4. PROZEDURA JUDIZIALAK
IRUÑEKO LAN ARLOKO 4. EPAITEGIA
Jakinarazpen ediktua. 422/2009 demanda
Carlos Julián Castillo Sanrománek, Ioritz Zarate Marzok, Kenneth Gallardo Echartek, Alexander Goñi Roldánek, Damián Toba Campañak eta Xabier Hidalgo Cruzek eskaturik, Luis Javier Goñi Roldánen eta Adisa, S.L.ren aurka bideratu den 422/2009 demanda-prozeduran, xedapen zatian hauxe dioen ebazpena eman da gaurko egunean:
Carlos Julián Castillo Sanromán demandatzailea 4.600 euroren erreklamazioan atzera egintzat jotzen dut. Carlos Julian Castillo Sanromanek, Ioritz Zarate Marzok, Keneth Gallardo Echartek, Alexander Goñi Roldánek, Damian Toba Campañak eta Xabier Hidalgo Cruzek Luis Javier Goñi Roldánen eta Adisa, S.L.ren aurka jarritako demanda baiesten dut, eta horrenbestez bi demandatuak solidarioki kondenatzen ditut demandatzaileei hurrenez hurren 6.593,83 euro, 4.855,34 euro, 3.965,36 euro, 5.820,98 euro, 3.965,36 euro eta 2.788,44 euro ordaintzera, gehi urtean %10eko berandutza-interesak.
Epai honen aurka bidezko da erregutze-errekurtsoa aurkeztea Nafarroako Justizia Auzitegi Nagusiko Lan arloko Salari zuzendua, jakinarazpena egin eta ondoko bost egunetan. Horretarako, aski izanen da jakinarazpena egiten denean alderdiak, haren abokatuak edo ordezkariak asmo horren berri ematea, baina zilegi da, orobat, adierazitako epean pertsona horiek agertzea edo idazkia aurkeztea.
Errekurtsoa iragartzearekin batera, epaitegi honek Baneston (Nafarroako Gorteen kalea, 0030-8025 zenbakiko bulegoa) duen Gordailu eta Kontsignazioen Kontuan, hots, 4148.0000.65 0422 09 kontuan, 150,25 euro sartu izanaren gordekina aurkeztuko da, eta horrez gainera, aparteko eragiketa batean, banku eta bulego berean baina 4148.0000.67. 0422 09 kontuan, kondenaren xede den dirua sartu izanarena. Diru sarrerak banku-transferentziaren bidez egiten badira, 8025 zenbakia jarri beharko da, bulego hartzailearen gako gisa.
Diru kopuru horren ordez banku-abala aurkez daiteke, abal-emailearen erantzukizun solidarioa jaso beharko duena.
Errekurtsoa aurkezteko asmoaren berri ematean, errekurtsoaz arduratuko den legelaria izendatuko da, dela idazki baten bidez, dela bertan agertuz, bestela ofizioz izendatuko baita, doako justizia izateko eskubidea duen langilea edo enpresaburua bada.
Beraz, epai honen bidez, behin betiko epaituz, hori aldarrikatu, agindu eta sinatzen dut.
Eta Luis Javier Goñi Roldáni legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2010eko urtarrilaren 7an.-Idazkari judiziala, Alfonso Pérez Ruiz.
Iragarkiaren kodea: J1000320
