Iragarkia

104. ALDIZKARIA - 2010eko abuztuaren 27a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

116/2010 FORU AGINDUA, uztailaren 19koa, Hezkuntzako kontseilariak emana. Honen bidez, Lehen Hezkuntzan, Derrigorrezko Bigarren Hezkuntzan, Hezkuntza Berezian eta Erdi eta Goi Mailako Heziketa Zikloetan hezkuntza itunak aldatu eta luzatzeari buruz ebazteko eskumena bereganatzen du, 2010-2011 ikasturterako, eta zenbait heziketa ziklotako modulu ekonomikoak zehazten dira 2010. urterako.

Otsailaren 11n emandako 43/2010 Ebazpenaren bidez (27. Nafarroako Aldizkari Ofiziala, martxoaren 1ekoa), Lehen Hezkuntzan, Derrigorrezko Bigarren Hezkuntzan, Hezkuntza Berezian eta Erdi eta Goi Mailako Heziketa Zikloetan hezkuntza itunak aldatu eta luzatzeko arauak eman ziren, 2010-2011 ikasturterako.

Ikusirik aldatzeko eta/edo luzatzeko espedienteak, abenduaren 14ko 416/1992 Foru Dekretuaren bidez onetsi zen Hezkuntza Itunei buruzko Erregelamenduaren 46. artikuluan xedatutakoaren arabera.

Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 38. artikuluarekin bat,

AGINDU DUT:

1. Ikuskapenaren eta Zerbitzuen zuzendari nagusiak otsailaren 11n emandako 43/2010 Ebazpenari buruz Ikuskapenaren eta Zerbitzuen zuzendari nagusiari dagokion eskumena nire gain hartzea. Ebazpen horren bidez, Lehen Hezkuntzan, Derrigorrezko Bigarren Hezkuntzan, Hezkuntza Berezian eta Erdi eta Goi Mailako Heziketa Zikloetan hezkuntza itunak aldatu eta luzatzeko arauak eman ziren, 2010-2011 ikasturterako.

2. Foru agindu honen 1. eranskinetik 5.era bitartean ageri diren ikastetxe pribatuekin egindako itunen aldaketa onestea. Aldaketak 2010-2011 ikasturtetik aurrera izanen ditu ondorioak.

3. 6. eranskinean "Administrazio Kudeaketa (LOE)", "Administrazio Kudeaketa hiru kurtsotan (LOE) eta "Farmazia eta Parafarmazia (LOE)" erdi mailako eta "Sareko Sistema Informatikoen Administrazioa" eta "Fabrikazio Mekanikoko Diseinua" goi mailako heziketa zikloetako hezkuntza itunen modulu ekonomikoak zehazten dira, titulu horien curriculumaren egokitzapenarekin (Nafarroako Foru Komunitatera) eta garapenarekin bat. Curriculum hori garatzen ari da abenduaren 5eko 1538/2006 Errege Dekretuaren 17. artikulua aplikatuz.

4. San Adriango "Gure Etxea" ikastetxeari Lehen Hezkuntzako hezkuntza itun berezien araubidean sartzeko baimena ukatzea, Nafarroako Gobernuaren itunen araubidean sartzeko baldintzak ez betetzeagatik, uztailaren 6ko 251/1992 Foru Dekretuaren 14. artikuluan xedatutakoaren arabera.

5. Foru agindu honen bidez onetsitako hezkuntza itunen aldaketa eta luzapenak eginbide baten bitartez formalizatuko dira; eginbidea izenpetuko dute, alde batetik, Ikuskapenaren eta Zerbitzuen zuzendari nagusiak, eta, bestetik, ikastetxeetako titularrek edo behar bezala egiaztatutako legezko ordezkariek.

6. Ikastetxeen eta haien Finantzaketaren Atalak interesdunei jakinaraziko die aurreko puntuan aipatutako eginbidea sinatzera zein egun, toki eta ordutan agertu behar duten. Jakinarazpena egiten denetik eginbidea sinatzen den arte gutxienez ere berrogeita zortzi orduko epea utzi beharko da.

7. Foru agindu honen aurka, ikastetxe interesdunek gora jotzeko errekurtsoa jartzen ahal dute, Nafarroako Gobernuari zuzendua, jakinarazi eta biharamunetik hilabeteko epean.

8. Foru agindu hau eta eranskinak Nafarroako Aldizkari Ofizialean argitara daitezela agintzea.

9. Foru agindu hau eta eranskinak igortzea ikastetxe interesdunei, Antolamenduaren, Kalitatearen eta Berrikuntzaren Zuzendaritza Nagusiari, Lanbide Heziketaren eta Unibertsitateen Zuzendaritza Nagusiari, Ikuskapenaren eta Zerbitzuen Zuzendaritza Nagusiari, Eskolatze Batzordeko buruari, Nominen eta Aurrekontu-kontrolaren Zerbitzuari, Hezkuntzako Ikuskapen Zerbitzuari, Antolamendu eta Berrikuntza Zerbitzuari, Aniztasunaren, Orientazioaren eta Kultura-aniztasunaren Zerbitzuari, Eskolako Hizkuntza Plangintzaren Zerbitzuari, Lanbide Heziketaren Zerbitzuari, Ikastetxeen eta Ikasketetarako Laguntzen Zerbitzuari, Ikastetxeen eta haien Finantzaketaren Atalari eta Itunpeko eta Diruz Lagundutako Ikastetxeen Nomina Bulegoari, behar diren ondorioak izan ditzaten.

Iruñean, 2010eko uztailaren 19an.-Hezkuntzako kontseilaria, Alberto Catalán Higueras.

Iragarkiaren kodea: F1012569