50. ALDIZKARIA - 2009ko apirilaren 27a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

516/2009 EBAZPENA, martxoaren 6koa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzuan Errehabilitazioko barrutiko fakultatibo espezialista izateko hiru lanpostu huts merezimendu lehiaketa bidezko lekualdatzearen bitartez esleitzen dituena.

Osasunbidea-Nafarroako Osasun Zerbitzuko zuzendari kudeatzaileak urriaren 18an emandako 1687/2007 Ebazpenaren bidez Osasunbidea-Nafarroako Osasun Zerbitzua erakunde autonomoan Errehabilitazioko barrutiko fakultatibo espezialista izateko 3 lanpostu huts merezimendu-lehiaketa bidezko lekualdatzearen bitartez betetzeko deialdia onetsi zen. Deialdia 2007ko 136. Nafarroako Aldizkari Ofizialean argitaratu zen, urriaren 31n.

Epaimahaiak lehiatzaileek erdietsitako puntuazioaren araberako zerrenda igorri du, eta, lanpostu hutsak hautatu ondotik, bidezkoa da horiek esleitzea interesdunen nahiaren arabera.

Osasunbidea-Nafarroako Osasun Zerbitzuaren Estatutuak onesten dituen uztailaren 3ko 45/2006 Foru Dekretuak eman dizkidan eginkizunak betez,

EBATZI DUT:

1. Nafarroako Foru Komunitateko Administrazioaren Osasunbidea-Nafarroako Osasun Zerbitzua erakunde autonomoko Errehabilitazioko barrutiko fakultatibo espezialista izateko 3 lanpostu huts merezimendu lehiaketa bidezko lekualdatzearen bitartez esleitzea izangai hauei:

-Enrique Sainz de Murieta García de Galdeano jaunari lanpostu bat Ubarmin Klinikan (lanpostu zenbakia: 68.877).

-Ana Oyarzabal Zulaica andreari lanpostu bat Bideko Ama Birjina Ospitalean (lanpostu zenbakia: 63.032).

-M.ª Aurelia Mena Mur andreari lanpostu bat Bideko Ama Birjina Ospitalean (lanpostu zenbakia: 67.116).

2. Izangaiek hamar egun naturaleko epea izanen dute lanpostuaren jabetza hartzeko, lanpostua esleitzeko ebazpen hau jakinarazi edo argitaratzen denetik hasita. Epe horretan, behar bezala frogaturiko ezinbesteko kasuetan izan ezik, lanpostuaz jabetzen ez bada, esleitu zaion lanpostuan aritzeko eskubide guztiak galduko ditu.

3. Ebazpen hau Nafarroako Aldizkari Ofizialean argitara dadila agintzea.

4. Ebazpen honen aurka gora jotzeko errekurtsoa jar daiteke, Lehendakaritza, Justizia eta Barneko kontseilariari zuzendua, hilabeteko epean, errekurtsoaren xede den egintza argitaratu edo jakinarazi eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57.1 eta 2. c) artikuluetan xedaturikoarekin bat.

5. Ebazpen hau igortzea interesdunei, Nafarroako Ospitaleko Langileria Zuzendaritzari, Bideko Ama Birjina Ospitaleko Langileria Zuzendaritzari, Tuterako Osasun Barrutiko Langileria Zerbitzuko buruari, Lizarrako Osasun Barrutiko Langileria Zerbitzuko buruari, Ubarmin Klinikako Kudeaketa Zerbitzuari, Osasunbidea-Nafarroako Osasun Zerbitzuko Deialdiak Tramitatzeko Atalari eta Osasun Departamentuko Idazkaritza Tekniko Nagusiari, behar diren ondorioak izan ditzan.

Iruñean, 2009ko martxoaren 6an.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.

Iragarkiaren kodea: F0911814