I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
293/2009 EBAZPENA, otsailaren 26koa, Arriskuen Prebentziorako eta Lanaren zuzendari nagusiak emana, Nafarroako "Okindegiak" sektoreko lan hitzarmen kolektiboaren 2009ko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 17/2009).
Departamentu honetan 2009ko otsailaren 18an sartu zen Nafarroako "Okindegiak" sektoreko lan hitzarmen kolektiboaren 2009ko soldaten berrikuspenari buruzko akordioa, negoziazio batzordeak hitzarmen hartan xedatutakoa betez sinatu eta onetsia (hasierako espedientearen zenbakia: 77/2008).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Nafarroako "Okindegiak" (kode zenbakia: 3105305) sektorerako lan hitzarmen kolektiboaren soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2009ko otsailaren 26an.-Arriskuen Prebentziorako eta Lanaren zuzendari nagusia, Imelda Lorea Echavarren.
AKTA
NAFARROAKO OKINDEGIEN SEKTOREKO
ENPRESETARAKO LAN HITZARMEN KOLEKTIBOA
Iruñean, 2009ko otsailaren 17an, 16:30ean, Nafarroako okindegien sektoreko enpresetarako lan hitzarmen kolektiboaren negoziazio mahaia bildu zen, ondoko entitateek eta ordezkariek osatua:
Asociación de Empresarios Fabricantes y Expendedores de Navarra elkartearen aldetik: Enrique Munárriz, Gabriel Lamberto, Javier San Miguel eta Miguel Angel Irañeta jaunak.
UGT sindikatuaren aldetik: Victoria Pastor andrea eta Daniel Pérez jauna.
CCOO sindikatuaren aldetik: Maite Pascual andrea.
Azaltzen dute:
Nafarroako Foru Komunitateko Okindegien sektoreko enpresetarako lan hitzarmen kolektibo indardunaren 17. artikuluan ezarritakoari jarraikiz, 2008an Kontsumoko Prezioen Indizea (KPI) % ,4 igo dela jakin ondoren, bidezkoa da 2009ko urtarrilaren 1etik abenduaren 31ra bitarteko eperako hitzartutako igoera ezartzea, eta beraz,
Erabaki dute:
Lehena.-2009ko urtarrilaren 1etik abenduaren 31ra bitarte ondorioak izanen dituzten soldaten taulak sinatzea. Taulak akta honi erantsirik daude.
Bigarrena.-Soldaten taula horien bi ale igortzea Nafarroako Gobernuko Berrikuntza, Enpresa eta Enplegu Departamentura, haien berri izan dezan, eta espresuki eskatzea behar den guztia egin dadila erregistratu, gorde eta Nafarroako Aldizkari Ofizialean argitaratzeko, Langileen Estatutuaren 90. artikuluko 2. eta 3. ataletan agindutakoari jarraikiz.
Aztertzeko beste gairik ez izanik, bilerari bukaera eman zaio eta akta hau prestatu da, bertaratuek sinatu dutena, idazpuruan aipatu tokian eta egunean.
I. ERANSKINA
Soldaten taulak.
Oinarrizko soldata 2009ko urtarrilaren 1etik abenduaren 31ra
TEKNIKARIAK ETA ADMINISTRARIAK | HILEKO SOLDATA |
Fabrikazioko burua | 1.149,97 |
Tailerreko burua | 1.180,28 |
Bulego eta Kontabilitateko burua | 1.105,57 |
Administrari-ofiziala | 1.027,85 |
Bulegoko laguntzailea | 989,93 |
BEHARGINAK: OKINDEGI MEKANIZATUAK, ERDI-MEKANIZATUAK ETA GAINERAKOAK |
BEHARGINAK | SOLDATA, EGUNEKO |
Maisu arduraduna, arduradunaren laguntzailea eta palako ofiziala | 37,26 |
Oratzailea, oradurako ofiziala eta 1. mailako mekanikaria | 36,66 |
Oratzailearen laguntzailea, labezaina, gasista, piztailea eta 2. mailako ofiziala eta mekanikaria | 36,32 |
Espezialista, laguntzailea eta 3. mailako mekanikaria | 36,15 |
PRESTAKUNTZALDIAN, PRAKTIKAKO ETA TEORIA/PRAKTIKAKO ORDU
BAKOITZEKO SOLDATAK |
18 urtetik gorakoa, prestakuntzaldian | 5,57 |
18 urtetik beherakoa, prestakuntzaldian | 3,85 |
BEHARGINAK: ZERBITZU OSAGARRIAK |
BEHARGINAK | SOLDATA EGUNEKO |
Maiordomoa | 36,41 |
Gidari banatzailea | 37,26 |
Dendako saltzailea | 34,49 |
Garbiketako langilea | 36,15 |
Ganberako langilea | 36,32 |
II. ERANSKINA
Soldaten taulak. Mekanizazio edo erdi mekanizaziokoen
antzinatasuna kalkulatzeko oinarriak,
2009ko urtarrilaren 1etik 2009ko abenduaren 31ra bitarte
TEKNIKARI ETA ADMINISTRARIAK | HILEKO SOLDATA |
Fabrikazioko burua | 546,16 |
Tailerreko burua | 546,16 |
Bulego eta kontabilitateko burua | 546,16 |
Administrari-ofiziala | 487,51 |
Bulegoko laguntzailea | 448,89 |
BEHARGINAK: OKINDEGI MEKANIZATUAK, ERDI MEKANIZATUAK ETA GAINERAKO OKINDEGIAK |
BEHARGINAK | SOLDATA EGUNEKO |
Maisu arduraduna, arduradunaren laguntzailea eta palako ofiziala | 15,96 |
Oratzailea, oradurako ofiziala eta 1. mailako mekanikaria | 15,34 |
Oratzailearen laguntzailea, labezaina, gasista, piztailea, ofiziala eta 2. mailako mekanikaria | 15,03 |
Espezialista, laguntzailea eta 3. mailako mekanikaria | 14,86 |
PRESTAKUNTZALDIAN, PRAKTIKAKO ETA TEORIA/PRAKTIKAKO ORDU BAKOITZEKO SOLDATAK |
18 urtetik gorakoa, prestakuntzaldian | 2,28 |
18 urtetik beherakoa, prestakuntzaldian | 1,75 |
ZERBITZU OSAGARRIETAKO BEHARGINAK |
BEHARGINAK | SOLDATA EGUNEKO |
Maiordomoa | 15,14 |
Gidari banatzailea | 15,96 |
Dendako saltzailea | 14,86 |
Garbiketako langilea | 14,86 |
Ganberako langilea | 15,03 |
Gainerako kontzeptu ekonomikoak
14. artikulua. Aparteko orduen prezioa.
ALDIA | DENDAKO SALTZAILEA | GAINERAKO KATEGORIAK |
2009ko urtarrilaren 1etik 2009ko abenduaren 31ra) | 8,96 | 11,63 |
20. artikulua. Ganberako langilearen plusa
2009ko urtarrilaren 1etik 2009ko abenduaren 31ra: 1,74 euro orduko.
28. artikulua. Aseguruen poliza.
a) Lan-istripuaren ondoriozko erabateko ezintasunaren kalte-ordaina: 31.666,50 euro.
b) Laneko istripuaren ondoriozko heriotzagatiko kalte-ordaina: 24.516,00 euro.
AKTA
Batzorde Paritarioa Nafarroako Okindegien Sektoreko Enpresen Lan Hitzarmen Kolektiboa.
Iruñean, 2009ko otsailaren 17ko 16:30ean, Nafarroako Okindegien sektoreko enpresen lan hitzarmen kolektiborako negoziazio batzordea bildu zen, ondoko entitate eta ordezkariek osatua:
Asociación de Empresarios Fabricantes y Expendedores de Navarra elkartearen aldetik: Enrique Munárriz, Gabriel Lamberto, Javier San Miguel eta Miguel Angel Irañeta.
UGT sindikatuaren aldetik: Victoria Pastor andrea eta Daniel Pérez jauna.
CCOO sindikatuaren aldetik: Maite Pascual andrea.
Azaltzen dute:
UGT sindikatuak Nafarroako Okindegien Enpresetako Lan Hitzarmen Kolektiboaren 12. artikuluaren azalpena eskatu du, haren testuan ez direlako jaso Eguberriko eta Urteberriko atsedenaldiak.
Erabaki da:
Lehena.-Lan hitzarmenaren 12. artikuluaren egungo testua aldatzea, Eguberriko eta Urteberriko atsedenaldiak jasotzeko, honela:
"12. artikulua. Urteko lanaldia eta lan egutegia.
Lanaldi jarraitua:
Hitzarmen honen lehenengo iraunaldirako (2008ko uztailaren 1etik abenduaren 31ra arte), benetan egin beharreko 1.730 orduko lanaldia ezarri da.
Hurrengo aldietarako, benetan egindako lanaldiaren murrizketa ogitartekorako atsedenaldiaren bitartez eginen da. Izan ere, atsedenaldi hori 30 minutukoa izanen da; denbora horretatik 15 minutu langilearen kontura izanen dira, eta beste 15ak (hitzarmenaren iraunaldiaren amaieran) enpresaren kontura. Atsedenaldi hori benetan lan egindako denboratzat hartuko da.
Murrizketa hori honela eginen da:
2009ko urtarrilaren 1etik abenduaren 31ra bitarte: 10 minutu
egunean.
2010eko urtarrilaren 1etik abenduaren 31ra arte: 2,5"
2011ko urtarrilaren 1etik abenduaren 31ra arte: 2,5"
Lanaldi zatitua:
Zerbitzuak lanaldi zatituan ematen dituzten langileentzat, lanaldiaren iraupena ondoko baldintzekin ezarri da:
2008ko uztailaren 1etik abenduaren 31ra bitarte: 1.798 ordu.
2009ko urtarrilaren 1etik abenduaren 31ra bitarteko aldian: 1.752 ordu.
2010eko urtarrilaren 1etik abenduaren 31ra arte: 1.742 ordu.
2011ko urtarrilaren 1etik abenduaren 31ra arte: 1.730 ordu.
Txanda jarraitu eta aldakorretako lanetako lanaldia:
2008ko uztailaren 1etik 2011ko abenduaren 31 bitarteko aldirako*, txandakako lanetarako lanaldia lanaldi jarraiturako aurreikusita dagoena izanen da, eta benetan lan egindako denbora, era berean, itundutako murrizketaren emaitza izanen da.
Asteko lanaldiak astelehenetik larunbatera iraunen du, eta urtekoa lantoki bakoitzean antolatuko da urte bakoitzari aplikatzen ahal zaizkion lan egutegietan. Lanaldiko soberakina 30 egun naturaleko oporrei egozten ahal zaie, eta gainerakoa, halakorik bada, parekatuei.
Oporretako egun naturalak eta parekatuak oinarrizko soldataren, antzinatasunaren eta mekanizazioko edo erdi-mekanizazioko plusaren arabera ordainduko dira.
Lanaldi mota guztietarako xedapenak:
Hitzarmen honetan itunduta dagoenaren ondoriozko urteko lanaldiaren banaketa, enpresa bakoitzean edo lantoki bakoitzean egindako lan egutegietan horretarako xedatutako baldintzekin eginen da, produkzioaren beharren arabera, eta Langileen Estatutuaren 34.6 artikuluak xedatzen duena kontuan hartuta. Nolanahi ere, legean aurreikusitako atsedenaldiak hartzen ahalko dira, eta laneguntzat hauek hartuko dira:
-Lanaldi jarraituan eta lanaldi zatituan: astelehenetik igandera, astean egun bateko atsedenaldia hartzeko eskubidearekin. Bi astetik behin, atsedenaldia igandean izanen da nahitaez. Jaiegunak ere laneguntzat hartuko dira. Dena dela, txandakako atsedenaldirako egunen kopuru berdinarekin konpentsatzen ahalko dira.
-Txanda jarraitu eta aldakorretako lanaldia: astelehenetik larunbatera.
-Bi lanaldi motetarako 2 eguneko atsedenaldia ezartzen da Eguberrian eta Urte Berrian, hitzarmen honen esparruan ogia egiteko debekuarekin."
Bigarrena.-Akta honen ale bat Nafarroako Gobernuko Berrikuntza, Enpresa eta Enplegu Departamentura igortzea, jakin dezan. Espresuki eskatuko zaio behar dena xeda dezala, gero erregistratu, gorde eta Nafarroako Aldizkari Ofizialean argitaratu ahal izateko, Langileen Estatutuaren 90. artikuluko 2. eta 3. ataletan agindutakoari jarraikiz.
Aztertzeko beste gairik ez izanik, bilerari bukaera eman zaio eta akta hau prestatu da, bertaratuek sinatu dutena, idazpuruan aipatu tokian eta egunean.
Iragarkiaren kodea: F0911621
