II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
ZIZUR NAGUSIA
Araua, 2009ko udako hiri kanpaldien zerbitzua egiteko prezio publikoen gainekoa. Onespena
Zizur Nagusiko Udalak, 2009ko apirilaren 23an egin osoko bilkuran, erabaki zuen onestea 2009ko udako hiri kanpaldien zerbitzua egiteko prezio publikoen gaineko araua.
Argitara ematen da, orok jakin dezan.
Zizur Nagusian, 2009ko apirilaren 28an.-Alkatea, Pedro Huarte Iribarren.
Araua, 2009ko udako hiri kanpaldien zerbitzua egiteko prezio publikoen gainekoa
1. artikulua. Oinarria.
Ordainarazpen hau Nafarroako Toki Ogasunei buruzko martxoaren 10eko 2/1995 Foru Legearen Lehen tituluko III. kapituluaren 2. ataleko 2. azpiatalean xedatuari jarraikiz ezarri da, eta haren 28. artikuluko baimenaren babesean.
2. artikulua. Nork ordaindu behar.
Udal honek antolatzen dituen hiri kanpaldien barnean sartzen diren zerbitzuez baliatzen direnek ordainduko beharko dute arau honetan ezarritako prezio publikoa, horien gainean baita arau hau.
3. artikulua. Tarifak.
Prezio publikoen tarifak hiri kanpaldi honetan egiten diren zerbitzuen arabera ezarriko dira, eta ez dira murriztuko epigrafe bakoitzak iraun behar duen denboran.
I. epigrafea.-Kirol eta aisia jarduerak, genero ikuspegitik:
Izen ematea. Prezioa, gutienez 10 euro eta gehienez 12,5 euro egun bakoitzetik
II. epigrafea.-Jantokia:
Izen ematea. Prezioa, gutienez 5,5 euro eta gehienez 6,25 euro egun bakoitzetik
III. epigrafea.-Haurtzaindegia:
Izen ematea. Prezioa, gutienez 1,25 euro eta gehienez 1,05 euro egun bakoitzetik
4. artikulua. Hobariak.
Aitzineko artikuluko I. epigrafeari (Kirol eta aisia jarduerak) dagozkion tarifak %10 murriztuko dira familia unitate berak bigarren kide baten izen ematea egiten duenetik aitzina.
Murrizketa horiek batera aplika daitezke.
5. artikulua. Kudeaketarako eta diru-bilketarako arauak
1.-Arau honetako prezio publikoa ordaintzeko betebeharra zerbitzua egiten hastetik sortzen da. Hala ere, haren zenbateko osoa aurretik ordaintzeko galdatuko da, zerbitzu horren aitzin, Toki Ogasunei buruzko 2/1995 Foru Legearen 34. artikuluari jarraikiz.
2.-Udalak izendatzen dituen finantza entitateen bidez ordainduko dute prezio publikoa zerbitzu edo jardueren onuradunek.
3.-Prezioa ordaintzera behartuta dagoenari leporatu ezin zaizkion arrazoiak direla eta, ikastaroa edo jarduera egiten ez bada, dagokion zenbatekoa itzuliko zaio.
4.-Entitateak aitzineko atalean aurreikusitako mugaren azpitiko prezio publikoak finkatzen ahalko ditu, horretarako arrazoiak badaude eta horiek gizarte, ongintza, kultura edo interes publikokoak badira. Hori egin ahal izateko, aurrekontuan behar den dirua izendatu beharko da gelditzen den kendura berdindu beharrez.
5. Aipatu epeetan ordaintzen ez diren zorrak premiamendu bidez galdatuko dira, Tributuei buruzko 18/2006 Foru Lege Orokorrean xedatuari jarraikiz.
Iragarkiaren kodea: L0914735
