Iragarkia

40. ALDIZKARIA - 2009ko apirilaren 3a

I. NAFARROAKO FORU KOMUNITATEA

1.3. BESTELAKO XEDAPENAK

1.3.5. Estatutuak eta lan hitzarmen kolektiboak

315/2009 EBAZPENA, otsailaren 26koa, Arriskuen Prebentziorako eta Lanaren zuzendari nagusiak emana, Nafarroako "Burdingintza eta metalgintza" sektoreko lan hitzarmen kolektiboaren 2009ko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 19/2009).

Departamentu honetan 2009ko otsailaren 24an sartu zen Nafarroako "Burdingintza eta metalgintza" sektoreko lan hitzarmen kolektiboaren 2009ko soldaten berrikuspenari buruzko akordioa, negoziazio batzordeak hitzarmen hartan xedatutakoa betez sinatu eta onetsia (hasierako espedientearen zenbakia: 65/2008).

Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,

EBATZI DUT:

1. Nafarroako "Burdingintza eta metalgintza" sektoreko lan hitzarmen kolektiboaren (kodea: 3106805) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.

2. Ebazpen honen berri ematea negoziazio batzordeari eta adieraztea ebazpenak ez diola administrazio bideari bukaera ematen eta honen aurka gora jotzeko errekurtsoa jarri ahal duela Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2009ko otsailaren 26an.-Arriskuen Prebentziorako eta Lanaren zuzendari nagusia, Imelda Lorea Echavarren.

NAFARROAKO FORU KOMUNITATEKO "BURDINGINTZA ETA METALGINTZA" SEKTOREKO 2008, 2009, 2010 ETA 2011RAKO LAN HITZARMEN KOLEKTIBOAN (2008ko urtarrilaren 19ko Nafarroako Aldizkari Ofiziala) INDARRA IZANEN DUEN BIGARREN URTERAKO (2009) XEDATUTAKOA
APLIKATZEKO AKORDIOA

Iruñean, 2009ko otsailaren 23an.

Bildurik:

Nafarroako Burdingintza eta Metalgintza sektoreko 2008., 2009., 2010. eta 2011. urteetarako lan hitzarmen kolektiboa interpretatzeko batzorde mistoaren lehendakariak zuzendurik, hura osatzen duten kideak bildu dira, Unión General de Trabajadores (UGT) eta Comisiones Obreras (CC.OO.) sindikatuek eta Asociación de la Pequeña y Mediana Empresa del Metal de Navarra (APMEN) eta Asociación Navarra de Empresarios del Metal (ANEM) enpresaburuen elkarteek izendaturik,

Adierazten dute:

Gobernuak 2009rako aurreikusten duen KPIaren zifraren berri ofizialik ez denez, ez dagoela oinarririk urte horretan automatikoki aplikatu beharreko gehikuntza zehazteko, hitzarmenaren 39-A) artikuluaren bigarren epigrafean ezarritakoaren arabera.

Horrenbestez, aipatu 39-A) artikuluaren bigarren epigrafeko bigarren lerroaldean aurreikusitakoa sartzen da jokoan, eta batzorde mistoari dagokio KPIaren datuaren ordez kontuan hartu beharreko zifra, eta horretarako %2ko zifra hartu dute.

Aurreko adierazpenetan oinarriturik, batzorde mistoko kideek

Erabaki dute:

1) 2009rako, 2008an esleituriko batez besteko banakako lansari gordinek, homogeneotasunez eta enpresetan dagoen lansari-egitura aldatu gabe, %2,75eko igoera izanen dute.

2) Lanbide-taldeen lansariak, 18 urtetik gorako langileentzat, salbu eta enpresari prestakuntzako edo praktiketako kontratuen bidez loturik daudenenak, 100eko 3,25eko igoera izanen dutenak, honako hauek izanen dira:

3) Lan hitzarmen kolektiboaren testuko 40. artikuluari dagokionez, pizgarririk ez dutenen osagarria 79,30 euro izanen da hilean.

4) Lan hitzarmen kolektiboaren 41. artikuluaren 1. idatz-zatia honela gelditzen da:

Bakoitzaren errendimendua honako hau izanen da 60 lan egunetan: 68 BEDAUX, 85,25 CREA edo 114,68 C.N.P.

Prestakuntzako edo praktikaldiko kontratu bidez loturik ez dagoen 18 urtetik gorako langile bakoitzaren ordainsari gordina, guztira, goragoko 2) akordioan lanbide-talde bakoitzarentzat ezarritakoa izanen da gutxienez.

5) Jarraibide gisa, hirurtekoek honako balio hauek izanen dituzte:

6) Hitzarmen kolektiboaren 47. artikuluari dagokionez, bidaia eta dietei buruz alegia, honako hauek ezartzen dira:

Dieta osoa 34,88 eurokoa izanen da, salbu eta bidaia hiru egun baino gutxiagokoa bada; izan ere, kasu horretan, dieta 42,47 eurokoa izanen da.

Dieta erdia 20,21 eurokoa izanen da.

7) 2009an prestakuntzan aritzeko kontratatzen diren langileen eta ikastunen ordainsari bakarrari dagokionez, ezin izanen da honako kopuru gordin hauek baino txikiagoa izan:

8) Hitzarmenaren edukiak aldatu gabe jarraituko du indarrrean, aurreko egokitzapenek aldarazten ez duten guztian.

9) Enpresek 2009ko apirilaren 30a arte izanen dute epea, akordio honen aplikaziotik sor daitezkeen lansari-atzerapenen ordainketa erregularitzatzeko.

Eta horrela ager dadin, akta hau egin da, bildu diren erakundeek sinatua, goian aipatu tokian eta egunean.

Lehendakaria, U.G.T., A.P.M.E.N., CC.OO., A.N.E.M

Iragarkiaren kodea: F0911571