2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EULATE
2/2010 aldaketa aurrekontuan
Eulateko Udalbatzak, 2010eko martxoaren 15ean egin osoko bilkuran, erabaki hau hartu du:
-Oraingo aurrekontuko ekitaldian 5.278 euroko kreditu berezia onestea hasiera batean gastuen kontu-sail berrirako ("Eulateko Udalean administrazio elektronikoa paratzea"); Leader 4. ardatzaren barrenean aurreikusitako diru-laguntzaren kargura finantzatuko dira 4.550 euro, eta, aldiz, 2009 ekitaldi itxieran diruzaintzan gastu orokorretarako dagoen gerakinaren kargura, 728 euro.
Espedientea Idazkaritzan egonen da ikusgai hamabost egun baliodunean, iragarki hau Nafarroako Aldizkari Ofizialean argitaratu eta biharamunetik hasita, bizilagunek edo interesdunek espedientea aztertu eta egokiak iruditzen zaizkien erreklamazioak aurkez ditzaten; hori guztia, Nafarroako Toki Ogasunei buruzko martxoaren 10eko 2/1995 Foru Legea aurrekontuen eta gastu publikoaren alorretan garatzen duen irailaren 21eko 270/1998 Foru Dekretuaren 33. artikuluan xedatuari jarraikiz. Erreklamaziorik aurkeztu ezean, aurrekontuko aldaketa behin betiko onetsitzat joko da, aurreko lerroaldean aipatutako jendaurreko epea iragan ondoan.
Eulaten, 2010eko uztailaren 28an.-Alkatea, Juan Ignacio Ruiz de Larramendi Múgica.
Iragarkiaren kodea: L1013052
