1. NAFARROAKO FORU KOMUNITATEA
1.7. BESTELAKOAK
386/2010 EBAZPENA, uztailaren 23koa, Ikuskapenaren eta Zerbitzuen zuzendari nagusiak emana, Iruñeko "Esclavas del Sagrado Corazón" ikastetxe pribatuaren baimena aldatzen duena, Lehen Hezkuntzako unitateak handitzeko.
Ikusirik ireki den espedientea, Amparo Salanova Penalba andreak, ikastetxeko entitate titularra ordezkatuz, "Esclavas del Sagrado Corazón" Haur eta Lehen Hezkuntzako ikastetxe pribatuan Lehen Hezkuntzako 6 unitate berri baimentzeko egindako eskaera dela eta.
Ikusirik Obren eta Mantentze-lanen Zerbitzuak emandako aldeko txostena, non azaltzen baita ikastetxearen instalazioak egokiak direla, unitate berriak hantxe kokatzeko.
Kontuan harturik Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezartzen duen uztailaren 6ko 251/1992 Foru Dekretuak ezarritakoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Iruñeko "Esclavas del Sagrado Corazón" ikastetxe pribatuaren (kodea: 31004767) baimena aldatzea, Lehen Hezkuntzan 6 unitate gehiago jartzeko. 2010-2011 ikasturtea hastearekin izanen ditu ondorioak. Horrenbestez, ikastetxeak hezkuntza etapa horretarako 12 unitate izateko baimena izanen du behin betiko, indarrik gabe geldituko da ikastetxeak gaur egun duen aldi baterako baimena, etapa horretan 5 unitate izateko, eta beste unitate baterako aldi baterako baimena izanen du, 2014-2015 ikasturtera bitarte.
2. Hemendik aurrera, hauxe izanen da ikastetxearen osaera juridikoa:
-Haur Hezkuntzako bigarren zikloa: 6 unitate, gehienez ere 150 ikaspostu.
-Lehen Hezkuntza: 12 unitate, gehienez ere 300 ikaspostu.
3. Horretaz gainera, ikastetxeak Lehen Hezkuntzan beste unitate baterako aldi baterako baimena izanen du, 2014-2015 ikasturtera bitarte.
4. Ikastetxeak itundurik dauzkanez Lehen Hezkuntzari dagozkion ikasketak, itunei buruzko legeek horretaz xedatutakoa bete beharko da ebazpen honen bidez baimendutako unitate berriak abian jartzeko.
5. Ebazpen honen aurka gora jotzeko errekurtsoa jartzen ahal da, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
6. Ebazpen hau Nafarroako Aldizkari Ofizialean argitaratuko da.
7. Ebazpen hau igortzea ikastetxearen titularrari, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Informazioaren eta Komunikazioaren Teknologien Atalari, Araubide Administratiboaren Atalari, Ikasketak Antolatzeko Atalari, Ikastetxeen eta haien Finantzaketaren Atalari, eta Informazioa Kudeatzeko Bulegoari.
Iruñean, 2010eko uztailaren 23an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F1012807
