1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
86/2010 FORU AGINDUA, irailaren 24koa, Osasuneko kontseilariak emana, Osasun Departamentuaren eta haren erakunde autonomoaren egituratik zenbait administrazio unitate kentzen dituena.
Osasun Departamentuaren eta haren erakunde autonomoen egitura organikoa honako hauen bidez arautu da: otsailaren 24ko 45/2005 Foru Dekretua, Osasun Departamentuaren egitura organikoa ezartzen duena; uztailaren 3ko 45/2006 Foru Dekretua, Osasunbidea-Nafarroako Osasun Zerbitzuaren estatutuak onesten dituena; eta apirilaren 10eko 16/2006 Foru Agindua, Nafarroako Lan Osasunaren Institutua erakunde autonomoaren estatutuak onesten dituena.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 24.4 artikuluak kontseilariei esleitzen die bulegoak eta hortik beherako unitateak kentzeko ahalmena.
Bestalde, Osasunbidea-Nafarroako Osasun Zerbitzuaren Estatutuen 2.2.g) artikuluak adierazten du departamentuko titularrari dagokiola Osasunbidea-Nafarroako Osasun Zerbitzuaren egituraren garapen funtzionala hobetzeko behar diren atalak eta zerbitzuen azpiko unitate organikoak kentzeko eskumena, erakundearen zuzendari kudeatzaileak proposatuta, eta aurretik antolaketaren eta funtzio publikoaren arloan eskumena duten departamentuek txostena eginda.
Bestalde, Nafarroako Lan Osasunaren Institutua erakunde autonomoaren estatutuak onesten dituen apirilaren 10eko 16/2006 Foru Dekretuaren 36. artikuluak ezartzen du Nafarroako Lan Osasunaren Institutua erakunde autonomoaren garapen funtzionala hobetzeko beharrezkoak diren ataletik beherako unitate organikoak kentzea Osasun Departamentuko titularrari dagokiola, erakunde autonomoaren zuzendari kudeatzaileak proposatuta eta aurretik antolaketaren eta funtzio publikoaren arloan eskumena duten departamentuek txostena eginda.
Nafarroako Gobernuak 2009ko irailaren 21ean hartutako Erabakiaren bidez, Nafarroako Foru Komunitateko Administrazioan eta haren erakunde autonomoetan dauden administrazio unitateak murrizteko agindu zen, eta adierazi Foru Komunitateko Administrazioaren departamentuetako bakoitzak Nafarroako Gobernuari proposatu behar zizkiola bere egitura organikoan egin beharreko aldaketak. Zehazki, Osasun Departamentuari eta haren erakunde autonomoei 25 unitate organiko kentzea dagokie.
Erabaki hori betez, Osasun Departamentuaren eta haren erakunde autonomoen egitura organikoa murriztea du xede foru agindu honek.
Horrenbestez, aurretik aipatutako artikuluek emandako eskudantziak erabiliz,
AGINDU DUT:
1. Osasun Departamentuaren eta haren erakunde autonomoen egitura organikotik administrazio unitate hauek kentzea:
a) Osasun Departamentuan:
Osasun Zuzendaritza Nagusia:
-Osasun Publikoaren Zerbitzuko Administrazio Aferetarako Bulegoa.
Idazkaritza Tekniko Nagusia:
-Kudeaketa Ekonomikoaren Ataleko Aurrekontuen Kontrolerako Bulegoa.
-Barne Araubideko Ataleko Langileriaren Kudeaketako eta Zerbitzu Orokorretako Bulegoa.
b) Osasunbidea-Nafarroako Osasun Zerbitzua erakunde autonomoan:
Anbulatorioak eta Ospitalez kanpoko Laguntza:
-Psikogeriatrikoko Administrazio Ekonomikoaren Unitatea.
-Adimen Osasuneko Langileria Unitatea.
-Odol Transfusiorako Zentroaren Kudeaketa Unitatea.
-Psikogeriatrikoko Administrazio Atala.
Oinarrizko Osasun Laguntza:
-Zizur-Etxabakoizko OOLTko Administrazio Unitatea.
-Donibaneko OOLTko Administrazio Unitatea.
-Zangozako OOLTko Administrazio Unitatea.
-Burlatako OOLTko Administrazio Unitatea.
Nafarroako "D" Ospitalegunea (lehengo Ubarmin Klinika).
-Harrera eta Agiritegi Unitatea.
-Sukalde Unitatea.
Lizarrako Osasun Barrutia:
-Nomina eta Gizarte Aseguruen Unitatea.
Nafarroako "A" Ospitalegunea (lehengo Nafarroako Ospitalea).
-Lan Osasunaren Unitatea.
-Lantegi Unitatea.
-Nomina Unitatea.
Nafarroako "B" Ospitalegunea (lehengo Bideko Ama Birjina Ospitalea).
-Harrera Unitatea.
-Kalitatearen Kudeaketarako Atala.
-Gizarte Lanaren Unitatea.
Zerbitzu Zentralak:
-Araubide Juridiko eta Administratiboaren Unitatea.
-Obra Unitatea.
Tuterako Osasun Barrutia:
-Lan Osasunaren Unitatea.
-Prestazio eta Itun Atala.
c) Nafarroako Lan Osasunaren Institutua erakunde autonomoan:
-Laneko Arriskuei Aurrea hartzeko Atal Teknikoko Eraikuntzako Arriskuei Aurrea hartzeko Unitatea.
2. Foru agindu hau jakinaraztea Funtzio Publikoaren Zuzendaritza Nagusiari, Osasunbidea-Nafarroako Osasun Zerbitzuko zuzendari kudeatzaileari eta Giza Baliabideen zuzendariari, behar diren ondorioak izan ditzan.
Xedapen Indargabetzailea.
Indargabetu egin dira foru agindu honetan xedatutakoaren kontrakoak diren maila bereko edo apalagoko xedapen guztiak.
Azken xedapena.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2010eko irailaren 24an.-Osasuneko kontseilaria, María Kutz Peironcely.
Iragarkiaren kodea: F1015957