Iragarkia

75. ALDIZKARIA - 2009ko ekainaren 19a

I. NAFARROAKO FORU KOMUNITATEA

1.3. BESTELAKO XEDAPENAK

1.3.5. Estatutuak eta lan hitzarmen kolektiboak

710/2009 EBAZPENA, maiatzaren 11koa, Arriskuen Prebentziorako eta Lanaren zuzendari nagusiak emana, "Nafarroako enpresa instalatzaileak arlo hauetan: iturgintza, berokuntza, aire-girotzea, suteei aurrea hartzea, gasa eta antzekoak" sektorearen lan hitzarmen kolektiboko 2009ko lansarien berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 39/2009).

Departamentu honetan 2009ko maiatzaren 6an sartu zen "Nafarroako enpresa instalatzaileak arlo hauetan: iturgintza, berokuntza, aire-girotzea, suteei aurrea hartzea, gasa eta antzekoak" sektorerako lan hitzarmen kolektiboaren 2009ko lansarien berrikuspenari buruzko akordioa, negoziazio batzordeak hitzarmen hartan xedaturikoa betez sinatu eta onetsia (hasierako espedientearen zenbakia: 69/2008).

Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,

EBATZI DUT:

1. Nafarroako "Nafarroako enpresa instalatzaileak arlo hauetan: iturgintza, berokuntza, aire-girotzea, suteei aurrea hartzea, gasa eta antzekoak" sektorerako lan hitzarmen kolektiboko (kodea: 3103505) lansarien berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.

2. Ebazpen hau negoziazio batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2009ko maiatzaren 11n.-Arriskuen Prebentziorako eta Lanaren zuzendari nagusia, Imelda Lorea Echavarren.

Iruñean, 2009ko apirilaren 29an.

Nafarroako iturgintza, berokuntza, aire-girotze, suteei aurrea hartze, gas eta antzekoen sektorea. Bildu da hitzarmen kolektiboaren negoziazio batzordea, honako pertsona eta ordezkaritza hauek osatua:

Nafarroako Iturgintza, berokuntza, aire-girotze, suteei aurrea hartze, gas eta antzekoen enpresen elkartearen aldetik

Juan Carlos Zabalza Moreno jauna.

Andrés Aramendia Sanz jauna.

José Antonio Rivas Marín jauna.

Emilio Morales Garzón jauna.

Mariano Cardona Aznar jauna.

Andrés González González jauna.

Javier Sangüesa Pérez jauna.

Luis Soto Alegría jauna.

Aholkulari legelari, Javier Adiego Reta jauna.

Sindikatuen aldetik:

Unión General de Trabajadores (U.G.T.).

Baltasar García Salaverri jauna.

Comisiones Obreras (CC.OO.).

Ana Zapata Aguirre andrea.

Adierazi dute ezen jakinik, INEren ziurtagiriaren bitartez, 2008rako Kontsumorako Prezioen Indize (KPI) erreala % 1,4 dela, behin betiko, ez dela bidezkoa 2008an jasotako lansarien berrikuspena egitea, lehen klausula gehigarriaren 1) atalean xedatutakoarekin bat.

Hori horrela, gaia eztabaidatu ondoren, batzordeko kideek, aho batez

ERABAKI DUTE:

Lehena.-Ez denez gertatu lehen klausula gehigarriko 1) atalean azaldutako kasua, ez da bidezkoa 2008an jasotako lansarien berrikuspena egitea.

Bigarrena.-Hortaz, 2008. urteari dagokion behin betiko lansarien taula da akta honen I. eranskinean agertzen dena.

Hirugarrena.-Hitzarmenaren 8. artikuluan ezarritakoarekin bat, 2008ko abenduaren 31tik aurrera benetan lan egindako urteko lanaldia 1718 ordukoa izanen da.

Laugarrena.-Akordio hau Nafarroako Gobernuko Industria eta Teknologia, Merkataritza eta Lan Departamentura igorriko da, erregistra dadin eta ondoren Nafarroako Aldizkari Ofizialean argitaratu.

Eta hala ager dadin, eta adostasuna frogatuta geratzeko, akta hau prestatu da, bertaratuek sinatu dutena, idazpuruan aipatu toki eta egunean.

UGT CCOO

Nafarroako Iturgintza, berokuntza, aire-girotze, suteei aurrea hartze, gas eta antzekoen enpresen elkartea.

Iragarkiaren kodea: F0915848