4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
1. EPAITEGIA
Ediktua. 664/2009 hipoteka-betearazpena
Nuria Creus Portas andreak, Tuterako Lehen Auzialdiko eta Instrukzioko 1. Epaitegiko idazkariak,
Aditzera ematen dut: Nafarroako Aurrezki Kutxa eta Bahitura Etxeak eskaturik, hipoteka-betearazpena dela-eta, Vytautas Sirvinskasen aurka epaitegi honetan bideratzen ari den 0000664/2009 betearazpen-prozesuan, erabaki da ondotik, tasazio-prezioa finkatuta, adierazten diren ondasunen enkante publikoa egitea hogei egunez:
Enkantean jartzen diren ondasunak eta bakoitzaren balorazioa:
Monteagudoko Huerto Mayor kaleko 41ean dagoen higiezina, Tuterako 1. Jabetza Erregistroan inskribatua 2670 zenbakiarekin, 2.161. liburukiaren 50. orrian, 42. liburuan. Muga hauek ditu: aurrean, bere helbideko kalea; sartu eta eskuinean, Moisés Manrique Campos; ezkerrean, Jesús Santos Torrellas, eta hondoan, erretena. 2. poligonoko 24. lurzatia da.
Balorazioa: ehun eta laurogei mila eta hirurehun euro (180.300 euro).
Enkantea 2010eko azaroaren 9an eginen da, goizeko 11:00etan.
Enkantearen baldintzak:
1.-Lizitatzaileek betekizun hauek bete beharko dituzte:
A.-Beren nortasuna behar bezala frogatzea.
B.-Enkantearen baldintza orokorrak eta partikularrak ezagutzen dituztela aitortzea.
C.-Epaitegi honetako Gordailu eta Kontsignazioen Kontuan, kontzeptu gisa 3180 0000 06 0664 09 jarrita, ondasunen tasazio-balioaren %30 sartu izanaren gordekina aurkeztea edo, bestela, kopuru hori adinako banku-abala jarri izanarena.
Lizitatzaileak gordailu hori osorik edo partez hirugarren batengandik jasotako diruarekin egiten badu, halaxe adierazi beharko da gordekinean, Prozedura Zibilari buruzko 1/2000 Legearen 652. artikuluaren 2. idatz-zatian xedatutakoaren ondorioetarako.
2.-Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
3.-Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, adierazitako baldintza berberetan.
4.-Posturarik onena enkantean jarri den ondasunaren balorazioaren %70ekoa edo handiagoa bada, errematea posturagile onenaren alde onetsiko da. Ehuneko horretatik beherakoa bada, PZLaren 670. artikuluan adierazitakoari jarraikiko zaio.
5.-Erregistroko ziurtagiria epaitegi honetako Idazkaritzan dago ikusgai.
6.-Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta horrenbestez, enkantean parte hartze hutsarekin lizitatzaileak hori onartzen du, bai eta haien ondoriozko erantzukizunean subrogatzea ere, errematea bere alde esleituz gero.
7.-Ulertuko da lizitatzaileek nahikotzat onartzen dutela jarduketetan dagoen titulazioa.
8.-Betearazpenpekoei hori guztia beren helbidean jakinarazteko ahaleginak huts egiten badu, honako honek jakinarazpen gisa balioko du.
Ezinbesteko arrazoiengatik, epaitegiari egotzi ezin zaizkion arrazoiengatik edo, oker bat dela-kausa, enkantearen deialdia igande baterako edo jaiegun baterako egiteagatik, enkantea adierazitako egunean eta orduan egiterik ez badago, ulertuko da hurrengo egun baliodunean eginen dela, ordu berean, larunbatak kenduta.
Tuteran, 2010eko irailaren 1ean.-Idazkari judiziala, Nuria Creus Portas.
Iragarkiaren kodea: J1015150
