I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1035/2009 EBAZPENA, ekainaren 1ekoa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzua erakunde autonomoko zerbitzu anitzetako enplegatu izateko lanpostu huts batzuk merezimendu lehiaketa bidezko lekualdatzeaz esleitzen dituena.
Osasunbidea-Nafarroako Osasun Zerbitzuko zuzendari kudeatzaileak martxoaren 11n emandako 422/2008 Ebazpenaren bidez, Osasunbidea-Nafarroako Osasun Zerbitzua erakunde autonomoan zerbitzu anitzetako enplegatu izateko 31 lanpostu huts merezimendu lehiaketa bidezko lekualdatzeaz betetzeko deialdia onetsi zen. Deialdia 2008ko 48. Nafarroako Aldizkari Ofizialean argitaratu zen, apirilaren 16an.
Epaimahaiak lehiatzaileek erdietsitako puntuazioaren araberako zerrenda igorri du, eta, lanpostu hutsak hautatu ondotik, bidezkoa da horiek esleitzea interesdunen eskaeraren arabera.
Osasunbidea-Nafarroako Osasun Zerbitzuaren Estatutuak onesten dituen uztailaren 3ko 45/2006 Foru Dekretuak eman dizkidan eginkizunak betez,
EBATZI DUT:
1. Ondoren azaltzen diren izangaiei Nafarroako Foru Komunitateko Administrazioaren Osasunbidea-Nafarroako Osasun Zerbitzua erakunde autonomoko zerbitzu anitzetako enplegatu izateko lanpostu huts hauek esleitzea:
-O-NOZko lekualdatze txanda
DIAZ IÑIGO, M.ª ELENA
Bideko Ama Birjina Ospitalea. Lanpostu zenbakia: 69068.
LAYANA ECHEVERRIA, M.ª CRUZ
Osasun Publikoaren Institutua. Lanpostu zenbakia: 067060.
MAEZTU LARA, NIEVES
Nafarroako Ospitalea. Lanpostu zenbakia: 062149.
LOIDI GOÑI, M.ª PILAR
Anbulatorioak eta Ospitalez Kanpoko Laguntza. Lanpostu zenbakia: 068453.
PASCUAL LATORRE, SANDRA
Ubarmin Klinika. Lanpostu zenbakia: 069372.
ALDABA REDIN, ELENA M.
Nafarroako Ospitalea. Lanpostu zenbakia: 061915.
2. Izangaiek hamar egun naturaleko epea izanen dute lanpostuaren jabetza hartzeko, lanpostua esleitzeko ebazpen hau jakinarazi edo argitaratzen denetik hasita. Epe horretan, behar bezala frogaturiko ezinbesteko kasuetan izan ezik, lanpostuaz jabetzen ez badira, esleitu zaien lanpostuan aritzeko eskubide guztiak galduko dituzte.
3. Ebazpen hau Nafarroako Aldizkari Ofizialean argitara dadila agintzea.
4. Ebazpen honen aurka gora jotzeko errekurtsoa jar daiteke, Lehendakaritza, Justizia eta Barneko kontseilariari zuzendua, hilabeteko epean, errekurtsoaren xede den egintza argitaratu edo jakinarazi eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluko 1 eta 2.c) idatz-zatietan xedaturikoarekin bat.
5. Ebazpen hau igortzea interesdunei, Bideko Ama Birjina Ospitaleko Langileriaren zuzendariari, Nafarroako Ospitaleko Langileriaren zuzendariari, Anbulatorioen eta Ospitalez kanpoko Laguntzaren Kudeaketako zuzendariari, Osasun Publikoaren Institutuko Administrazio eta Langileria Ataleko buruari, Ubarmin Klinikako Kudeaketa Zerbitzuko buruari, Langileriaren Kudeaketa, Sarrera eta Barne Igoerarako Zerbitzuko buruari, Osasunbidea-Nafarroako Osasun Zerbitzuko Deialdiak Tramitatzeko Atalari eta Osasun Departamentuko Idazkaritza Tekniko Nagusiari, behar diren ondorioak izan ditzan.
Iruñean, 2009ko ekainaren 1ean.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F0917151
