60. ALDIZKARIA - 2009ko maiatzaren 18a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Nafarroako Administrazio Publikoaren Institutuko zuzendari nagusiak apirilaren 30ean emandako 56/2009 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko psikomotrizista izateko bi lanpostu oposizio-lehiaketa bidez betetzeko.

Nafarroako Administrazio Publikoaren Institutuko zuzendari kudeatzaileak apirilaren 30ean emandako 56/2009 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko psikomotrizista izateko bi lanpostu oposizio-lehiaketa bidez betetzeko deialdia onetsi zen.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena; aipatu estatutua garatu eta betearazteko Sarrera Erregelamendua; gainerako aplikazio arauak; eta deialdi honetako oinarriak.

OINARRIAK

1.-Deialdiaren xedea.

1.1. Deialdi honen xedea da oposizio bidez psikomotrizista izateko 2 lanpostu, funtzionario araubidekoak, B mailakoak, betetzea. Txandak hauetan beteko dira:

-Lanpostu bat txanda irekian.

-Lanpostu bat igoera txandan.

1.2. Deialdiko lanpostu hutsak Nafarroako Mendekotasun Agentziari atxikita daude eta Iruñean dute destinoa. Plantilla organikoan 7939 eta 7941 zenbakiak dituzte.

1.3. Igoera txandako lanpostua, izangaiek hautaprobak gainditzeko behar den gutxieneko puntuazioa atera ez dutelako bete gabe geldituz gero, txanda irekikoari gehituko zaio.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsa eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostua eskuratzeko aukera izanen dute, aurreko lerroaldean adierazitako moduan, deialdi honen 7.2 oinarrian agiriak aurkezteko ezartzen den epea bukatzen denean deialdiaren 2.1.2 oinarriko eskakizun berariazkoak betetzen ez dituzten igoera txandako izangaiek.

1.4. Lanpostuek B mailako ordainsariak izanen dituzte, uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan eta, kasuan-kasuan, aplikatu beharreko gainerako xedapenetan ezarritakoari jarraikiz.

1.5. Gainera, deialdi honen bidez, hautapen prozesua gainditu arren, lanposturik lortzen ez duten izangaiekin zerrendak osatuko dira, Nafarroako Mendekotasun Agentziaren esparruan aldi baterako kontratazioak egiteko.

Izangaien zerrenda hori deialdi honetako 9. oinarrian ezarri bezala prestatu eta kudeatuko da.

2.-Baldintzak.

2.1. Oposizio-lehiaketa honetan onartuak izateko, izangaiek, eskaerak aurkezteko epea bukatzen den egunean eta agiriak aurkezteko epea (deialdiaren 7.2 atalean adierazia) bukatzen denetik lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa, edo Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo, gorakoak izanda, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Unibertsitateko diplomadun titulua, ingeniari tekniko edo arkitekto teknikoarena edo horien baliokidea den beste titulu bat edukitzea, edo eskuratzeko baldintza guztiak betetzea eskaerak aurkezteko epea bukatzen den egunean, edo lizentzia edo ingeniaritza bateko edo arkitekturako lehenengo hiru ikasturteak osorik gaindituak izatea.

Atzerrian lortutako tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisikoa eta psikikoa izatea.

e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun onartua izatea, Nafarroako polizia kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiaren 3.3 oinarriaren laugarren puntuan aipatzen den salbuespena salbuespen, izendatuak izateko proposatzen diren izangaiek deialdiaren 7.2 atalean ezarritako epean eta moduan frogatu beharko dituzte betebehar horiek.

3.-Eskaerak.

3.1. Deialdian parte hartzeko eskaerak Nafarroako Gobernuko Erregistro Orokorrean (Karlos III.aren etorbidea, 2, atalondoa, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 33. Nafarroako Aldizkari Ofizialean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako Aldizkari Ofizialean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdiko eranskinean argitaratutako ereduaren araberakoak izanen dira eta, horietan izangaiek adierazi beharko dute eskatutako baldintza guztiak betetzen dituztela. Eskabide eredua Nafarroako Gobernuaren edozein erregistro bulegotan dago eskuragarri. Internet bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta bai aipu honetatik abiatuta: "Zerbitzuak", "Enplegu publikoa".

3.2. Ezgaitasun aitortua duten izangaiek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Aurreko atalean aipatzen den Interneteko helbidean eredu bat dago egokitzapenak eskatzeko, interesdunen eskura.

3.3. Eskabideari, behar bezala bete ondoren, agiri hauek erantsiko zaizkio:

Bat.-Nortasun agiri nazionalaren fotokopia, edo izangaiaren nortasuna egiaztatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 40 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa:

-Behar den bezala betetako ordainketa-gutunaren bidez, Nafarroako Foru Komunitateko banku entitateetan ordaintzeko. Interneten, deialdiaren iragarkian, arestian aipatutako helbidean ordainketa-gutunaren eredua dago.

-Banestoko (Banco Español de Crédito) 00308124 87 0870002271 kontuan eskudirutan edo bankuko transferentzia bidez ordainduz; horrelakoetan, ordainagirian datu hauek jarri beharko dira nahitaez:

  • Izangaiaren izen-deiturak.
  • NANa/IFZ.
  • Ordainketa zein kontutan egiten den, haren zenbakia.
  • Kontzeptua: oposizioak.
  • Deialdiaren xede den lanpostua.

Honako hauek ez dute tasarik ordaindu beharko:

a) %33ko edo hortik goitiko ezgaitasun aitortua dutenek.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan-eskatzailea dela frogatzeko, enplegu bulegoak emandako agiria aurkeztu beharko du. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo moldaketarako ekintzetan parte hartzeari ere, justifikaturiko kasuetan izan ezik.

Interesdunaren adierazpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Interneten bidez, arestian emandako helbidean.

Hiru.-%33ko edo hortik goitiko ezgaitasun aitortua duten pertsonek organo eskudunak luzaturiko ziurtagiria (jatorrizkoa edo fotokopia konpultsatua) aurkeztu beharko dute, deialdi honen 3.2, 3.3.Bi eta 8. oinarrietan xedatutakoa aplikatzeko.

Lau.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren eskakizunak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Bosgarrena.-Izangaiak II. eranskinean ezarritako baremoaren arabera baloratzeko aurkezten dituen merezimendu guztien egiaztagirien jatorrizkoa edo fotokopia konpultsatua.

3.4. Eskaerak aurkezteko epea ezin izanen da luzatu.

3.5. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Sarrerarako Hautapenaren Zerbitzuko zuzendari kudeatzaileak, Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa) ebazpena emanen du, izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko.

4.4. Izangaiei egotziriko arrazoiengatik baztertzen diren izangaiei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaia kide hauek osatuko dute:

-Mahaiburua: Cristina Arregui Apesteguía andrea, Nafarroako Mendekotasun Agentziako Arreta Goiztiarreko Zentroko Ataleko burua.

-Ordezkoa: Mikel San Julián Resano jauna, Nafarroako Mendekotasun Agentziako San José Zentroko zuzendaria.

-Mahaikidea: María Asunción Monje Jaurrieta andrea, Nafarroako Mendekotasun Agentziako Arreta Goiztiarreko Zentroko psikomotrizista.

-Ordezkoa: María Luz Igoa Irauqui andrea, Nafarroako Mendekotasun Agentziako Arreta Goiztiarreko Zentroko psikomotrizista.

-Mahaikidea: Jesús Vaca Guergue jauna, Nafarroako Mendekotasun Agentziako Arreta Goiztiarreko Zentroko psikomotrizista.

-Ordezkoa: Inmaculada Carrasco Vera andrea, Nafarroako Mendekotasun Agentziako San José Zentroko OLTa.

-Mahaikidea: langileen ordezkari bat, Nafarroako Mendekotasun Agentziako Langile Batzordeak proposatua.

-Ordezkoa: langileen ordezkari bat, Nafarroako Mendekotasun Agentziako Langile Batzordeak proposatua.

-Mahaikide idazkaria: Carlos Arana Aicua jauna, Nafarroako Mendekotasun Agentziako Araubide Juridikoaren Ataleko burua.

-Ordezkoa: Sara Rubio Ibarzo andrea, Nafarroako Mendekotasun Agentziako San José Zentroko fisioterapeuta.

Hautapen probak hasi baino lehen eratuko da epaimahaia.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizio-lehiaketa nola eginen den.

6.1. Oposizio-lehiaketa bi alditan gauzatuko da, lehiaketaldia lehenbizi eta oposizioaldia gero.

6.2. Oposizioaldia 2009ko urrian hasiko da. Izangai onartu eta baztertuen behin betiko zerrenda onesten duen ebazpen berean zehaztuko dira probak hasteko lekua, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.3. Lehiaketaldia:

6.3.1. Epaimahaiak lehiatzaileek alegatutako eta egiaztatutako merezimenduak baloratuko ditu, deialdiaren II. eranskineko baremoari jarraikiz.

6.3.2. Alegatutako merezimendu guztiak agirien bidez frogatu beharko dira izangaiek oposizio-lehiaketa honetan parte hartzeko eskabidea aurkezten duten unean. Agiriak jatorrizkoak zein behar bezala konpultsatuak izanen dira, bestela ez aurkeztutzat joko baitira.

6.3.3. Baremoaren aplikaziorako beharrezkoa den informazio guztia jaso beharko dute agiri horiek. Justifikatu gabeko merezimenduak ez dira baloratuko.

Izangaiek alegatutako merezimenduen gaineko argibideak eta datu osagarriak eskatu ahalko ditu epaimahaiak.

6.3.4. Lehiaketaldia ez da baztertzailea izanen, eta 20,485 puntuko balorazioa izanen du, gehienez ere. Deialdiko II. eranskinari jarraikiz banatuko dira puntuak, honela:

-Egindako zerbitzuak: 8,5 puntu bitarte.

-Prestakuntza: 5,5 puntu bitarte.

-Bestelako merezimenduak: 3 puntu bitarte.

-Hizkuntzak jakitea: 3,485 puntu bitarte.

6.3.5. Epaimahaiak baremoaren atal bakoitzean izangaien merezimenduak baloratuko ditu. Epaimahaiak ez du inoiz aintzat hartuko izangaiak aurretiaz azaldu eta agiri bidez frogatu gabeko merezimendurik, eta ezin izanen du atal bakoitzerako ezarritako puntuazioa baino handiagorik eman.

6.3.6. Lehiaketaldia amaitzen denean, epaimahaiak Nafarroako Gobernuaren iragarki oholean eta web-gunean jarriko du izangai bakoitzak lortutako puntuazioa.

Lehiaketaldiko puntuazioa opsizioaldikoari gehituko zaio, eta emaitza oposizio-lehiaketako puntuazio osoa izanen da.

6.4. Oposizioaldia.

6.4.1. Oposizioak ariketa hauek izanen ditu:

Lehena: gai zerrendako lehen zatiko gaiei buruzko 50 galdera idatziz erantzutea. Galdera bakoitzean erantzun bat baino gehiago eskainiko dira aukeran, baina bat bakarra izanen da egokia. Erantzun okerrengatik puntuak kenduko dira. Epaimahaiak ariketa hori egiteko izangaiek zenbat denbora duten adieraziko du hura hastean.

Bigarrena: gai zerrendako bigarren zatitik zozketaz aterako diren bi gai idatziz garatzea, gehienez ere 4 orduan.

Hirugarrena: ariketa teoriko-praktikoa. Epaimahaiak gai zerrendako bigarren zatian agertzen diren gaiei buruz proposatuko duen kasu praktiko bat ebaztea, gehienez ere hiru orduan.

Bigarren eta hirugarren ariketak plika sistemaren bidez eginen dira.

6.4.2. Oposizioko ariketen balorazioan 50 puntu eman daitezke gehienez, honela banatuak:

Lehena: 7 puntu bitarte.

Bigarrena: 13 puntu bitarte. Gai bakoitzean gehienez 6,5 puntu emanen dira.

Hirugarrena: 30 puntu bitarte.

6.4.3. Oposizioko ariketak baztergarriak izanen dira. Bazterturik geldituko dira horietako ariketa bakoitzean, gutxienez, gehieneko puntuazioaren erdira iristen ez diren izangaiak. Halaber, baztertuta geldituko dira bigarren ariketako gairen batean 0 puntuko kalifikazioa jasotzen duten izangaiak.

6.5. Ariketa bakoitza zuzendu ondoren, kalifikazio-epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo ariketa egiteko tokia, eguna eta ordua, gutxienez 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.6. Ariketa bakoitzerako deialdi bakarra eginen da. Izangaiek nortasun agiri nazionala, pasaportea, gidabaimena edo kalifikazio-epaimahaiaren iritziz identifikaziorako balio duen beste agiriren bat aldean dutela agertu beharko dute. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukatuta, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, deialdiko probak gainditu eta puntuazio altuenak lortu dituzten izangaiak, deitutako lanpostuak adina, izendatzeko proposamenarekin eta espediente osoarekin batera. Proposamen hori Nafarroako Aldizkari Ofizialean argitaratuko da. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Berdinketarik gertatuz gero, hirugarren ariketan puntu gehien lortzen dutenen alde ebatziko da. Eta hala ere berdinduta segitzen badute, bigarren ariketan lortutako puntuazioa hartuko da kontuan.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu beharko dituzte Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo lortzeko eskubideak pagatu direla frogatzen duen gordekinarena, edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuen Prebentziorako Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, zinpeko aitorpen bat aurkeztu beharko dute, beren estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo lortzeko eskubideak pagatu direla frogatzen duen gordekinarena, edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbu, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzun beharra galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Deialdi honen xede diren lanpostuetarako izendatzeko baldintzak eta betebeharrak frogatzeko agiriez gainera, Funtzio Publikoaren Zuzendaritza Nagusiak besteren bat eskatu nahi izanez gero, proposatzen den izangaiari eskatu beharko dio, eta horrek deialdi honen 7.2 oinarrian ezarritako moduan ekarri beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute gainerako izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, 8.2 atalean adierazitako salbuespena salbuespen.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, psikomotrizista lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den araudian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatu epean eta ezinbesteko kasuetan izan ezik, izangairen bat lanpostuaz jabetzen ez bada, Foru Komunitateko Administrazioaren funtzionario izateko eskubide guztiak galduko ditu. Hala bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik bertatik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoetan Sartzeko Erregelamenduaren 42. artikuluan ezarritakoarekin bat eta oinarri honetan ezarritako prozedurari jarraikiz, sartzeko prozeduran ariketa guztiak gainditu arren lanposturik lortzen ez duten izangaiekin zerrenda bat osatuko da, Nafarroako Mendekotasun Agentziaren esparruan aldi baterako kontratazioak egiteko.

10.2. Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpenaren bidez, ariketak gainditu arren lanposturik lortu ez duten izangaien zerrenda onetsiko da. Zerrenda Nafarroako Aldizkari Ofizialean eta Nafarroako Gobernuko iragarki-oholean (Karlos III.aren etorbidea, 2, atalondoa, Iruña) argitaratuko da.

10.3. Sartzeko hautapen prozesuan ateratako puntuazio handienaren arabera erabakiko da zerrendaren ordena. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

10.4. Izangaien zerrendan egoteak ez dakar berarekin interesdunek deialdian ezarritako betebeharrak betetzen dituztela onartzea.

Sarrera prozedurako eskaerak aurkezteko epea bukatzen den egunerako bete beharko dira baldintzak, eta orobat, hautaprobek egin bitarte eta kontratazioaldiak iraun bitarte.

10.5. Funtzio Publikoaren Zuzendaritza Nagusiak Nafarroako Mendekotasun Agentziari igorriko dio zerrenda hori eta erakunde autonomo horrek kontratazioetarako zerrendak kudeatzeko 2000ko urtarrilaren 17an hartu zuen Erabakian xedatutakoaren arabera kudeatuko du.

11.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa jartzen ahal da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren eta oinarrien kontra eta oinarriak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurritu nahi den egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2009ko apirilaren 30ean.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskaera

Nafarroako Gobernua. Lehendakaritza, Justizia eta Barne Departamentua. Nafarroako Administrazio Publikoaren Institutua.

Izen-abizenak: .................................................. jauna/andrea, adinez nagusia, nortasun agiri nazionalaren zenbakia (edo baliokidea den nortasun agiria): ........................, sorteguna: ........................................, sorlekua: ...................., nazionalitatea: ....................., egungo bizilekua: ........................................, karrika: ........................................, posta kodea: ............, telefonoa: ...................., lantokiko telefonoa: .................................

Honako hau azaltzen dut:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko .....lanpostu ................... bidez betetzeko deialdian parte hartzeko onar nazatela eskatzen dudala, behean aipatzen den txandan (deialdia ...... (e)ko ..... zenbakiko Nafarroako Aldizkari Ofizialean argitaratu zen, ..............(e)an).

  • Txanda irekia
  • Igoera txanda (*)
  • Ezgaitasunen bat dutenentzako txanda (*)

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, esparru hauetakoren batean (deialdiko 1. oinarrian ezarritakoarekin bat):

  • Administrazio Erroa (*)
  • Osasunbidea-Nafarroako Osasun Zerbitzua (*)
  • Nafarroako Mendekotasun Agentzia (*)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik bereizia izan eta ez nagoela desgaitua eginkizun publikoak betetzeko.

Deialdian eskatzen den tituluaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean betebehar guztiak betetzen ditudala.

  • Ezgaitasuna dudala eta, horrenbestez, orri bereizi batean adierazten ditudan denbora eta baliabide egokitzapenak eskatzen ditudala.
  • Ezgaitasuna frogatzen duen agiria aurkezten dudala, erakunde eskudun batek emana.
  • Euskararen gaitasun agiria edo ofizialki baliokidea den beste titulu bat aurkezten dudala. (*)
  • Euskara maila neurtzeko proba egitea eskatzen dudala. (*)
  • Frantseseko eta ingeleseko nahikotasun probak egitea eskatzen dudala. (*)

Horrenbestez,

Eskaera hau ontzat har dezatela eta aipatu deialdian onar nazatela eskatzen dut.

Iruñean, 200.........(e)ko .............aren ............(e)an.

(Sinadura)

(*) Bidezko denean bakarrik.

II. ERANSKINA

Merezimenduen baremoa

1.-Egindako zerbitzuak.

a) Deialdiko lanpostuan edo antzeko batean admininistrazio publikoetako zentroetan egindako zerbitzuak: 0,8 puntu urte bakoitzeko.

b) Deialdiko lanpostuan edo antzeko batean entitate pribatuetan egindako zerbitzuak: 0,2 puntu urte bakoitzeko.

Urtebetetik beherako zerbitzualdietan hainbanaketa eginen da. Era berean, lanaldi partzialean egindako zerbitzuak horri dagokion lanaldiaren proportzioan baloratuko dira.

Aurreko ataletako puntuazioak bateraezinak dira zerbitzuak aldi berean egin badira. Halakoetan, aldi horretan lortutako puntuazio altuena hartuko da aintzat.

Atal honetan 8,5 puntu lortzen ahal dira gehienez ere.

2.-Prestakuntza.

a) Unibertsitateko masterra psikomotrizitatearen arloan: 2 puntu.

b) Psikomotrizitateari eta/edo estimulazio goiztiarrari buruzko ikastaroak, 60 ordutik gorakoak: 0,4 puntu, ikastaro bakoitzeko, eta gehienez ere 1,5 puntu.

c) Psikomotrizitateari eta/edo estimulazio goiztiarrari buruzko ikastaroak, 30 eta 60 ordu bitartekoak: 0,15 puntu, ikastaro bakoitzeko, eta gehienez ere 0,75 puntu.

d) Deialdiaren xedeko lanpostuarekin zerikusia duten ponentziak, lanak, komunikazioak eta antzekoak jardunaldietan, biltzarretan eta abarretan aurkeztea: puntu 1 gehienez.

e) Beka edo saria jaso duten lan zientifiko edo ikerlanak egitea, deialdiaren xedeko lanpostuarekin zerikusia badute: puntu 1 gehienez.

f) Lanak aldizkari espezializatuetan argitaratzea, deialdiaren xedeko lanpostuarekin zerikusia badute: puntu 1 gehienez.

g) Sektore publikoan, prestakuntza ekintzak antolatzea eta/edo halakoetan irakasle gisa parte hartzea, ekintzek deialdiaren xedeko lanpostuarekin zerikusia badute: gehienez ere 0,5 puntu.

Ordu kopuru zehatza adierazi ezean, ikastaroak ez dira baloratuko.

d) ataletik g) atalera bitarteko lanen balorazioa, biak barne, Epaimahaiaren irizpidearen arabera eginen da, betiere atal bakoitzerako adierazitako gehieneko puntuazioa gainditu gabe.

d) eta e) ataletako puntuazioa bateraezina izanen da, bietan lan edo azterlan bera edo antzekoa baloratzen bada.

Atal honetan 5,5 puntu lortzen ahal dira, gehienez ere.

3.-Beste merezimendu batzuk.

a) Deialdiaren xedeko lanpostuarekin zerikusia duten beste ikasketa titulu batzuk, deialdian parte hartzeko alegatutakoaz aparte: gehienez ere 2 puntu.

b) Foru Komunitatetik kanpora joateko prestakuntza beka edo egonaldiak, deialdiaren xedeko lanpostuarekin zerikusia badute: gehienez ere 0,5 puntu.

Atal honetako balorazioa Epaimahaiaren irizpideen arabera eginen da, izangaiek aurkezten dituzten agiriak kontuan hartuz.

Atal honetan 3 puntu lortzen ahal dira gehienez ere.

4.-Hizkuntzak jakitea.

Frantsesa, ingelesa edo alemana jakiteagatik, Europar Batasuneko lan hizkuntzak diren aldetik, hizkuntza horietako bakoitzeko 0,85 puntu gehienez.

Euskaraz jakiteagatik: 0,935 puntu bitarte.

Ondorio horietarako, hizkuntza eskola ofizial batek emandako gaitasun agiria edo ofizialki baliokidea den titulua edukiz gero, aurreko ataletan adierazi den gehieneko puntuazioa emanen da.

Titulurik eduki ezik, hizkuntza eskola ofizialean gaindituriko maila bakoitzagatik gehieneko puntuazioaren bosten bat emanen da. Euskararen kasuan, Nafarroako Gobernuak antolatutako ikastaroetan gainditutako urrats bakoitzeko 1/12 emanen da.

Izangai bakoitzak lau hizkuntza horietan zer dakien baloratzeko, Nafarroako Administrazio Publikoaren Institutuak antolatutako azterketak egiten ahalko dira; bost zailtasun maila izanen dira, eta hizkuntza bakoitzari ematen ahalko zaion gehieneko balorazioaren bosten bat emanen zaio maila bakoitzari.

III. ERANSKINA

Gai zerrenda

Lehen zatia.

1. gaia.-Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia.-Zuzenbide Publikoaren iturburuak: legeak eta lege motak. Lege dekretuak. Legegintzako foru dekretua. Nazioarteko itunak.

3. gaia.-Administrazio zuzenbidearen iturburuak: erregelamendua eta erregelamendu ahalmena. Erregelamendu motak. Erregelamendu ahalmenaren mugak eta haren kontrola.

4. gaia.-Administrazio egintza (I): kontzeptua, motak eta osagaiak.

5. gaia.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

6. gaia.-Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7. gaia.-Administrazio prozedura erkidea (II): administrazio errekurtsoak: printzipio orokorrak eta motak.

8. gaia.-Nafarroako Parlamentua edo Gorteak: osaera, antolakuntza eta eginkizunak.

9. gaia.-Nafarroako Gobernuari eta Lehendakariari buruzko Foru Legea.

10. gaia.-Nafarroako Foru Komunitateko Administrazioari buruzko Foru Legea.

11. gaia.-Nafarroako Foru Komunitateko arartekoa. Comptos Ganbera. Nafarroako Kontseilua.

12. gaia.-Nafarroako administrazio publikoen zerbitzuko Langileen Estatutua (I): langile motak. Funtzionario publikoak hautatzea. Funtzionario bilakatu eta funtzionario izatetik gelditzea.

13. gaia.-Nafarroako administrazio publikoen zerbitzuko Langileen Estatutua (II): administrazio karrera. Egoera administratiboak. Lanpostuak betetzea. Ordainsariak.

14. gaia.-Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

15. gaia.-Nafarroako administrazio publikoen kontratuak: araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, sinatu, bete, aldatu eta iraungitzeko arau orokorrak.

16. gaia.-Datu pertsonalen babesa Europan eta Espainian. Printzipioak. Pertsonen eskubideak. Datuak Babesteko Agentzia. Datuen nazioarteko mugimendua.

17. gaia.-Gizarte Zerbitzuei buruzko martxoaren 30eko 14/1983 Foru Legea.

18. gaia.-Minusbaliatuen Integrazio Sozialari buruzko apirilaren 7ko 13/1982 Legea. Jatorrizko printzipioak. Eskubidearen titularrak. Minusbaliatuen prebentzioa. Kudeaketa eta finantzabidea. Lanean integratzea.

19. gaia.-Ezgaitasunak dituzten pertsonen aukera berdintasunari, bereizkeriarik ezari eta denendako irisgarritasunari buruzko abenduaren 2ko 51/2003 Legea. Xedapen orokorrak, aukera berdintasuna eta sustapen eta defentsarako neurriak.

20. gaia.-1971/1999 Errege Dekretua, abenduaren 23koa, Minisbaliotasunaren aitorpena, deklarazioa eta haren mailaren kalifikazioa egiteko prozedurari buruzkoa: artikuluak.

21. gaia.-Nafarroako Mendekotasun Agentziaren antolaketa eta egitura.

Bigarren zatia.

1. gaia.-Funtzionamenduaren, Ezgaitasunaren eta Osasunaren nazioarteko sailkapena.

1. gaia.-Paradigma aldaketa adimen-atzerapenaren kontzepzioan. AARM (American Association on Mental Retardation) elkartearen definizio berria.

2. gaia.-Psikomotrizitatea. Bilakaera, joerak eta egungo joerak.

3. gaia.-Psikomotrizitatea. Garapen eremuak: estimulazio psikomotorra; aparatu psikomotorra erabiltzen berriz heztea.

4. gaia.-Laguntza goiztiarra: aurrekariak, jatorria eta bilakaera historikoa.

5. gaia.-Laguntza goiztiarra: definizioa. Helburuak. Esku-hartzearen mailak. Oinarrizko printzipioak.

6. gaia.-Laguntza goiztiarra: garapenaren azalpen ereduak, laguntza goiztiarrari aplikatuak.

7. gaia.-Kontzepzio teorikoak bilakaeraren psikologian: testuingurua eta garapena. Vygostky.

8. gaia.-Kontzepzio teorikoak bilakaeraren psikologian: testuingurua eta garapena. Wallon.

9. gaia.-Kontzepzio teorikoak bilakaeraren psikologian: Piaget eta ikuspegi kognitiboak.

10. gaia.-Bi urte arteko haurren garapen fisikoa eta psikomotorra. Parte hartzen duten prozesuak. Etapak: ezaugarriak eta unerik esanguratsuenak.

11. gaia.-Bi urtetik sei urte bitarteko haurren garapen fisiko eta psikomotorra. Parte hartzen duten prozesuak. Etapak: ezaugarriak eta unerik esanguratsuenak.

12. gaia.-Sei urte arteko haurren garapen sentsoriala. Sentsazioak eta pertzepzioak. Garapen sentsoriala haurraren garapen integralean.

13. gaia.-Bi urte arteko haurraren garapen kognitiboa. Etapak: ezaugarriak eta unerik esanguratsuenak. Errealitatearen ezagutza, irudikapenaren eta lehenengo kontzeptuen jatorria.

14. gaia.-Bi urtetik sei urte bitarteko haurraren garapen kognitiboa. Etapak: ezaugarriak eta unerik esanguratsuenak.

15. gaia.-Bi urtetik sei urte bitarteko haurraren garapen kognitiboa: arreta eta memoria. Kategorien araberako ezagutzaren eta ezagutza tematikoaren garapena.

16. gaia.-Komunikazioaren eta hizkuntzaren garapena bi urte arteko haurrengan. Hizkuntza agertu eta garatzeko faktore erabakitzaileak. Asmo komunikatiboaren hasiera, ekintza eta baterako arreta.

17. gaia.-Hizkuntzaren garapena, bi urtetik sei urte bitarteko haurrengan. Garapen fonologikoa, semantikoa, morfologikoa, sintaktikoa eta pragmatikoa.

18. gaia.-Bi urte arteko haurraren garapen sozio-afektiboa. Atxikimenduaren teoria haurraren garapen emozionalean.

19. gaia.-Bi urtetik sei urte bitarteko haurren garapen emozionala eta nortasunaren garapena. Horiek azaltzeko teoriak. Norberaren ezagutza. Garapen emozionala: adierazpena, ulermena eta emozioen kontrola.

20. gaia.-Ezagutza soziala eta garapen morala sei urte bitarteko haurrengan. Etapak: ezaugarriak eta unerik esanguratsuenak.

21. gaia.-Ezagutza soziala eta garapen morala sei urte bitarteko haurrengan: sozializatzeko testuinguruak: familia, eskola eta kidekoak. Arauen eta balioen garapena.

22. gaia.-Nerbio sistema zentralaren antolaketa anatomiko eta funtzionala. Neurogarapenaren kronologia. Neuronen plastikotasuna.

23. gaia.-Arrisku biologikoa. Definizioa. Sailkapena. Haurraren garapenean dituen ondorioak. Arreta goiztiarrean esku hartzeko oinarrizko printzipioak.

24. gaia.-Ingurumen eta gizarte arriskua. Definizioa. Sailkapena. Haurraren garapenean dituen ondorioak. Arreta goiztiarrean esku hartzeko oinarrizko printzipioak.

25. gaia.-Nahaste psikosomatikoak bizitzako lehenengo urtean: kontzeptua, etiologia eta tratamendurako orientazio jarraibideak.

26. gaia.-Gorputzetik libratzearen nahasteak: enuresia, enkopresia, idorreria. Definizioa, etiologia eta tratamendurako orientabideak.

27. gaia.-Elikaduraren nahasteak: elikadura arazo txikiak, anorexia, bulimia, obesitatea. Definizioa, etiologia eta tratamendurako orientabideak.

28. gaia.-Haurren depresioa. Alderdi klinikoak. Etiologia. Tratamendua.

29. gaia.-Beldurrak, fobiak eta antsietatearen nahasteak haurtzaroan. Definizioa, sailkapena eta tratamendua.

30. gaia.-Epilepsia eta garunaren malformazioak haurtzaroan. Sailkapena. Garapenean duten ondorioak.

31. gaia.-Prematuritatea eta pisu txikiko haurrak. Kontzeptualizazioa. Garapenean izan ditzaketen ondorioak. Arreta goiztiarrean esku hartzeko oinarrizko printzipioak.

32. gaia.-Adimenaren ezgaitasuna duten haurrak. Definizioa. Ezaugarri ebolutiboak. Psikomotrizitatean esku hartzeko oinarrizko printzipioak.

33. gaia.-Ikusmenaren ezgaitasuna duten haurrak. Definizioa. Etiologia. Ezaugarri ebolutiboak. Psikomotrizitatean esku hartzeko oinarrizko printzipioak.

34. gaia.-Entzumenaren ezgaitasuna duten haurrak. Definizioa. Sailkapena. Ezaugarri ebolutiboak. Psikomotrizitatean esku hartzeko oinarrizko printzipioak.

35. gaia.-Hizkuntzaren nahasteak: sailkapena, ezaugarriak, esku hartzeko printzipio orokorrak.

36. gaia.-Komunikaziorako sistema alternatiboak. Xedea.

37. gaia.-Komunikaziorako sistema handigarriak. Xedea.

38. gaia.-Garapen motorreko nahasteak dituzten haurrak. Definizioa. Sailkapena. Ezaugarri ebolutiboak. Psikomotrizitatean jarduteko oinarrizko printzipioak.

39. gaia.-Haurren perlesia duten haurrak. Definizioa. Ezaugarri ebolutiboak. Psikomotrizitatean esku hartzeko oinarrizko printzipioak.

40. gaia.-Down-en sindromea duten haurrak. Definizioa. Ezaugarri ebolutiboak. Psikomotrizitatean esku hartzeko oinarrizko printzipioak.

41. gaia.-Garapenaren nahaste orokorra duten haurrak. Kontzeptua, Etiologia. Diagnosia. Psikomotrizitatearen arloko esku-hartzearen ezugarriak.

42. gaia.-Autismoaren eremuko nahasteak dituzten haurrak. Psikomotrizitatearen programa baterako oinarriak.

43. gaia.-Atxikipen afektiboaren nahasteak dituzten haurrak. Definizioa. Garapenean dituen eraginak. Psikomotrizitatean esku hartzeko printzipioak.

44. gaia.-Hiperaktibitatea eta jokabidearen nahastea. Definizioa. Garapenean dituen eraginak. Psikomotrizitatearen arloko esku-hartzearen ezaugarriak.

45. gaia.-Ezgaitasun psikikoa duten helduak eta psikomotrizitatea.

46. gaia.-Ezgaitasun aniztasuna. Kontzeptua. Etiologia. Oinaldeko estimulazioa eta estimulazio multisentsoriala.

47. gaia.-Familiaren esku-hartzea arreta goiztiarrean. Kontzeptu-esparrua. Gurasoen eta profesionalen arteko harremana. Familiekin esku hartzeko jarraibide orokorrak.

48. gaia.-Gurasoen eginkizuna garapen goiztiarrean. Jokabide interaktiboak. Haurtxoaren disarmoniak ingurunearekin.

49. gaia.-Ezgaitasun psikikoa duten helduentzako egoitzak. Helburua, eginkizunak eta antolaketa.

50. gaia.-Haurren garapenerako eta arreta goiztiarrerako zentroak. Helburuak. Eginkizunak. Antolaketa.

51. gaia.-Esku-hartzea arreta goiztiarrean. Esku hartzeko ereduak. Arretaren prozesua. Esku-hartzearen faseak.

52. gaia.-Talde lana. Funtzionamendu ereduak. Pisomotrizistaren eginkizunak. Diziplinarteko lankidetza eta zentroen eta zerbitzuen arteko koordinazioa.

53. gaia.-Norberaren garapenerako programa. Definizioa. Helburua. Programaren elementuak. Balorazioaren eta esku-hartzearen arteko lotura.

54. gaia.-Ebaluazioa eta jarraipena psikomotrizitatean. Helburua. Baliabideak. Prozedura.

55. gaia.-Sinboloa eta jolas sinbolikoa. Irudikapena eta sinbolizazioa. Elkarreragina eta sinbolizazioa.

56. gaia.-Jolasa eta jostailua. Jolasa psikomotrizitate-gelan. Jolasa, baliabide terapeutiko gisa.

Oharra: gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarrean den legeriarekin.

Iragarkiaren kodea: F0914957