117. ALDIZKARIA - 2010eko irailaren 27a

1. NAFARROAKO FORU KOMUNITATEA

1.7. BESTELAKOAK

141/2010 FORU AGINDUA, abuztuaren 23koa, Hezkuntzako kontseilariak emana, Nafarroako Foru Komunitateko Hezkuntzako Sarien deialdia onesten duena.

Hezkuntzari buruzko Lege Organikoa eta Europar Batasunak hezkuntza arloan emandako jarraibideak bat datoz hezkuntza sistema aurreratu ororen funtsezko printzipio eta erronka gisa balio hauek sustatzean: norberaren erantzukizunean, merezimenduan eta ahalegin pertsonalean oinarritutako hezkuntza; irakaslana hezkuntzaren kalitatearen funtsezko faktoretzat hartzea, irakasleen aintzatespen soziala eta beren lanari laguntzea; zuzendaritza lanak ikastetxeen funtzionamenduan eta autonomian duen garrantzia; hezkuntza sistemaren oinarria nortasun propioko ikastetxeen sare bat izatea eta ikastetxe horiek beren inguruneari egokituta egotea eta kalitatezko irakaskuntza bilatzea ekitatea eta gizarte kohesia lortzeko beren hezkuntza ingurunean; eta ikasleek, familiek, irakasleek, ikastetxeek, administrazioek, erakundeek eta, oro har, gizarteak partekatutako ahalegina bultzatzea.

Printzipio horiekin bat, Nafarroako Gobernuko Hezkuntza Departamentua zenbait jarduketa egiten ari da, nafar gizarteak Nafarroako hezkuntza sistema hobeki ezagutu dezan eta hezkuntzan lan egiten duten eta beren bizitza profesionala horretan ematen duten pertsonen eta entitateen lana balora dezan.

Nafarroako Foru Komunitatean ez dago Hezkuntzako Saririk zenbait alderdi orokor aintzat hartzeko, hala nola irakasleen eta ikastetxeetako zuzendaritza taldeetako kideen ibilbide profesionala, ikastetxeen hezkuntza lana edo Nafarroako ikasleen ahalegin eta hobetze pertsonala.

Horregatik, Hezkuntzako Sarietarako deialdia egiten da, Nafarroako hezkuntza sisteman aritzen diren pertsonei eta entitateei zuzenduta, betiere Nafarroako Foru Komunitateko hezkuntza mailetan funts publikoak jasotzen dituzten ikastetxeetan lan egiten badute edo egin badute. Gure hezkuntza sisteman dagoen behar bati erantzun nahi zaio, eta nafar gizarteak hezkuntza lanaren alderdi eta egileak lagundu eta babesten dituela adierazi nahi da.

Sariak, hau da, egiaztapen diplomak, ikasleei zuzenduta egonen dira, ahalegina eta zailtasun pertsonalen, hezkuntzakoen edo ingurunekoen aurrean erakutsitako hobetze nahia saritzeko; irakasleei oro har zuzenduta, beren ibilbide profesionala eta hezkuntzako hobekuntzarekin lotutako jarduketetan egindako ahalegina saritzeko; zuzendaritza lanetan eta ikastetxe baten antolaketa eta funtzionamendu prozesuetan dedikazio berezia izan duten edo duten irakasleei zuzenduta; eta ikastetxeei berei ere zuzenduta egonen dira sariak, Nafarroako hezkuntza sistemaren hobekuntzan eta hezkuntzako lanaren bidez beren eskola ingurunean ekitatea eta gizarte kohesioa bilatzen urtetan izan duten dedikazio berezia saritzeko.

Sariak urtean behin emanen dira eta irailean eginen da deialdia. Ikasturte bakoitzeko lehen hiruhilekoan banatuko dira, horretarako antolatuko den ekitaldi batean.

Sari hauen xedea da nafar gizarteak Nafarroako hezkuntza sistema hobeki ezagutzea eta hezkuntzan saiatuki lan egiten duten pertsonen eta entitateen lana baloratzea.

Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.e) artikuluak eta Gobernuaren 2007ko maiatzaren 7ko Erabakiak ematen dizkidaten ahalmenak erabiliz.

AGINDU DUT:

1. Hezkuntzako sari orokorretarako deialdia egitea, ikasleei, jardunean dauden irakasleei edo aurreko ikasturtean erretiroa hartu zutenei, zuzendaritza lana izan duten edo duten irakasleei eta ikastetxeei zuzenduta.

2. Hezkuntzako Sarietarako deialdiaren oinarriak onestea. Foru agindu honen eranskinetan ageri dira.

3. Foru agindu hau eta eranskinak Nafarroako Aldizkari Ofizialari jakinaraztea, argitara daitezen.

4. Sarietarako deialdi honen oinarrien eta deialdia aplikatzeko egintzen kontra zilegi izanen da gora jotzeko errekurtsoa jartzea, Hezkuntzako kontseilariari zuzendua, hilabeteko epean, errekurritutako egintza argitaratu edo jakinarazi eta biharamunetik hasita.

5. Foru agindu hau igortzea Antolamenduaren, Kalitatearen eta Berrikuntzaren Zuzendaritza Nagusiari, Ikuskapenaren eta Zerbitzuen Zuzendaritza Nagusiari eta Lanbide Heziketaren eta Unibertsitateen Zuzendaritza Nagusiari, behar diren ondorioak izan ditzan.

Iruñean, 2010eko abuztuaren 23an.-Hezkuntzako kontseilaria, Alberto Catalán Higueras.

I. ERANSKINA

Nafarroako Foru Komunitateko Hezkuntzako Sarien
deialdiaren oinarriak

1. Sariaren xedea eta zuzkidura.

Hezkuntzako sarien lau kategoriatarako deialdia egiten da:

  • Ikasleentzako saria, ahalegina eta zailtasun pertsonalen, hezkuntzakoen edo ingurunekoen aurrean erakutsitako hobetze nahia saritzeko.
  • Jardunean dauden edo aurreko ikasturtean erretiroa hartu zuten irakasleentzako saria, beren ibilbide profesionala eta hezkuntzako hobekuntzarekin lotutako jarduketetan egindako ahalegina saritzeko.
  • Zuzendaritza lana egin duten edo egiten ari diren irakasleentzako saria.
  • Ikastetxeentzako saria, Nafarroako hezkuntza sistemaren hobekuntzan eta hezkuntzako lanaren bidez beren eskola ingurunean ekitatea eta gizarte kohesioa bilatzen urtetan izan duten dedikazio berezia saritzeko.

Sariak egiaztapen diplomak izanen dira.

2. Ikasleentzako sariak:

  • Hartzaileak: Baldintza pertsonalak, hezkuntzakoak edo sozialak egokiak ez izan arren 2009-2010 ikasturtean DBHko graduatu titulua lortu eta 2010-2011 ikasturtean ikasketak jarraitzen ari diren ikasleak.
  • Sariaren helburua: Baldintza pertsonalak, hezkuntzakoak edo sozialak egokiak ez izan arren horiek ahalegina eginez eta gainditzeko nahia erakutsiz gainditu ahal izatea sarituko da.
  • Sari kopurua eta zuzkidura: Saria egiaztapen diploma bat izanen da, eta ikasleen ahalegina eta gainditze nahia saritzeko sei sari emanen dira gehienez.
  • Entitate edo pertsona proposatzaileak: Ikastetxeetako zuzendaritza taldeak proposatuko ditu hautagaiak, derrigorrezko bigarren hezkuntzako graduatu titulua lortu deneko ikastetxeko Orientazio Departamentuak egindako txostena ikusi ondoren. Hezkuntza Departamentuko administrazio unitateek ere aurkez ditzakete hautagaiak.
  • Aurkeztu beharreko agiriak:
  • II. eranskineko ereduaren araberako eskabidea.
  • Derrigorrezko Bigarren Hezkuntzako tituluaren ziurtagiri akademikoa.
  • 2010-2011 ikasturtean ikasketak egiten jarraitzen duela azaltzen duen ziurtagiria.
  • Hautagaia aurkezten duen ikastetxeko Orientazio Departamentuaren edo administrazio unitatearen memoria txostena, non azalduko baitira hautagaiaren zailtasunak (pertsonalak, hezkuntza arlokoak edo ingurunekoak), ikastetxeak hautagaiaren garapenerako hartutako neurriak eta horien ondorioak, eta etapako helburuak zein mailatan lortu diren abiaburuko egoerarekin alderatuta.
  • Ikasleak ahalegina eginez eta gainditze nahia erakutsiz gainditu behar izan duen egoera berezia azaltzen duten beste txosten eta agiri batzuk.
  • Hautatzeko irizpideak:
  • Hautagaiari buruz proposatutako merezimenduak frogatzen dituzten agiriak.
  • Aurkeztutako eskaeraren eta txostenen balorazioa.

3. Irakasleentzako sariak:

  • Hartzaileak: Jardunean dauden edo aurreko ikasturtean erretiroa hartu zuten irakasleak, beren irakasle lanean nabarmendu direnak.
  • Sariaren helburua: Irakasleen ibilbide profesionala sarituko da: merezimendua, ahalegina, dedikazioa, hezkuntzako lorpenak ...
  • Sari kopurua eta zuzkidura: Saria egiaztapen diploma bat izanen da, eta lau sari emanen dira gehienez.
  • Entitate edo pertsona proposatzaileak: Proposatutako pertsonak bere lanbide jarduera zein ikastetxetan garatu duen edo garatzen ari den, horrexek proposatuko du hautagaitza, ikastetxeko zuzendaritza taldeen, eskola kontseiluaren edo guraso elkartearen bitartez. Ikastetxeekin zerikusia duten beste gizarte edo lanbide entitate batzuek ere aurkez ditzakete hautagaiak, bai eta Hezkuntza Departamentuko administrazio unitateek ere.
  • Aurkeztu beharreko agiriak:
  • III. ereduaren araberako eskabidea, hautagaia aukeratzeko arrazoiak egiaztatu edo frogatzen dituena, ibilbide profesionaleko alderdirik aipagarrienak kontuan hartuta betiere.
  • Memoria bat, irakaslearen ibilbide profesionala zehaztuko duena eta hautagaia aurkezteko merezimenduak agiri bidez frogatuko dituena.
  • Hautagaiari buruzko beste agiri osagarri batzuk, hala nola abalak, sostengu gutunak, beste erakunde batzuek emandako sariak ..., eskaera ebaluatzeko interesgarriak badira eta informazio osagarria eta datu garrantzitsuak ematen badituzte.
  • Hautatzeko irizpideak:
  • Hautagaiari buruz proposatutako merezimenduak frogatzen dituzten agiriak.
  • Hezkuntza administrazioek bultzatutako planetan eta programetan parte hartzea.
  • Aurkeztutako eskaeraren eta txostenen balorazioa.

4. Zuzendaritza lana duten irakasleentzako sariak:

  • Hartzaileak: Jardunean dauden edo aurreko ikasturtean erretiroa hartu zuten irakasleak, ikastetxeetako zuzendaritza lanean nabarmendu badira.
  • Sariaren helburua: Ikastetxe bateko zuzendaritza lanak aktiboki eta ospe pertsonalez garatu izana sarituko da.
  • Sari kopurua eta zuzkidura: Saria egiaztapen diploma bat izanen da, eta hiru sari emanen dira gehienez.
  • Entitate edo pertsona proposatzaileak: Hautagaiak ikastetxeek proposatuko dituzte, eskola kontseiluaren edo guraso elkarteen bitartez. Ikastetxeekin zerikusia duten beste gizarte edo lanbide entitate batzuek ere aurkez ditzakete hautagaiak, bai eta Hezkuntza Departamentuko administrazio unitateek ere.
  • Aurkeztu beharreko agiriak:
  • IV. ereduaren araberako eskabidea, hautagaia aukeratzeko arrazoiak egiaztatu edo frogatzen dituena, ikastetxeko zuzendari gisa izandako ibilbide profesionaleko alderdirik aipagarrienak kontuan hartuta betiere.
  • Memoria bat, hautagaiaren ibilbide profesionala zehaztuko duena eta hautagaia aurkezteko merezimenduak agiri bidez frogatuko dituena.
  • Hautagaiari buruzko beste agiri osagarri batzuk, hala nola abalak, sostengu gutunak, beste erakunde batzuek emandako sariak ..., eskaera ebaluatzeko interesgarriak badira eta informazio osagarria eta datu garrantzitsuak ematen badituzte.
  • Hautatzeko irizpideak:
  • Hautagaia aurkeztea justifikatzen duten merezimenduak frogatzeko agiriak.
  • Aurkeztutako eskaeraren eta txostenen balorazioa.

5. Ikastetxeentzako sariak:

  • Hartzaileak: Nafarroako Foru Komunitatean unibertsitatez kanpoko hezkuntza mailetan funts publikoak jasotzen dituzten ikastetxeak.
  • Sariaren helburua: Hezkuntza esparruko ikastetxe gisa izan duen ibilbidea aintzatetsi nahi da, hau da, hezkuntzako lanaren bidez bere eskola ingurunean kalitatea, ekitatea eta gizarte kohesioa bilatzeko ahaleginean izan duen ibilbidea.
  • Sari kopurua eta zuzkidura: Saria egiaztapen diploma bat izanen da, eta bi sari emanen dira gehienez kategoria hauetako bakoitzean: Haur eta Lehen Hezkuntza, Bigarren Hezkuntza eta Batxilegoa, LH eta beste.
  • Entitate edo pertsona proposatzaileak: Hautagaiak ikastetxeek proposatuko dituzte, eskola kontseiluaren edo guraso elkarteen bitartez. Ikastetxeak hezkuntza lana egiten duen eremuko beste entitate adierazgarri batzuek ere aurkez ditzakete hautagaiak, bai eta Hezkuntza Departamentuko administrazio unitateek ere.
  • Aurkeztu beharreko agiriak:
  • V. eranskinaren araberako eskabidea.
  • Memoria bat, hezkuntza arloan izandako ibilbidea eta hautagaia aurkeztearen arrazoiak jasoko dituena.
  • Hautagaiari buruzko beste agiri osagarri batzuk, hala nola abalak, sostengu gutunak, beste erakunde batzuek emandako sariak ..., eskaera ebaluatzeko interesgarriak badira eta informazio osagarria eta datu garrantzitsuak ematen badituzte.
  • Hautatzeko irizpideak:
  • Ikastetxearen hezkuntza proiektua, bertako inguruabarrei egokitua, ikasle guztiak barne hartzen lagundu eta horiek eskolan aurrera egitea bultzatuko duena.
  • Hezkuntza administrazioek bultzatutako planetan eta programetan parte hartzea.
  • Beste erakunde batzuen aintzatespenak: sariak, eskolako lan sareetan parte hartzea, etab.
  • Hautagaia aurkeztea justifikatzen duten merezimenduak frogatzeko agiriak.

6. Hautatze prozesua:

Proposatutako hautagaien azterketa eta balorazioa egiteko epaimahai bat sortuko da, honako hauek osatua:

  • Antolamenduaren, Kalitatearen eta Berrikuntzaren zuzendari nagusia.
  • Nafarroako Eskola Kontseiluko burua.
  • Ikuskapenaren eta Zerbitzuen Zuzendaritza Nagusiaren ordezkari bat, Lanbide Heziketaren eta Unibertsitateen Zuzendaritza Nagusiaren ordezkari bat eta Antolamenduaren, Kalitatearen eta Berrikuntzaren Zuzendaritza Nagusiaren ordezkari bat, idazkari lana eginen duena.
  • Zuzendari elkarteen ordezkari bat.
  • Entzute handiko bi pertsona, Hezkuntzako kontseilariak izendatuak.
  • Gurasoen Mahaiko bi ordezkari, mahaiak berak izendatuak.

Epaimahaiak sariak emateko proposamena igorriko dio Hezkuntzako kontseilariari. Hezkuntzako kontseilariaren foru agindu baten bidez emanen dira sariak. Sariak eman gabe utz daitezke kategoria guztietan edo bakarren batean.

Jendaurreko ekitaldi batean banatuko dira sariak.

7. Eskabidea, eta agiriak aurkezteko epeak:

Sariak urtean behin emanen dira eta irailean eginen da deialdia. Ikasturte bakoitzeko lehen hiruhilekoan banatuko dira, horretarako antolatuko den ekitaldi batean.

Agiriak Nafarroako Gobernuaren Zerbitzuen web orritik abiatuta aurkezten ahalko dira, telematikoki: www.navarra.es.

2010-2011 ikasturteko deialdirako eskabideak aurkezteko epea hogei egun naturalekoa izanen da, foru agindu hau Nafarroako Aldizkari Ofizialean aurkezten den egunetik hasita.

II. ERANSKINA

Ikasleentzako sariak

Ikasleentzako sarien 2010eko deialdian parte hartzeko proposamena

1.-Proposamena aurkezten duenaren datuak:

Izen-deiturak:

Zein ikastetxe edo administrazio unitate ordezkatzen duen:

Helbidea:

Herria: Posta kodea:

Telefonoa:

Faxa:

Helbide elektronikoa:

2.-Proposatutako ikaslearen datu pertsonalak:

Izen-deiturak:

Helbidea:

Herria: Posta kodea:

Telefonoa:

Faxa:

Helbide elektronikoa:

2010-2011 ikasturtean zein ikastetxetan ari den ikasketak egiten:

3.-Proposamenari erantsitako agiriak eta txostenak:

............................. jaunak/andreak, ............................... ordezkatuz, ............................ proposatzen du .................. sarirako hautagai izateko, eta horretarako agiri hauek erantsi ditu:

[ ] Eskabide formalizatua.

[ ] Hautagaia aurkezten duen ikastetxeko Orientazio Departamentuaren edo administrazio unitatearen memoria txostena, non azalduko baitira hautagaiaren zailtasunak (pertsonalak, hezkuntza arlokoak edo ingurunekoak), ikastetxeak hautagaiaren garapenerako hartutako neurriak eta horien ondorioak, eta etapako helburuak zein mailatan lortu diren abiaburuko egoerarekin alderatuta.

[ ] Derrigorrezko Bigarren Hezkuntzako tituluaren ziurtagiria.

[ ] Ikasturte honetan ikasketak egiten jarraitzen duela azaltzen duen ziurtagiria.

..................(e)n, 2010eko ..............aren ...........(e)an

(Sinadura eta zigilua)

Stua.: ........................................

4.-Proposamenaren baimena:

..................................... jaunak/andreak, ................. NANa/AIZ/pasaportea ........................, ikaslearen aita, ama edo tutorea naizen aldetik, .......................... baimena ematen diot sarien deialdian parte hartzeko.

.....................(e)n, 2010eko ................ aren ....(e)an

(Aita, ama edo legezko tutorea)

Stua.: .........................................

III. ERANSKINA

Irakasleentzako sariak

Irakasleentzako sarien 2010eko deialdian
parte hartzeko proposamena

1.-Proposamena aurkezten duenaren datuak:

Izen-deiturak:

NANa:

Honako hau ordezkatuz:

Helbidea:

Herria:

Posta kodea:

Telefonoa:

Helbide elektronikoa:

2.-Proposamenari erantsitako agiriak eta txostenak:

................................... jaunak/andreak, ............................... ordezkatuz, ............. proposatzen du ................................. sarirako hautagai izateko, eta horretarako agiri hauek erantsi ditu:

[ ] Eskabide formalizatua.

[ ] Memoria txostena, interesdunaren jarduerari buruzko datuak eta proposamenaren oinarri diren merezimenduak jasotzen dituena: ibilbide osoan zehar hezkuntza arloan egindako berrikuntza eta hobekuntza jarduerak; ikastetxeak parte hartzen dueneko hezkuntza plan eta programak abian jarri eta garatzeko lanean parte hartzea; ikastetxearen antolaketa eta funtzionamendu prozesuetan parte hartzea; hezkuntza komunitatearekin duen lotura; proposamena baloratzeko interesgarritzat jotzen den beste edozein informazio.

[ ] Hautagaiari buruzko beste agiri osagarri batzuk, hala nola abalak, sostengu gutunak, beste erakunde batzuek emandako sariak ..., eskaera ebaluatzeko interesgarriak badira eta informazio osagarria eta datu garrantzitsuak ematen badituzte.

............................(e)n, 2010eko ........................aren ...........(e)an

(Sinadura eta zigilua)

Stua.: ...........................................

IV. ERANSKINA

Zuzendaritza lana duten irakasleentzako sariak

Zuzendaritza lana duten irakasleentzako
sarien 2010eko deialdian parte hartzeko proposamena

1.-Proposamena aurkezten duenaren datuak:

Izen-deiturak:

NANa: Honako hau ordezkatuz:

Helbidea:

Herria:

Posta kodea:

Telefonoa:

Helbide elektronikoa:

2.-Proposamenari erantsitako agiriak eta txostenak:

............................... jaunak/andreak, .................................. ordezkatuz, .................... proposatzen du ................................ sarirako hautagai izateko, eta horretarako agiri hauek erantsi ditu:

[ ] Eskabide formalizatua.

[ ] Memoria txostena, interesdunaren jarduerari buruzko datuak eta proposamenaren oinarri diren merezimenduak jasotzen dituena: ibilbide osoan zehar hezkuntza arloan egindako berrikuntza eta hobekuntza jarduerak; ikastetxeak parte hartzen dueneko hezkuntza plan eta programak abian jarri eta garatzeko lanean parte hartzea; ikastetxearen antolaketa eta funtzionamendu prozesuetan parte hartzea; hezkuntza komunitatearekin duen lotura; proposamena baloratzeko interesgarritzat jotzen den beste edozein informazio.

[ ] Hautagaiari buruzko beste agiri osagarri batzuk, hala nola abalak, sostengu gutunak, beste erakunde batzuek emandako sariak ..., eskaera ebaluatzeko interesgarriak badira eta informazio osagarria eta datu garrantzitsuak ematen badituzte.

............................(e)n, 2010eko ........................aren ...........(e)an (Sinadura eta zigilua)

Stua.: .................................................

V. ERANSKINA

Ikastetxeentzako saria

Ikastetxeentzako sarien 2010eko deialdian parte hartzeko proposamena

1.-Proposamena aurkezten duenaren datuak:

Izen-deiturak:

NANa:

Honako hau ordezkatuz:

Helbidea:

Herria:

Posta

kodea Telefonoa:

Helbide elektronikoa:

2.-Ikastetxearen datuak:

Ikastetxearen izena:

Helbidea:

Herria:

Posta kodea:

Telefonoa:

Helbide elektronikoa:

3.-Proposamenari erantsitako agiriak eta txostenak:

................................... jaunak/andreak, ....................... ordezkatuz, ............. ikastetxea aurkezten du .......................... sarirako hautagai izateko, eta horretarako agiri hauek erantsi ditu:

[ ] Eskabide formalizatua.

[ ] Memoria txostena, ibilbide profesionalaren alderdi hauek jasoko dituena: ikastetxearen eta bere ingurunearen ezaugarriak; bere historian zehar gauzatutako hezkuntza jarduketak, bai eta Hezkuntza Departamentuak bultzatu eta ikastetxean ezarri diren plan eta programak ere; hezkuntza komunitatearen parte-hartzea; ikasleen emaitzen eboluzioa; etorkizunerako proposamenak; proposamena baloratzeko interesgarria den beste edozein informazio.

[ ] Hautagaiari buruzko beste agiri osagarri batzuk, hala nola abalak, sostengu gutunak, beste erakunde batzuek emandako sariak ..., eskaera ebaluatzeko interesgarriak badira eta informazio osagarria eta datu garrantzitsuak ematen badituzte.

............................(e)n, 2010eko ........................aren ...........(e)an (Sinadura eta zigilua)

Stua.: .............................................

Iragarkiaren kodea: F1014718