1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
1129/2010 EBAZPENA, abuztuaren 4koa, Lurraldearen Antolamendu eta Etxebizitzako zuzendari nagusiak emana, abenduaren 17ko 2120/2009 Ebazpenean eta maiatzaren 7ko 656/2010 Ebazpenean antzemandako akatsak zuzentzen dituena. Ebazpen horien bidez onetsi zen Erripagaineko Udalez gaindiko Plan Sektorialaren I. banaketa eremuko birzatiketa proiektuaren aldaketa, eremu horretako Konpentsazio Batzordeak sustatua.
Lurraldearen Antolamenduko eta Etxebizitzako zuzendari nagusiaren abenduaren 17ko 2120/2009 Ebazpenaren bidez, hasiera batez onetsi zen Erripagaineko Udalez gaindiko Plan Sektorialaren I. banaketa eremuko birzatiketa proiektuaren aldaketa, A-1.3, B-3.4, B-4, C-8, D-7, G-1.1, H-1.2, H-1.3, VP-1, VB-1 eta VE-1 lurzatiei dagokiena, eremu horretako Konpentsazio Batzordeak sustatua. Ebazpen hura 2010eko 10. Nafarroako Aldizkari Ofizialean argitaratu zen, urtarrilaren 22an.
Halaber, Lurraldearen Antolamenduko eta Etxebizitzako zuzendari nagusiaren maiatzaren 656/2010 Ebazpenaren bidez, behin betiko onetsi zen arestian aipatutako espedientea eta zehaztu zen aldaketa A-1.3, B-3.4, B-4, C-8, D-7, G-1.1, H-1.2, H-1.3, VP-1, VB-1 eta VE-1 lurzatiei dagokiela. Ebazpen hura 2010eko 90. Nafarroako Aldizkari Ofizialean argitaratu zen, uztailaren 26an.
Dena dela, akatsa antzeman da aipatu ebazpenetan, berez, Konpentsazio Batzordeak aurkeztutako proposamenak A-1.3, B-3.4, C-8, G-1.1, G-1.2, VB-1 eta VE-1 lurzatiak baizik ukitzen ez baititu; beraz, bidezkoa da zuzentzea.
Kontuan hartuta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 105.2 artikuluari jarraikiz, administrazio publikoek, ofizioz edo interesdunek eskatuta, edozein unetan zuzentzen ahal dituztela beren egintzetako akats materialak, egitatezkoak edo aritmetikoak, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 55. artikuluak ezartzen duenari jarraikiz, egintza eman zuen organoak zuzendu behar dituela akats materialak, bidezkoa da testua zuzentzea, alegatutakoaren arabera, eta adieraztea ez duela aipatutakoaz bestelako ondorio juridikorik sortzen.
Horrenbestez, Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/2007 Foru Dekretuaren bidez eskuratu ditudan ahalmenak erabiliz,
EBATZI DUT:
1. Lurraldearen Antolamenduko eta Etxebizitzako zuzendari nagusiaren abenduaren 17ko 2120/2009 Ebazpena eta maiatzaren 7ko 656/2010 Ebazpena zuzentzea. Ebazpen horien bidez onetsi zen Erripagaineko Udalez gaindiko Plan Sektorialaren I. banaketa eremuko birzatiketa proiektuaren aldaketa, eremu horretako Konpentsazio Batzordeak sustatua. Beraz, honako hau dioen lekuan: "A-1.3, B-3.4, B-4, C-8, D-7, G-1.1, H-1.2, H-1.3, VP-1, VB-1 eta VE-1 lurzatiei dagokiena", honako hau behar du: "A-1.3, B-3.4, C-8, G-1.1, G-1.2, VB-1 eta VE-1 lurzatiei dagokiena".
2. Ebazpen honek ez du administrazio bidea amaitzen eta haren aurka interesdunek, administrazio publikoek izan ezik, gora jotzeko errekurtsoa jartzen ahal dute, Lurraldearen Antolamendu eta Etxebizitzako kontseilariari zuzendua, ebazpen hau argitaratu edo jakinarazi eta biharamunetik hilabeteko epean.
Administrazio Publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Ebazpen hau Nafarroako Aldizkari Ofizialean argitaratzea eta Burlatako, Iruñeko, Uharteko eta Eguesibarko udalei, sustatzaileari eta jabetza-erregistroari jakinaraztea.
Iruñean, 2010eko abuztuaren 4an.-Lurraldearen Antolamenduko eta Etxebizitzako zuzendari nagusia, Jesús Javier Ascunce Elizaga.
Iragarkiaren kodea: F1013401
