2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MENDIALDEA MANKOMUNITATEA
Hiri hondakinen bilketari dagozkion karga-tasak,
2010eko ekitaldian indarra izanen dutenak
Mendialdea Mankomunitatearen Batzar Nagusiak, 2009ko abenduaren 29an egin bilkuran, besteak beste, ondoko erabakia onetsi zuen, Nafarroako Toki Ogasunei buruzko martxoaren 10eko 2/1995 Foru Legeak ezarritakoari jarraikiz. Hona hemen testua osorik:
1.-Karga-tasak, 2010. urtekoak.
Bilketaren tasak.
| TARIFAREN DESKRIBAPENA | TARIFA |
Etxe eta etxebizitzak |
1. Etxebizitzak | Hiriguneko etxe eta etxebizitzak | 84,00 |
2. Etxebizitza sakabanatuak | Hirigunetik kanpoko etxe eta etxebizitzak | 42,00 |
Lan bulegoak |
3. Lan bulegoak eta banketxeak | Gestoriak, agentziak, kabineteak, notariotzak, erregistroak, bitxi-dendak, erloju-dendak, banketxeak, irabazi asmorik gabeko kultur elkarteak, langile liberal, elektrizitate- eta iturgintza-instalatzaile, margolari eta gainerako langileendako lokalak. | 120,00 |
Merkataritza |
4. Janaririk saltzen ez dutenak | | 160,00 |
5. 1. motako janari saltokiak | Barazkirik gabeko janari saltokiak eta dendak, kalez kaleko azokako postu finkoak, harategiak eta prestalekurik gabeko gozotegiak | 200,00 |
6. 2. motako janari saltokiak | Prestalekua duten gozotegiak, arraindegiak eta barazkiak dituzten janari dendak | 240,00 |
7. 3. motako janari saltokiak | Supermerkatuak eta autozerbitzuak (150 m² baino handiagoak) | 320,00 |
Ostatuak eta jatetxeak |
8. Tabernak, elkarteak, dantzalekuak eta diskotekak | Tabernak, kafetegiak, gastronomia elkarteak, taberna duten kirol elkarteak, dantzalekuak, diskotekak, kasinoak eta erretirodunen elkarteak (kanpoko bezeroak hartzen badira) | 280,00 |
9. Jatetxeak | | 360,00 |
10. Landa-etxeak | | 200,00 |
11. Ostatuak eta aterpetxeak | | 320,00 |
12. Hotelak, hostalak eta kanpinak | | 400,00 |
Zerbitzuak |
13. Bulego publikoak eta elizak | Udaletxea, bulego eta erakunde publikoak, liburutegiak, museoak, kultur etxeak, epaitegiak eta elizak | 120,00 |
14. Haurtzaindegiak, akademiak eta jantokirik gabeko ikastetxeak | | 200,00 |
15. Jantokia duten ikastetxeak | | 400,00 |
16. Egoitzak eta zahar etxeak. | | 800,00 |
17. Guardi zibilaren kuartelak eta gasolindegiak | | 800,00 |
18. Anbulatorioak, osasun-etxeak eta beilatokiak | | 160,00 |
Industriakoa |
19. 1. motako industriak | Industriak eta lantegiak (<30 langile) | 200,00 |
20. 2. motako industriak | Industriak eta lantegiak (30-60 langile) | 400,00 |
21. 3. motako industriak | Industriak eta lantegiak (60-150 langile) | 800,00 |
22. 4. motako industriak | Industriak eta lantegiak (150-300 langile) | 1.200,00 |
23. 5. motako industriak | Industriak eta lantegiak (> 300) | 2.000,00 |
2.-Erabaki honek 2010. urteko urtarrilaren batean hartuko du indarra.
3.-Hau guztia jakinarazten dizut jakin dezazun, eta behar diren ondorioetarako, ohartaraziz erabaki horren kontra ondoko errekurtsoak jartzen ahal direla, hautara:
a) Berraztertzeko errekurtsoa, ebazpen hau eman duen organoari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
b) Administrazioarekiko auzi-errekurtsoa baino lehen eta hautara, gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau jakinarazten denetik aitzina.
c) Administrazioarekiko auzi-errekurtsoa, bi hilabeteko epean, Nafarroako Aldizkari Ofizialean argitaratu eta biharamunetik aitzina, Nafarroako Auzitegi Nagusiko Administrazioarekiko Auzien sailari zuzendua, 26/1998 Legearen 8.1 artikuluan aurreikusten diren kasuetan izan ezik, halakoetan Administrazioarekiko Auzien Epaitegian aurkeztuko baitira.
Leitzan, 2009ko abenduaren 30ean.-Burua, Javier Zabalo Betelu.
Iragarkiaren kodea: L1000311
