I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Publikoaren Eskaintza, oposizioak eta lehiaketak
74/2009 EBAZPENA, maiatzaren 25ekoa, Nafarroako Administrazio Publikoaren Institutuko zuzendari kudeatzaileak emana, maiatzaren 6ko 58/2009 Ebazpenaren II. eranskinean atzemandako akatsa zuzentzeko baimena ematen duena. Ebazpen horren bidez Nafarroako Foru Komunitateko Administrazioaren eta haren erakunde autonomoen zerbitzuko delineatzaile-ofizial izateko hiru lanpostu oposizio-lehiaketa bidez betetzeko deialdia onetsi zen.
Nafarroako Administrazio Publikoaren Institutuko zuzendari kudeatzaileak maiatzaren 6an emandako 58/2009 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko delineatzaile-ofizial izateko hiru lanpostu oposizio-lehiaketa bidez betetzeko deialdia onetsi zen (63. Nafarroako Aldizkari Ofiziala, maiatzaren 22koa).
Akatsa atzeman da deialdiaren II. eranskineko 1. atalean (baloratu beharreko titulu akademikoei buruzkoan); hortaz, bidezkoa da zuzentzea, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 105.2 artikuluan ezarritakoarekin bat.
Horrenbestez, eta Nafarroako Foru Komunitateko Administrazioaren eta haren erakunde autonomoen organoetako langileen arloko eskumenak zehazten dituen otsailaren 21eko 30/2005 Foru Dekretuaren bidez esleituak ditudan eskudantziak erabiliz, azaroaren 5eko 235/2007 Foru Dekretuaren bidez eman zaion idazketaren arabera,
EBATZI DUT:
1. Nafarroako Administrazio Publikoaren zuzendari kudeatzaileak maiatzaren 6an emandako 58/2009 Ebazpenaren II. eranskineko 1. atalean atzemandako akatsa zuzentzea. Hona hemen:
Honela dioen tokian:
"1.-Titulu akademikoak.
Eraikuntza proiektuen garapen eta aplikazioko goi mailako teknikari titulua, Argitalpenen diseinu eta produkzioko goi mailako teknikari titulua edo Proiektu mekanikoen garapeneko goi mailako teknikari titulua izateagatik: 15 puntu.
Aipatutako tituluetako bat besterik ez da baloratuko."
Honela behar du:
"1.-Titulu akademikoak.
Eraikuntza proiektuen garapen eta aplikazioko goi mailako teknikari titulua, Argitalpenen diseinu eta produkzioko goi mailako teknikari titulua edo Proiektu mekanikoen garapeneko goi mailako teknikari titulua edo titulu baliokide bat izateagatik: 15 puntu.
Aipatutako tituluetako bat besterik ez da baloratuko."
2. Ebazpen hau epaimahaiko kideei igortzea eta Nafarroako Aldizkari Ofizialean argitara dadila agintzea, behar diren ondorioak izan ditzan, eta interesdunei ohartaraztea haren aurka gora jotzeko errekurtsoa jartzen ahalko dela, Lehendakaritza, Justizia eta Barneko kontseilariari zuzendua, hilabeteko epean, argitaratu eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.
Iruñean, 2009ko maiatzaren 25ean.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.
Iragarkiaren kodea: F0916432
