1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
4/2010 EBAZPENA, ekainaren 29koa, Nafarroako Ospitaleguneko kudeatzaileak emana, zenbait kontratu sinatzeko eskumena eskuordetzen duena.
Uztailaren 3ko 45/2006 Foru Dekretuaren 16.2 d) artikuluak Nafarroako Ospitaleguneko kudeatzaileari edozein administrazio kontratu sinatzeko eskumena ematen dio, betiere zenbatekoak foru araudian ezarritako kopurua ez gainditzeagatik haien tramitazioan faktura baizik eskatzen ez dutenetakoak badira.
Foru dekretu bereko 16.3 artikuluak xedatzen du eskumen horiek maila bereko edo beheragoko organoen esku uzten ahalko direla.
Abenduaren 3ko 15/2004 Foru Legearen 36.4 artikuluak ezartzen duenez, eskuordetza Nafarroako Aldizkari Ofizialean argitaratu beharko da.
Horregatik, eta Nafarroako Ospitalegunea sortu eta haren zuzendaritza egitura ezartzen duen apirilaren 12ko 19/2010 Foru Dekretuaren 8. artikuluak ematen dizkidan ahalmenak erabiliz,
EBATZI DUT:
1. Nafarroako Ospitaleguneko Administrazio eta Zerbitzu Orokorretako zuzendariaren esku uztea ebazpen honetan aipatzen diren administrazio kontratuak sinatzeko eskumena, Nafarroako Ospitalegunerako onetsitako aurrekontuen barrenekoak.
2. Ebazpen honen berri ematea Osasunbidea-Nafarroako Osasun Zerbitzuko Administrazio eta Antolaketa zuzendariari, Ogasun Departamentuak Osasunekoan duen Kontu-hartzailetza Delegatuari, Nafarroako Ospitaleguneko Administrazio eta Zerbitzu Orokorretako zuzendariari eta Nafarroako Aldizkari Ofizialari, behar diren ondorioak izan ditzan.
Iruñean, 2010eko ekainaren 29an.-Nafarroako Ospitaleguneko kudeatzailea, Fernando Boneta Beorlegui.
Iragarkiaren kodea: F1012916
