1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
10/2010 EBAZPENA, uztailaren 16koa, Nafarroako Ospitaleguneko kudeatzaileak emana, zenbait kontratu sinatzeko eskumena eskuordetzen duen ekainaren 29ko 4/2010 Ebazpena aldatzen duena.
Ekainaren 29ko 4/2010 Ebazpenaren bidez, Nafarroako Ospitaleguneko Administrazio eta Zerbitzu Orokorretako zuzendariari eman zitzaion ebazpen horretan aipatzen diren zenbait administrazio kontratu sinatzeko eskumena.
Eraginkortasun arrazoiek aholkatzen dute Ubarmin Klinikako Kudeaketa Zerbitzuko buruari ematea Nafarroako Ospitaleguneko eremuan administrazio kontratuak sinatzeko eskumena, betiere zenbatekoak foru araudian ezarritako kopurua ez gainditzeagatik haien tramitazioan faktura baizik eskatzen ez dutenetakoak badira.
Horregatik, eta Nafarroako Ospitalegunea sortu eta haren zuzendaritza egitura ezartzen duen apirilaren 12ko 19/2010 Foru Dekretuaren 8. artikuluak ematen dizkidan ahalmenak erabiliz,
EBATZI DUT:
1. Zenbait kontratu sinatzeko eskumena eskuordetzen duen ekainaren hogeita bederatziko 4/2010 Ebazpena aldatzea; zehazki, hitzez hitz honako hau dioen atala gehitzea xedapen zatian:
Ubarmin Klinikako (Nafarroako Ospitaleguneko eremua) Kudeaketa Zerbitzuko buruak du administrazio kontratuak sinatzeko eskumena, betiere zenbatekoak foru araudian ezarritako kopurua ez gainditzeagatik haien tramitazioan faktura baizik eskatzen ez dutenetakoak badira.
2. Ebazpen hau Nafarroako Aldizkari Ofizialean argitaratzea.
3. Ebazpen hau igortzea Osasunbidea-Nafarroako Osasun Zerbitzuko zuzendari kudeatzaileari, Osasunbidea-Nafarroako Osasun Zerbitzuko Administrazio eta Antolaketa zuzendariari, Ogasun Departamentuak Osasunbidea-Nafarroako Osasun Zerbitzuan duen kontu-hartzaile delegatuari, Nafarroako Ospitaleguneko Administrazio eta Zerbitzu Orokorretako zuzendariari eta Ubarmin Klinikako Kudeaketa Zerbitzuko buruari.
Iruñean, 2010eko uztailaren 16an.-Nafarroako Ospitaleguneko zuzendaria, Fernando Boneta Beorlegui.
Iragarkiaren kodea: F1012915
