Iragarkia

13. ALDIZKARIA - 2010eko urtarrilaren 29a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzaileak urtarrilaren 12an emandako 2/2010 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko basogintzako ingeniari izateko lau lanpostu oposizio bidez betetzekoa.

Nafarroako Administrazio Publikoaren Institutuko zuzendari kudeatzaileak, urtarrilaren 12ko 2/2010 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko basogintzako ingeniari izateko lau lanpostu oposizio bidez betetzeko deialdia onetsi du.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsia, aipatu estatutua garatu eta betearazteko Sarrera Erregelamendua, gainerako aplikazio arauak eta deialdi honen oinarriak.

oinarriak

1.-Deialdiaren xedea.

1.1. Deialdi honen xedea da basogintzako ingeniari izateko 4 lanpostu oposizio bidez betetzea, funtzionarioen araubidekoak eta A mailakoak, Iruñean aritzekoak. Ondorengo txandetan banatzen dira:

-2 lanpostu txanda irekian.

-2 lanpostu igoera txandan.

1.2. Deialdiko lanpostu hutsak hauek dira:

4 Landa Garapeneko eta Ingurumeneko Departamentuko Ingurumenaren eta Uraren Zuzendaritza Nagusiari atxikiak. Lanpostuen zenbakiak: 6866, 6862, 1447 eta 3953.

1.3. Igoera txandako lanpostuak hutsik geldituz gero, izangaiek ez dutelako lortu hautaprobak gainditzeko behar den gutxieneko puntuazioa, txanda irekikoei gehituko zaizkie.

Bestaldetik, igoera txandan, hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek aukera izanen dute txanda irekiko lanpostuak eskuratzeko, aurreko lerroaldean adierazitako modu berean.

1.4. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan ezarritakoari jarraikiz.

1.5. Halaber, deialdi honen bidez sarrerako hautapen prozesuan lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira, 10. oinarrian xedatutakoarekin bat:

a) Probak gainditu arren lanposturik lortu ez duten izangaien zerrenda.

b) Oposizioko bigarren ariketa gainditu arren ariketa guztiak gainditu ez dituzten izangaien zerrenda, Administrazio Erroan aldi baterako kontratatuak izateko.

2.-Betebeharrak.

2.1. Oposizio honetan onartuak izateko, izangaiek, eskabideak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiarra izatea, edo Europar Batasuneko beste estatu batekoa edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, parte har dezakete espainiarren eta Europar Batasuneko beste estatuetako herritarren ezkontideek, edo aipatu nazioarteko itunek ukitutako estatuetako herritarren ezkontideek, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Basogintzako ingeniariaren titulua edo baliokidea izatea, edo eskabideak aurkezteko epea bukatzen den egunean titulu hori eskuratzeko moduan egotea.

Atzerrian lortutako tituluak badira, homologazioaren frogagiria eduki beharko da.

d) B motako ibilgailuen gidabaimena izatea.

e) Bete behar dituen eginkizunetan aritzeko adinako gaitasun fisikoa eta psikikoa izatea.

f) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute ez dutela diziplina zehapenik edo zigor penalik beren estatuko funtzio publikoan sartzea eragozten dienik.

2.1.2. Igoera txandako izangaiek bete beharreko baldintzak.

Igoera txandako izangaiek, aurreko atalean adierazitako betebeharrez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako polizia kidegoetako kideen kasuan izan ezik, horiek frogatu beharko baitute zortzi urtez benetan eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko gainerako baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiaren 3.3 oinarriaren B) letran aipatzen den salbuespena salbuespen, izendatuak izateko proposatzen diren izangaiek deialdiaren 7.2 atalean ezarritako epean eta moduan frogatu beharko dituzte betebehar horiek.

3.-Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako Aldizkari Ofizialean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako Aldizkari Ofizialean argitaratu eta biharamunetik hogeita hamar egun naturaleko epean.

Eskabidea posta bulego batean aurkeztuz gero, gutun-azal irekian eginen da, postako langileek data eta zigilua jar ditzaten, ziurtatu aurretik.

Eskabideak deialdi honen eranskineko ereduari lotu behar zaizkio eta, horietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen den aldizkari ofizialetik abiatuta, bai atal honetatik abiatuta: "Zerbitzuak", "Enplegu Publikoa".

3.2. Eskabideari, behar bezala bete ondoren, agiri hauek erantsiko zaizkio:

A.-Izangai guztiek aurkeztu beharreko agiriak:

Bat.-Nortasun agiri nazionalaren fotokopia, edo izangaiaren nortasuna frogatzen duen beste agiri baliokideren batena.

Bi.-Espedientea formalizatzeko eta azterketa eskubideetarako 40 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

-Behar den bezala betetako ordainketa gutunaren bidez (Nafarroako Foru Komunitateko banku entitateetan ordaintzeko). Interneten, deialdiaren iragarkian, agertzen da ordainketa gutunaren eredua, arestian aipatutako helbidean.

-Banestoko (Banco Español de Crédito) 0030 8124 87 0870002271 kontuan eskudirutan edo bankuko transferentzia bidez ordainduz; horrelakoetan, ordainagirian datu hauek jarri beharko dira nahitaez:

• Izangaiaren izen-deiturak.
• NANa/IFZ.
• Ordainketa zein kontutan egiten den, haren zenbakia.
• Kontzeptua: oposizioak.
• Deialdiaren xede den lanpostua.

Honako hauek ez dute tasarik ordaindu beharko:

a) %33ko edo hortik gorako ezgaitasun aitortua duten pertsonak. C) atalean ezarri bezala frogatu beharko da hori.

b) Deialdia argitaratu aurretik hilabetez edo luzaroago lan eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan eskatzailea dela frogatzeko, enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ezta lanbide sustapen, prestakuntza edo aldaketarako ekintzetan parte hartzeari ere, justifikatutako kasuetan izan ezik.

Interesdunaren aitorpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Aitorpen eredua Nafarroako Gobernuko Informazio Bulegoan eskuratzen ahalko da, edo bestela Interneten bidez, arestian emandako helbidean.

B.-Igoera txandako izangaiek aurkeztu beharreko berariazko dokumentazioa, izangai horiek Nafarroako Foru Komunitateko Administrazioa ez den Nafarroako beste administrazio publiko bateko langile finkoak badira edo Nafarroako Foru Komunitatera transferitutako Justizia Administrazioko zerbitzuei atxikitako langile finkoak badira:

A atalean adierazitakoaz gain, ondokoa aurkeztu beharko dute:

-Deialdi honen 2.1.2. ataleko a), b) eta c) letretan aipatzen diren betebeharrak frogatzen dituzten agiriak.

C.-Ezgaitasuna duten izangaiak.

3.2 oinarriaren A) atalean (tasak ordaindu beharrik ez izatea) eta 8. oinarrian (lanpostuak aukeratzeko lehentasuna) xedatutakoari dagokionez, eta denborak eta baliabideak egokitzea eskatzeko, %33ko edo hortik gorako ezgaitasuna duten izangaiek hori frogatu beharko dute, jatorrizko agiri hauetako baten bidez edo kopia konpultsatuaren bidez:

-Imsersok edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, erabateko ezintasun iraunkorra edo baliaezintasun handia.

Ezgaitasuna duten izangaiek ariketak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean adierazi beharko dute nolako ezgaitasuna duten eta zein egokitzapen eskatzen duten. Egokitzapenak eskatzeko bada eredu bat interesdunen eskura www.navarra.es web orrian, Zerbitzuen Katalogoko "Enplegu Publikoa" atalean, deialdiaren aipuan.

3.4. Eskaerak aurkezteko epea ezin izanen da luzatu.

3.5. Eskabidean atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskabideak aurkezteko epea bukatuta, Nafarroako Administrazio Publikoaren Institutuko Sarrerarako Hautapenaren Zerbitzuko zuzendariak, erakunde autonomoko zuzendari kudeatzaileak emandako eskuordetzaz (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko du.

4.2. Behin-behineko zerrenda Nafarroako Aldizkari Ofizialean argitaratu eta biharamunetik, izangai baztertuek hamar egun balioduneko epea izanen dute erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Administrazio Publikoaren Institutuko Sarrerarako Hautapenaren Zerbitzuko zuzendariak, erakunde autonomoaren zuzendari kudeatzaileak emandako eskuordetzaz (103/2008 Ebazpena, ekainaren 26koa), ebazpena emanen du izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko du.

4.4. Izangaiei ez zaizkie azterketa egiteko eskubideak itzuliko, baldin eta beraiei egotzitako arrazoiengatik baztertzen badira.

5.-Epaimahaia.

5.1. Epaimahaia honako kide hauek osatuko dute:

-Epaimahaiburua: Enrique Eraso Centelles jauna, Landa Garapeneko eta Ingurumeneko Departamentuko Biodibertsitatea Zaintzeko Zerbitzuko zuzendaria.

-Ordezkoa: Juan José Grau Lasheras jauna, Landa Garapeneko eta Ingurumeneko Departamentuko Uraren Zerbitzuko zuzendaria.

-Mahaikidea: Fermín Olabe Velasco jauna, Landa Garapeneko eta Ingurumeneko Departamentuko Oihanak Kudeatzeko Ataleko burua.

-Ordezkoa: Salomé Hernando Chicote andrea, Landa Garapeneko eta Ingurumeneko Departamentuko Plangintza eta Laguntza Ataleko burua.

-Mahaikidea: Yolanda Val Hernández andrea, Landa Garapeneko eta Ingurumeneko Departamentuko basogintzako ingeniaria.

-Ordezkoa: María Eugenia Hernando Pascual andrea, Landa Garapeneko eta Ingurumeneko Departamentuko basogintzako ingeniaria.

-Mahaikidea: langileen ordezkari bat, Administrazio Erroko Langileen Batzordeak proposatua.

-Ordezkoa: langileen ordezkari bat, Administrazio Erroko Langileen Batzordeak proposatua.

-Mahaikide idazkaria: Félix Armendáriz Martínez jauna, Landa Garapeneko eta Ingurumeneko Departamentuko Ingurumeneko Araubide Juridikoaren Ataleko burua.

-Ordezkoa: Joseba Asiain Albisu jauna, Landa Garapeneko eta Ingurumeneko Departamentuko idazkari tekniko nagusia.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari hori jakinaraziko diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretako batean badaude.

Izangaiek, halaber, zilegi dute epaimahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2010eko irailean hasiko da. Onartu eta baztertuen behin betiko zerrenda onesten duen ebazpenean bertan finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

-Lehenbiziko ariketa: ariketa teorikoa, gai zerrendako gaiei buruzko 80 galdera erantzun beharko dira. Galdera bakoitzak erantzun batzuk izanen ditu aukeran, baina bat bakarra izanen da egokia. Erantzun okerrengatik puntuak kenduko dira. Epaimahaiak ariketa hori egiteko izangaiek zenbat denbora duten adieraziko du haren hasieran.

-Bigarren ariketa: ariketa teorikoa, hiru gai garatu beharko dira idatziz; eranskinean ageri den gai zerrendako zati bakoitzeko bat. Horretarako, epaimahaiak zati bakoitzeko bi gai aterako ditu zozketaz, eta izangaiek horietako bat, nahi dutena, garatu beharko dute. Hiru gaiak garatzeko sei ordu izanen dira gehienez. Bigarren ariketa honetan, garatutako gai guztiak gainditu beharko dira. Epaimahaiak probaren garapena antolatu ahal izanen du, atsedenaldi bat jartzeko aukera egon dadin.

-Hirugarren ariketa: ariketa praktikoa, gai zerrendako gaiei buruzko kasu praktiko bat ebatzi beharko dute, kanpoan edo gelan. Epaimahaiak ariketa hori egiteko zenbat denbora dagoen adieraziko du haren hasieran.

-Laugarren ariketa: ingeleseko probak, borondatezkoak eta ez baztergarriak. Aurreko hiru ariketak gainditu dituzten izangaiek egin ahalko dituzte.

Idatzizko proba bat eta ahozko bat izanen ditu, izangaien jakite maila zehazteko.

Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat.

6.3. Oposizioko ariketen balorazioan 100 puntu eman daitezke gehienez, honela banatuak:

-Lehenbiziko ariketa: gehienez ere 20 puntu.

-Bigarren ariketa: gehienez ere 40 puntu.

• Lehen zatiko gaia: gehienez ere 10 puntu.
• Bigarren zatiko gaia: gehienez ere 15 puntu.
• Hirugarren zatiko gaia: gehienez ere 15 puntu.

-Hirugarren ariketa: gehienez ere 30 puntu.

-Laugarren ariketa: gehienez ere 10 puntu.

6.4. Lehenbiziko, bigarren eta hirugarren ariketak baztertzaileak izanen dira. Bazterturik geldituko dira horietako ariketa bakoitzean gehieneko puntuazioaren erdira iristen ez diren izangaiak. Nolanahi ere, ariketa gainditutzat hartzeko, deialdiko oinarrietan ezarritako gehieneko puntuazioaren herena atera beharko da gutxienez.

6.5. Bigarren ariketa plika sistemaren bidez eginen da.

6.6. Ariketa bakoitza kalifikatu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo ariketa egiteko tokia, eguna eta ordua, gutxienez 48 ordu lehenago. Zerrenda Interneten bidez ere kontsultatu ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez nor diren frogatzen ez dutenak oposiziotik baztertuko dira.

6.8. Hautaprobak egiteko, ezgaitasun aitorturen bat dutenentzat beharrezkoak diren denbora eta baliabide egokitzapenak ezarriko dira, eskabidean azaldutakoaren arabera.

7.-Probak gainditzen dituztenen zerrenda, izendapen proposamena eta agirien aurkezpena.

7.1. Azken ariketaren kalifikazioa bukaturik, epaimahaiak jendaurrean jarriko du probak gainditzen dituztenen zerrenda, oposizioan lortutako kalifikazioekin, egin direneko tokian eta Nafarroako Gobernuaren iragarki oholean. Gero, zerrenda hori eta espediente osoa igorriko dizkio Nafarroako Administrazio Publikoaren Institutuko zuzendari kudeatzaileari, bai eta puntuaziorik altuenak lortu dituzten eta deialdiko lanpostuetan sartzen ahal diren izangaiak izendatzeko proposamena ere. Proposamen hori Nafarroako Aldizkari Ofizialean argitaratuko da. Zerrenda Interneten bidez ere kontsultatu ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Berdinketarik gertatuz gero, kasu praktikoan (hirugarren ariketa) puntu gehien lortzen dutenen alde ebatziko da. Eta hala ere berdinduta segitzen badute, lehenbiziko ariketan eta bigarren ariketan lortutako puntuazioak hartuko dira kontuan, ordena horrexetan.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek berariazko inprimaki batzuk jaso eta honako agiri hauek aurkeztu beharko dituzte Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) B motako ibilgailuak gidatzeko baimenaren fotokopia konpultsatua.

d) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Proposatutako izangaiek Espainiako nazionalitatea ez badute, zinpeko aitorpen bat aurkeztu beharko dute, adierazteko ez dutela beren Estatuko funtzio publikoan sartzea eragozten dien diziplina zehapenik edo zigor penalik.

f) Zin egin edo hitz ematea Nafarroako Foru Araubidea errespetatuko dutela, Konstituzioari eta legeei men eginen dietela eta karguari dagozkion eginkizunak zuzen beteko dituztela.

Deialdi hau egin ez duen Nafarroako beste administrazio publikoren bateko langile finkoek edo Nafarroako Foru Komunitateari transferitutako Justizia Administrazioko zerbitzuei atxikitako langile finkoek, gainera, beste ziurtagiri bat aurkeztu beharko dute, aurreko administrazioko espediente pertsonalean ageri diren inguruabar eta aurrekari guztiak frogatzeko, hots, sarrerari, antzinatasunari, mailari, egoera administratiboari eta abarri buruzko guztiak.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) B motako ibilgailuak gidatzeko baimenaren fotokopia konpultsatua.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barnean, eta aski justifikaturik dauden ezinbesteko kasuetan izan ezik, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzukizuna galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du hutsunea, eta horrekin ere aurreko ataletan adierazitako moduan jokatuko da.

7.5. Nahitaezko betebeharren frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eskatzen badio izangaiari, horrek deialdi honen 7.2 oinarrian ezarritako moduan aurkeztu beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzerakoan, %33ko ezgaitasun aitortua edo handiagoa duten izangaiek lehentasuna izanen dute gainerako izangaien aurretik, kontuan hartu gabe zein txandaren bidez parte hartu duten.

Hala izanagatik ere, ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespenarekin betiere.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitateko Administrazioko funtzionario izendatuko ditu, basogintzako ingeniari lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein montepioren eskubide pasiboetan sarturik daudenek bi aukera izanen dituzte: Nafarroako Foru Komunitateko administrazio publikoen montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den araudian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatu ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatutako epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioaren funtzionario izateko eskubide guztiak galduko ditu. Hala gertatzen bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

Era berean, administrazio publiko berean beste lanpostu bat lortzen duten funtzionarioek, maila berean nahiz beste batean, bat aukeratu beharko dute eta bestean borondatezko eszedentzia eskatu ahalko dute.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Kontuan harturik Nafarroako Administrazio Publikoan sartzeko Erregelamenduaren 42. artikulua, Lehendakaritza, Justizia eta Barneko kontseilariaren azaroaren 14ko 146/2005 Foru Agindua (Lanpostuak aldi baterako betetzeko kudeaketa arauak onetsi zituena) eta oinarri honexetan ezarritako prozedura, eta horiei jarraikiz, aldi baterako kontratazioetarako izangaien zerrenda hauek prestatuko dira:

a) Sarrerako hautapen prozesuko ariketa guztiak gainditu arren lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

b) Hautapen prozesuko bigarren ariketa gainditu arren ariketa guztiak gainditu ez dituzten izangaien zerrenda, Administrazio Erroan aldi baterako kontratatuak izateko.

10.2. Probak gainditu arren lanposturik lortu ez duten izangaien zerrenda eta Administrazio Erroan aldi baterako kontratatzeko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpen bidez onetsiko dira probak gainditu arren lanposturik lortzen ez duten izangaien zerrenda eta bigarren ariketa gainditzen dutenena, une horretan indarrean diren kudeaketa arauekin bat, eta argitaratu eginen dira Nafarroako Gobernuko iragarki oholean (Karlos III.aren etorbidea, 2, atalondoa, Iruña) eta Nafarroako Gobernuaren web orrian: www.navarra.es.

Hauxe izanen da aldi baterako kontratazio zerrenden ordena: oposizioa gainditu arren lanposturik lortzen ez dutenen kasuan, sarrerako hautapen prozesuan lortutako puntuaziorik handienaren arabera; gainerako izangaien kasuan, gainditutako ariketetan lortutako puntuazioen batura. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontrataziorako izangaien zerrendan agertzeak ez du esan nahi interesdunei onartzen zaienik 2. oinarrian ezarritako betebeharrak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzerakoan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; lanpostuak aldi baterako betetzeko arauak ematen dituen Lehendakaritza, Justizia eta Barneko kontseilariaren azaroaren 14ko 146/2005 Foru Agindua (144. Nafarroako Aldizkari Ofizialean argitaratua, abenduaren 2an); eta aplikatzekoak diren gainerako arauak.

Deia egiterakoan, kontuan hartuko da Nafarroako Foru Komunitateko Administrazioaren zerbitzuko Langileen Estatutuaren Testu Bateginaren zazpigarren xedapen gehigarriaren 4. atalean ezarritakoa.

Deialdiaren 2.1 oinarrian adierazten diren titulazio betebeharrak eta gidabaimenari dagozkionak betetzen direla frogatzeko agiriak kontratatuak izateko deia jasotzen duten izangaiek bakarrik aurkeztu beharko dituzte, kontratua formalizatzen denean, jatorrizko agiriak edo behar bezala konpultsatutako kopien bitartez.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik eratorritako eskubide guztiak galduko dituzte; betiere, parte hartzeko eskabidea faltsutzeagatik legokiekeen erantzukizuna galarazi gabe.

Sarrera prozesuko eskaerak aurkezteko epea bukatzen den egunerako bete beharko dira beharkizunak eta, orobat, hautaprobak egin bitartean eta kontratazioaldiak iraun bitartean.

10.3. Sarrera prozesuko eskaerak aurkezteko epea bukatzen den egunerako bete beharko dira beharkizunak eta, orobat, hautaprobak egin bitartean eta kontratazioaldiak iraun bitartean.

10.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrendak onetsiko dira eta Nafarroako Gobernuaren iragarki oholean argitaratuko (Karlos III.aren etorbidea, 2, atalondoa, Iruña).

10.5. Hauxe izanen da aldi baterako kontratazio zerrenden ordena: oposizioa gainditu arren lanposturik lortzen ez dutenen kasuan, sarrerako hautapen prozesuan lortutako puntuazioarik handienaren arabera; gainerako izangaien kasuan, gainditutako ariketetan lortutako puntuazioen batura. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

11.-Errekurtsoak.

Epaimahaiak ematen dituen egintzen eta ebazpenen kontra, gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurritu nahi den egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2010eko urtarrilaren 12an.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.

I. ERANSKINA

Eskabidea

Hautaprobetan onartua izateko eskabidea.

Deialdiaren datuak.

Sartzeko txandak.

Datu pertsonalak.

Aurkeztutako agiriak.

Ondoko hauen proba eskatzen du:

Sinatzaileak ESKAERA EGITEN DU eskabide honetan adierazitako prozesuan onartua izan dadin eta ADIERAZTEN DU, erantzukizuna berea izanik, bertan azaltzen diren datu guztiak egiazkoak direla, deialdiaren oinarrian eskatutako beharkizun guztiak betetzen dituela eta datu horiek guztiak dokumentuen bidez frogatzeko konpromisoa hartzen duela.

(Sinadura)

.................(e)n, 2010eko .............aren ..............(e)an.

NAFARROAKO ADMINISTRAZIO PUBLIKOAREN INSTITUTUKO ZUZENDARI KUDEATZAILEA.

LEHENDAKARITZA, JUSTIZIA ETA BARNE DEPARTAMENTUA.

* Deialdiaren oinarrietan xedatutakoari jarraikiz.

II. ERANSKINA

Gai zerrenda

Lehen zatia.

1. gaia.-Espainiako 1978ko Konstituzioa: printzipio orokorrak. Oinarrizko eskubide eta betebeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Auzitegi Konstituzionala: osaera, izaera eta eskumenak.

2. gaia.-Europar Batasuna. Parlamentua. Europako Kontseilua. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Europar Batasuneko ordenamendu juridikoaren iturriak: jatorrizko zuzenbidea eta zuzenbide eratorria.

4. gaia.-1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Funtzioak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntzako eta sostenguko organoak. Nafarroako Parlamentuaren erantzukizun politikoa, kontrola eta desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarren eskubideak Foru Komunitateko Administrazioarekiko harremanetan. Antolaketa: printzipio nagusiak eta egitura organikoa, kide anitzeko organoak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Prozedura administratiboko interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deusezgarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak.

12. gaia.-Nafarroako Administrazio Publikoen Zerbitzuko Langileen Estatutua. Langile motak. Funtzionario publikoak hautatzea. Egoera administratiboak. Funtzionarioen eskubideak, betebeharrak eta bateraezintasunak. Ordainsariak.

13. gaia.-11/2007 Foru Legea, apirilaren 4koa, Nafarroako Foru Komunitateko Administrazioan Administrazio Elektronikoa ezartzeari buruzkoa.

14. gaia.-Abenduaren 29ko 21/2005 Foru Legea, Politika Publikoak eta Zerbitzu Publikoen Kalitatea Ebaluatzeari buruzkoa.

15. gaia.- Abenduaren 13ko 15/1999 Lege Organikoa, Datu Pertsonalak Babesteari buruzkoa. 1720/2007 Errege Dekretua, abenduaren 21ekoa, Datu Pertsonalak Babesteari buruzko abenduaren 13ko 15/1999 Lege Organikoa garatzeko Erregelamendua onesten duena.

16. gaia.-Nafarroako Foru Komunitatearen eskumenak ingurumen gaietan. Ingurumenaren eta Uraren Zuzendaritza Nagusiaren antolaketa, egitura eta funtzioak.

17. gaia.-4/2005 Foru Legea, martxoaren 22koa, Ingurumena Babesteko Esku-hartzeari buruzkoa.

18. gaia.-Nafarroako Ehizari eta Arrantzari buruzko abenduaren 22ko 17/2005 Foru Legea.

19. gaia.-Abenduaren 31ko 13/1990 Foru Legea, Nafarroako Oihan Ondarea Babestu eta Garatzeari buruzkoa eta otsailaren 21eko 3/2007 Foru Legea, aurrekoa aldatzen duena: horren egituraren eta edukien analisia.

20. gaia-2/1993 Foru Legea, martxoaren 5ekoa, Basa Fauna eta Haren Habitatak Babestu eta Kudeatzeari buruzkoa: egitura eta edukiaren azterketa. Gerora egindako aldaketak.

21. gaia.-9/1996 Foru Legea, ekainaren 17koa, Nafarroako Naturguneei buruzkoa: egitura eta edukiaren azterketa.

22. gaia.-Abuztuaren 2ko 29/1985 Legea, Urei buruzkoa: Estatuko Ur Jabari Publikoa. Uraren Administrazio Publikoa. Plangintza Hidrologikoa. Ur Jabari Publikoaren erabilera.

23. gaia.-2000ko urriaren 23ko Europar Legebiltzarraren eta Kontseiluaren 2000/60/EE Zuzentaraua, uren politiken arloan Batasunaren esparruan jarduketa ezartzen duena.

24. gaia.-2001/42/EE Zuzentaraua. Politikak, planak eta programak estrategikoki ebaluatzea, ingurumenari dagokionez.

25. gaia.-FEADER-Landa Garapenerako Europako Nekazaritza Funtsaren bidez Landa Garapenerako laguntzari buruz Kontseiluak 2005eko irailaren 20an emandako 1698/2005 EE Erregelamendua.

26. gaia.-Europako Parlamentuak eta Kontseiluak 2003ko urtarrilaren 28an emandako 2003/4/EE Zuzentaraua, ingurumenaren gaineko informazioa jendearen eskura egoteari buruzkoa (horrek 1990eko ekainaren 7ko 90/313/EEE Zuzentaraua indargabetu zuen.

27. gaia.-Kontseiluaren 92/43/EEE Zuzentaraua, 1992ko maiatzaren 21ekoa, Natur Habitatak eta Basa Fauna eta Flora Zaintzeari buruzkoa.

28. gaia.-Kontseiluaren 79/409/EEE Zuzentaraua, 1979ko apirilaren 2koa, Basa Hegaztiak Zaintzeari buruzkoa.

29. gaia.-43/2003 Legea, azaroaren 21ekoa, Mendiei buruzkoa: Administrazio publikoen eskumenak. Mendi pribatuen araubidea. Basoen kudeaketa iraunkorra. Mendien kontserbazioa eta babesa.

Bigarren zatia.

1. gaia.-Nafarroako natur ingurunearen laburpena. Geografia fisikoa. Geologia. Edafologia. Klimatologia. Biogeografia.

2. gaia.-Fagus sylvatica Nafarroan. Haren basoen garrantzia, osaera eta banaketa. Espeziearen ezaugarri kultural nagusiak. Basogintza.

3. gaia.-Quercus robur eta Q. petraea Nafarroan. Haren basoen garrantzia, osaera eta banaketa. Espezieen ezaugarri kultural nagusiak. Basogintza.

4. gaia.-Quercus faginea, Quercus pubescens eta Quercus ilex Nafarroan. Haren basoen garrantzia, osaera eta banaketa. Espezie horien ezaugarri kultural nagusiak. Beren zuhaiztien kudeaketa.

5. gaia.-Pinus sylvestris Nafarroan. Haren basoen garrantzia, osaera eta banaketa. Espeziearen ezaugarri kultural nagusiak. Basogintza.

6. gaia.-Pinus halepensis Nafarroan. Garrantzia eta banaketa. Espeziearen ezaugarri kultural nagusiak. Haren zuhaiztiak kudeatzeko proposamenak.

7. gaia.-Abies alba eta Pinus uncinata Nafarroan. Haren basoen garrantzia, osaera eta banaketa. Ezaugarri kultural nagusiak. Abies alba-ren basogintza.

8. gaia.-Pinus nigra ssp. Nafarroan. Haren zuhaiztien garrantzia eta banaketa. Espezieen ezaugarri kultural nagusiak. Basogintza.

9. gaia.-Pinus radiata Nafarroan. Haren zuhaiztien garrantzia, osaera eta banaketa. Zuhaiztien osasun egoera. Espeziearen ezaugarri kultural nagusiak. Basogintza eta perspektibak.

10. gaia.-Picea abies eta Sequoia sempervirens. Haien garrantzia eta banaketa Nafarroan. Espezieen ezaugarri kultural nagusiak. Basogintza.

11. gaia.-Pseudotsuga menziesii eta Larix sp. Haien garrantzia eta banaketa Nafarroan. Espezieen ezaugarri kultural nagusiak. Basogintza.

12. gaia.-Castanea sativa eta Robinia pseudoacacia Nafarroan. Banaketa. Ezaugarri kultural nagusiak. Hazteko txandak eta teknikak. Gaztainadien degradazioa Nafarroan.

13. gaia.-Fraxinus excelsior eta Juglans regia. Ezaugarri kultural nagusiak. Basogintza zuhaizti natural eta artifizialetan.

14. gaia.-Acer pseudoplatanus, Acer campestre eta Prunus avium. Banaketa. Ezaugarri kultural nagusiak. Basogintza zuhaizti natural eta artifizialetan.

15. gaia.-Ibarbasoa erdialdean eta hegoaldean. Garrantzia, osaera eta banaketa. Baso horietako baso-zuhaitzen espezie nagusien ezaugarri kultural nagusiak. Ibarbaso naturalei aplika dakizkiekeen aprobetxamedu eta kudeaketa irizpideak. Basoko sistema horiei lotutako fauna.

16. gaia.-Ibarbasoa Nafarroako iparraldean: Alnus glutinosa. Ezaugarri kulturalak. Basoko sistema horiei aplika dakizkiekeen aprobetxamendu eta kontserbazio irizpideak. Ibaiertzeko fauna: igaraba, bisoia eta desman piriniarra, eskakizun ekologikoak eta beren habitaten kudeaketa.

17. gaia.-Makalgintza. Klonak lortzea. Erabilitako klonen ezaugarriak. Landatze lanak, basoen tratamenduak eta makaldien kontserbazioa. Mozteko irizpideak.

18. gaia.-Zuhaixkak eta sastrakadiak Nafarroan. Espezie nagusiak. Banaketa, eboluzioa eta erabilerak. Esanahi ekologikoa.

19. gaia.-Larre natural nagusien sailkapena Nafarroan. Lekadunen eta lastodunen espezie nagusiak larre naturaletan: larreen ezaugarriak.

20. gaia.-Larre naturalak hobetzea. Ustiatzeko metodoak. Berlardi eta larrebelardiak sortzea. Abelbideak.

21. gaia.-Baso-berritzeak. Baso-landarea sustrai hutsean eta ontzian landatzea. Ugalketarako oihan materialen merkaturatzea eta kanpoko kalitatea, arreta berezia jarriz Nafarroan erabilitako espezieei. Jatorrizko eskualdeak, Nafarroako baso-berritzeari begira.

22. gaia.-Baso-berritzeak. Baso-berritzea gauzatzea: landarediaren aurreko tratamenduak, lurzorua prestatzea, landaketa, ereintza eta zaintza osagarriak.

23. gaia.-Ibai inguruko landaredia lehengoratzea: teknikak, espezieak, diseinua.

24. gaia.-Ibai inguruak lehengoratzeko bioingeniaritza: kontzeptua, teknikak, materialak, eragileak eta mugak.

25. gaia.-Espezieen banaketa lurrean. Barrera naturalak. Aniztasunaren kontzeptua. Aniztasunaren neurketak. Aniztasuna antolatzeko neurria den aldetik.

26. gaia.-Goi mendietako fauna: basoilarra, mozoloa, eper zuria, eper grisa eta sarrioa. Deskribapen laburra, eskakizun ekologikoak eta beren habitaten kudeaketa.

27. gaia.-Basoetako fauna: Pizidoak: okil gibelnabarra eta okil ertaina. Kiropteroak: Barbastella barbastellus. Mikrougaztunak: muxar grisa. Hartz arrea. Oreina. Orkatza. Anfibioak: baso-igel jauzkaria. Deskribapen laburra, eskakizun ekologikoak eta beren habitaten kudeaketa.

28. gaia.-Estepako fauna: basoiloa, atalarra, ganga eta ganga azpibeltza. Deskribapen laburra eta eskakizun ekologikoak. Beren habitaten maneiu integrala. Habitata narriatzeko kausa nagusiak eta zuzenketa.

29. gaia.-Hegazti harrapariak: ugatza, bonelli arranoa, miru gorria, aztorea eta urubia. Deskribapen laburra eta eskakizun ekologikoak. Arrisku faktoreak eta kontserbatzeko lan-ildoak Nafarroan.

30. gaia.-Ehiza larriko espezieen kudeaketa: oreina, orkatza eta basurdea. Biologia, ekologia, populazioen ebaluazioa. Produktibitatea. Habitataren gaitasunaren estimazioa. Kalteak. Ehizaren kudeaketa.

31. gaia.-Ehiza xeheko espezieen kudeaketa: eperra, erbia eta untxia. Biologia, ekologia, populazioen ebaluazioa. Produktibitatea. Habitataren gaitasunaren estimazioa. Hibridazioak. Kalteak. Ehizaren kudeaketa.

32. gaia.-Espezie migratzaileen kudeaketa: usoa, usapala, oilagorra eta galeperra. Biologia, ekologia, estatusa. Populazioen egoeraren ebaluazioa eta joerak. Produktibitatea. Migrazioa. Ehizaren kudeaketa.

33. gaia.-Ehiza antolatzeko planak. Planen edukia. Ehizaren inbentarioa. Errolda motak. Plangintza. Aprobetxamendu eta hobekuntzen plana.

34. gaia.-Arrantza: salmonidoen antolaketa eta kudeaketa Nafarroan.

35. gaia.-Ur mantsoko eta urtegietako arrainen eta karramarroen antolaketa eta kudeaketa Nafarroan.

36. gaia.-Emari ekologikoen estimazioa. Ibaiertzen kalitatearen adierazleak. Arrainen pasabideak eta ur-eskailerak: diseinua, motak, eraginkortasuna.

Hirugarren zatia.

1. gaia.-Basoetako patologia: onddo patogenoen espezie nagusiak Nafarroan. Sintomatologia, infekzio bideak eta hedapena, kalteak, kontrolerako metodoak.

2. gaia.-Basoetako izurriteak: izurritearen kontzeptua. Pestizidak, feromonak, mikroorganismoak. Izurriteen aurkako borroka integratua.

3. gaia.-Basoetako izurriteak: Thaumetopoea pytiocampa Schiff., Hylobius abietis, Ips acuminatus, Ips sedentatus eta Ploeomyzus passerinii. Espezieen deskribapena. Zikloak. Garrantzia, kalteak, kontrolerako metodoak.

4. gaia.-Basoetako izurriteak: Neodiprion sertifer Geoffr., Dyorictria splendidella eta Dyorictria abietela, Lymantria monacha, Lymantria dispar, Tortrix viridiana L., Abraxas pantaria L. eta Bursaphelenchus xilophila. Zikloak. Garrantzia, kalteak, kontrolerako metodoak.

5. gaia.-Basoen hobekuntza genetikoa: basoen hobekuntza genetikoaren problematika. Basoetako espezieen hobekuntzarako oinarriak. Hobekuntza metodoak. Hobekuntza genetikoa basoaren birsonkuntzari aplikatua. Klonazioa. Ugalketa begetatiboa. Masa monoklonalak sortzeak dakartzan arazoak.

6. gaia.-Basoetako edafologia: lurzorua. Lurzoruaren profila eta horizonteak. Testura. Alterazio prozesua: buztinak. Lurzoruaren frakzio organikoa. Humusa eta motak. Lurzoruaren egitura eta mikroegitura. Lurzoruaren atmosfera.

7. gaia.-Ura lurzoruan. Erak. Kapilaritate ahalmena. Ur erabilgarria. Lurzoruaren erregimen hidrikoa. Lurzoruaren tenperatura. Konplexu xurgatzailea. Aldaketarako gaitasuna. Aldaketarako katioiak. Asetasun-maila.

8. gaia.-Lurzoruaren azidotasuna eta pH-a. Lurzoruko mantenugaien formak. Erreserba mineralen eta organikoen garrantzi erlatiboa. Nitrogenoaren zikloa.

9. gaia.-Ibaien morfologia: ibaien sailkapena, oin-plantaren araberako formak, ibaiaren geometria hidraulikoa, emari nagusia, landarediaren zeregin morfologikoa, ibai-hondoaren oreka.

10. gaia.-Arro hidrologikoa. Isurketa arroen parametro fisikoak. Drainatze sarearekin lotutako parametro fisikoak. Prezipitazioa, infiltrazioa, lurrunketa eta isurketa. Landarediak aurreko faktoreetan duen eragina. Kurba zenbakiaren eta Témezen metodoak.

11. gaia.-Hidrologia: ur-lasterren emaria. Ur-etorriaren neurketa-tokia: limnimetrikoak, presioa, radarra, ultrasoinuak. Emaria zuzenean biltzeko tresnak: haizagailua, kimikoak, ultrasoinuak. Sailkatutako emarien kurba.

12. gaia.-Hidrologia: hidrograma aztertzea, prezipitazioen banaketa, hietogramaren eta isurketaren osagaiak, hidrogramaren forma, osagaien bereizketa, hidrograma unitarioaren metodoa, hidrograma unitario sintetikoak, metodo arrazionala.

13. gaia.-Hidraulika: fluxu motak, abiaduraren banaketa, karga-galerak, erregimen mantsoa, azkarra eta kritikoa, kontrolerako atala, mugimendu uniformea, Manning-en formula.

14. gaia.-Hidraulika: granulometria, sedimentuen garraioa, emari solidoa, hondoko formak, uholdeen mugimendua, higadura, uholde hidraulika, fluxua kurbetan.

15. gaia.-Ibaien ingurumenaren balorazioa. Datuak eta informazioa biltzea; ibai bazterreko egoera hidrologikoen eta morfologikoen azterketa eta balorazioa; proiektuaren tartera isurtzen duen arroaren balorazioa; problematikaren diagnosia eta jarduketen lehentasunak.

16. gaia.-Higadura hidrikoa. Higaduraren mekanismoak, faktoreak eta erak. Lurzoru galeraren ekuazio unibertsala. Arroaren degradazioa. MUSLE eredua. Metodologia integratuak.

17. gaia.-Lurzoruari ematen zaion erabilera eta estalki iraunkorren garrantzia higaduraren kontrolerako. Higaduraren egoera Nafarroan: egungo higadura eta potentziala.

18. gaia.-Higadura zuzentzeko hidrotekniak: zeharkako eta luzetarako lanak. Ubideratzeak: helburuak eta ondorioak, oinarrizko parametroak, kai-muturrak, zeharkako dikeak, bazterren babesa.

19. gaia.-Baso suteak: Suteen kausak. Ahalbidetzen dituzten egoerak. Suteen ondorioak. Sua: motak, hedapen motak eta faktoreak. Arriskuen indizeak.

20. gaia.-Zuhaitzen neurketak: diametroak, azalaren lodiera, adina eta altuerak neurtzeko erabiltzen diren prozedurak eta tresnak. Botatako zuhaitz enborren kubikazioa. Zutik dauden zuhaitzen kubikazioa tresnak erabiliz. Pilatutako zuhaitz enborren kubikazioa.

21. gaia.-Baso guneen egitura eta ezaugarriak. Gune erregularrak eta irregularrak. Irudikatzen dituzten eredu matematikoak. Guneen batez besteko zuhaitzak. Altuera nagusiak eta batez bestekoak guneetan. Zabaleraren eta lerdentasunaren erlazioa.

22. gaia.-Hazkundeen definizioa baso guneetan. Zurgaien produktibitatearen estimazioa. Produkzio taulak. Produkzio taulak egin eta erabiltzea. Eredu dinamikoak.

23. gaia.-Tantaidi irregularra. Tantaidi irregularren tratamentuak: oinenak eta arboladienak. Espezieak, baldintzak eta aplikatzeko prozedurak.

24. gaia.-Tantaidi erregular eta erdi-erregularra. Birsortzeko mozketak. Bakantzeak: helburua, motak, aplikazioa, pisua, txandaketa eta intentsitatea. Inausketa artifiziala.

25. gaia.-Mendietako basogintza. Mediterraneoko basogintza eta suteen kontrako basogintza prebentiboa. Basogintza baso zaharrak lehengoratu eta mantentzeko.

26. gaia.-Basoko guneen azterketa: inbentario kuantitatiboa. Inbentarioa oinak zenbatuz. Inbentarioa laginketaren bidez. Laginketa motak. Populazioa eta lagina. Aldagaiak eta laginaren tamaina. Laginketa eremua. Lagunketa-erroreak eta emaitzen baliozkotasun maila.

27. gaia.-Mendien antolamendua: izakinen estimazioa bolumenaren arabera. Kalkulua ondoko hauen arabera: zuhaitz-mota, koefiziente morfikoak, aldagai bateko eta gehiagoko ekuazioak, masa ekuazioak, produkzio taulak. Hazkundeen estimazioa.

28. gaia.-Mendien antolamendua: Plangintza: Edukia. Plan Orokorra: zehaztu beharreko ezaugarri dasokratikoak eta basogintzakoak, mozteko irizpideak, leheneratu beharreko lurzorua zehaztea. Plan Berezia: aprobetxamenduak, hobekuntzak eta erabilera planak, balantze ekonomikoa.

29. gaia.-Mendien antolamendurako metodoak: edukieraren araberako zatiketa, antolamendurako metododoa unaden araberakoa. Aplikatzeko baldintzak, zein espezieri aplikatzen zaion, alde onak eta txarrak, ezaugarri dasokratikoak eta basogintzakoak bietako bakoitzean.

30. gaia.-Mendien antolamendurako metodoak: tarte mugikorraren metodoa, masa irregularrentzako metododoak. Aplikatzeko baldintzak, zein espezieri aplikatzen zaion, alde onak eta txarrak, ezaugarri dasokratikoak eta basogintzakoak bietako bakoitzean.

31. gaia.-Nafarroako zurgaien produkzioaren merkatua eta komertzializazioa eta ingurunea: eskaintza, eskaera, espezieak, besterentzeko erak. Basoko beste produktu batzuen aprobetxamendua eta mobilizazioa.

32. gaia.-Baso-ziurtagiria. Ziurtagirien sistemak. Sistemen arteko alderaketa. Ziurtagiria lortzeko prozesuak.

33. gaia.-Naturguneen erabilera publikoa. Kalitatearen Q ziurtagiria. Erabilera publikoko planak, edukia eta xedeak.

34. gaia.-Baso ustiaketa: aprobetxamendurako faseak, baliabideak eta metodoak. Basoko makineriaren eragina mendi-lanetan. Basoko makineria mendian erabiltzeko murrizketak, alternatibak.

35. gaia.-Basoko bideak: bide motak. Bidearen zeharkako sekzioa. Luzetarako profila. Zamatzeko tokiak. Lur-berdinketa. Basogintzarako zoruak. Fabrika-obrak. Bideen eraikuntzan erabilitako makineria. Lanen gutxi gorabeherako kostuak.

Oharra: Gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarrean den legeriarekin.

Iragarkiaren kodea: F1000724