Iragarkia

10. ALDIZKARIA - 2010eko urtarrilaren 22a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

2012/2009 EBAZPENA, abenduaren 18koa, Nafarroako Unibertsitate Publikoko errektoreak emana, Nafarroako Unibertsitate Publikoko Administrazio eta Zerbitzuetako langileen 2010. urterako Lanpostu Zerrendaren aldaketak Nafarroako Aldizkari Ofizialean argitaratzeko agintzen duena.

Ikusirik Unibertsitateko Gobernu Kontseiluak 2009ko abenduaren 10eko bileran onetsitako Erabakia.

Ikusirik Giza Baliabideen Zerbitzuko zuzendariaren txostena.

Kudeatzaileak proposatuta.

Nafarroako Unibertsitate Publikoko Estatutuen 40. artikuluak ematen dizkidan eskumenak erabiliz,

EBATZI DUT:

Lehena.-Gobernu Kontseiluaren Erabakia, Nafarroako Unibertsitate Publikoko Administrazio eta Zerbitzuetako langileen 2010. urterako Lanpostu Zerrendaren aldaketak onesten dituena, Nafarroako Aldizkari Ofizialean argitaratzeko agintzea.

Iruñean, 2009ko abenduaren 18an.-Errektorea, Julio Lafuente López.

GOBERNU KONTSEILUAREN ERABAKIA,
NAFARROAKO UNIBERTSITATE PUBLIKOAREN ADMINISTRAZIO ETA ZERBITZUETAKO LANGILEEN PLANTILLA ORGANIKOAREN ALDAKETAK ONESTEN DISUENA

Gobernu Kontseiluaren Erabakiz, 2009ko urriaren 6ko bileran, Nafarroako Unibertsitate Publikoaren Administrazio eta Zerbitzuetako Langileen Plantilla Organikoa onetsi zen. Aipatu plantillaren antolamenduzko eta egiturazko aldaketa batzuengatik, plantillan hainbat aldaketa egitea komeni da.

Unibertsitateko Estatutuen 110. artikuluarekin bat, lanpostuen zerrenda, Gobernu Kontseiluak onetsi behar du, Kudeatzaileak proposatuta, eta Kudeatzaileak egingo du, ordezkaritza organoekin negoziatu ondoren, eta Unibertsitateko sail, ikastegi eta administrazio unitateek azaldutako irakaskuntzako, ikerkuntzako eta kudeaketako beharren arabera.

Artikulu horretan agindutakoa betez, Gobernu Kontseiluaren erabakia hartu behar da, proposatutako aldaketak onetsiz.

Proposamena Negoziazio Mahaian aurkeztuta eta Nafarroako Unibertsitate Publikoan ordezkaritza duten sindikatuak entzun ondoren.

Unibertsitateko kudeatzaileak proposatuta, Nafarroako Unibertsitate Publikoaren Gobernu Kontseiluak, bere kideek aurretik eztabaidatu eta gero, honako hau,

ERABAKI DU:

Lehena.-Onestea Nafarroako Unibertsitate Publikoaren Administrazio eta Zerbitzuetako Langileen 2010. urterako Plantilla Organikoa, Nafarroako Unibertsitate Publikoaren Negoziazio Mahaian ordezkaritza duten sindikatuei entzun ondoren, Erabaki honen eranskinean azaldu bezala.

ADMINISTRAZIO ETA ZERBITZUETAKO
LANGILEEN PLANTILLA ORGANIKOAREN ALDAKETA
2009

Gobernu Kontseiluak, 2009ko urriaren 6an egindako bileran, Nafarroako Unibertsitate Publikoaren administrazio eta zerbitzuetako plantilla organikoa onetsi zuen.

Onetsitako plantilla organikoa Nafarroako Unibertsitate Publikoaren administrazio eta zerbitzuetako langileei maiatzaren 12ko 110/2003 Foru Dekretuak onetsitako Unibertsitateko Estatutuetan jasotako aginduaren ondorioz aplikatu beharreko araubide juridikoa egokitzeko prozesuaren emaitza da.

Une honetan beharrezkoa da prozesu haren emaitza den plantilla organikoan aldaketa batzuk egitea. Aldaketa horiek unibertsitateko errealitateari gehiago egokitzen zaizkion mendekotasun eta atxikipenak zehaztu, eta gizarteak Unibertsitateari eskatzen dizkion behar berriak beteko dituzte.

A.-ALDAKETAK EGITURAN ETA ATXIKIPENETAN

A.1. Sortzen Diren Unitateak: Kudeatzailetza; Giza Baliabideen Zerbitzua; Ikuskapen Unitatea:

-Justifikazioa: Ikuskapen Unitatea onesteko erabakia Nafarroako Unibertsitate Publikoko Gobernu Kontseiluaren erabakiz.

A.2. Amortizatzen diren unitateak:

-Idazkaritza Teknikoaren Atala amortizatu da Araubide Juridiko eta Administratiboko Zerbitzuari atxikita zegoena -egungo Zerbitzu Juridikoari-

A.3. Izenez aldatzen diren unitateak:

1.-Araubide Juridiko eta Administratiboko Zerbitzua deritzan Unitatea aurrerantzean Zerbitzu Juridikoa deituko da.

A.4. Atxikipenez aldatzen diren unitateak:

Kudeatzaileari zuzenean atxikiko zaizkio honako Unitate hauek beroriei atxikitako lanpostuekin:

1.-Agirien Kudeaketa eta Artxibo Nagusia Atala, egun Araubide Juridiko eta Administratiboko Zerbitzuari atxikita dagoena.

2.-Lanak eta Mantentze-lanak Atala, Lanak eta Mantentze-lanak Unitatearen egiturari eutsiz, egun Ekonomia Gaietarako Zerbitzuari atxikita dagoena.

3.-Zerbitzu Orokorren Atala, egun Ekonomia Gaietarako Zerbitzuari atxikita dagoena.

A.5. Atxikipenez aldatzen diren lanpostuak:

1.-45 zenbakiko lanpostua, Administrari Laguntzailea, Idazkaritza Teknikoaren Unitateari atxikita dagoena, Zerbitzu Juridikoari atxikita egongo da.

2.-Idazkaritza Teknikoari atxikita egongo dira honako lanpostu hauek:

• 41 zenbakiko lanpostua, Teknikaria O.L. (Adar Juridikoa), egun Aholkularitza Juridikoko Atalari atxikita dagoena.
• 46, 477, 49, 50, 23, 414, 411 eta 21 zenbakiko lanpostuak, egun Idazkaritza Teknikoaren Atalari atxikita daudenak.

3.-Ikerketa Zerbitzuari atxikita egongo dira honako lanpostu
hauek:

• 27, 59, 514, 28, 482 eta 515 zenbakiko lanpostuak, egun Ikerketa Zerbitzuko Laguntza eta Deialdietako Atalari atxikita daudenak.
• 29 zenbakiko lanpostua, egun Ikerketa Zerbitzuko Jakintza Bestetaratzeko Atalari atxikita dagoena.

A.6. Izenez aldatzen diren lanpostuak:

1.-4 zenbakiko lanpostua, Zerbitzu Juridiko eta Administratiboko zuzendaria, Zerbitzu Juridikoko zuzendaria deituko da aurrerantzean.

A.7. Beste aldaketa batzuk: titulazio eskakizunak:

-4 zenbakiko lanpostua, Zerbitzu Juridikoko zuzendaria, A mailako funtzionarioentzat erreserbatutako lanpostua izango da, eta Zuzenbide Lizentziaturako titulazioa eskatuko da.

B.-SORTZEN DIREN LANPOSTUAK

Kudeatzailetza

Ekonomia Gaietarako Zerbitzua.

-Kudeaketaria. O.L.

• Maila: B.
• Lanaldia: zatitua.
• Betetzeko modua: lehiaketa.
• Lanpostuaren zk.: 558.
• Tuterako campusean.
• Justifikazioa: Administrazio laguntza ematea Tuterako campuseko gastu-unitate funtzionalaren kudeaketan. Horrek dakar Tuterako gastu-unitate funtzionalaren urteko aurrekontuak prestatzen laguntzea, gastu-unitate funtzional honen kapitulu ezberdinetako material eta zerbitzuak erosteko aginduak prestatzen eta kontrolatzen laguntzea, eta kontusail ezberdinen betearazpena kontrolatzen laguntzea. Tuterako campuseko guneak kudeatzen laguntzea.

Lehiaketa ezberdinak eta Tuterako campusean zerbitzu ematen duten enpresekin sinatutako kontratuak kudeatzean laguntzea.

Tuterako campusari atxikitako administrazio eta zerbitzuetako langileen antolaketan eta Plantilla Organikoaren urteko prestaketan laguntzea.

Ikerketa Zerbitzua.

-Teknikaria O.L. (Adar Juridikoa).

• Maila: A.
• Lanaldia: Goizez.
• Betetzeko modua: lehiaketa.
• Lanpostuaren zk.: 559.
• Justifikazioa: Ikerketa kontratuen, nazioko eta nazioarteko ikerketa hitzarmenen eta ikerketa proiektuetan izandako parte hartzearen bolumen eta garrantziagatik, betiere beste erakunde eta enpresa pribatu batzuekin batera partzuergoan arituz eta arreta berezia ipiniz Unibertsitatearen jabetza intelektual eta industrialean, beharrezkoa da Zerbitzuaren jardun eta funtzionamenduaren berme juridikoa emango duen Adar Juridikoko teknikari bat.

Giza Baliabideen Zerbitzua.

Ikuskapen Atala.

-Atalburua.

• Maila: A.
• Lanaldia: zatitua.
• Betetzeko modua: lehiaketa.
• Lanpostuaren zk.: 560.
• Oharrak: Bateraezintasuna (gainerako Atalburutzak bezala, lanpostu hori ere aztertuko da, lanposturako eskatutako arduraldiari dagokionez, eta, beraz, esklusibotasun osagarria esleitzeari edo ez esleitzeari dagokionez).
• Justifikazioa: Ikuskapen Unitatea sortzeko erabakia Nafarroako Unibertsitate Publikoko Gobernu Kontseiluaren erabakiz.

C.-LANPOSTUEI MAILA ESLEITZEAREN ONDORIOZKO JARDUNAK

Abenduaren 15eko 122/2008 Foru Dekretuaren bidez (urtarrilaren 9ko NAOn argitaratua), Barne Zuzendaritza Nagusiari gidari lanpostuarekin atxikitako langileen araubide berariazkoa arautu da.

Aipatu Foru Dekretuaren 5. artikuluan xedatutakoarekin bat etorriz, aipatu Zuzendaritza Nagusiari gidari lanpostuarekin atxikitako funtzionarioak Nafarroako Administrazio Publikoen zerbitzuko langileen estatutuan ezarritako C mailan sartuko dira.

Nafarroako Unibertsitate Publikoko administrazio eta zerbitzuetako funtzionarioen hainbat lan baldintza arautzeari buruzko 1994ko erabakian ezarritakoarekin bat etorriz, zeinak arautu baititu Nafarroako Unibertsitate Publikoko lanpostuen jarduna eta lansarien definizioa, egoki da beharrezkoak diren neurriak hartzea Errektorearen Kabineteari atxikitako agintariaren gidari lanpostuak eta Zerbitzu Orokorren Atalari atxikitako gidari lanpostuak berdintzeko.

Une honetatik aurrera sortzen diren gidarien lanpostu hutsak (D maila) gidarien lanpostu hutsak (C maila) bihurtuko dira besterik gabe.

Gidari izendapena (D maila) duten Nafarroako Unibertsitate Publikoko karrerako funtzionarioek parte hartzen ahalko dute izaera murriztuarekin, behin bakarrik eta Nafarroako Administrazio Publikoen zerbitzuko Langileen Estatutuaren 15 artikuluko 6. idatz-zatian xedatutakoaren babesean deitzen diren hautaprobetan.

475 zenbakiko lanpostua, arestian aipaturiko hautaprobak amaitzen direnean, besterik gabe zehaztuta geldituko da lansariei dagokienez agintariaren gidariarentzat (C maila) zehaztu bezala.

Hautaprobetara aurkezten ez diren edo hautaproba horiek gainditzen ez dituzten funtzionarioek D mailan jarraituko dute, plantilla organikoan egun daukaten atxikipen eta lanpostuari eutsiz, zeina "iraungi beharreko" lanpostutzat hartuko baita.

Sortutako lanpostuetariko baterako izendatua izan den langileak eginkizun berak betetzen jarraituko du, eta, horretaz gainera, bere mailakatze talde berrian egoteagatik dagozkionak egitea eskatzen ahalko zaio.

Gidari lanpostuari honako lansari osagarri hauek dagozkio, bere mailari dagokion hasierako lansariaren arabera kalkulatuta:

-%4,52ko lanpostuaren osagarria.

-%8ko arrisku bereziko osagarria.

-Halaber, agintari batentzat gidari-lanetan aritzen diren gidariek honako lansari osagarri hauek jasoko dituzte:

-%55eko esklusibotasun osagarria.

-%10eko igoera lanpostuaren osagarrian, baldin eta era iraunkorrean zerbitzu ematen zaion agintariaren egoitza Iruñetik 35 kilometro baino gehiagotara baldin badago. Goian aipatutakoari dagokionez, ulertuko da era iraunkorrean zerbitzu ematen dela zerbitzu honek hiru hilabete baino gehiago irauten badu modu jarraituan.

Sortzen diren lanpostuak

Errektoretzako Kabinetea:

-Gidaria.

• C maila.
• Lanpostuaren zk.: 561.
• Lansari osagarriak:
• %4,52ko lanpostu osagarria.
• %8ko arrisku bereziko osagarria.
• %55eko esklusibotasun osagarria.
• %10eko igoera lanpostuaren osagarrian, baldin eta era iraunkorrean zerbitzu ematen zaion agintariak Iruñetik 35 kilometro baino gehiagotara baldin badauka bizitokia. Arestian aipatutakoari dagokionez, ulertuko da era iraunkorrean zerbitzu ematen dela zerbitzu honek hiru hilabete baino gehiago irauten badu modu jarraituan.

Kudeatzailetza:

Zerbitzu orokorretako atala.

-Gidaria.

• C maila.
• Kopurua: 2.
• Lanpostua: 562 eta 563.
• Lansari osagarriak:
• %4,52ko lanpostu osagarria.
• %8ko arrisku bereziko osagarria.

Amortizatzen diren lanpostuak

Errektorearen Kabineteari atxikita dauden eta aipatu hautaprobak direla-eta hutsik gelditzen diren gidari lanpostuak (D maila) besterik gabe amortizatuko dira.

Zerbitzu Orokorren Atalari atxikita dauden eta aipatu hautaprobak direla-eta hutsik gelditzen diren gidari lanpostuak (D maila) besterik gabe amortizatuko dira.

Iraungi beharreko lanpostuak

Hautaprobetara aurkezten ez diren edo hautaproba horiek gainditzen ez dituzten funtzionarioek D mailan jarraituko dute, plantilla organikoan egun daukaten atxikipen eta lanpostuari eutsiz, zeina "iraungi beharreko" lanpostutzat hartuko baita.

D.-SUSTAPEN JARDUNAK: ZERBITZU OROKORRETAKO ATALA

Honako hauek dira Zerbitzu Orokorretako Atalaren jardun-eremu nagusiak: unibertsitateko guneak planifikatu, erreserbatu, kudeatu eta banatzeko arloa, Unibertsitateak bere kanpo-zerbitzuak egiteko kontratatu dituen enpresekiko harreman, koordinazio, bitartekaritza eta antolaketa arloa eta posta-arloa.

Atalari dagozkion jarduera horiek gainerako administrazio eta irakaskuntza zerbitzu eta atalekin eta bereziki, Lanak Atala, Komunikazio Zerbitzua eta Ekonomia Gaietarako Zerbitzuarekin gertatzen den bezala, antolakuntzaren osotasunera orientatzen direnekin koordinazioan eta harremanak edukiz egiten dira.

Barne sustapeneko jardunen helburua da jatorriko lanpostua aberastea, plantillaren lan baldintza, baldintza profesional eta baldintza pertsonalen hobekuntza ahalbidetuz. Zerbitzuetako laguntzaileen eta mandatarien lanpostuen eginkizunen baitan dago sustapen hori, proposamenaren helburua ez baita deialdia lanpostu bereko sustapen huts bihurtzea, baizik eta lanpostu zehatzetarakoa eta egin beharreko zereginetarakoa. Hala, zerbitzuetako laguntzaileek mandatariei dagozkien zereginak garatuko dituzte mailakatzeari dagozkion zereginez gainera.

Jardunak:

Zerbitzu Orokorrak:

Amortizatzen Diren Lanpostuak:

• 110, 115, 120 eta 123 zenbakiko mandatari lanpostuak amortizatzea.

Sortzen diren lanpostuak:

-Zerbitzuetako laguntzailea.

• Maila: D.
• Lanaldia: Txandaka.
• Betetzeko modua: lehiaketa.
• Kopurua: 8.
• Lanpostuen zk.: 564, 565, 566, 567, 568, 569, 570 eta 571.
• Justifikazioa: jatorriko lanpostua aberastea plantillaren lan baldintza, baldintza profesional eta baldintza pertsonalen hobekuntza ahalbidetuz. Zerbitzuetako laguntzaileen eta mandatarien lanpostuen eginkizunen baitan dago sustapen hori, proposamenaren helburua ez baita deialdia lanpostu bereko sustapen huts bihurtzea, baizik eta lanpostu zehatzetarakoa eta egin beharreko zereginetarakoa.

Amortizatzen diren lanpostuak:

Sustapen prozesuaren ondorioz hutsik gelditzen diren lanpostuak amortizatuko dira.

E.-LANPOSTUAK DEFINITZEA

Errektorearen idazkariaren eta Gizarte Kontseiluko idazkariaren lanpostuak honela agertuko dira plantillan:

Gobernu Kontseiluko G.K. idazkariaren eta errektorearen idazkariaren lanpostuak betetzen dituzten eta era berean D mailako funtzionario diren langileek lansari hauek jasoko dituzte:

C maila: %12.

Esklusibotasun o.: %55.

Lanpostu o.: %41.

Gobernu Kontseiluko G.K. idazkariaren eta errektorearen idazkariaren lanpostuak betetzen dituzten eta era berean D mailako funtzionario diren langileek lansari hauek jasoko dituzte:

C maila: %12.

Esklusibotasun o. %55.

Lanpostu o.: %10,20.

Iragarkiaren kodea: F0929054