Iragarkia

89. ALDIZKARIA - 2009ko uztailaren 20a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzailearen ekainaren 24ko 97/2009 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko haur hezitzaile izateko hamalau lanpostu oposizio-lehiaketa bidez betetzeko, hasieran. Funtzio Publikoaren zuzendari nagusiak apirilaren 27ko 1206/2009 Ebazpenaren bidez deitutako lekualdatze lehiaketaren bidez betetzen ez direnak, tramitatzen ari baita, gehituko zaizkio.

Nafarroako Administrazio Publikoaren Institutuko zuzendari kudeatzailearen ekainaren 24ko 97/2009 Ebazpenaren bidez egin da deialdia, Nafarroako Foru Komunitateko Administrazioaren eta haren erakunde autonomoen zerbitzuko haur hezitzaile izateko hamalau lanpostu oposizio-lehiaketa bidez betetzeko, hasieran. Funtzio Publikoaren zuzendari nagusiak apirilaren 27ko 1206/2009 Ebazpenaren bidez deitutako lekualdatze lehiaketaren bidez betetzen ez direnak, tramitatzen ari baita, gehituko zaizkio.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen Zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena; aipatu estatutua garatu eta betearazteko Sarrera Erregelamendua; ekainaren 30eko 78/2008 Foru Dekretua, gainerako aplikazio arauak; eta deialdi honen oinarriak.

1.-Deialdiaren xedea.

1.1. Hasiera batean, oposizio-lehiaketa bidez haur hezitzaileen hamalau lanpostu, funtzionario araubidekoak eta C mailakoak, betetzea du xede deialdi honek. Hona zeini atxikiko zaizkion:

-1, Nafarroako Mendekotasun Agentziako ''Santa Teresa'' haurtzaindegian, plantilla organikoan 2900 zenbakia duena, Iruñean aritzeko.

-2, Nafarroako Mendekotasun Agentziako "Nuestra Sra. de Roncesvalles" haurtzaindegian, plantilla organikoan 2902 eta 2905 zenbakiak dituztenak, Iruñean aritzeko.

-3, Nafarroako Mendekotasun Agentziako ''San Jorge" haurtzaindegian, plantilla organikoan 2912, 2916 eta 2918 zenbakiak dituztenak, Iruñean aritzeko.

-6, Nafarroako Mendekotasun Agentziako ''Amanecer" haurtzaindegian, plantilla organikoan 2954, 2957, 2966, 2967, 2969 eta 2979 zenbakiak dituztenak, Burlatan aritzeko.

-1, Nafarroako Mendekotasun Agentziako ''Niño Jesús'' haurtzaindegian, plantilla organikoan 2951 zenbakia duena, Corellan aritzeko.

-1, Nafarroako Mendekotasun Agentziako ''Izarra'' haurtzaindegian, 2990 zenbakia duena plantilla organikoan, Lizarran aritzeko.

Horiei Funtzio Publikoaren zuzendari nagusiaren apirilaren 27ko 1206/2009 Ebazpenaren bidez onetsitako lekualdatze lehiaketan bete gabe gelditzen direnak gehituko zaizkie; izan ere, 4 lanpostu huts betetzeko argitaratu zen 2009ko 66. Nafarroako Aldizkari Ofizialean, maiatzaren 29an, eta tramitatzen ari da.

Guztira dei egindako lanpostuen zerrenda, identifikazio zenbakia, atxikipen eremua eta norako den zehaztuta, eraskin gisa argitaratuko da, hautapen prozeduran onartutako eta baztertutako behin betiko zerrenda onesten duen ebazpenari gehituta, txanda librekoen eta igoerakoen artean banatuta, Langileen Estatutuaren Testu Bateginaren 15. artikuluan ezarritako formulari jarraituz: lehena, txanda irekiari dagokio; bigarrena, igoera txandari; eta hirugarrenetik aurrera, bakoitiak igoera txandari eta bikoitiak, txanda irekiari.

Deialdian sartutako lanpostuetatik bat ezintasunen bat dutenek betetzeko gordeko da.

1.2. Igoera txandako lanpostuak hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Bestaldetik, igoera txandan, hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek txanda irekiko lanpostuak eskuratzeko aukera izanen dute, aurreko lerroaldean adierazitako modu berean.

1.3. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan C mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.4. Gainera, deialdi honen bidez, hautapen prozesua gainditu arren, lanposturik lortzen ez duten izangaiekin zerrendak osatuko dira, Nafarroako Mendekotasun Agentziaren esparruan aldi baterako kontratazioak egiteko.

Izangaien zerrenda hori deialdi honetako 10. oinarrian ezarri bezala prestatu eta kudeatuko da.

2.-Betebeharrak.

Ekainaren 30eko 78/2008 Foru Dekretuak Nafarroako Foru Komunitatearen Administrazioko eta haren erakunde autonomoetako plantilla organikoa aldatu zuen, eta berariazko lanbide heziketaren titulua eskatu C eta D mailetako lanpostu batzuetara sartzeko.

Eskaera hori aplikatzekoa da haur hezitzaileen lanpostuak betetzeko.

Dena dela, 78/2008 Foru Dekretua onartu zenetik egiten den lehenbiziko deialdi honetan, titulazio hori ez da onartua izateko eskakizun izanen. Deialdia oposizio-lehiaketa bidez eginen da, eta, salbuespenez, baloratuko dira soilik titulazio berariazko hori izatea eta lanpostu horretan aldi baterako emandako zerbitzuak. Eskakizun orokorrak hauek izanen dira:

2.1. Oposizio-lehiaketa honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia), eta lanpostuaren jabetza hartu arte, eskakizun hauek bete beharko dituzte:

2.1.1. Txanda irekiko izangaiek bete beharreko eskakizunak:

a) Espainiarra izatea, edo Europar Batasuneko beste estatu batekoa, edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo, gorakoak izanda, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Eskaerak aurkezteko epea bukatzen den egunean Batxilergoko titulua, Bigarren Graduko Lanbide Heziketakoa edo titulu baliokide bat izatea edo eskuratzeko moduan egotea.

Atzerrian lortutako tituluak badira, homologazioaren frogagiria eduki beharko da.

d) Janari-erabiltzailearen txartela izatea.

e) Bete behar dituen eginkizunetan aritzeko adinako gaitasun fisikoa eta psikikoa izatea.

f) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaientzako berariazko betebeharrak.

Igoera txandako izangaiek eskakizun hauek bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun onartua frogatzea, Nafarroako polizia kidegoetako kideen kasuan izan ezik, horiek frogatu beharko baitute zortzi urte eman dituztela zerbitzuak kidego horietan; eta Batxilergoa, Bigarren Mailako Lanbide Heziketa edo titulu baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea; edo zortzi urteko antzinatasun onartua frogatzea administrazio publikoetan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko betebeharrak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

d) Janari-erabiltzailearen txartela izatea.

2.1.3 Ezgaitasunak dituzten pertsonentzako txandako izangaiek bete beharreko berariazko baldintza.

Ezgaitasunak dituzten pertsonen erreserbako txandako izangaiek, 2.1.1 atalean aipatzen diren betebeharrez gain, %33ko edo hortik goitiko ezgaitasun bat izan beharko dute, ofizialki aitortua, eta hori 3. oinarrian ezarrita dagoen bezala egiaztatuko da.

2.2. Deialdiaren 3.3 oinarriaren hirugarren, laugarren eta bosgarren puntuetan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarritako epean eta moduan frogatu beharko dituzte eskakizun horiek.

3.-Eskabideak.

3.1. Deialdian parte hartzeko eskaerak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako Aldizkari Ofizialean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako Aldizkari Ofizialean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdiaren eranskinean argitaratutako ereduaren araberakoak izanen dira eta, horietan, izangaiek adierazi beharko dute eskatutako baldintza guztiak betetzen dituztela. Eskabide eredua Nafarroako Gobernuaren edozein erregistro bulegotan dago eskuragarri. Internet bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta bai aipu honetatik abiatuta: "Zerbitzuak", "Enplegu publikoa".

3.2. Ezgaitasun aitortua duten izangaiek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea eta, hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Aurreko atalean aipatzen den Interneteko helbidean eredu bat dago egokitzapenak eskatzeko, interesdunen eskura.

3.3. Eskabideari, behar bezala bete ondoren, agiri hauek erantsiko zaizkio:

Bat.-Nortasun agiri nazionalaren fotokopia, edo izangaiaren nortasuna egiaztatzen duen beste agiri baliokideren batena.

Bi.-Espedientea formalizatzeko eta azterketa eskubideetarako 25 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa:

-Behar den bezala betetako ordainketa gutunaren bidez, Nafarroako Foru Komunitateko banku entitateetan ordaintzeko. Internet bidezko deialdiaren iragarkian, gorako aipatu helbidean, dago ordainketa gutunaren eredua.

-Banestoko (Banco Español de Crédito) 0030 8124 87 0870002271 kontuan eskudirutan edo bankuko transferentzia bidez ordainduz; horrelakoetan, ordainagirian datu hauek jarri beharko dira nahitaez:

-Izangaiaren izen-deiturak.

-NANa/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo hortik goitiko ezgaitasun aitortua dutenak.

b) Hautaproben deialdia egin aurretik hilabetez edo luzaroago lan-eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo moldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan-eskatzailea dela frogatzeko, enplegu bulegoak emandako agiria aurkeztu beharko du. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo moldaketarako ekintzetan parte hartzeari ere, justifikaturiko kasuetan izan ezik.

Interesdunaren adierazpenaren bidez frogatuko da ez duela hilero lanbide arteko gutxieneko soldatatik gorako diru-sarrerarik. Adierazpen eredua Nafarroako Gobernuko Informazio Bulegoan eskuratzen ahalko da edo, bestela, Interneten bidez, arestian emandako helbidean.

Hiru.-%33ko edo hortik gorako ezgaitasun aitortua duten pertsonek agiri hauetako baten jatorrizkoa edo kopia konpultsatua ekar dezakete ezgaitasuna egiaztatzeko:

a) IMSERSOk edo autonomia erkidegoan eskumena duen organoak luzatutako ziurtagiria.

b) Gizarte Segurantzako Institutu Nazionalaren ebazpena, ezintasun iraunkor osoa, ezintasun iraunkor absolutua edo baliaezintasun handia izateagatik prestazio bat jasotzeko eskubidea onartzen diona.

Adierazi den moduko egiaztapen hori beharrezkoa izanen da ezgaitasuna duten pertsonentzako erreserba txandan onartua izateko eta, halaber, deialdi honen 3.2, 3.3 bi eta 8. oinarrietan xedatutakoa aplikatzeko.

Lau.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren betebeharrak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Bost.-Nafarroako Foru Komunitateko Administrazioaren langile finkoak izanda, igoera txandan parte hartzeko eskatu baina zortzi urteko antzinatasuna dutela frogatzerik ez duten izangaiek Batxilergoaren, Bigarren Mailako Lanbide Heziketaren edo titulu baliokidearen kopia konpultsatua erantsi beharko diote eskabideari.

Sei.-Alegatutako merezimendu guztiak frogatzen dituzten jatorrizko agiriak edo haien fotokopia behar bezala konpultsatuak, deialdi honen II. eranskinean ezarritakoari jarraituz balora daitezen.

Zazpi.-Aldi baterako kontratatzeko eratzen den zerrendan sartzearren, parte hartzaileek IV. eranskina bete eta gehitu beharko dute. Bertan, aldi baterako lanpostuak Nafarroa osoan bete nahi dituzten, edo eskabidean adierazitako eremu geografiko batean edo gehiagotan, azaldu beharko dute. Eskabidean zer eskualde hautatzen diren, horrek ondorioak izanen ditu zerrendek indarra duten denbora guztian.

Eskualderik hautatzen ez den kasuetan, izangaiak eskualde guztietako zerrendan sartuko dira.

Eskaerak aurkezteko epean baizik ez dira onartuko hautatutako eskualdeak aldatzeko eskaerak.

3.4. Eskaerak aurkezteko epea ezin izanen da luzatu.

3.5. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Nafarroako Administrazio Publikoaren Institutuko Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa) ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratu eta biharamunetik, erreklamazioak aurkezteko eta, akatsik egin badute, zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Administrazio Publikoaren Institutuko Sarrerarako Hautapenaren Zerbitzuko zuzendari kudeatzaileak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko du.

4.4. Izangaiei egotziriko arrazoiengatik baztertzen diren izangaiei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaia kide hauek osatuko dute:

-Mahaiburua: Mª Soledad Arguiñano Sánchez, Familia, Gazteria, Kirol eta Gizarte Gaietako Departamentuko Familia Bulegoko burua.

-Ordezkoa: M.ª José Baquero Quintana, Familia, Gazteria, Kirol eta Gizarte Gaietako Departamentuko Familia Ataleko burua.

-Mahaikidea: Susana Sainz de Murieta García Galdeano,"Adaptación Social" Bigarren Hezkuntzako Ikastetxeko irakaslea.

-Ordezkoa: Raquel Delgado Senosiáin, "Adaptación Social" Bigarren Hezkuntzako Ikastetxeko irakaslea.

-Mahaikidea: Irene Arricibita Legarre, "Adaptación Social" Bigarren Hezkuntzako Ikastetxeko irakaslea.

-Ordezkoa: Trinidad Arizaleta Comajuan, "Adaptación Social" Bigarren Hezkuntzako Ikastetxeko irakaslea.

-Mahaikidea: langileen ordezkari bat, Nafarroako Mendekotasun Agentziako Langile Batzordeak proposatua.

-Ordezkoa: langileen ordezkari bat, Nafarroako Mendekotasun Agentziako Langile Batzordeak proposatua.

?Mahaikide idazkaria: Jesús Angel Sánchez Videgáin jauna, Nafarroako Mendekotasun Agentziako Langileria Ataleko burua.

-Ordezkoa: Francisco Sanquirce Delgado jauna, Nafarroako Mendekotasun Agentziako Langileriaren Kudeaketarako Bulegoko burua.

Hautaprobak hasi baino lehen eratuko da epaimahaia.

5.2. Epaimahaia ezin izanen da eratu, ezta jardun ere, kideen gehiengo osoa bildu gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz ebatziko ditu deialdiaren oinarriak interpretatu eta aplikatzeko moduari buruz sor daitezkeen gorabehera guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizio-lehiaketa nola eginen den.

6.1. Oposizio-lehiaketa bi alditan eginen da, lehiaketaldia lehenbizi eta oposizioaldia gero, oinarri hauetan zehazten den gisara.

6.2. Oposizioaldia 2009ko abenduan hasiko da. Izangai onartu eta baztertuen behin betiko zerrenda onesten duen ebazpenean berean zehaztuko dira probak hasteko lekua, eguna eta ordua.

Ondoren, epaimahaiak gainerako probak egiteko iragarkiak argitaratuko ditu, arauz egin behar den moduan.

6.3. Lehiaketaldia:

6.3.1. Epaimahaiak lehiatzaileek alegaturiko eta egiaztaturiko merezimenduak baloratuko ditu, deialdiaren II. eranskineko baremoari jarraikiz.

6.3.2. Alegatutako merezimendu guztiak agirien bidez frogatu beharko dira, izangaiek oposizio-lehiaketa honetan parte hartzeko eskabidea aurkezten duten unean. Agiriak jatorrizkoak zein behar bezala konpultsatuak izanen dira, bestela ez aurkeztutzat joko baitira.

6.3.3. Baremoaren aplikaziorako beharrezkoa den informazio guztia jaso beharko dute agiri horiek. Justifikatu gabeko merezimenduak ez dira baloratuko.

Izangaiek alegatutako merezimenduen gaineko argibideak eta datu osagarriak eskatzen ahalko ditu epaimahaiak.

6.3.4. Lehiaketaldia ez da baztertzailea izanen, eta 30 puntuko balorazioa izanen du, gehienez ere. Deialdiaren II. eranskinari jarraikiz banatuko dira puntuak, honela:

-Titulua: 15 puntu bitarte.

-Egindako zerbitzuak: 15 puntu bitarte.

6.3.5. Epaimahaiak baremoaren atal bakoitzean izangaien merezimenduak baloratuko ditu. Epaimahaiak ez du inoiz aintzat hartuko izangaiak alegatu gabeko edo agiri bidez alegatu gabeko merezimendurik, eta ezin izanen du atal bakoitzerako ezarritako puntuazioa baino handiagorik eman.

6.3.6. Lehiaketaldia amaitzen denean, epaimahaiak Nafarroako Gobernuaren iragarki oholean jarriko du izangai bakoitzak lortutako puntuazioa.

Lehiaketaldiko puntuazioa opsizioaldikoari gehituko zaio, eta emaitza oposizio-lehiaketako puntuazio osoa izanen da.

6.4. Oposizioaldia:

6.4.1. Oposizioan ariketa teoriko praktiko bat eginen da. Hartan, aukera anitzeko galdera sorta bat erantzun beharko da, eranskineko gaiei buruz. Aukera horietako bat bakarra izanen da zuzena, eta okerreko erantzunak puntuak kenduz zehatuko dira. Ariketa hori egiteko izangaiek izanen duten denbora epaimahaiak adieraziko du, azterketa hasi baino lehen.

Plika sistemaren bidez eginen da ariketa.

6.4.2. Oposizioan, gehienez ere, 70 puntu erdiesten ahal dira.

6.4.3. Oposizioko ariketa baztergarria izanen da. Gutxienez ere 35 puntu lortzen ez dituzten izangaiak baztertuko dira.

6.4.5. Ariketa zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, hura gainditzen duten izangaien zerrenda, lortutako kalifikazioekin. Zerrenda Interneten bidez ere kontsultatzen ahalko da, www.navarra.es helbidean, deialdiaren iragarkian, Zerbitzuen edo Enplegu Publikoaren ataletan.

6.4.6. Ariketa bakoitzerako deialdi bakarra eginen da. Izangaiek nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat aldean dutela agertu beharko dute. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.4.7. Hautaproba egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du, ariketa egin den tokian eta Nafarroako Gobernuaren iragarki oholean, probak gainditu dituztenen zerrenda, lehiaketan eta oposizioan guztira lortutako puntuazioaren araberakoa. Gero, Nafarroako Administrazio Publikoaren Institutuko zuzendari kudeatzaileari igorriko dio probak puntuaziorik altuenarekin gainditu dituzten eta deialdiko lanpostuen kopuruaren barrenean sartzen diren izangaiak izendatu eta kontratatzeko proposamena, espediente osoarekin batera. Proposamen hori Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, deialdiaren iragarkian, Zerbitzuen edo Enplegu Publikoaren ataletan.

Berdinketa izanez gero, oposizioaldian puntuazio altuena erdiesten duenaren alde jokatuko da.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu beharko dituzte, Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2. oinarrian eskatzen den tituluaren fotokopia konpultsatua edo lortzeko eskubideak pagatu direla frogatzen duen gordekinarena; bestela, eskaerak aurkezteko epean titulua eskuratzeko moduan dagoela frogatzen duen ziurtagiria, salbu eta eskabidearekin batera aurkeztu duten izangaien kasuan.

c) Janari-erabiltzailearen txartelaren fotokopia konpultsatua.

d) Laneko Arriskuen Prebentziorako Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, zinpeko aitorpen bat aurkeztu beharko dute, adierazteko ez dutela beren estatuko Funtzio Publikoan sartzea eragozten dien diziplina zehapenik edo zigor penalik.

f) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiaren 2. oinarrian eskatzen den tituluaren fotokopia konpultsatua edo lortzeko eskubideak pagatu direla frogatzen duen gordekinarena; bestela, eskaerak aurkezteko epean titulua eskuratzeko moduan dagoela frogatzen duen ziurtagiria, salbu eta eskabidearekin batera aurkeztu duten izangaien kasuan.

b) Janari-erabiltzailearen txartelaren fotokopia konpultsatua.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbu, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzun beharra galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Deialdi honen xede diren lanpostuetarako izendatzeko eskakizunak eta baldintzak frogatzeko nahitaezko agiriez gainera, Funtzio Publikoaren Zuzendaritza Nagusiak besteren bat eskatu nahi izanez gero, proposatzen den izangaiari eskatuko dio, eta horrek deialdi honen 7.2 oinarrian ezarritako moduan ekarri beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute gainerako izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespena salbuespen.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, haur hezitzaile lanpostuan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den araudian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatu epean eta ezinbesteko kasuetan izan ezik, izangairen bat lanpostuaz jabetzen ez bada, Foru Komunitateko Administrazioaren funtzionario izateko eskubide guztiak galduko ditu. Hala bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik bertatik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoetan Sartzeko Erregelamenduaren 42. artikuluan ezarritakoarekin bat eta oinarri honetan ezarritako prozedurari jarraikiz, sartzeko prozeduran ariketa guztiak gainditu arren lanposturik lortzen ez duten izangaiekin zerrenda bat osatuko da, Nafarroako Mendekotasun Agentziaren esparruan aldi baterako kontratazioak egiteko.

10.2. Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpenaren bidez, ariketak gainditu arren lanposturik lortu ez duten izangaien zerrenda onetsiko da. Zerrenda Nafarroako Aldizkari Ofizialean eta Nafarroako Gobernuko iragarki-oholean (Karlos III.aren etorbidea, 2, atalondoa, Iruña) argitaratuko da.

10.3. Sartzeko hautapen prozesuan ateratako puntuazio handienaren arabera erabakiko da zerrendaren ordena. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

10.4. Izangaien zerrendan egoteak ez dakar berarekin interesdunek deialdian ezarritako betebeharrak betetzen dituztela onartzea.

Sarrera prozedurako eskaerak aurkezteko epea bukatzen den egunerako bete beharko dira baldintzak, eta orobat, hautaprobek egin bitarte eta kontratazioaldiak iraun bitarte.

10.5. Kontratatuak izateko deia jasotzen duten izangaiek baizik ez dituzte aurkeztu beharko deialdiaren 2.1 oinarrian adierazten diren betebeharrak betetzen direla frogatzeko agiriak, kontratua formalizatzen denean, jatorrizko agiriak edo behar bezala konpultsatutako kopien bitartez.

Eskatzen diren agiriak aipatu epean aurkezten ez dituzten izangaiek (aski justifikatutako ezinbesteko kasuetan izan ezik) eta eskatutako betebeharrak betetzen ez dituztenek deialdian parte hartzetik eratorritako eskubide guztiak galduko dituzte; betiere, parte hartzeko eskaera faltsutzeagatik legokiekeen erantzukizuna deusetan ukatu gabe.

10.6. Funtzio Publikoaren Zuzendaritza Nagusiak Nafarroako Mendekotasun Agentziari igorriko dio zerrenda hori eta erakunde autonomo horrek kontratazioetarako zerrendak kudeatzeko 2000ko urtarrilaren 17an hartu zuen Erabakian xedatutakoaren arabera kudeatuko du.

11.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa jartzen ahal da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren, oinarrien eta oinarriak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurritu nahi den egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2009ko ekainaren 24an.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskabidea

Jauna/andrea:

adinez nagusia; nortasun agiri nazionalaren zenbakia (edo balio bereko identifikazio txartelarena):...................

Sorteguna: ........... sorterria: ............ (.......................), nazionalitatea: ..................................., gaur egungo bizitokia: ................ (..............), kalea: ..............................., posta kodea: .............., telefonoa: ................, laneko telefonoa: ....................

AZALTZEN DUT:

Nafarroako Foru Komunitateko Administrazioaren eta bere erakunde autonomoen zerbitzuko .............. izateko ..... lanpostu ................... bidez betetzeko deialdian parte hartzeko onar nazatela eskatzen dudala, behean aipatzen den txandan. Deialdia ...... (e)ko ..... zenbakiko Nafarroako Aldizkari Ofizialean argitaratu zen, ..............(e)an.

• Txanda irekia
• Igoera txanda*
• Ezgaitasunen bat dutenentzako txanda*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, esparru hauetakoren batean (deialdiaren 1. oinarrian ezarritakoarekin bat):

• Administrazio Erroa.*
• Osasunbidea-Nafarroako Osasun Zerbitzua.*
• Nafarroako Mendekotasun Agentzia.*

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik bereizia izan eta ez nagoela desgaitua eginkizun publikoak betetzeko.

Deialdian eskatzen den tituluaren jabe naizela.

Azterketa eskubideak ordaindu ditudala, deialdian ezarritako moduan, eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean betebehar guztiak betetzen ditudala.

• Ezgaitasuna dudala eta, horrenbestez, orri bereizi batean adierazten ditudan denbora eta baliabide egokitzapenak eskatzen ditudala.
• Ezgaitasuna frogatzen duen agiria aurkezten dudala, erakunde eskudun batek emana.
• Euskararen gaitasunaren agiria edo ofizialki baliokidea den beste titulu bat aurkezten dudala.*
• Euskara maila neurtzeko proba egitea eskatzen dudala.*
• Frantses eta ingeles maila neurtzeko probak egitea eskatzen dudala.*

Horrenbestez,

Eskaera hau ontzat har dezatela eta aipatu deialdian onar nazatela eskatzen dut.

Iruñean, .......(e)ko ................ (a)ren .... (e)an. Sinadura

(*) Bidezko denean bakarrik.

Nafarroako Gobernua. Lehendakaritza, Justizia eta Barne Departamentua - Nafarroako Administrazio Publikoaren Institutua.

II. ERANSKINA

Merezimenduak baloratzeko baremoa

1.-Titulu akademikoak

Haur Hezkuntzako goi mailako teknikari titulua, Haurtzaindegiko edo Haur Hezkuntzako teknikari espezialistarena, komunitatearentzako zerbitzuen adarrean, izateagatik: 15 puntu.

Aipatu tituluetako bat baino gehiago izatea ez da atal honetan baloratuko.

2.-Egindako zerbitzuak.

Haur hezitzaile lanpostuetan administrazio publikoetan, aldi baterako, egindako urte bakoitzeko: 1,5 puntu.

2. ataleko puntuazioa 15 izanen da gehienez.

2. atalerako oharrak:

1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen da.

2. Lanaldi partzialean egindako zerbitzuen kasuan, behar den zatia kenduko da.

3. Deialdia argitaratu ondoren egindako zerbitzuak ez dira baloratuko.

III. ERANSKINA

Gai zerrenda

1. gaia.-Haur Hezkuntza eta LOE Haren deskripzioa. Kontzeptuak eta konparazioa hezkuntzako aurreko bi legeekin: LOGSE eta LOCE

2. gaia.-0-3 urteko Haur Hezkuntza Nafarroan. Egungo egoera. 28/2007 Foru Dekretua, martxoaren 26koa, Nafarroako Foru Komunitateko Haur Hezkuntzako lehen zikloa arautzen duena.

3. gaia.-0-3 urteko Haur Hezkuntzako curriculuma Nafarroan.

4. gaia.-Haur Hezkuntzan eragina izan duten korronte pedagogikoak. Eskola Berria. Gaur egungo mugimendu eta aukerak.

5. gaia.-Psikologiaren ekarpenak. Ikaskuntzari buruzko teoriak, Haur Hezkuntzarekin zerikusia dutenak.

6. gaia.-Ikastetxeko hezkuntza proiektua. Haren kontzeptua eta garrantzia. Eginkizunak. Hezkuntza proiektua osatzen duten elementuak.

7. gaia.-Proposamen pedagogikoa. Haren kontzeptua eta garrantzia. Eginkizunak. Osatuko duten elementuak.

8. gaia.-Gelako programazioa. Kontzeptua. Helburuak. Elementuak: helburuak, edukiak, metodologiako estrategiak, jarduerak, baliabideak, antolamendua espazioan eta denboran, ebaluazioa eta curriculumaren egokitzapena.

9. gaia.-Gelan lan egiteko hainbat proposamen eta metodologia.

10. gaia.-0-3 urteko Haur Hezkuntzan esku hartzeko printzipio pedagogikoak.

11. gaia.-Espazioaren eta giroaren antolamendua hezkuntzako baliabide gisa. Espazioaren nondik norakoa, Haur Hezkuntzako ikastetxeetan. Espazioa hezkuntzako agente gisa. Espazioa antolatzeko kontuan hartu beharreko irizpideak. Haur Hezkuntzako ikastetxe eta geletan espazioa antolatzeko ereduak. Haur Hezkuntzako ikastetxe bateko espazioak gaur egungo legerian eta araudian.

12. gaia.-Materiala, hezkuntzako baliabide. Ezaugarriak. Material motak. Materiala hautatu, kudeatu, erabili eta kontserbatzeko irizpideak. Materiala prestatu, berreskuratu eta eraldatzea.

13. gaia.-Denbora, hezkuntzako baliabide Haur Hezkuntzako ikastetxeetan. Haurrak denbora nola bizi duen. Espazioaren antolamendua Haur Hezkuntzako ikastetxeetan. Denboraren antolamenduan eragina duten faktoreak. Denbora antolatzeko irizpideak. Denbora antolatzeko hainbat eredu.

14. gaia.-Haur hezitzailearen ezaugarriak 0-3 urteko ikastetxeetan. Eskumenak. Trebetasunak. Jarrerak. Eginkizunak.

15. gaia.-Haur Hezkuntzako ikastetxe baten antolamendua. Zuzendaritzaren eginkizunak. Hezkuntza taldea: talde lanaren eginkizunak, antolamendua eta estrategiak.

16. gaia.-Ebaluazioa. Bere esanahia 0-3 urteetan. Ezaugarriak. Ebaluazio eremuak. Haren komunikazioa familiei. Teknikak. Ebaluazioa erregistratu eta/edo komunikatzeko tresnak.

17. gaia.-Behaketa 0-3 urteko Haur Hezkuntzan. Haren garrantzia. Behaketa motak. Behatzeko baldintzak. Behatzearen konplexutasuna. Behatze proiektuak prestatzea. Dokumentazioaren hainbat modu.

18. gaia.-Zentzumenen garapena. Zentzumenen eta hautematearen prozesuak. Zentzumenak: informazioa jasotzeko sistemak. Hautematearen garapena. Zentzumenen alterazioak dituzten neska-mutikoak. Zentzumenen garapena bultzatzeko hezkuntza lana. Curriculumaren egokitzapenak zentzumen alterazioak dituzten neska-mutikoentzat.

19. gaia.-Psikomotrizitatearen garapena. Haurraren psikomotrizitatearen garapenean eragina duten faktoreak. Giza psikomotrizitatearen oinarri eta egitura neurofisiologikoak. Psikomotrizitatea garatzeko legeak. 0-3 urteko haurren mugimendua garatzeko faseak. Psikomotrizitatearen garapenaren alterazioak.

20. gaia.-Psikomotrizitatea. Kontzeptua eta definizioak. Hezkuntzako psikomotrizitatearen jatorria. Psikomotrizitatearen praktikako hainbat metodologia.

21. gaia.-Ezagutzaren garapena. Hori azaltzen duten teoriak. Ezagutzaren eginkizunak. 0-3 urteko neska-mutikoen ezagutza garatzeko faseak. Ezagutza garapenaren alterazioak.

22. gaia.-Haurtzaroko esperientazia logiko-matematikoa. Metodologiako estrategiak, baliabideak eta proposamenak prozesu logiko-matematikoa bultzatzeko. Hezitzailearen zeregina.

23. gaia.-Garapen afektiboa. Hori azaltzen duten teoriak. Haurren afektibotasunaren ezaugarriak eta bilakaera. Emozioen bilakaera 0-3 urteko neska-mutikoetan. Norberaren ezagutza neska-mutikoetan. Esparru afektiboaren lotura gainontzeko prozesu eta garapenekin. Ikastetxeko faktoreak eta hezitzaileen jarrerak, garapen afektibo egokia bultzatzen dutenak.

24. gaia.-Lotura afektiboa eta egokitze garaian dituen ondorioak. Atxikimendua zer den. Atxikimenduaren sorrera eta bilakaera. Atxikimendu motak. Atxikimendu segurua bultzatzen duten faktoreak. Trantsizio-objektuaren garrantzia eta esanahia. Haurraren eta hezitzailearen arteko lotura sortzea. Egokitze garaia. Egokitze garaia antolatzea.

25. gaia.-Garapen soziala. Hori azaltzen duten teoriak. Haurtzaroko soziabilitatearen bilakaera aztertzea: pertsonak ezagutzea, helduekiko harremanaren bilakaera eta berdinekiko harremanaren bilakaera. Sozializatze prozesuak. Sozializatze agenteak.

26. gaia.-Garapen morala. Moraltasunaren sorrera haurtzaroan. Garapen morala azaltzen duten teoriak. Balioen hezkuntza 0-3 urteko Haur Hezkuntzan.

27. gaia.-Garapen sexuala. Haurraren sexualitatea. Hori azaltzen duten teoriak. Garapen sexualaren faseak 0-3 urteko neska-mutikoetan.

28. gaia.-Sexu hezkuntza. Norberaren sexuaren aurkikuntza eta harekiko identifikazioa. Gizonezko eta emakumezkoen rolen eraikuntza. Hezkidetza.

29.-Hizkuntzaren garapena. Hizkuntza ikasteko parte hartzen duten mekanismoak. Hizkuntzaren funtzioak. Ahozko hizkuntza ikasi eta garatzeko etapak. Hizkuntzaren eta pentsamenduaren arteko harremana. Hizkuntzaren alterazioak.

30. gaia.-Komunikazioa. Komunikazioaren ezaugarriak eta elementuak. Helduaren eta haurraren arteko komunikazio harremana. Hizkuntza aurreko komunikazioa (0-12 hilabete). Ahozkoaz bestelako komunikazioaren garrantzia. Komunikazioaren alterazioak.

31. gaia.-Estrategia nagusiak ahozko adierazpena haurtzaroan garatzeko. Baliabide didaktikoak ahozko adierazpena garatzeko. Ahozko ulermena eta adierazpena bultzatzen dituen hezkuntza lana.

32. gaia.-Elebitasuna eta diglosia. Elebiko hezkuntza. Bigarren hizkuntza eskuratu eta ikasteko teoriak. Hizkuntza egoeren dibertsitatearen analisia: hizkuntza inmertsioa eta sumertsioa. Hezkuntza lana elebitasunaren eta hizkuntza sumertsioaren egoeretan. Neska-mutikoen ama hizkuntzaren tratamendua.

33. gaia.-Gorputzaren esperientzia. Gorputz adierazpenaren ezaugarriak eta garapena. Mugimendua eta gorputz adierazpena. Gorputz adierazpena eta eraginkortasuna. Gorputz adierazpena bultzatzen duten estrategiak. Gorputz adierazpenerako baliabideak.

34. gaia.-Esperientzia musikala. Musika adierazpenaren ezaugarriak eta garapena haurtzaroan. Erritmo eta musika adierazpena garatzeko estrategiak. Musika adierazpenerako baliabideak. Musika entzutea. Musika, hezkuntzaren baliabide.

35. gaia.-Esperientzia plastikoa. Adierazpen plastikoaren ezaugarriak eta garapena haurtzaroan. Adierazpen plastikoa bultzatzen duten estrategiak. Baliabide didaktikoak adierazpen plastikoa garatzeko. Hezitzailearen egitekoa.

36. gaia.-Haur literatura. Ipuinaren balioa hezkuntzan. Ipuin motak eta haien ezaugarriak. Metodologiako estrategiak: hautatzea, kontatzea, irakurtzea, antzeztea, jarduerak ipuinetik abiatuta. Ipuina, ardatz orokortzaile. Ipuinaren txokoa antolatu eta hura erabiltzeko estrategiak. Poesia eta Haur Hezkuntza.

37. gaia.Teknologia berrietako hezkuntza Haur Hezkuntzan. Irudia eta irakaskuntza. Irudiaren eragina haurrarengan. Irudirako hezkuntza. Ikus-entzunezkoak eta Haur Hezkuntza. Haur Hezkuntzako baliabide teknologikoak.

38. gaia.-Jolasa eta garapena. Jolasaren kontzeptua eta izaera. Jolasaren gaineko teoriak. Jolasaren bilakaera 0-3 urteko haurretan. Jolasaren eragina garapen afektibo, sozial, kognitibo eta sentsorio motorrean.

39. gaia.-Jolasa, hezkuntza baliabide. Jolas motak. Espazioaren antolamendua. Estrategiak. Baliabideak. Jolasa bultzatzen duten materialak Haur Hezkuntzan. Hezitzailearen egitekoa haurren jolasean.

40. gaia.-Osasunerako hezkuntza Haur Hezkuntzako ikastetxeetan. Osasunaren eta eritasunaren kontzeptuak: faktore eragileak. 0-3 urteko neska-mutikoen eritasun ohikoenak. Haur eskolako hezkuntza lana eritasun egoeretan. Hezitzailearen egitekoa osasunerako hezkuntzan. Haur Hezkuntzako ikastetxeek bete beharreko baldintzak osasuna bultzatzeko.

41. gaia.-Haurren elikadura. Bilakaera. Haurraren elikagaien beharrak asetzea eta hezkuntzan duen ahalmena. Haurren elikaduraren ezaugarriak eta jarraibideak aztertzea. Elikadura eta harremanak. Elikadura eta kultura. Zailtasunak eta alterazioak elikaduran. Hezitzailearen egitekoa.

42. gaia.-Haurren mantenua. Mantenugaien eginkizunak eta deskripzioa. Elikagaien txandak eta dietak. Elikatzeko nahasmenduen, alergien eta jasanezintasunen ondoriozko beharrei egokitutako menuak.

43. gaia.-Norberaren garbiketa eta higienea. Niniaren zainketa bereziak. Esfinterren kontrola: garrantzia, esanahia, estrategiak, hezitzailearen egitekoa, zailtasunak... Higienea eta harremanak. Higienea eta kultura. Hezitzailearen egitekoa.

44. gaia.-Atsedenaldia eta haurtzaroa. Jardueraren eta atsedenaren arteko oreka. Haurren atsedenaren eta loaren beharrak eta erritmoak bereiztea. Helduak eta loaren inguruko beharrak betetzea. Afektibotasuna eta loa. Loa eta atsedena Haur Hezkuntzako ikastetxean.

45. gaia.-Haurren istripuei aurrea hartzea. Haurren istripu ohikoenak. Haurtzaroko istripuak bultzatzen dituzten faktore eta arriskuak. Haurren segurtasunaren inguruko arriskuei aurrea hartzea. Lehen sorospenak.

46. gaia.-Familia eta eskola. Haur hezitzailearen egitekoe eta jarrerak familiekiko. Familiek Haur Hezkuntzako ikastetxeetan parte hartu eta bultzatzeko ereduak. Gerta daitezkeen zailtasunak familiekiko harremanetan, eta hezitzailearen egitekoa. Familiekiko topaketak antolatzea.

47. gaia.-Dibertsitateari arreta ematea. Hezkuntzaren dibertsitatea eta hezkuntza laguntza behar duten haur eskolako neska-mutikoak. Integrazioaren eta inkusioaren printzipioak. Curriculumetako egokitzapenak. Hezitzaileraren jarrera eta eginkizunak.

48. gaia.-Espainiako 1978ko Konstituzioa: Estatuaren botereak. Koroa. Gorte Nagusiak. Gobernua eta Administrazioa. Botere judiziala Konstituzioan.

49. gaia.-Zuzenbide Publikoaren iturburuak: legeak eta lege motak. Lege dekretuak. Legegintzako foru dekretua. Nazioarteko itunak.

50. gaia.-Administrazio zuzenbidearen iturburuak: erregelamendua eta erregelamendu ahalmena. Erregelamendu motak. Erregelamendu ahalmenaren mugak eta haren kontrola.

51. gaia.-Administrazio egintza (I): kontzeptua, motak eta elementuak.

52. gaia.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

53. gaia.-Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

54. gaia.-Administrazio prozedura erkidea (II): Administrazioarekiko errekurtsoak: printzipio orokorrak eta motak.

55. gaia.-Nafarroako Parlamentua edo Gorteak: osaera, antolaketa eta eginkizunak.

56. gaia-Nafarroako Gobernuari eta Lehendakariari buruzko Foru Legea: Nafarroako Gobernuko lehendakaria hautatzea, izendatzea, ordezkatzea, kentzea eta aldatzea. Nafarroako Gobernua osatzea, izendatzea eta kentzea. Nafarroako Gobernuaren eskumenak.

57. gaia-Nafarroako Foru Komunitateko Administrazioari buruzko Foru Legea: Administrazioaren jardute eta funtzionamendu printzipio orokorrak, ahalmenak eta prerrogatibak. Nafarroako Foru Komunitatearen Administrazioaren ondare-erantzukizuna.

58. gaia.-Nafarroako Foru Komunitateko arartekoa. Comptos Ganbera. Nafarroako Kontseilua.

59. gaia.-Nafarroako Administrazio Publikoen Zerbitzuko Langileen Estatutua (I): langile motak. Funtzionario publikoak hautatzea. Funtzionario bilakatu eta funtzionario izatetik gelditzea.

60. gaia.-Nafarroako administrazio publikoen zerbitzuko Langileen Estatutua (II): karrera administratiboa. Egoera administratiboak. Lanpostuak betetzea. Ordainsariak.

61. gaia.-11/2007 Foru Legea, apirilaren 4koa, Nafarroako Foru Komunitateko Administrazioan Administrazio Elektronikoa ezartzekoa.

62. gaia.-Abenduaren 29ko 21/2005 Foru Legea, Politika Publikoak eta Zerbitzu Publikoen Kalitatea Ebaluatzeari buruzkoa.

Oharra: gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarra duen legeriarekin.

IV. ERANSKINA

Eskualdeen eskabidea

Aldi baterako kontratuetarako izangaien zerrenda

Izen-deiturak:

NAN zenbakia:

Nazionalitatea:

Jaioteguna:

Helbidea:

Herria:

Probintzia:

Posta kodea:

Telefonoak (3 gehienez):

Adierazten dut haur hezitzaileen lanpostuak oposizio-lehiaketa bidez betetzeko deialdian parte hartzeko eskaera egin dudala eta, hautaprobak gainditu baina lanposturik eskuratu gabe geldituz gero, hurrengo eskualdeetako lanpostuak aldi baterako betetzeko aukeratzen ditudala:

A) Eskualde geografiko guztiak:

-Nafarroako eskualde guztiak.

B) Eskualde hauek bakarrik:

-Iruñeko eskualdea.

-Lizarrako eskualdea.

-Corellako eskualdea.

Iruñean, 2009ko ....................aren ..............(e)an.

(Sinadura)

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA. NAFARROAKO ADMINISTRAZIO PUBLIKOAREN INSTITUTUA.

Iragarkiaren kodea: F0918516