1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1352/2010 EBAZPENA, urriaren 1ekoa, Nafarroako Unibertsitate Publikoko errektoreak emana, José Ramón Alfaro López jauna Unibertsitateko irakasle titularren kidegoan sartzen duena.
José Ramón Alfaro López jaunak, zeina 33417390 T NAN zenbakiduna eta Unibertsitate Eskolako irakasle titularra baita, eta Unibertsitate honetako Landa Ingeniaritza eta Proiektuak Sailari atxikia, eskaera aurkeztu du Unibertsitateko irakasle titularren kidegoan sartzeko, 4/2007 Lege Organikoaren bigarren eta hamargarren xedapen gehigarrietan aurreikusten denaren babesean. Lege horrek Unibertsitateei buruzko abenduaren 21eko 6/2001 Lege Organikoa aldatu zuen.
Ikusirik José Ramón Alfaro López jaunak Unibertsitateko irakasle titularren kidegoan sartzeko aurkeztu duen egiaztatzeko eskaerari Kalitatea Ebaluatu eta Egiaztatzeko Agentzia Nazionalak eman dion aldeko txostena.
Aurrekoagatik guztiagatik, eta apirilaren 12ko 4/2007 Lege Organikoak aldatu zuen Unibertsitateei buruzko abenduaren 21eko 6/2001 Legearen 65. artikuluak eta Estatutuen 40. artikuluak esleitzen dizkidaten eskumenak betez.
EBATZI DUT:
Lehena.-José Ramón Alfaro López jauna, zeina unibertsitate eskolako irakasle titularra baita, "Ingeniaritzaren Adierazpen Grafikoa" jakintza-arloan, eta Landa Ingeniaritza eta Proiektuak Sailari atxikia (Tuterako campusa), Unibertsitateko irakasle titularren kidegoan sartzea, orain duen lanpostuan.
Bigarrena.-Ebazpen hau "Estatuko Aldizkari Ofizialean" argitara eman eta biharamunetik aurrera, gehienez ere, 20 eguneko epean hartu beharko du jabetza interesdunak.
Hirugarrena.-Ebazpen hau "Estatuko Aldizkari Ofizialean" argitara eman eta gero, interesdunak jabetza hartzen duen egunetik aurrera sortuko ditu ondorioak kidego berrian sartzeak, eta horien artean Irakasleen eta Ikertzaileen Lanpostu Zerrendan sartzea.
Laugarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2010eko urriaren 1ean.-Errektorea, Julio Lafuente López.
Iragarkiaren kodea: F1016984
