2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Lurren balio igoeraren gaineko zergaren karga-tasak
Zizur Nagusiko Udalak ondoren osorik ematen den erabaki hau hartu zuen 2010eko irailaren 30ean egin osoko bilkuran:
''Nafarroako Toki Ogasunei buruzko martxoaren 10eko 2/1995 Foru Legearen 175.2 artikuluan, hirilurren balio igoeraren gaineko zergaren oinarriari dagokionez, udalek finkatzen ahalko dituzten urteko gehieneko eta gutxieneko portzentajeak aipatzen dira. Portzentajeak biztanleria eskubidedunaren arabera finkatuko dira, gehienez ere hogei urte bitarte, segidako bost urteko epeetan aplikatzeko.
Halaberean, Foru Lege beraren 176.2 artikuluak adierazten du Udalak finkatuko duela kargen eskala, eta gutxieneko tasa ez dela %8 baino txikiagoa izanen, ez eta gehienekoa %20 baino handiagoa ere.
Horiek horrela, honako hau erabaki da:
1.-Legean ezarrita dauden urteko portzentajeak finkatzea, zehazki 10.001 biztanletik 50.000ra bitarteko herriei dagozkienak; hain zuzen ere, honako hauek: 3,16; 3,06; 2,86 eta 2,86, hurrenez hurren, denbora epe hauetarako: batetik bost urtera bitarte; hamar urte bitarte; hamabost urte bitarte; eta hogei urte bitarte.
2.-Karga-tasa bakarra finkatzea, %9,65, Legean ezartzen den bezala".
Argitara ematen da, orok jakin dezan.
Zizur Nagusian, 2010eko urriaren 2an.-Alkatea, Pedro Jesús Huarte Iribarren.
Iragarkiaren kodea: L1016405
