I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
294/2009 EBAZPENA, otsailaren 26koa, Arriskuen Prebentziorako eta Lanaren zuzendari nagusiak emana, Nafarroako "Okindegiak" sektoreko lan hitzarmen kolektiboa hein batean aldatzeko akordioa, 2009ko otsailaren 17koa, erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 77/2008).
Departamentu honetan 2009ko otsailaren 18an sartu zen "Okindegiak'' sektoreko lan hitzarmen kolektiboa hein batean aldatzeko akordioa, negoziazio batzordeak sinatua. Lan hitzarmena 2008ko 127. Nafarroako Aldizkari Ofizialean argitaratu zen, urriaren 17an (espediente zenbakia: 77/2008).
Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Nafarroako "Okindegiak'' sektoreko lan hitzarmen kolektiboa (kodea: 3105305) hein batean aldatzeko akordioa, 2009ko otsailaren 17koa, erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez diola administrazio bideari bukaera ematen eta honen aurka gora jotzeko errekurtsoa jarri ahal duela Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2009ko otsailaren 26an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO OKINDEGIAK SEKTOREKO
ENPRESEN LAN HITZARMEN KOLEKTIBOA
Iruñean, 2009ko otsailaren 17ko 16:30ean, Nafarroako "Okindegiak" sektoreko enpresen lan hitzarmen kolektiborako negoziazio batzordea bildu da, honako entitate eta ordezkari hauek osatua:
Asociación de Empresarios Fabricantes y Expendedores de Navarra elkartearen aldetik: Enrique Munárriz, Gabriel Lamberto, Javier San Miguel eta Miguel Angel Irañeta.
UGT sindikatuaren aldetik: Victoria Pastor eta Daniel Pérez.
CCOO sindikatuaren aldetik: Maite Pascual.
Adierazten dute:
Kontsumorako prezioen indizearen igoera 2008. urtean %1,4koa izan dela jakinik, Nafarroako Foru Komunitateko Okindegiko enpresendako indarreko lan hitzarmen kolektiboaren 17. artikuluan ezarritakoari jarraikiz, bidezkoa da 2009ko urtarrilaren 1etik abenduaren 31ra bitarterako itundutako igoera aplikatzea. Beraz,
Erabaki dute:
Lehena.-Lansarien taulak, akta honen eranskinean ageri direnak, sinatzea, 2009ko urtarrilaren 1etik 2009ko abenduaren 31ra bitarte, ondorioak izanen dituzte.
Bigarrena.-Hitzarmeneko taulen bi ale Nafarroako Gobernuko Berrikuntza, Enpresa eta Enplegu Departamentura igortzea, jakin dezan. Espresuki eskatuko zaio behar dena xeda dezala, gero erregistratu, gorde eta Nafarroako Aldizkari Ofizialean argitaratu ahal izateko, Langileen Estatutuaren 90. artikuluko 2. eta 3. idatz-zatietan agindutakoari jarraikiz.
Aztertzeko beste gairik ez izanik, bilerari bukaera eman zaio eta akta hau prestatu da, bertaratuek sinatu dutena, idazpuruan aipatu tokian eta egunean.
I. ERANSKINA
Lansarien taulak. Oinarrizko lansaria,
2009ko urtarrilaren 1etik 2009ko abenduaren 31ra
TEKNIKARIAK ETA ADMINISTRARIAK | HILEKO LANSARIA |
Fabrikazioko burua | 1.149,97 |
Tailerreko burua | 1.180,28 |
Bulegoko eta Kontabilitateko burua | 1.105,57 |
Administrari-ofiziala | 1.027,85 |
Bulegoko laguntzailea | 989,93 |
BEHARGINAK: MEKANIZATUTAKO ETA ERDI MEKANIZATUTAKO OKINDEGIETAKO ETA GAINERAKO OKINDEGIETAKO LANGILEAK |
BEHARGINAK | EGUNEKO LANSARIA |
Maisu arduraduna, arduradunaren laguntzailea eta palako ofiziala | 37,26 |
Oratzailea, oradurako ofiziala eta 1. mailako mekanikaria | 36,66 |
Oratzailearen laguntzailea, labezaina, gasista, piztailea eta 2. mailako mekanikaria eta ofiziala | 36,32 |
Espezialista, urgazlea eta 3. mailako mekanikaria | 36,15 |
PRESTAKUNTZAN. LANSARIAK PRAKTIKALDIKO ORDU BAKOITZEKO ETA ORDU TEORIKO-PRAKTIKO BAKOITZEKO |
18 urtetik gorakoa, prestakuntzaldian | 5,57 |
18 urtetik beherakoa, prestakuntzaldian | 3,85 |
BEHARGINAK: ZERBITZU OSAGARRIAK |
BEHARGINAK | EGUNEKO LANSARIA |
Maiordomoa | 36,41 |
Gidari banatzailea | 37,26 |
Dendako saltzailea | 34,49 |
Garbitzaileak | 36,15 |
Kamerako langilea | 36,32 |
II. ERANSKINA
Lansarien taulak. Antzinatasuna eta mekanizazioa
edo erdi mekanizazioa kalkulatzeko oinarriak.
2009ko urtarrilaren 1etik 2009ko abenduaren 31ra
TEKNIKARIAK ETA ADMINISTRARIAK | HILEKO LANSARIA |
Fabrikazioko burua | 546,16 |
Tailerreko burua | 546,16 |
Bulegoko eta Kontabilitateko burua | 546,16 |
Administrari-ofiziala | 487,51 |
Bulegoko laguntzailea | 448,89 |
BEHARGINAK: OKINDEGI MEKANIZATUAK, ERDI MEKANIZATUAK ETA BESTELAKO OKINDEGIAK |
BEHARGINAK | EGUNEKO LANSARIA |
Maisu arduraduna, arduradunaren laguntzailea eta palako ofiziala | 15,96 |
Oratzailea, oradurako ofiziala eta 1. mailako mekanikaria | 15,34 |
Oratzailearen laguntzailea, labezaina, gasista, piztailea eta 2. mailako mekanikaria eta ofiziala | 15,03 |
Espezialista, urgazlea eta 3. mailako mekanikaria | 14,86 |
PRESTAKUNTZAN. LANSARIAK PRAKTIKALDIKO ORDU BAKOITZEKO ETA ORDU TEORIKO-PRAKTIKO BAKOITZEKO |
18 urtetik gorakoa, prestakuntzaldian | 2,28 |
18 urtetik beherakoa, prestakuntzaldian | 1,75 |
BEHARGINAK: ZERBITZU OSAGARRIAK |
BEHARGINAK | EGUNEKO LANSARIA |
Maiordomoa | 15,14 |
Gidari banatzailea | 15,96 |
Dendako saltzailea | 14,86 |
Garbitzaileak | 14,86 |
Kamerako langilea | 15,03 |
Gainerako kontzeptu ekonomikoak
14. artikulua. Aparteko orduen prezioa.
ALDIA | DENDAKO SALTZAILEA | GAINERAKO KATEGORIAK |
2009-1-1etik - 2009-31-12ra | 8,96 | 11,63 |
20. artikulua. Kamerako langilearen plusa
2009ko urtarrilaren 1etik 2009ko abenduaren 31 bitarte: 1,74 euro orduko.
28. artikulua. Aseguruen poliza.
a) Kalte-ordaina, ezgaitasunean
Laneko istripuaren ondoriozko aldi baterako ezgaitasuna: 31.666,50 euro.
b) Kalte-ordaina, hilez gero
Laneko istripuaren ondorioz: 24.516,00 euro.
Iragarkiaren kodea: F0911573
