I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
314/2009 EBAZPENA, otsailaren 26koa, Arriskuen Prebentziorako eta Lanaren zuzendari nagusiak emana, Nafarroako "Industria siderometalurgikoa" sektoreko lan hitzarmen kolektiboaren 2008ko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena (espediente zenbakia: 18/2009).
Departamentu honetan 2009ko otsailaren 24an sartu zen Nafarroako "Industria Siderometalurgikoa" sektoreko lan hitzarmen kolektiboaren 2008ko soldaten berrikuspenari buruzko akordioa, negoziazio batzordeak hitzarmen hartan xedatutakoa betez izenpetu eta onetsia (hasierako espedientearen zenbakia: 65/2008).
Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Nafarroako "Industria siderometalurgikoa" (kode zenbakia: 3106805) sektoreko lan hitzarmen kolektiboaren soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau negoziazio batzordeari jakinaraztea, eta adieraztea ebazpenak ez diola administrazio bideari bukaera ematen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2009ko otsailaren 26an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO FORU KOMUNITATEKO IDUSTRIA SIDEROMETALURGIKOAREN SEKTORERAKO LAN HITZARMEN KOLEKTIBOAREN 2009. URTERAKO SOLDATEN BERRIKUSPENARI BURUZKO AKORDIOAREN TESTUA
Iruñean, 2009ko otsailaren 23an.
Nafarroako Foru Komunitateko Industria Siderometalurgikoen 2008., 2009., 2010. eta 2011. urteetarako lan hitzarmen kolektiboaren presidentearen zuzendaritzapean, negoziazio mahaia osatzen duten kideak bildu dira, ondoko hauen ordezkariak: sindikatuen ordez: Unión General de Trabajadores (U.G.T.) eta Comisiones Obreras (CC.OO.). Enpresaburuen elkarteen ordez: Asociación de la Pequeña y Mediana Empresa del Metal de Navarra (A.P.M.E.N.) eta Asociación Navarra de Empresarios del Metal (A.N.E.M.), eta
Adierazten dute:
Jakinik 2008ko KPI erreala, behin-behinekoa, %1,4koa izan dela, Nafarroako Industria Siderometalurgikoaren 2008., 2009., 2010. eta 2011. urteetarako hitzarmenaren 39. artikuluko 1. epigrafearen B idatz-zatiko b) paragrafoan eta 2. epigrafrearen A idatz-zatiko 3. zenbakian adostutakoa betetzeko, bidezkoa da beha den soldaten berrikuspena egitea.
Gai horri buruz eztabaidatu ondoren, bertaratutakoek, aho batez,
Erabaki dute:
Lehena: aipatu lan hitzarmen kolektiboaren 39. artikuluko 1. epigrafearen B idatz-zatiko b) paragrafoan eta 2. epigrafrearen A idatz-zatiko 3. zenbakian ezarritakoa gertatu denez, bidezkoa da 2008ko soldaten berrikuspena xedapen haietan ezarri bezala egitea, behin-behinekoz.
Bigarrena: Hitzarmenean soldata igoera hauek erabaki ziren hasiera batez:
1) Soldata errealentzat: %3.
2) Lanbide taldeen soldata bermatuentzat: %3,25.
Dena dela, jakinik 2008. urteko KPI errela behin-behinekoz % 1,4 dela, berrikuspenean %0,6ko atxikipena aplikatuko da.
Halako berrikuspena hitzarmenean aldagarri direla esaten den kontzeptuetan ezarriko da, betiere 2007an zuten batez besteko baliotik eta zenbatekotik abiatuta, horiek oinarritzat hartzen baitira %3 eta %3,25 haiek aplikatzeko.
Hirugarrena: Metalaren Hitzarmenaren 2008. urterako ordainsarien taula, berrikuspena aplikatu ondoren, akta honen eranskinean agertzen da.
Laugarrena: soldaten berrikuspena behin betiko finkatzeko, EINek berretsi beharko du 2008. urteko behin betiko KPI erreala %1,4 dela.
Gero, behin betiko finkatzean, KPI hura handitzen edo gutxitzen bada, enpresek behin-behineko berrikuspenaren ondorioz atxikitako diru-kopuruak doituko dituzte eta 2008ko KPI errealari lotuko zaizkio.
Bosgarrena: Langileei atxikitzen zaizkien diru-kopuruak 2009. urtean gertatzen diren soldata-igoeren konturako aurrerakinak izanen dira, eta ez dira aintzat hartuko 2009ko soldata-igoera finkatzeko oinarria zehazteko orduan.
Eta horrela ager dadin, akta hau egin da, bildu direnek sinatua, goian aipatu tokian eta egunean.
Presidentea, APMEN, UGT, ANEM, CCOO.
Nafarroako "Industria Siderometalurgikoa" sektoreko lan hitzarmen kolektiboaren ordainsarien taula, 2008ko abenduaren 31ko datarekin, 39. artikuluko 1. epigrafearen B idatz-zatiko b) paragrafoan eta 2. epigrafrearen A idatz-zatiko 3. zenbakian aurreikusitako soldaten berrikuspena egin ondoren
| BERRIKUSPENAREN AURRETIK EUROTAN | BERRIKUSPENA EGINDA, EUROTAN |
39. ARTIKULUA | 7. taldea | 17.535,40 euro | 17.433,50 euro |
6. taldea | 18.440,93 euro | 18.333,77 euro |
5. taldea | 18.934,54 euro | 18.824,51 euro |
4. taldea | 19.511,08 euro | 19.397,70 euro |
3. taldea | 20.169,65 euro | 20.052,44 euro |
2. taldea | 20.745,88 euro | 20.625,33 euro |
1. taldea | 21.322,22 euro | 21.198,22 euro |
40. ARTIKULUA Pizgarri ezaren plusa | 77,64 euro | 77,18 euro |
44. ARTIKULUA Antzinatasuna | Hiruhilekoetako gutxieneko balioak |
1. hirurtekoa: | 123,07 euro | 122,35 euro |
2. hirurtekoa: | 246,12 euro | 244,69 euro |
3. hirurtekoa: | 430,66 euro | 428,15 euro |
4. hirurtekoa: | 553,58 euro | 550,35 euro |
5. hirurtekoa: | 614,92 euro | 611,33 euro |
6. hirurtekoa: | 800,04 euro | 795,38 euro |
7. hirurtekoa: | 861,23 euro | 856,21 euro |
8. hirurtekoa: | 922,76 euro | 917,39 euro |
Hortik aurrerakoak: | 63,09 euro | 62,73 euro |
47. ARTIKULUA Bidaiak eta dietak | 34,15 euro | 33,95 euro |
41,59 euro | 41,34 euro |
19,78 euro | 19,67 euro |
48. artikulua, A idatz-zatia Prestakuntzarako langileen soldatak | | |
Lehen urteko prestakuntzako langileak | 518,16 euro | 515,14 euro |
Bigarren urteko prestakuntzako langileak | 615,12 euro | 611,54 euro |
Iragarkiaren kodea: F0911570
