Iragarkia

104. ALDIZKARIA - 2010eko abuztuaren 27a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2010eko uztailaren 19an hartua, Nafarroako Foru Komunitateko Azpiegituren Lurralde Plana aldatu eta eguneratzeko bigarren, hirugarren eta laugarren espedienteak jendaurrean jarri eta, aldi berean, horien eraginpean dauden udalei entzunaldia ematen diena. Espedienteak "Telefónica Móviles España, S.A." enpresak aurkeztu ditu.

Nafarroako Foru Komunitatean uhin elektromagnetiko ez-gidatuen bidezko telekomunikazioko oinarrizko estazioak antolatzeko maiatzaren 6ko 10/1002 Foru Legearen 9. artikuluan ezarrita dago nahitaezkoa dela azpiegituren lurralde plan bat aurkeztea, non gaur egun dauden estazio finkoak eta sare osoa ezarri eta garatzeko dauden aurreikuspenak azalduko diren. Artikulu horretan xedatutakoa aplikatuz, "Telefónica Móviles España, S.A." operadoreak, 2002ko azaroan, bere jabetzapean zeuden telefonia mugikorreko oinarrizko estazioen artxibo bat aurkeztu zuen garai hartako Ingurumen, Lurraldearen Antolamendu eta Etxebizitza Departamentuan. Gero, operadoreak Nafarroako Foru Komunitaterako aurreikusita duen Azpiegituren Lurralde Plana osatu zuen, bere sare osoa ezarri eta garatzeko dituen aurreikuspenen berri emanez.

Nafarroako Gobernuak, 2006ko ekainaren 19an hartutako Erabakiaren bidez, Nafarroako Foru Komunitateko Azpiegituren Lurralde Plana, "Telefónica Móviles España, S.A.k" aurkeztua, jendaurrean egoteko tramitea ebatzi zuen, eta erabaki zen plan horren onespena telekomunikazioen arloan eskumena duen departamentuak eginen zuela. Erabaki hori 2006ko 87. Nafarroako Aldizkari Ofizialean argitaratu zen, uztailaren 21ean.

Gero, Ekonomia eta Ogasuneko kontseilariaren ekainaren 26ko 216/2006 Foru Aginduaren bidez, "Telefonía Móviles España, S.A.k" aurkeztutako Azpiegituren Lurralde Plana onetsi zen, determinazio batzuk finkatuta. Foru agindu hori 2006ko 91. Nafarroako Aldizkari Ofizialean argitaratu zen, uztailaren 31n.

Urte batzuk geroago, 10/2002 Foru Legearen 13. artikuluan eta 216/2006 Foru Aginduan xedatutakoarekin bat, operadoreak bere lurralde plana aldatzeko/eguneratzeko espedientea aurkeztu zuen, tramitatzeko. Espediente hori, Nafarroako Gobernuaren 2009ko otsailaren 9ko Erabakiaren bidez jendaurreko aldiaren tramitea ebatzi ondoren, onetsi egin zen, Enpresako zuzendari nagusiak otsailaren 25ean emandako 417/2009 Ebazpenaren bidez (2009ko 47. Nafarroako Aldizkari Ofiziala, apirilaren 20koa).

Berriz ere, 2008ko otsailean, Telefónica Móviles España, S.A.k bere azpiegituren lurralde planaren bigarren aldaketa aurkeztu zuen, 18 kokaleku berri eta mikrozelula bat sartzeko. Gero, 2008ko urrian eta 2009ko apirilean, operadoreak 8 eta 11 kokaleku berri aurkeztu zituen, hurrenez hurren. Eskatutako kokalekuek ondoko udalak ukitzen dituzte: Aitzoain, Arano, Arguedas, Basaburua, Burlata, Zarrakazteku, Kaseda, Zizur Txikia, Eneritz, Lizarra, Etxalar, Galar, Gesalatz, Girgillao, Uharte, Lerga, Mélida, Murchante, Murillo el Fruto, Noain Elortzibar, Oltza, Orkoien, Orotz-Betelu, Iruña, Tafalla, Tutera, Viana eta Deierri.

Gero, 2009ko irailean, "Telefónica Móviles España, S.A.k" bere azpiegituren lurralde plana aldatzeko/eguneratzeko hirugarren espedientea aurkeztu zuen, 12 kokaleku berri sartzeko. Eskatutako kokalekuek ondoko udalak ukitzen dituzte: Baztan, Erroibar, Larraga, Larraun, Miranda Arga, Noain Elortzibar, Iruña, Tiebas-Muru Artederreta, Uharte Arakil eta Ultzama.

Azkenik, 2010eko urtarrilean, "Telefónica Móviles España, S.A.k" bere azpiegituren lurralde plana aldatzeko/eguneratzeko laugarren espedientea aurkeztu zuen, 15 kokaleku berri sartzeko udalerri hauetan: Aranguren, Baztan, Beriain, Berriozar, Zarrakaztelu, Eguesibar, Lerin, Noain Elortzibar, Iruña, Ultzama eta Alesbes.

Ingurumenaren eta Uraren Zuzendaritza Nagusiko Kalitate Zerbitzuak, Enpresa Zuzendaritza Nagusiko Energiaren, Meatzaritzaren, Telekomunikazioen eta Industria Segurtasunaren Zerbitzuak eta Nafarroako Osasun Zerbitzua-Osasun Publikoaren Institutuak aldaketa eta eguneratzea egiteko hiru espedienteen aldeko txostenak eman dituzte.

Espediente bakoitzerako, sustatzaileak paperean eta euskarri digital informatikoan aurkeztu ditu planean sartu nahi diren kokaleku berrien fitxak, baita 10/2002 Foru Legearen 10. artikuluan ezarritakoaren arabera beharrezkoa den dokumentazio orokorra ere. Hala ere, aurkeztutako dokumentazioa zuzendu eta osatu egin behar da, jarraian azaltzen den moduan:

I.-Bigarren, hirugarren eta laugarren aldaketa espedienteak:

-Erantzukizun zibileko aseguruaren luzapena.

-Instalazioak jartzeko egutegi eguneratua, planeko kokaleku bakoitza zein aldaketa/eguneratze espedientetan sartuta dagoen zehaztuta.

II.-Bigarren aldaketa espedientea:

-Arano/Biltegia: fitxako kokalekua zuzendu behar da katastroko 16. lurzatiko 10. poligonoarekin.

-Guirguillao OE: fitxa zuzendu behar da 591789, 4730489 UTM koordenatuekin.

-Lerga OE: fitxa zuzendu behar da 623045, 4714359 UTM koordenatuekin.

-I/Aireportua: fitxa zuzendu behar da Noain Elortzibar udalerriarekin (ez Iruña).

-Olaldea OE: fitxa zuzendu behar da 639465, 4753310 UTM koordenatuekin.

-I/Víalogos: fitxako kokalekua zuzendu behar da katastroko 1563. lurzatiarekin.

-Errezu: fitxa zuzendu behar da Deierriko udalerriarekin eta katastroko 195. lurzatiarekin.

-Beruete OE: fitxa zuzendu behar da Basaburuko udalerriarekin, katastroko 552. lurzatiarekin eta 4763380 UTM Y koordenatuekin.

-Eneritz OE: fitxako kokalekua zuzendu behar da katastroko 243. lurzatiarekin.

-Orizki OE: fitxa zuzendu behar da 613703, 4787301 UTM koordenatuekin.

-Genbe: fitxa zuzendu behar da Gesalatz udalerriarekin.

-Tutera alde zaharra: fitxako kokalekua zuzendu behar da katastroko 7. lurzatiko 314. poligonoarekin.

-I/San Miguel klinika: fitxako kokalekua zuzendu behar da katastroko 5. lurzatiko 1273. poligonoarekin.

-Mendillorri Altzuza: fitxako kokalekua zuzendu behar da katastroko 156. lurzatiarekin.

-Orkoien Cosma: fitxako kokalekua zuzendu behar da katastroko 1054. lurzatiarekin.

-I/Orvina: fitxako kokalekua zuzendu behar da katastroko 37. lurzatiarekin eta 743281 UTM Y koordenatuekin.

-Tutera/Labradas: fitxako kokalekua zuzendu behar da katastroko 376. lurzatiarekin.

-I/Eslava kasinoa: fitxan kokalekuaren helbide postala eta katastroko erreferentzia (katastroko 586. lurzatia) zuzendu behar dira.

-Zizur bide zaharra: fitxako kokalekuarei buruzko datu guztiak zuzendu behar dira.

-Berriobeiti Mercamueble: fitxa zuzendu behar da Aitzoain udalerriarekin.

-I/Gazteluko plaza: fitxa zuzendu behar da 611055, 4741589 UTM koordenatuekin.

-Figarol OE: fitxa 634756, 4689775 UTM koordenatuekin zuzendu behar da eta kokalekua Zarrakazteluko udalerrian dago.

III.-Hirugarren aldaketa espedientea:

-Hatxueta EE: fitxa zuzendu behar da 584490, 4756290 UTM koordenatuekin.

-Gorriti OE: fitxako kokalekuaren planoa eta haren UTM koordenatuak zuzendu behar dira.

-Oritz OE: fitxako kokalekuaren planoa eta haren UTM koordenatuak zuzendu behar dira.

-Elizondo OE: fitxa zuzendu behar da 619674, 4778491 UTM koordenatuekin.

-Erroko gaina OE: fitxa zuzendu behar da 624960, 4755798 UTM koordenatuekin.

-Arraitz OE: fitxako UTM koodernatuak zuzendu behar dira.

-Almandoz OE: fitxa zuzendu behar da 613822, 4771568 UTM koordenatuekin.

-Miranda/Bazkalekuak: fitxa zuzendu behar da 596511, 4703600 UTM koordenatuekin.

-Atarrabia OE: kokapen herria zuzendu behar da: Iruña (ez Antsoain).

IV.-Laugarren aldaketa espedientea:

-Sarriguren: fitxa zuzendu behar da X 615478, Y 4740690 UTM koordenatuekin.

-I/Baiona Belate: fitxa zuzendu behar da X 609645, Y 4741278 UTM koordenatuekin.

-I/Buztintxuri: fitxako kokalekua zuzendu behar da Iruñeko katastroko 7. lurzatiko 2943. poligonoarekin.

-Zarrakaztelu/Biltegia: fitxa zuzendu behar da X 629159, Y 4692553 UTM koordenatuekin.

Horrenbestez, Lurraldearen Antolamenduko Batzordearekin bat etorririk eta Lurraldearen Antolamenduari eta Hirigintzari buruzko abenduaren 20ko 35/2002 Foru Legeari eta aplikatu beharreko gainerako arauei jarraikiz, Nafarroako Gobernuak, Lurraldearen Antolamendu eta Etxebizitzako kontseilariak proposaturik,

ERABAKI DU:

1. Nafarroako Foru Komunitateko Azpiegituren Lurralde Plana aldatu eta eguneratzeko bigarren, hirugarren eta laugarren espedienteak jendaurrean jartzea eta, aldi berean, horien eraginpean dauden udalei entzunaldia ematea, hilabetez. Espedienteak "Telefonía Móvies España, S.A." enpresak aurkeztu ditu. Erabaki honetan aipatzen diren departamentuen txostenak planari erantsi zaizkio.

Ondorio horietarako, espedientea ikusgai egonen da, interesdunen eskura, Lurraldearen Antolamendu eta Etxebizitza Departamentuaren bulegoetan (Armada etorbidea, 2, 3. maila, Iruña), eta epe horretan zilegi izanen da bidezkoak diren alegazioak aurkeztea, idatziz.

2. Espedientea behin betiko onetsi aurretik, entitate sustatzaileak espediente bakoitzaren testu bategin bat aurkeztu behar du, paperean eta euskarri digitalean. Erabaki honen azalpen eta xedapen zatietan aipatutako zuzenketak eta agiriak jasoko dira testu bateginean.

Halaber, espedienteak onetsi baino lehen, "Telefonía Móviles España, S.A." enpresak bere sarearen eskema orokor bat aurkeztu beharko du, espediente bakoitzeko kokaleku guztiak ez ezik onetsitako planekoak ere bilduko dituena. Haien zerrenda ere aurkeztu beharko da, euskarri informatikoan, UTM koordenatuak barne.

3. Dokumentazioa osaturik ez duten kokalekuak baztertu eginen dira.

4. Aldatzeko/Eguneratzeko bigarren espedienteari buruz:

Nafarroako Osasun Zerbitzua-Osasun Publikoaren Institutuak 2009ko maiatzaren 20an eta 2009ko uztailaren 20an eta 2009ko maiatzaren 27an egindako txostenak betez, instalazioak abian jarri ondoren azterlan zehatz bat aurkeztu beharko da, euskarri informatikoan eta grafikoan, enpresa homologatu batek egina, ondoko kokaleku hauen emisio erradioelektrikoei buruz: I/Eroski, Murillo El Fruto OE, Errezu, Beruete OE, Lakain Apezborro OE, Eneritz OE, Orizki OE, Genbe, I/Aireportua, Tutera alde zaharra, I/San Miguel klinika, I/Mendillorri Altzuza, Orkoien Cosma, I/Orvina, Tutera/Labradas, I/Eslava kasinoa, Zizur bide zaharra, Berriobeiti Mercamueble, Lizarra/El Puy, I/Gazteluko plaza, Tafalla/San José, I/Aireportua, Senda Viva, Burlata Konstituzioa, I/La Morea, Uharte Olgraf, Mélida/Poligonoa, Volkswagen, I/Víalogos eta Viana/Gonzaga.

-Ingurumen Kalitatearen Zerbitzuak 2008ko urriaren 31n eta 2010eko maiatzaren 6an egindako txostenak betez, beharrezkoa da ondoko kokaleku hauetako ingurumen ukipenetarako baimena tramitatzea, obra lizentziak eman aurretik: Arano/Biltegia, Figarol OE, San Isidro Del Pinar OE, Eneritz OE, Genbe, Girgillao OE, Lerga OE, Murchante/Saldemonte, Murillo El Fruto OE, Olaldea OE, Tafalla/Iparra eta Errezu.

-Energiaren, Meatzaritzaren, Telekomunikazioen eta Industria Segurtasunaren Zerbitzuak 2010eko ekainaren 24an egindako txostenarekin bat, espedientea informazio honekin osatuko da:

a) Burlata Konstituzioa, Uharte Olgraf, Mélida/Poligonoa, I/ La MoreaI I/Víalogos (1. neurketa-puntua), Senda Viva, Volkswagen, Viana/Gonzaga, I/Eroski, Tutera alde zaharra, Tutera Labradas: emisio elektromagnetikoaren aurreikuspena islatzen duen taulak neurketa-puntu bat adierazten du, eta sistema erradiatzailearekiko distantzia adierazten da. Dena den, kokalekuarekiko orientazioa ez da jakinarazi, eta horrenbestez, ez dago jakiterik zein den puntu hori. Puntua non kokatzen den adierazi beharko da, mapa batean kokatuz edo azimuta jakinaraziz.

b) Viana Biltegia: ondoko hauei buruzko informazioa falta da: sistema erradiatzailearen antenen altuera, estaldura eremuak, frekuentzien marjina eta emisioaren potentzia, instalaziak sortutako informazio elektromagnetikoa.

c) I/San Miguel: estazioa abian jarri ondoren, azterlan xehekatu bat aurkeztu beharko da, eta bertan zehatz-mehatz adierazi emisio irrati-elektrikoen mailak, San Miguel klinikako oinarrizko estazioa kokatuko den eraikinaren barrenean neurtuak, izan ere, estazio hori gune sentikortzat hartu baita.

5. Aldatzeko/Eguneratzeko hirugarren espedienteari buruz:

-Osasunbidea-Nafarroako Osasun Zerbitzua-Osasun Publikoaren Institutuaren 2010eko apirilaren 20ko eta ekainaren 15eko txostenak betez, honako hauek egin beharko dira:

a) Instalazioa abian jarri ondoren, honako kokaleku honen emisio irrati-elektrikoei buruzko azterlan xehekatu bat aurkeztu beharko da, enpresa homologatu batek egina: Atarrabia OE.

b) Azpiegituren lurralde planean agertzen diren oinarrizko estazioei berariazko baimena emateko prozesuan, 10/2002 Foru Legearen I. eta II. eranskinean ezarritakoa eta sentikortzat jotako gune edo lekuetarako ezarritako berariazko xedapenak betetzen direla justifikatu beharko da.

c) Zizur Txikia bide zaharra kokalekuari dagokionez, beste azterlan xehekatu bat bidali beharko da, aurrekoa zuzenduz, euskarri informatikoan eta grafikoan, aipatutako legearen III. eranskinean jasotako babespeko paralelepipedoaren barrenean (10 metro x 6 metro x 4 metro) dauden eremuen erabilerari buruz, bereziki antenako 1. sektoreari dagokionez.

d) I/Gazteluko plaza kokalekuari dagokionez, Gazteluko plaza erabilera sentikorreko eremu gisa sailkatu beharko da, "Telefónica Móviles España, S.A." enpresaren Azpiegituren Lurralde Plana aldatzeko (12 kokaleku berri) eskaerari buruzko 2009ko maiatzaren 20ko txostenean eskatu zitzaion bezala, Picasino Eslava kokalekuarentzat.

-Ingurumen Kalitatearen Zerbitzuaren 2010eko ekainaren 7ko txostenari erreparatuz, sustatzaileak ingurumen ukipenen azterlan bana aurkeztu beharko du espediente honen kokaleku bakoitzerako.

6. Aldatzeko/Eguneratzeko laugarren espedienteari buruz:

-Nafarroako Osasun Zerbitzua-Osasun Publikoaren Institutuak 2010eko apirilaren 10ean egindako txostena betez, instalazioak abian jarri ondoren, kokaleku guztien emisio erradioelektrikoei buruzko azterlan zehatz bat aurkeztu beharko da, euskarri informatikoan eta grafikoan, enpresa homologatu batek egina. Era berean, Azpiegituren Lurralde Plan honetan agertzen diren oinarrizko estazioei berariazko baimena emateko prozesuan, 10/2002 Foru Legearen I. eta II. eranskinean ezarritakoa eta sentikortzat jotako gune edo lekuetarako ezarritako berariazko xedapenak betetzen direla justifikatu beharko da.

-Ingurumen Kalitatearen Zerbitzuaren 2010eko maiatzaren 6ko txostenari jarraikiz, beharrezkotzat jotzen da, Zarrakaztelu/Biltegia 3100713 kokalekuko obra lizentziak eman aurretik, ingurumen ukipenetarako baimena tramitatzea.

-Energiaren, Meatzaritzaren, Telekomunikazioen eta Industria Segurtasunaren Zerbitzuak 2010eko ekainaren 24an egindako txostenarekin bat, espedientea informazio honekin osatuko da, euskarri informatikoan eta grafikoan aurkeztuta:

a) Zarrakaztelu/Biltegia: instalazioaren emisio elektromagnetikoari buuzko informazioa aurkeztea eskatzen da, irradiazio handiena duen toki iritsi-erraz batean neurtua. Horri dagokionez, oroitarazi behar da 10/2002 Foru Legearen arabera ez dela beharrezkoa estazio bakoitzaren azterlan ziurtatu eta ikus-onetsi bat aurkeztea. Aski da instalazioaren emisio elektromagnetikoari buruzko informazioa aurkeztea, irradiazio handiena duen toki iritsi-erraz batean neurtua.

7. Erabaki hau Nafarroako Aldizkari Ofizialean argitaratzea eta Aitzoaingo, Arangurengo, Aranoko, Arguedasko, Basaburuko, Baztango, Beriaingo, Berriozarko, Burlatako, Zarrakazteluko, Kasedako, Zizur Nagusiko, Eguesibarko, Enerizko, Erroibarko, Lizarrako, Etxalarko, Galarko, Gesalazko, Girgillaoko, Uharteko, Larragako, Larraungo, Lergako, Leringo, Melidako, Miranda Argako, Murchanteko, Murillo el Frutoko, Noain-Elortzibarko, Oltzako, Orkoiengo, Orotz-Beteluko, Iruñeko, Tafallako, Tiebas-Muru Artederretako, Tuterako, Uharte Arakilgo, Ultzamako, Vianako, Alesbesko eta Deirriko udalei, Ingurumen Zuzendaritza Nagusiari, Enpresa Zuzendaritza Nagusiko Energiaren, Meatzaritzaren, Telekomunikazioen eta Industria Segurtasunaren Zerbitzuari, Vianako Printzea Erakundea-Kultura eta Turismo Departamentuko Ondare Historikoaren Zerbitzuari, Osasun Publikoaren Institutuari eta sustatzaileari jakinaraztea, behar diren ondorioak izan ditzan.

Iruñean, 2010eko uztailaren 19an.-Nafarroako Gobernuko kontseilari eta idazkaria, Javier Caballero Martínez.

KOKALEKUEN ZERRENDA

Azpiegituren lurralde planaren 2. aldaketa/eguneratzea,
Telefónica Móviles España, S.A.k aurkeztua

Azpiegituren lurralde planaren 3. aldaketa/eguneratzea,
Telefónica Móviles España, S.A.k aurkeztua

Azpiegituren lurralde planaren 4. aldaketa/eguneratzea,
Telefónica Móviles España, S.A.k aurkeztua

Iragarkiaren kodea: F1012407