen ordezkoen zerrendan hurrengoa dagoen izangaiari deituko zaio, eta honek epe berdina edukiko du kontratua formalizatzeko.

Hamaikagarrena.-Norberaren datuak babestea.

Norberaren Datuak Babesteko 15/1999 Lege Organikoak (BOE 298 zk., abenduaren 14koa) ezarritakoarekin bat etorriz, izangaiek emandako datuak Langileen fitxategian jasoko dira. Fitxategi horren helburua da Nafarroako Unibertsitate Publikoko langileen kudeaketa, irakaskuntzaren eta ikerketaren kudeaketa, langileen parte-hartzea kudeatzea Unibertsitateko zerbitzuetan eta ekitaldietan, bai eta izangaien parte-hartzea kudeatzea ere hautaketa-prozesuetan. Fitxategi honetan jasotako datuak erabili ahalko dira historiaren, estatistikaren edo zientziaren arloko helburuetarako.

II. ERANSKINA

LANPOSTU ZK.:

SAILA

KATEGORIA

JAKINTZA-ARLOA

IKERKETA-ESKAKIZUNA

4113

Enpresen Kudeaketa

1. motako kontratupeko irakasle doktorea

Merkaturatzea eta Merkatuen Ikerketa

Jakintza-arloarena.

4114

Enpresen Kudeaketa

1. motako kontratupeko irakasle doktorea

Nekazaritzako Politika,

Soziologia eta Ekonomia

Jakintza-arloarena.

4115

Ingeniaritza Elektriko eta Elektronikoa

1. motako kontratupeko irakasle doktorea

Ingeniaritza Elektrikoa.

Jakintza-arloarena.

4116

Ingeniaritza Elektriko eta Elektronikoa

1. motako kontratupeko irakasle doktorea

Teknologia Elektronikoa

Material nanoegituratuetan oinarritutako zuntz optikozko sentsoreak

4117

Psikologia eta Pedagogia

1. motako kontratupeko irakasle doktorea

Zientzia Esperimentalen Didaktika.

Naturaren Zientziak eta haien Didaktika. Euskarazko hizkuntza-gaitasuna.

4118

Psikologia eta Pedagogia

1. motako kontratupeko irakasle doktorea

Didaktika eta Ikastetxearen Erakuntza, amortizatzea.

Ekitatea, Hezkuntza eta Generoa Euskarazko hizkuntza-gaitasuna.

4119

Gizarte Lana

1. motako kontratupeko irakasle doktorea

Gizarte Antropologia

Etnia eta genero nortasunak. Azterketa feministak.

ANEXO III / III. ERANSKINA

F1017094_0.pdf

IV. ERANSKINA

Kontratupeko irakasle doktorearen lanpostuetarako baremoa

Unibertsitateei buruzko Lege Organikoa aldatzen duen Lege Organikoaren 52. artikuluak arautzen dituen irakasle kontratatu doktoreen lanpostuetarako, honako baremo hau finkatuko da.

1. Lehenengo proba: gehienez 40 puntu. Gutxienez 20 puntu lortzen ez dituzten lehiakideak baztertu egingo dituzte. Jardueraren eta lanpostuko eskakizunen arteko harremanari dagokionez, honako elementu hauek balioetsiko dira:

a) Ikerketa lanak eta zientziaren arloko argitalpenak (gehienez 18 puntu).

b) Unibertsitateko irakaslanak, behar bezala egiaztaturik kontratuaren bidez eta jarduera balioesteko txostenaren bidez (gehienez 10 puntu).

c) Irakaskuntza-proiektua (gehienez 8 puntu). Honako hauek edukiko ditu: gaiak, bibliografia, helburuak eta irakasteko metodologia.

d) Beste merezimendu batzuk (gehienez 4 puntu). Atal honetan, Batzordearen irizpidearen arabera, ondokoak balioetsiko dira: unibertsitatetik kanpo egindako lana, hizkuntzak, jasotako berezitasun-ikastaroak, beste titulazio batzuk, bekak, sariak eta lehiakideak ematen duen beste edozein datu.

Batzordekide bakoitzak balioetsiko ditu izangaien merezimenduak, eta proba honetako puntuazioa izangai bakoitzari ematen zaion puntuazioaren batez besteko aritmetikoa izango da.

2. Bigarren proba: gehienez 20 puntu. Irizpide orokor gisa, balioetsiko dira bai azaldutako edukiak bai azalpenaren beraren irakaskuntza kalitatea. Gutxienez 10 puntu lortzen ez dituzten lehiakideak baztertu egingo dituzte.

3. Azken puntuazioa bi probetako zenbakizko puntuazioen batura izango da.

Kontrataziorako proposamena egin ahal izateko, azken puntuazioa 30 puntukoa edo gehiagokoa izango da.

V. ERANSKINA

Lanpostu zk.: 4113.

-1. motako kontratupeko irakasle doktorea.

Saila: Enpresen Kudeaketa.

Jakintza-arloa: Merkaturatzea eta Merkatuen Ikerketa.

Ikerketa-eskakizuna: Jakintza-arloarena.

Kopurua: lanpostu bat.

-Batzorde titularra.

Batzordeburua: José Miguel Múgica Grijalba jauna, Nafarroako Unibertsitate Publikoko U.K.

1. mahaikidea: María Jesús Yagüe Guillén andrea, Madrilgo Unibertsitate Autonomoko U.K.

2. mahaikidea: Margarita Elorz Domezain andrea, Nafarroako Unibertsitate Publikoko U.T.

3. mahaikidea: Mercedes Sánchez García andrea, Nafarroako Unibertsitate Publikoko U.T.

4. mahaikidea: Ildefonso Grande Esteban jauna, Nafarroako Unibertsitate Publikoko U.T.

-1. ordezko batzordea.

Batzordeburua: Rafael Santamaría Aquilué jauna, Nafarroako Unibertsitate Publikoko U.K.

1. mahaikidea: Carmen Berné Manero andrea, Zaragozako Unibertsitateko U.K.

2. mahakidea M.ª Luisa Villanueva Orbaiz andrea, Nafarroako Unibertsitate Publikoko U.T.

3. mahaikidea: Marta Pedraja Iglesias andrea, Zaragozako Unibertsitateko U.T.

4. mahaikidea: Ángel Fernández Nogales jauna, Madrilgo Unibertsitate Autonomoko U.T.

-2. ordezko batzordea.

Batzordeburua: Emilio Huerta Arribas jauna, Nafarroako Unibertsitate Publikoko U.K.

1. mahaikidea: Mercedes Esteban Bravo andrea, Carlos III Unibertsitateko U.T.

2. mahaikidea: Javier Cebollada Calvo jauna, Nafarroako Unibertsitate Publikoko U.T.

3. mahaikidea: José Manuel Vidal Sanz jauna, Madrilgo Carlos III Unibertsitateko U.T.

4. mahaikidea: Nora Lado Cousté andrea, Madrilgo Carlos III Unibertsitateko U.T.

Lanpostu zk.: 4114.

-1. motako kontratupeko irakasle doktorea.

Saila: Enpresen Kudeaketa.

Jakintza-arloa: Nekazaritzako Politika, Soziologia eta Ekonomia.

Ikerketa-eskakizuna: Jakintza-arloarena.

Kopurua: lanpostu bat.

-Batzorde titularra.

Batzordeburua: José Colino Sueiras jauna, Murtziako Unibertsitateko U.K.

1. mahaikidea: Ana María Aldanondo Ochoa andrea, Nafarroako Unibertsitate Publikoko U.T.

2. mahaikidea: M.ª Teresa García López de Meneses andrea, Nafarroako Unibertsitate Publikoko U.T.

3. mahaikidea: Javier Merino Díaz de Cerio jauna, Nafarroako Unibertsitate Publikoko U.T.

4. mahaikidea: Elena Calvo Calzada andrea, Zaragozako Unibertsitateko U.T.

-1. ordezko batzordea.

Batzordeburua: Lorenzo Federico Avellá Reus jauna, Valentziako Unibertsitate Politeknikoko U.K.

1. mahaikidea: M.ª Ángela Xabadia Palmada andrea, Gironako Unibertsitateko U.T.

2. mahaikidea: Inmaculada Astorkiza Ikazuriaga andrea, Euskal Herriko Unibertsitateko U.T.

3. mahaikidea: Pablo Archel Domench jauna, Nafarroako Unibertsitate Publikoko U.T.

4. mahaikidea: Cristina Modorrán García andrea, Nafarroako Unibertsitate Publikoko U.T.

-2. ordezko batzordea.

Batzordeburua: Rafael Santamaría Aquilué jauna, Nafarroako Unibertsitate Publikoko U.K.

1. mahaikidea: Mercedes Sánchez García andrea, Nafarroako Unibertsitate Publikoko U.T.

2. mahaikidea: Katrín Simón Elorz andrea, Nafarroako Unibertsitate Publikoko U.T.

3. mahaikidea: Rafaela Dios Palomares andrea, Kordobako Unibertsitateko U.T.

4. mahaikidea: José Miguel Martínez Paz jauna, Murtziako Unibertsitateko U.E.T.

Lanpostu zk.: 4115.

-1. motako kontratupeko irakasle doktorea.

Saila: Ingeniaritza Elektriko eta Elektronikoa.

Jakintza-arloa: Ingeniaritza Elektrikoa.

Ikerketa-eskakizuna: Jakintza-arloarena.

Kopurua: lanpostu bat.

-Batzorde titularra.

Batzordeburua: Blas Hermoso Alameda jauna, Nafarroako Unibertsitate Publikoko U.K.

1. mahaikidea: Luis Marroyo Palomo jauna, Nafarroako Unibertsitate Publikoko U.T.

2. mahaikidea: Pablo Sanchis Gúrpide jauna, Nafarroako Unibertsitate Publikoko U.T.

3. mahaikidea: Carlos Fernández Valdivielso jauna, Nafarroako Unibertsitate Publikoko U.T.

4. mahaikidea: Francisco Javier Arregui San Martín jauna, Nafarroako Unibertsitate Publikoko U.K.

-1. ordezko batzordea.

Batzordeburua: Mario Sorolla Ayza jauna, Nafarroako Unibertsitate Publikoko U.K.

1. mahaikidea: Miguel Ángel Gómez Laso jauna, Nafarroako Unibertsitate Publikoko U.T.

2. mahaikidea: Alayn Loayssa Lara, jauna Nafarroako Unibertsitate Publikoko U.T.

3. mahaikidea: Ignacio Raúl Matías Maestro jauna, Nafarroako Unibertsitate Publikoko U.K.

4. mahaikidea: Íñigo Ederra Urzainqui jauna, Nafarroako Unibertsitate Publikoko U.T.

-2. ordezko batzordea.

Batzordeburua: M.ª José Garde Alduncin andrea, Nafarroako Unibertsitate Publikoko U.K.

1. mahaikidea: Gonzalo Abad Biain jauna, Mondragon Unibertsitateko U.T.

2. mahaikidea: Hugo Valderrama Blavi jauna, Rovira i Virgil Unibertsitateko U.T.

3. mahaikidea: Jesús M.ª Corres Sanz jauna, Nafarroako Unibertsitate Publikoko U.T.

4. mahaikidea: David Benito Pertusa jauna, Nafarroako Unibertsitate Publikoko U.K.

Lanpostu zk.: 4116.

-1. motako kontratupeko irakasle doktorea.

Saila: Ingeniaritza Elektriko eta Elektronikoa.

Jakintza-arloa: Teknologia Elektronikoa.

Ikerketa-eskakizuna: Material nanoegituratuetan oinarritutako zuntz optikoko sentsoreak.

Kopurua: lanpostu bat.

-Batzorde titularra.

Batzordeburua: Ignacio Raúl Matías Maestro jauna, Nafarroako Unibertsitate Publikoko U.K.

1. mahaikidea: Francisco J. Arregui San Martín jauna, Nafarroako Unibertsitate Publikoko U.K.

2. mahaikidea: Cándido Bariáin Aisa jauna, Nafarroako Unibertsitate Publikoko U.T.

3. mahaikidea: Miguel Ángel Gómez Laso jauna, Nafarroako Unibertsitate Publikoko U.T.

4. mahaikidea: David Benito Pertusa jauna, Nafarroako Unibertsitate Publikoko U.K.

-1. ordezko batzordea.

Batzordeburua: Manuel López-Amo Sainz jauna, Nafarroako Unibertsitate Publikoko U.K.

1. mahaikidea: Pablo Sanchis Gúrpide jauna, Nafarroako Unibertsitate Publikoko U.T.

2. mahaikidea: Mario Sorolla Ayza jauna, Nafarroako Unibertsitate Publikoko U.K.

3. mahaikidea: Antonio López Martín jauna, Nafarroako Unibertsitate Publikoko U.T.

4. mahaikidea: Pedro María Gil Izco jauna, Nafarroako Unibertsitate Publikoko U.T.

-2. ordezko batzordea.

Batzordeburua: Antonio Lumbreras Azanza jauna, Nafarroako Unibertsitate Publikoko U.K.

1. mahaikidea: Irene Zabala Martínez andrea, Nafarroako Unibertsitate Publikoko U.T.

2. mahaikidea: Luis M.ª Marroyo Palomo jauna, Nafarroako Unibertsitate Publikoko U.T.

3. mahaikidea: Carlos Fernández Valdivielso jauna, Nafarroako Unibertsitate Publikoko U.T.

4. mahaikidea: María José Erro Betrán andrea, Nafarroako Unibertsitate Publikoko U.T.

Lanpostu zk.: 4117

-1. motako kontratupeko irakasle doktorea.

Saila: Psikologia eta Pedagogia.

Jakintza-arloa: Zientzia Esperimentalen Didaktika.

Ikerketa-eskakizuna: Naturaren Zientziak eta haien Didaktika. Euskarazko hizkuntza-gaitasuna.

Kopurua: lanpostu bat.

-Batzorde titularra.

Batzordeburua: Fermín González García jauna, Nafarroako Unibertsitate Publikoko U.K.

1. mahaikidea: Javier Arlegui De Pablos jauna, Nafarroako Unibertsitate Publikoko U.T.

2. mahaikidea: M.ª José Gil Quílez andrea, Zaragozako Unibertsitateko U.T.

3. mahaikidea: Rosa Pujol Villalonga andrea, Bartzelonako Unibertsitate Autonomoko U.T

4. mahaikidea: Begoña Martínez Peña andrea, Zaragozako Unibertsitateko U.T.

-1. ordezko batzordea.

Batzordeburua: Merce Izquierdo Aymerich andrea, Bartzelonako Unibertsitate Autonomoko U.K.

1. mahaikidea: Concepció Márquez Bargalló andrea, Bartzelonako Unibertsitate Autonomoko U.T.

2. mahaikidea: Pedro Membiela Iglesia jauna, Vigoko Unibertsitateko U.T.

3. mahaikidea: Pablo Sotés Ruíz jauna, Nafarroako Unibertsitate Publikoko U.T.

4. mahaikidea: Rosario García Gómez andrea, Errioxako Unibertsitateko U.T.

-2. ordezko batzordea.

Batzordeburua: Rafael Porlán Ariza jauna, Sevillako Unibertsitateko U.K.

1. mahaikidea: Vicente San José López jauna, Valentziako Unibertsitateko U.T.

2. mahaikidea: Rosario Fernández Manzanal andrea, Zaragozako Unibertsitateko U.T.

3. mahaikidea: José Miguel Calvo Hernández jauna, Zaragozako Unibertsitateko U.T.

4. mahaikidea: José Carrasquer Zamora jauna, Zaragozako Unibertsitateko U.T.

Lanpostu zk.: 4118.

-1. motako kontratupeko irakasle doktorea.

Saila: Psikologia eta Pedagogia.

Jakintza-arloa: Didaktika eta Ikastetxearen Erakuntza. Euskarazko hizkuntza-gaitasuna.

Ikerketa-eskakizuna: Ekitatea, Hezkuntza eta Generoa.

Kopurua: lanpostu bat.

-Batzorde titularra.

Batzordeburua: Jorge Torres Santomé jauna, A Coruñako Unibertsitateko U.K.

1. mahaikidea: Benjamín Zufiaurre Goicoechea jauna, Nafarroako Unibertsitate Publikoko U.K.

2. mahaikidea: Felipa Etxeberria Sagastume andrea, Euskal Herriko Unibertsitateko U.K.

3. mahaikidea: Francisco Barragán Medero jauna, La Laguna Unibertsitateko U.T.

4. mahaikidea: Nieves Blanco García andrea, Malagako Unibertsitateko U.T.

-1. ordezko batzordea.

Batzordeburua: Migue Ángel Santos Guerra jauna, Malagako Unibertsitateko U.K.

1. mahaikidea: M.ª Luisa Sanz de Acedo Lizarraga andrea, Nafarroako Unibertsitate Publikoko U.T.

2. mahaikidea: Javier Fernández Montalvo jauna, Nafarroako Unibertsitate Publikoko U.T.

3. mahaikidea: José Ignacio Rivas Flores jauna, Malagako Unibertsitateko U.T.

4. mahaikidea: Amaia Mendizábal Ituarte andrea, Euskal Herriko Unibertsitateko U.T.

-2. ordezko batzordea.

Batzordeburua: Juana M.ª Sancho Gil andrea, Bartzelonako Unibertsitateko U.K.

1. mahaikidea: Jaione Apalategi Berastegi andrea, Nafarroako Unibertsitate Publikoko U.T.

2. mahaikidea: Inés Gabari Gambarte andrea, Nafarroako Unibertsitate Publikoko U.T.

3. mahaikidea: Francisco Imbernon Muñoz jauna, Bartzelonako Unibertsitateko U.K.

4. mahaikidea: José Contreras Domingo jauna, Bartzelonako Unibertsitateko U.T.

Lanpostu zk.: 4119.

-1. motako kontratupeko irakasle doktorea.

Saila: Gizarte Lana.

Jakintza-arloa: Gizarte Antropologia.

Ikerketa-eskakizuna: Identitate etnikoak eta generokoak. Ikerketa feministak.

Kopurua: lanpostu bat.

-Batzorde titularra.

Batzordeburua: Aurora González Echevarria andrea, Bartzelonako Unibertsitate Autonomoko U.K.

1. mahaikidea: Dolors Comas D'Argemir andrea, Rovira i Virgil Unibertsitateko U.K.

2. mahaikidea: José María Uribe Oyarbide jauna, Nafarroako Unibertsitate Publikoko U.T.

3. mahaikidea: Cristina Larrea Killinger andrea, Bartzelonako Unibertsitateko U.T.

4. mahaikidea: Josep Comelles Esteban jauna, Rovira i Virgili Unibertsitateko U.K.

-1. ordezko batzordea.

Batzordeburua: M.ª Jesús Buxó Rey andrea, Bartzelonako Unibertsitateko U.K.

1. mahaikidea: Juan José Pujadas Muñoz jauna, Rovira i Virgili Unibertsitateko U.K.

2. mahaikidea: Jesús Azcona Mauleón jauna, Euskal Herriko Unibertsitateko U.K.

3. mahaikidea: Pedro Tomé Martín jauna, I.Z.K.N.-C.S.I.C.eko ikertzailea

4. mahaikidea: Charo Otegui Pascual andrea, Madrilgo Unibertsitate Konplutentseko U.T.

-2. ordezko batzordea.

Batzordeburua: D. Ignasi Terradas i Saborit jauna, Bartzelonako Unibertsitateko U.K.

1. mahaikidea: M.ª Isabel Jociles Rubio andrea, Madrilgo Unibertsitate Konplutentseko U.T.

2. mahaikidea: Anastasia Téllez Infantes andrea, Miguel Hernández Unibertsitateko U.T.

3. mahaikidea: María Valdés Gázquez andrea, Bartzelonako Unibertsitate Autonomoko U.T.

4. mahaikidea: Victor Bretón Sólo de Zaldívar jauna, Lleidako Unibertsitateko U.T.

ANEXO VI/VI. ERANSKINA

F1017094_1.pdf

Iragarkiaren kodea: F1017094