1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
958/2010 EBAZPENA, uztailaren 30ekoa, Arriskuen Prebentziorako eta Lanaren zuzendari nagusiak emana, "Desgaitasuna duten pertsonei laguntzeko zentro pribatu itunduak" sektorearen hitzarmeneko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 30/2010).
Departamentu honetan 2010eko apirilaren 9an sartu da "Desgaitasuna duten pertsonei laguntzeko zentro pribatu itunduak" sektoreko lan hitzarmen kolektiboko soldaten berrikuspenari buruzko 2010eko akordioa, negoziazio batzordeak hitzarmen hartan (hasierako espedientea: 29/2010) xedaturikoa betez sinatu eta onetsia.
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoaren arabera, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan harturik hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,
EBATZI DUT:
1. Nafarroako "Desgaitasuna duten pertsonei laguntzeko zentro pribatu itunduak" sektorearen lan hitzarmen kolektiboko (kodea: 3108485) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestatuta dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2010eko uztailaren 30ean.-Arriskuen Prebentziorako eta Lanaren zuzendari nagusia.
DESGAITASUNA DUTEN PERTSONEI LAGUNTZEKO NAFARROAKO GOBERNUAREKIN ITUNDUTAKO ZENTROEN SEKTOREKO II. HITZARMENAREN BATZORDE PARITARIOA
Iruñean, 2010eko martxoaren 26ko 11:00etan.
Bildu egin da Desgaitasuna duten pertsonei laguntzeko Nafarroako Gobernuarekin itundutako kudeaketa pribatuko zentroen enpresaz gaindiko II. Hitzarmen Kolektiboko Batzorde Paritarioa, ondotik aipatzen diren entitate eta ordezkariek osatua:
-Enpresaren aldetik eta EANA ordezkatuz, Jesús Pérez Villa, Ana Espín Forján (Mapfre Quavitae), Iñaki Asensio Olaso (Servisar) eta Julio López Mazuelas (Avanvida).
-Langileen aldetik, Mª José Caneda Viana, Juana Mª Areso Murillo eta José Elizalde Beorlegui, CCOO ordezkatuz, Elena Firvida Medeiros, Esperanza Gastea Hernández eta Luis Hernández Inac, UGT ordezkatuz.
Bi alderdiek legezko gaitasuna aitortzen diote elkarri eta bertaratu diren guztien aldeko botoa izanda,
ERABAKI DUTE:
Lehendabizikoa.-Akta honi eranskin gisa lotutako soldaten taulak onetsi eta izenpetzea. %1eko igoera bermatzen dute 2009ko soldaten gainean, eta 2010eko urtarrilaren 1etik abenduaren 31 arte aplikatuko zaizkie nominei.
Zenbateko horien gainean, 2011ko urtarrilean eta Nafarroako 2010eko KPI ezagutzen denean, azken urterako aurreikusitako berrikuspen klausula aplikatuko da, Hitzarmenaren 27. artikuluan jasotako moduan aplikatuko ere.
Bigarrena.-Soldata taulako testuaren bi ale igortzea Nafarroako Gobernuko Berrikuntza, Enpresa eta Enplegu Departamentura, behar den guztia egin dadin erregistratu, gorde eta Nafarroako Aldizkari Ofizialean argitaratzeko, martxoaren 24ko 1/1995 Legegintzako Errege Dekretuaren bidez onetsitako Langileen Estatutuaren 90. artikuluko 2. eta 3. ataletan agindutakoari jarraikiz.
Horretarako, ahalmena ematen zaio CCOOetako ordezkaritzari, beharrezkoak diren kudeaketak egin ditzan.
Eta aztertzeko beste gairik ez dagoenez, bilerari bukaera eman zaio eta, adostasunaren adierazgarri, honako akta hau sinatu da goian aipatutako tokian eta egunean.
EANA CCOO UGT
ERANSKINA 2010eko behin-behineko soldaten taulak %1eko konturako igoera kontsolidagarria, 2009ko soldaten gainekoa, eta soldata berrikusteko klausula (2010eko NKPI + %0,3) |
| OINARRIZKO SOLDATA | HITZARM. OSAGARRIA | TREBAKUNTZAKO OSAGARRIA | HILABETEKO SOLDATA 14 PAGA* | URTEKO ORDAINSARIA | PREZIOA ORDUKA* |
I. TALDEA. TEKNIKARIAK ETA BULEGOKO LANGILEAK | | | | |
1.1. Zuzendari teknikoa | 2.293,15 | 339,61 | 96,74 | 2.632,76 | 36.858,62 | 22,23 |
1.2. Goi mailako tituluduna | 1.911,18 | 283,06 | 96,74 | 2.194,23 | 30.719,24 | 18,53 |
1.3. Erdi mailako tituluduna | 1.576,87 | 233,55 | 85,00 | 1.810,42 | 25.345,83 | 15,29 |
1.4. Administrazioko langileak |
1. mailako administrari-ofiziala | 1.243,15 | 265,53 | 85,00 | 1.508,68 | 21.121,52 | 12,74 |
2. mailako administrari-ofiziala | 1.059,14 | 265,53 | 73,26 | 1.324,67 | 18.545,36 | 11,19 |
Admin. lag./Harreragilea | 969,03 | 286,19 | 73,26 | 1.255,22 | 17.573,11 | 10,60 |
1.5. Hezitzailea | 1.315,57 | 193,11 | 73,26 | 1.508,68 | 21.121,52 | 12,74 |
II. TALDEA ZUZENEKO LAGUNTZAKO LANGILEAK |
2.1. Zaintzailea (2) | 969,03 | 286,19 | 73,26 | 1.255,22 | 17.573,11 | 11,06 |
2.2. Prestakuntzako zaintzailea | 872,12 | 257,58 | 0,00 | 1.129,70 | 15.815,83 | 9,95 |
2.3. Begiralea | 1.315,57 | 193,11 | 73,26 | 1.508,68 | 21.121,52 | 12,74 |
2.4. Etxebizitza funtzionaleko zaintzailea | 998,58 | 294,91 | 73,26 | 1.293,50 | 18.108,95 | 11,40 |
III. MULTZOA. ZERBITZUETAKO LANGILEAK |
3.1. Gobernanta. Z. O.etako burua | 1.059,14 | 286,19 | 73,26 | 1.345,33 | 18.834,65 | 11,36 |
3.2. Zerbitzu anitzetako langileak |
Mant.-lan. eta Zerb. anitz. ofiziala | 1.059,14 | 326,26 | 73,26 | 1.385,40 | 19.395,64 | 11,70 |
Zerb. anitz. laguntzailea | 922,28 | 143,62 | 73,26 | 1.065,90 | 14.922,64 | 9,00 |
3.3. Ostalaritzako langileak | |
Sukaldeko burua | 1.059,14 | 286,19 | 73,26 | 1.345,33 | 18.834,65 | 11,85 |
Sukaldaria | 969,03 | 286,19 | 73,26 | 1.255,22 | 17.573,11 | 11,06 |
Ostal. zerbitzuetako langileak | 922,28 | 143,62 | 73,26 | 1.065,90 | 14.922,64 | 9,39 |
SOLDATEN GAINEKO BESTE KONTZEPTU BATZUK 2010 |
Jaieguna (euro orduko) | 5,37 euro | Lanaldien osagarria > 15 ordu | 90,90 euro |
Eguberrietako egun bereziak, A eta G: 24, 31, 5 | 50,50 euro | Dieta osoa | 40,80 euro |
Eguberrietako jaiegun bereziak G eta A: 25, 1, 6 | 40,40 euro | Dieta erdia | 16,32 euro |
Etxeb. funtz. prestasuneko osagarria | 200,00 euro | Kilometro ordaina (euro km-ko) | 0,25 euro |
Txandako arduradunaren osagarria | 150,00 euro | Txand. ard. ordua / G: 1,42 euro / Txand.: 1,38 euro / Gainerako txandak: 1,32 euro |
* Orduaren prezioan ez da prestakuntza sartzen, ezta osagarri pertsonalak edo lanpostukoa ere. 1.598 orduko lanaldia kalkulatu da zaintzailearen kategoriarako. Zaintzailearen ordua: Gaueko txanda (1.480 ordu) 11,76 euro orduko. Txandakakoa (1.516 ordu) 11,53 euro orduko. |
F1013239 |
Iragarkiaren kodea: F1013239
